رواية طفلة هزت كيان فرعون الفصل السابع 7 - بقلم مروة موسي

فرعون مسك الدكتور من هدومه واتكلم: انت اكيد اتجننت؟ تبلغ مين؟ ومفيش واحد بيغتصب مراته. الدكتور بخوف ورعب منه: أنا... أنا معرفش يا أستاذ. فرعون: اسمي فرعون. ودا عقد جوازنا من سنة فاتت. وطلع له ورقة تثبت كدا. الدكتور استغرب الاسم جدا وشاف الورقة وسكت. فرعون: لازم تخرج معايا حالا. الدكتور: مينفعش دي ممكن تموت فيها. فرعون طلع مسدسه ووجهه على دماغ الدكتور: ها؟ أنا قولت تطلع، وحالا هتطلع. ولا أشوف تصرفي معاك إيه؟

الدكتور بينفد بجلده: حاضر. حالا هتطلع، بس اتفضل تحت أمضي على الإقرار وادفع الفلوس تحت. فرعون أمر عادل ينزل مكانه. صفاء لرامي والخدم: فين البت؟ رامي: فرعون طلب مننا نمشي وكان زهقان. ربنا يستر لحسن ليلتنا هتبقى سودة. صفاء: والله أنا ميهمنيش دا قد ما هتبقي البت رجعت معاه. رامي: ليه خليتيها تروح المستشفى؟ صفاء بذكاء: لأن ساعتها هيشوفوا حالتها. وبيقولوا سين وجيم ومين عمل كدا؟

ومواضيع فرعون عشان يطلع منها أكيد هيكتب عليها عند مأذون في أسرع وقت. دا لو مكنش عمل كدا لحد حالا. بس لو كان بقي جبنا دكتور هنا، كانت ساعة وهتمشي. كدا أنا ضمنت رجوعها مع فرعون. رامي: دماغك دي ذرية. والله تسلم دماغك يا خالتي. صفاء: لو كانت أمك الله يرحمها سمعت كلامي ومتجوزتش واحد فقير، مكنش نهايتها الموت من الجوع والمرض. رامي: الله يرحمها بقي. عفاف طلعت على القصر وبتجري. صفاء: في إيه يا ولية؟ عفاف بانهيار: بنتي فين؟

الراجل ابنك دا عمل فيها إيه؟ حسبي الله ونعم الوكيل فيه. صفاء: إنتي بتدعي على ابني قدامي يا قرشانه؟ عفاف: من حرقة قلبي على بنتي. نفسي أشرب من دمه. فرعون وهو شايل نور على دراعه: بنتك أيامها السودة لسه هتبدأ. عفاف: أبوس إيدك بنتي مالها؟ هي مش بترد ليه؟ فرعون طلعها في جناحه ونزل: بنتك بقت بتاعتي خلاص. بقت مراتي. يعني محدش له حاجة عندي. عفاف: إنت إزاي تعمل كدا؟ إنت معندكش قلب؟ فرعون وهو ماسك الفلوس قيمتها ٥٠ ألف:

لا معنديش. ومن هنا ورايح انسي إن ليكي بنت. اعتبريها ماتت. وخذي دول ٥٠ ألف واطلعي برا بالذوق. طلعت المسكينة وقلبها موجوع جدا على بنتها ومفيش في إيدها حل ومحصورة على ابنها اللي كل همه الفلوس. فرعون لصفاء: عارف إنك اللي أمرتيهم ياخدوها على المستشفى. عشان كدا مش هعاقبك عقاب كبير. عقابك إنك طول الشهر زيك زي الخدم ومسحوب منك كل حاجة تخص الهانم. عشان تاني مرة تفكري في اللي يفيدني مش اللي يفيدك. وسابها وطلع. رامي:

هو عارف إنك بتخططي لأي؟ معني كلامه كدا يا خالتي. صفاء بغضب لأنها مكنتش متوقعة عقابه ولا متوقعة كلامه: اخرس يا وش النحس. طلع فوق لقي نور نايمة لسه مفقتش ووشها كله دماء وآثار ضرب. جاب دورق ماية ورماه عليها. اتفزعت من مكانها ووقعت على الأرض. نور أول ما شافت فرعون ضمت رجليها واستخبت فيها من خوفها منه. فرعون: دا المنظر اللي عاوزك فيه دايما. عشان تعرفي مين فرعون باشا. نور بتهته: ع... عاوزة ماما. فرعون: أمك مين؟

