رواية طفله غيرت شيطان الفصل الخامس 5 - بقلم بسملة حسن و منة سيد

زين: لا صدق أنا خلاص اتجوزت. خالد بص على سجده شافها منقبه: زين أنت اتجوزت البنت دي ليه؟ هي مش شبهك. زين: ملكش فيه. أنا جبتك تكون شاهد. أكتر من كده ملكش حق تتدخل في حياتي. خالد بعصبية: هو إيه اللي مليش حق؟ أنا صاحبك. ولو هتفضل كده يبقى انسى إن ليا صاحب. وسابهم ومشي. زين بغضب: غبي. هتفضل طول عمرك قلبك هو اللي بيمشيك. كل ده وسجده واقفة على جنب وخايفة. زين بصوت عالي هز البيت: أنتم يا بهايم يا اللي هنا. كل الخدم جم.

زين بأمر: كله ياخد إجازة لحد ما أقولكم. ماعدا كوثر. فاهمين؟ كلهم بصوت واحد: فاهمين يا باشا. زين شد سجده من إيديها: مع إني مليش نفس المس واحدة زيك، يبقى أنتِ هتعيشي هنا خدامة لحد ما يجيلي مزاج وألمسك. سجده بدموع: حسبي الله ونعم الوكيل في كل ظالم. أسيل بخوف: لا يا ماما، سجده مش كويسة. أكيد أخوها عمل فيها حاجة. حنان الأم: استهدي بالله. أكيد مفيش حاجة. هي هتكون كويسة. أسيل برفض: لا. أنا مش هرتاح غير لما أروح أشوفها.

حنان برفض: تروحي فين؟ الساعة 12 بالليل. أسيل وهي بتلبس هدومها: مش فارقة. 12 ولا 3. أهم حاجة سجده تكون كويسة. ونزلت وركبت عربيتها وراحت عند بيت سجده. سليم فتح الباب: أنتِ جاية ليه؟ أكيد المحروسة جايباكي. أسيل بعصبية: احترم نفسك. فين سجده؟ سليم: الحركات دي متتمشيش عليا. مهي قاعدة عندك في البيت. قولي لها خليها مكانها عشان مبقاش ينفع ترجع البيت ده. وخلص كلامه وقفل الباب في وش أسيل. أسيل بصدمة: يعني إيه؟ سجده مش موجودة.

ونزلت زي المجنونة تدور على سجده. زين بأمر: روحي حضري العشا عقبال ما أجي. وسابها وخرج. زين للحراس بتوعه: البت اللي جوه متخرجش. فاهمين؟ الحراس بأمر: حاضر يا باشا. سجده فضلت واقفة مكانها وفكرت تهرب. فتحت الباب. لقت واحد من الحراس بتوع زين. بودي جارد: رايحة فين؟ سجده بخوف منه: لا أبداً. مش رايحة في حتة. وقفل الباب تاني وقعدت في الأرض بتعيط. كوثر بهدوء: اهدي يا بنتي. بطلي عياط. سجده بانهيار: أنا بعمل إيه هنا؟

أنا أخويا باعني عشان مخدرات. وفي شيطان بيتحكم فيا. كوثر خدتها في حضنها: اهدي يا حبيبتي. أكيد ربنا بعتك لزين عشان ترجعيه للطريق الصحيح بدل اللي هو ماشي فيه ده. كوثر بهزار خفيف: تعرفي أنا لحد دلوقتي معرفش اسمك إيه. سجده مسحت دموعها بكف إيديها زي الأطفال: سجده. اسمي سجده. كوثر بابتسامة: اسمك حلو أوي يا سجده. وأنا اسمي كوثر. قوليلي يا دادا. سجده بدموع: أنا عايزة أمشي من هنا يا دادا.

كوثر بقلة حيلة: والله يابنتي أنا مش بإيدي حاجة. مفيش في إيدينا حاجة غير الدعاء. يلا نحضر العشا. سجده بقهر: حسبي الله ونعم الوكيل. بدأت تحضر العشا هي وكوثر. وفكرت إنها تموته وتخلص منه. بس استغفرت وكملت تحضير العشا. في نفس الوقت زين كان في البار وكان بيشرب بشراسة. قربت منه بنت لابسة لبس مكشوف. البنت بمياعة حاطة إيدها على كتفه: إيه يا باشا؟ أنا موجودة. أنا تحت أمرك.

زين شدها من شعرها: محبش حد يحط إيده عليا. وذات لو واحدة قذرة زيك. البنت بوجع: أنا آسفة يا بيه. سيبني أبوس إيدك. زين سابها وقام وقف: تعالي ورايا. البنت مشيت وراه بخوف. أسيل ركبت العربية وكانت بتعيط وخايفة على سجده: يارب احميها يا رب. أنا مش عارفة هي فين. خليك واقف معاها. ور كبت العربية ومشيت. العربية جت في نص الطريق وعطلت. أسيل بنرفزة: أوووف. ده وقته.

بتبص عشان حد يساعدها. بس شافت إنها واقفة في حتة مقطوعة. حست بخوف رهيب. جات عشان تقفل الباب عليها. فجأة جم عليها شباب سكرانين. الشاب الأول: إيه ده؟ الأمورة عندنا. انزلي ومتخافيش. الشاب التاني بضحك: أوي. متخافيش. إحنا هنلعب معاكي عريس وعروسة. هههههههه. أسيل عمالة تحاول تتصل بحد وهي خايفة. الشاب الأول خد منها الفون: مفيش حد هينقذك مننا. أنتِ النهاردة بتاعتنا وبس. وبدأ يقرب منها وهي عمالة تصوت عشان حد ينقذها.

زين وصل الفيلا هو والبنت اللي معاه. البودي جارد: البنت كانت هتخرج يا باشا واحنا منعناها. زين دخل الفيلا بأمر: اطلعي فوق. مش عايز أشوف وشك. البنت طلعت جري خوف من زين. زين نده على سجده هز حيطان البيت. سجده نزلت النقاب على وشها وطلعت بخوف: نعم. زين مسك إيديها لفها ورا ضهرها: على الله أشوفك قربتي ناحية الباب تاني. المرة الجاية هتكون فيها موتك. وسابها: غوري هاتيلي الأكل فوق.

سجده بعياط: حسبي الله ونعم الوكيل. ربنا على الظالم والمفترى. وحضرت العشا وطلعت فوق. خبطت لكن محدش رد. دخلت الأوضة أول لما دخلت. سجده بصدمة مش عارفة تتكلم.