رواية طفله ارهقت رجولتي الجزء الثالث الفصل السابع 7 - بقلم ملك ايمن

دخل واتصدم ببسمة واقعة وعائشة بتحاول تفوقها، جري عليها جزئها اللي فوق على رجله وضربات خفيفة على خدها، ويونس بيقيس النبض. يونس: لازم مستشفى. غيث: لو سمحت يا أسر ابعد. وشال بسمة ونزل، والكل وراه. تسريع الأحداث، وصلوا المستشفى ودخلت طوارئ. غيث: أنت السبب. عمر: غيث. غيث: أيوه أيوه هو السبب، مفيش حاجة وحشة إلا وعملها لها. يونس: مش وقت الكلام ده. عائشة: يارب يارب يا منجي نجي من المهالك يارب.

بسنت: عائشة اهدي يا حبيبتي جسمك كله بيترعش. عمر راح لها: لو سمحتي يا بسنت هاتي لها ميه. بسنت: حاضر. وراحت تجيب ميه من الكافتيريا. عمر وقف قدامها، ميقدرش يلمسها. عمر: ممكن تهدي، بسمة هتكون كويسة صدقيني. عائشة: إيه اللي حصلها دي ما كانتش بتتحرك، جسمها تلج، أنا مش عايزها تروح مني، ونبي يارب نجيها ليا. عمر: عائشة بالله اهدي، هتكون كويسة. جات بسنت وادتها الميه. وأسر... أسر في ملكوت آخر، وافتكر لما دخلها الأوضة. فلاش باك.

دخل بيها وهو متعصب، دخلها الأوضة بغضب. اسر: مش عاوز أسمع نفس، مفهوم؟ بسمة: ا ا ابيه ب بلاش تقعدني ل لوحدي، بالله يا ابيه خلاص م مش هخبي ح حاجة تاني و ولله. اسر: قلت مسمعش نفس، ومشوفكيش بره الأوضة دي، سامعة؟ وخرج وقفل الباب. باك. اسر: ما كانش ده قصدي، أنا بس كنت خايف عليها من عصبيتي، ولله ما كنت أقصد كده. خرج الدكتور، الكل جري عليه. غيث: ها يا دكتور طمني.

الدكتور: الحمد لله، الآنسة بخير، اللي حصل ده من قلة الأكل وكمان عليها الحيض، وكان طبيعي. عائشة بصوت هادي جداً: طيب جسمها كان تلج ليه؟ الدكتور: من الخوف، هي عندها فوبيا وخافت من حاجة. أرجو المتابعة معاها، عن إذنكم، حمد لله على السلامة. ومشي. كلهم دخلوها، إلا أسر. ابتدت تفوق، كلهم حواليها، وعائشة ماسكة إيديها وبتعيط. بسمة: خلاص يا نكدة، أنا كويسة. عائشة: نكدة نكدة، بس قومي.

غيث: حمد لله على سلامتك يا قلب أخوكي، قلقتيني. بسمة بابتسامة هادية: متقلقش، هتموت قبلي يا ابيه. يونس: عجبك كده؟ سبتي ركبي، حمد لله على سلامتك يا عيوني. بسمة: هنكدب يا ابيه، أنت عندك ركب أساساً، الله يسلمك. بسنت: ههه، حتى وإنتي كده، حمد لله على سلامتك يا بوسبوس. بسمة: طب عشان بوسبوس دي مش هرد عليكي هي. الكل ضحك عليها، طفلة ضد الحزن أياً كانت الظروف. بسمة: احم، فين ابيه أسر؟ غيث: وإنتي عايزة منه إيه؟

مش هو السبب في اللي أنتِ فيه دا؟ بسمة: لا مش هو، وبعدين إيش دخلكم، ممكن حد ينادي له؟ بسنت: حاضر. وخرجت. أسر كان قاعد على الكرسي بره. بسنت: أسر، بسمة طلباك. أسر بهدوء: حاضر. وقام دخل. بسمة: سيبونا لوحدنا شوية. غيث: بس. يونس: غيث يلا. وخرجوا كلهم. بره. غيث: ليه سكتوني؟ عمر: يا غيث، أنت أخوها أهو، وكلنا عارفين فين أمانها، يا ابني أسر ده مربيها، لو ولع فيها كده برضه هتحس بالأمان معاه، لأنه دي اللي قلبها مصدقه.