مبقاش ليكي أم ولا أخ. وأمك مخدتش تمنك، بس أخوكي بياخدهم من عادل حالا تحت. نور: عاوزة ماما... عاوزة ماما. حرام عليك خليني أمشي. إنت خدت اللي عاوزه مني ودمرتني. سبني أمشي. فرعون وهو بيطلع هدوم من دولاب لونه أسود: تمشي فين؟ متعرفيش إن غلط لما الست تسيب بيت جوزها وتمشي. نور: بيت جوزها؟ فرعون: أيوا طبعا. ما أنا كتبت عليكي عند المأذون. نور: إنت... إنت... وفقدت الوعي تاني. فرعون سابها زي ما هي ولبس ونزل. فرعون للخدم:

البيت يكون كويس لأن معايا ضيوف جاية بالليل. وانتي يا صفاء جهزي الأكل. والغلطة بغلطة أكبر. وانتي مكانتك كبيرة عندي، فعقابك هيبقى كبير يا حلوة. وطلع من البيت. صفاء بدأت تنضف معاهم لأنها عارفة إن كل ركن في القصر تحت سيطرة فرعون. طلعت لحد جناح فرعون ومقدرتش تقرب منه لأنه ممنوع الدخول فيه. نزلت تعمل الأكل وتلوم نفسها على اللي بقت فيه لحد آخر الشهر. عادل لفرعون:

رجالة المافيا جاية النهاردة مصر. وأكيد جوري هتقضي الليلة في القصر. فرعون: أكيد. عشان كدا القصر مهيأ لكل حاجة. عادل: كفاية على نور كدا. فرعون: خليها تعرف قيمتها. عادل: عارف إن محدش يجرأ يكلمك في الموضوع. وعشان أنا عارف قيمتي عندك بقولك كفاية عليها. إنت مشوفتش وشها عامل إزاي؟ غير كدا إنت أخدت اعز ما تملك يا عز. فرعون: متتقليش ي عز. أنا فرعون. عادل: فرعون قدام الناس والكل، لكن قدامي وقدام نفسك هتفضل عز. فرعون:

عز كان طفل ضعيف ومات من ساعة موت أبوه. وصفاء عمرها ما هتبقى فاضية ليا. طول عمرها اهتمامها الأول والأخير هو الفلوس وبس. عادل: إنت من ساعة موت أبوك وإنت شايفه وشايف حقه بيضيع. ومرجعش غير لما رجعته إنت. فرعون:

عمي الكبير قتله. وأمي كانت واقفة شاهدة وخبت الحقيقة. من ساعتها بعاملها كشخص عادي مش أمي. لأن لما كبرت لقيتها سبب في قتل أبويا عشان تاخد فلوسه. لولاك إنت من صغرك مع أبويا كتبت كل حاجة ليا في الوقت المناسب. عشان كدا صفاء تقتلني وتاخد فلوسي وميهمنيش أنا مين. عادل:

لولا فضل أبوك عليا مكنتش عملت دا كله. ولا فضلت معاك ولا خليتك فرعون يا عز. وعارف إن إيدك في كل حاجة. بس لازم بين الوقت والتاني تعرف إن لسه عز موجود وفرعون موجود بردوا. فرعون: حاضر. جهز عربيات تجيب الرجالة من المطار وجوري تيجي للقصر. أنا مروح. عصام في الجانب الآخر خد الفلوس من عادل. وطبعا بيشرب مخدرات. وعفاف كل دقيقة تفتكر حالة بنتها ومفيش في إيدها حاجة غير إنها بتدعي ترجع ليها بالسلامة.

نور فاقت وبدأت تقوم وتخرج من الغرفة. حست بإرهاق رجعت تاني. سمعت صوت فرعون تحت خافت وقعدت مكانها وعيونها منتفخة من العياط. فرعون طلع الجناح لقاها: الأكل تحت، عاوزة تاكلي اطحمي. مش عاوزة يبقي أحسن. وعلاجك جمبك. واعرفي إن اللي بياخد مضاد حيوي كتير من غير أكل بيعمل مضاعفات سلبية. ياريت تعمليها ونخلص. نور كانت هتتكلم لكن افتكرت إنه ممكن يأذيها تاني. سكتت. ولقت فرعون بيفتح الباب وبيدخل واحدة في الأوضة و.....