رواية طفلة هزت كيان فرعون الفصل السادس 6 - بقلم مروة موسي

فرعون بخبث: تبيع اختك الليلة دي بكام؟ نور بصدمة ونظرت لعصام لأنه كلب فلوس وممكن يبيع أخته فعلاً. عفاف بصدمة: يعني إيه؟ عادل بابتسامة على جنب: يعني الباشا يقضي معاها الليلة دي بكام؟ عفاف بتحط إيديها على قلبها وبتصرخ: بنتي! فرعون: ها هتسعروها ولا أسعرها أنا؟ عصام بطمع: اللي أنت شايفه. نور انصدمت من أخوها، وكذلك عفاف. هما عارفين إنه كلب فلوس بس مش لدرجة أخته. فرعون: ٥٠ ألف حلو ليكوا، وهي والفلوس هتكون في بيتكم بكرة.

وأمر عادل بأنه يخرجهم. وخرجوا بالعافية، وعصام الفلوس عمت عيونه وخايف من تهديد فرعون له. صفاء: سمعت وشوفت اللي أنا شوفته. رامي: أيوه يا خالتي سمعت، بس البت طيبة شكلها، وأمها مش عارفة تعمل إيه. صفاء: إحنا هنصطاد في الماية العكرة يا حبيب خالتك. بدل ما يقضي ليلة معاها، تبقى أكتر. رامي: البت شكلها عجبتك. صفاء: أهي اللي زي دي ملهاش ولا سند ولا حد يقف لينا على حاجة. فرعون سحب نور لحد جناحه. نور جسمها

بيترعش والدموع في عينيها: أبوس إيدك سبني، والله مش هقف في طريقك تاني. فرعون وهو بيصب خمرة: مهو دا علام ليكي عشان تفضلي فكراني ومتنسيش فرعون وجبروته. نور اترمت تحت رجله: هتدمرني وترتاح بعد كده، صح؟ لكن بعد النهاردة كده هكون بموت بالبطيء. فرعون نزل لمستواها وحط عيونه في عيونها، وهي خافت من نظراته: دا المطلوب، إني أموتك بالبطيء عشان فكرتي بس تقفي في طريقي. مد لها كأس من الخمر لتشربه.

نور بكل قوتها مسكته ورمته في وشه وجريت، لكن هو كان أسرع منها. مسكها من شعرها. فرعون بغضب: الظاهر إن الكلام مش نافع معاكي. وضربها جامد لحد ما بقت شبه مغمي عليها وفمها ينزف بالدماء، ومبقتش حاسة بنفسها خالص. صفاء: سامع يا واد يا زفت، شكل فرعون زهق. رامي: أنا قلبي وجعني على البت دي أوي. صفاء: ألف سلامة من وجع قلب يخويا. وجعك من إيه؟ على أساس أول واحدة تيجي هنا كان متجوز وبيدخل حريم قدام عيون مراته البيت.

رامي: مش عارف، بس حاسس إني عارف البت دي. صفاء: عارفها منين بس؟ اسكت أنت وخلينا نفكر في حاجة تفضل معانا هنا وتساعدنا في موضوع فرعون. رامي: دي بعد الليلة اللي هيقضيها معاها دي، هتكون عاوزة تنتقم منه وتشفي غليلها منه. ومش هيكفيها إنها تخسره فلوسه. صفاء: جدع، عشان كده مش عاوزين نضيعها من إيدينا ونستغل الفرصة. رامي: اللي عاوز أعرفه فرعون شغال إيه؟

صفاء: دي الحاجة اللي عاوزة أعرفها بردوا. محدش يعرف عن فرعون حاجة خالص، ولا يقدر حد يعرف حاجة. رامي: طيب يلا ننام، تصبحي على خير. عفاف طول الطريق تصرخ موجوعة على بنتها وتدعي على عصام، ورفضت إنه يدخل البيت ورمت كل حاجة تخصه على السلم. عدى الليل، ونور بدأت تحس بنفسها. لقت نفسها على سرير، خافت خافت على نفسها وخافت تفتح عيونها تلاقي نفسها في وضع مش كويس، لكن كانت لا حول ولا قوة بها.

استجمعت قوتها وفتحت عيونها. لقت نفسها بدون ملابس، والملاية عليها. قعدت وغطت نفسها، والدموع من عيونها جفت. ووجدت بعض قطرات الدماء على الفراش. حست إنها كده خلاص، فرعون ساب بصمته عليها، والبصمة دي عار ليها. لقت فرعون طالع من الحمام وبينشف شعره، ووقف قدام المراية يكمل لبسه وسرح شعره وكان بيصفر في الغرفة. ووقف قدامها، وكانت شبه سرحانة في موقفها. ورمي على وشها فلوس ونزل وسابها.

البريئة فضلت كتير لحد ما فاقت من سرحانها وانهارت. وحاولت تقوم تلبس ولبست بالعافية، وبتحاول تقف على رجليها شبه مشلولة، وبتنزل، لكن فقدت الوعي ووقعت من على السلم. صفاء كانت قاعدة تحت: يالهوي! الحقوني! حد يلحقني! الخدم كلها جريت عليها، وحاولت تشيلها. رامي: أنا هطلب دكتور. صفاء بذكاء: لأ، على المستشفى. رامي: بس دي... صفاء بمقاطعة: هتفهم بعدين. وخدوها على المستشفى، وصفاء اتصلت بفرعون. فرعون: أيوه، خير.

صفاء: خير يا ابني، أنا لقيت بس واحدة معرفهاش نازلة من فوق ووقعت من على السلم، وهي حالا في المستشفى. فرعون بغضب: إنتوا مين اللي خلاكوا تعملوا كدا؟ أنا هولع فيكوا كلكوا. وقفل السكة. اتصل بعادل وكلمه وقاله يجيله على المستشفى. فرعون طلع على المستشفى، دخل وسأل على الاسم وطلع ليها. ولقى رامي واتنين من الخدم معاه. ومكنتش صفاء معاهم لأنها فاهمة هي بتعمل إيه. فرعون: رامي، أنت اللي جبتها هنا؟

رامي: لأ يباشا، دا صفاء هانم اللي أمرتني بكدا. فرعون: طول عمرك دلدول ليها. إخفي. امشي وخد الاتنين دول معاك. عادل طلع له، واداله ورقة. ولقى الدكتور خارج. فرعون: هتخرج إمتى؟ الدكتور: دي حالة لازم يبلغ عنها البوليس، لأنها منهارة ومفيش أي مهدأ جايب نتيجة. ومن كلامها بتقول: اغتصبني، اغتصبني، وبتعيط وهتموت مننا. فرعون مسك الدكتور من هدومه و...