يونس: بالضبط كده، سيبهم. بسنت: احم، تعالوا نشرب قهوة يلا. عند أسر وبسمة. بسمة: ابيه. اسر: قلب ابيه. بسمة: واقف بعيد ليه؟ ادخل. اسر: أنا بقربي بأذيكي، أحسن أكون بعيد. بسمة: أنا عايزة أتأذى، ممكن تقرب يا ابيه، ونبي. اسر: حاضر. قرب وقعد جنبها على السرير، اتأخرت شوية، وشاورت له ينام جنبها، قرب بهدوء ونام جنبها، وهي حضنته. اسر: مش خايفة؟ بسمة: من إيه؟ اسر: مني.

بسمة: أنا لو أخاف من العالم مخافش منك يا ابيه، طول عمرك بتبين إنك قاسي، لكن أنت طيب، طيب أوي يا ابيه، زي بسمة. اسر: أنا أسف على كل مرة زعلتك فيها، وعلى كل مرة قلت لك كلام وحش فيها. بسمة: مش فاكرة إنك عملت حاجة من دول. اسر: إنتي إزاي كده؟ بص لها، رفع وشها، شاف عينيها العسلي، رموشها الطويلة. بسمة: نعم يا ابيه. اسر: إنتي إزاي حلوة كده؟ بسمة: من بعض ما عندكم يا ابيه. اسر: ههه، أنا بحبك أوي يا بسمة. بسمة: ابيه. اسر: نعم.

بسمة: هو يعني حضرتك. اسر: في إيه؟ بسمة: قالت بسرعة: هتعمل إيه مع المستر؟ وخبّت وشها بسرعة في صدره. ابتسم على حركتها. اسر: هـ... أسر: هربيه، بس هسألك سؤال بصراحة وترودي بصراحة. بسمة: حاضر. اسر: قبل كده لمسك أو عملك حاجة؟ بسمة: أجاوب بصراحة. اسر: أها. بسمة: مسك إيدي بس، ولله ولله، شدتها منه. اسر بغضب بيحاول يخفيه: بس كده؟ بسمة: آه، ولله يا ابيه. اسر: ماشي يا بسمة. بسمة: أنت كده زعلان مني؟ طالما قلت بسمة.

اسر: لا يا بسمتي، مش زعلان. بسمة: ارفع إيدك عشان أنام. اسر بضحك: أهو أهو، نامي. في الكافتيريا. غيث: احم، في موضوع عاوز أفتحكم فيه. يونس: في إيه؟ غيث: أنا و و. بسنت: اتكلم يا غيث، في إيه؟ غيث: أنا وأخواتي هنطلع من البيت. الكل: إيه؟ عائشة: إيه اللي أنت بتقوله ده؟ غيث: بقول اللي لازم، بسمة بتتعب وده غلط عليها، هنطلع نسكن بره. يونس: إيه الجنان ده؟ مستحيل. عمر: غيث، اهدي بس كده، دي خطوة صعبة.

غيث: ده آخر قرار لمصلحة بسمة، وأنا هطلع دلوقتي أقولها. طلع خبط ودخل، وهما وراه. كانت في حضنه نايمة، مش خايفه. افتكر إنها حتى مبتنمش في حضنه كده. يونس: ده اللي خايف عليها منه. عمر: تعالوا نتكلم بره. وخرجوا. بسنت: غيث، بسمة ملهاش أمان غير أسر. غيث: أيوه، لكن أسر بيستغلها. يونس: يعني إيه؟ غيث: هي واخداه أخ، هو لأ. عائشة: غيث، أنت فاهم اللي بتقوله ده إيه؟ غيث: أيوه، أسر بيدنسها بنظراته، بلمساته. صوت من وراهم: هي مين دي؟

يونس: أسر، غيث قصده. اسر: قصده إيه؟ قصده إني بدنس بسمة، مش كده؟ عمر: هو بس خايف عليها. اسر: مني؟ أنا لو العالم كله خاف عليها مش هيكون قدي. أنا مستحيل أدنسها، أنت فاهم؟ غيث: أمّال إيه اللي بتعمله ده؟ اسر: بعمل كده لأنها مراتي، حلالي.