رواية طفله ارهقت رجولتي الجزء الثالث الفصل السادس عشر 16 - بقلم ملك ايمن

اتصدموا من عمر اللي ماسك غيث بيضربه، والغريب إن غيث مش بيتحرك. ويونس بيسلكهم وبسنت بتعيط وعائشة بتهديها. راح أسر وبعدهم عن بعض. أسر بعصبية: ممكن أفهم في إيه؟ عمر: اسأل البيه. غيث بهدوء: أنا أنا اتجوزت بسنت. أسر: نعم، إمتى دي؟ غيث: النهارده الصبح. يونس: فهمنا يابني ليه عملت كده. غيث: عشان كده وخلاص. بسنت: لا، هو أنا النهارده... وكانت بين كل كلمة شهقة. راح لها أسر. أسر: براحة ياحبيبتي واتكلمي.

بسنت: النهارده روحت أتعاين، طلع راجل ووحش حاول يعتدي عليا، لولا غيث لحقني في الآخر وراح كتب كتبنا. أسر: وليه كتب الكتاب؟ عمر وهو رايح ناحية بسنت: يعني إيه مبقتيش بنت؟ غيث بسرعة: لأ، ملحقش يعملها حاجة. يونس: امال ليه اتجوزتها؟ غيث: يووه، هو تحقيق؟ خلصنا. عمر وضرب بسنت قلم: انتي وحشة. أسر ويونس بيبعدوه عنها، وغيث راح وقف قدامه. عمر: هقتلك. انتي سامعة؟ غيث: بسنت مراتي ومسمحلكش تقرب منها.

في لحظة شيطان، مسك عمر السكينة و بيهدد غيث بيها. وفي وسط الزعيق، وقعت تلك الصغيرة مغشية عليها. الكل انتبه لوقعها من على السلم. أسر جري عليها. أسر: اطلبوا دكتورة بسرعة. وشالها طلع بيها على الأوضة. نيمها على السرير. ويونس بيحاول يفوقها هو وعائشة. وأسر جاب إزازة برفان وفضل يدعك في إيديها. أسر: فوقي ياروحي، مالك بس؟ بسمة، فوقي يابسمة، فوقي. جت الدكتورة وكشفت عليها.

الدكتورة: ده قلة غذاء وإغماء من الخوف. الآنسة عندها فوبيا من الخوف وكمان في شرخ في إيديها وأنا عملتلها جبيرة. أرجو إنها ترتاح شوية. ومشت. والكل دخلها. فتحت عنيها ببطء. بسمة: غ، غيث فين؟ غيث وقعد جنبها: أنا هنا ياقلب غيث. في حاجة وجعاكي؟ هه. بسمة: السكينة دخلت فيك؟ فين الدم؟ دخلت فيك؟ غيث: لأ لأ ياعمري مادخلتش. ولله أنا كويس. حضنته وفضلت تعيط. وعمر انحنى نفسه أولاً لأنه كان هيعصي ربنا. وثانياً كان السبب في تعب بسمة.

عائشة: ياروحي خوفتيني عليكي. بسمة: أنا كويسة. بسنت بحرج: حمد لله على سلامتك يابسمة. بسمة: الله يسلمك يابوس بوس. عمر: احم، أنا آسف. بسمة: على إيه؟ عمر: أنا السبب. حقك عليا. بسمة: إيه الاحترام ده؟ عمر ابتسم. اطمنوا عليها وخرجوا. ودخل أسر في إيديه صينية أكل. بسمة: تؤتؤتؤ، حضرتك الرائد بنفسه جايبلي أكل. أسر حط الصينية وقعد جنبها: حضرتك الرائد ده بره. إنما هنا أسر وبس. انتي كويسة؟ وقعتي قلبي.

بسمة: آه، بس حسيت بدوخة. ولما شوفت السكينة محستش بحاجة. أسر وحضنها: اااه، خدي بالك من نفسك كويس عشاني هه. بسمة: حاضر. أسر بخبث: هو إحنا كنا بنقول إيه قبل ما ننزل؟ بسمة: ياابيه. ضحك بصوت عالي: ياسوسة، كنا هنام. بسمة: اها، ابيه هو كده. بسنت مرات غيث. أسر اتنهد: آه ياروحي. بسمة: زينا كده. بس انتو ليه زعلانين؟ أسر: إحنا مش زعلانين عشان هما اتجوزوا. إحنا ضد التصرف ياروحي. عيب لما يعملوا كده.

بسمة بشهقة: يعني هتطلقهم ياابيه؟ وابتدت تعيط. أسر بصدمة: لالالا، أطلق إيه؟ مش هعمل كده ولله. اهدي. بسمة: يعني مش هتبعدهم عن بعض؟ أسر بابتسامة: لا ياست البنات مش هبعدهم عن بعض. بسمة: طيب يلا ننام بقا. وحضنته وغمضت عينيها. غيث: لو سمحتي ياعائشة ممكن تساعدي بسنت تنقل هدومها. عمر: نعم. يونس: عمر خلصنا يلا يابنات. وعائشة ساعدت بسنت ونقلت هدومها. والشباب كل واحد راح أوضته. وكذا عائشة. دخل غيث. كانت قاعدة على الأريكة

(الكنبة) بتعيط. راح قعد قدامها ومسك إيديها. غيث: أنا آسف. بسنت: انت مغلطتش. أنا اللي غلطت. انت اتورطت معايا. كان في فوش غيث علامة مكان ضرب عمر. بسنت: ثانية واحدة. وقامت جابت الإسعافات الأولية وابتدت تغيره عليها. غيث: ااه. بسنت: أنا آسفة وجعتك. غيث: بسيطة. قومي يلا ادخلي خودي دش سريع عشان تنامي. بسنت: حاضر. ودخلت اخدت دش وخرجت. كانت لابسة استريتش أسود وعليه كاش مايو أبيض. بسنت: إحنا هنام إزاي؟ غيث: هنا على السرير.

بسنت: وأنا؟ غيث: على السرير بردو. بسنت: لالا، أنا هنام على الكنبة. راح شالها نيمها على السرير. وفجأة.....