رواية طفلة للبيع الفصل الحادي عشر 11 - بقلم صباح غمري

روفيدة بغباء و تهور: لا شمس موجودة، رجعت مصر. هناء دخلت فجأة قطعتهم: روفيدة قومي شوفي أختك. محمد مسكها من إيديها بزعيق: استني هنا، قوليلي شمس فين بقيت. روفيدة بصدمة: هو إيه اللي حصل يا بابا، مش أنت اتغيرت. محمد بضحك: إنتي هبلة أوي يابت، أنا أكتر واحد بكرهكوا إنتي وأمك وإخواتك. لسه هيضربها، هناء مسكت إيده: هناء: أوعي إيدك تتمد على حد من عيالي، اللي كانت بتسكت من زمان إنسي إنها تسكت تاني.

محمد: والله عال وبقيتي ترفعي صوتك كمان. ولسه هيتهجم عليها، محمد مسك قلبه: محمد: آآآآه، آآآآه. روفيدة حضنت أمها وفضلت تبص عليه، لحد ما وقع من طوله. روفيدة بدموع: هو إيه اللي حصل. هناء قربت منه تشوف النبض: هناء: تقريبًا ربك افتكره، اتصلي بالإسعاف. *** حاتم: يعني فجأة كدا، هتتنازلي عن حقك! شمس بصتله: عشت حياتي كلها في سباق ومتاهات وقتل وحزن، تعبت أنا عايزة أرتاح، عايزة أشوف حياتي أنا وابني وأتبسط يا حاتم.

حاتم: وهتسبينا؟ شمس: عمري ما هسيبك انت وساندي، كلنا هنفضل سوا. حاتم: ناويه على إيه. شمس: هعمل شركتي وهبدأ فيها، وفيه شريك هيدخل معايا وانت كمان هتكون معايا. حاتم: مين الشريك ده؟ شمس بابتسامة: هتعرفوا قريب. *** بعد مرور خمس شهور. يوسف: يعني أنا بعت كل الأسهم بتاعتنا، وهنبدأ من جديد لوحدنا، بعيد عن كل المشاكل بتاعت مرات أبويا وأرفهم. والدة يوسف: من غير ما تقولي كدا يا يوسف؟ ، وافرض معرفتش.

يوسف: زي ما بدأنا من الصفر، هنبدأ تاني، إيه المشكلة يا ماما. والدة يوسف حضنته: حبيبي أنا عندي اللي يكفيني وميهمنيش إنك تشتغل وتتعب، أنا عاوزاك بس ترتاح. يوسف: وأنا هكون مرتاح. *** شمس بضحك: يا مالك مش هتبطل مزاولة في ماما بقيت. مالك: تؤ تؤ. شمس بضحك أكتر: طب إنت عارف إن مامي بتحبك قد إيه، بطل شقاوة بقى واسمع الكلام، أنا هنزل ومش هتأخر خالص، اتفقنا، متغلبش ساندي. ساندي وكانت قاعدة مصدومة: متقلقيش.

شمس: إيه يا ساندي مالك. ساندي: أنا مش مصدقة. شمس: مالك اتكلم. ساندي: أنا حامل تاني. شمس بفرحة: مبروك يا روحي، ربنا بيعوضك. ساندي بحزن: بس أنا خايفة، صحيح أنا سامحته بس خايفة منه. شمس قربت منها بهدوء: مش هتلاقي حد يحبك زيه أبدا يا ساندي صدقيني. ساندي: إنتي رأيك كدا، بجد؟ حاتم من وراها: وهي دي فيها كلام، أنا من غيرك مقدرش أتحرك، مش عاوزة تقوليلي بردو؟ ساندي التفتت بفرحة: أنا حامل يا حاتم.

حاتم شالها بفرحة: أنا مبسوط وأوعدك إني هحافظ عليكي وعليه. شمس: يلا أنا نازلة، وغمزت لساندي، هسيبكوا أنا بقى بس متنسوش مالك. ساندي بخجل: بطلي. *** رجعت هي لمكانهم تاني، الأول ما رجعت شافته فيه، نفس الكرسي تحت الشجر. هو بفرحة: أنا بحبك. وقرب منها، إيده بهدوء ومسك إيديها. شمس: إنت بتكلم جد؟ يوسف: صدقيني بحبك أوي. شمس: هنبقى سوا دايماً صح؟ يوسف: عشان نبقى سوا، لازم حاجة مهمة أوي. شمس: إيه هي. يوسف

مسك إيديها وضمها لحضنه: تتجوزيني؟ شمس بفرحة: بجد، طب ومالك. يوسف: هيكون في عنيا، وهننسي كل حاجة ونبدأ، وهنأسس شركتنا وحياتنا. شمس بحب: أنا بحبك أوي وموافقة يا يوسف. *** يوم افتتاح الشركة. يوسف في الاجتماع: أنا كل حاجة هوصلها وهحققها هيكون بفضل مراتي، وبفضل أخويا وحبيبي حاتم، وأتمنى من كل الموجودين يكونوا سبب كبير في نجاحي. روفيدة بضحك: وأنا ماليش لازمة ولا إيه. شمس ضحكت: أكيد انتي كمان يا حبيبتي.

يوسف: يلا كله يشوف شغله، وربنا يوفقكم. بعد ما الكل خرج. شمس: وكمان فيه حاجة صغننة خالص. يوسف: إيه هي. شمس: فيه نونو جاي لمالك. يوسف بفرحة شالها ولف بيها: إنتي عشقي، عشق يوسف وروحه.