رواية طفلتي البريئة الفصل السابع والعشرون 27 - بقلم بسملة بدوي

اسد اول ما سمع كلامها افتكر كلام سندرا، عيونه اسودت وفي لحظه كان قدامها. ليله اول ما شافته اتخضت وخافت من شكله. "مع السلامه" وقفت. "كنتي بتكلمي مييين؟ مفيش رد. "ليييله انطقي كنتي بتكلمي مين." واخد منها الفون بغضب. ثواني غضبه كله راح. "بصلها بندم...... ليله انا احم مش قصدي اتعصب عليكي انا بس." ليله دموعها اخدت طريقها على خديها. مسك وشها بين ايده بندم. "ليله انتي زعيلتي مني؟ ليله بسخريه وحزن. "وانت عملت حاجه تزعل؟

بعد اذنك هروح اجهز الاكل بتاع تميم انت عارف انه مش بياكل الا من ايدي." ومشيت من غير ما تسمع رده. اسد قعد بعصبيه وحط ايده على وشه بندم. "غبييي. زمانها بتقول انك مش بتثق فيها واهو طلع انها بتكلم ابنك اووووف انا لازم اصالحها اشتريلها هديه واديهالها ايوا." وابتسم بحب وقام. عند ليله في المطبخ بتحضر الاكل مع الداده منى. "مالك انتي كنتي بتعيطي ولا اي؟ "مفيش حاجه يا داده."

"بتخبي عليا يا ليله مش انا زي مامتك برضو ولا كلام بس؟ ليله انفجرت في العياط وحضنتها. "بيشك فيا انا انا يا داده لي كدا احساس و'حش اوي كنت بكلم تميم في الفون ولقيته داخل يزعق ومتعصب ومهداش غير ما شاف رقم تميم." "يا هبله من حبه فيكي." "لا ياداده فين فرق بين الحب والشك؟ "ليله دا مسمووش شك دي غيره والغيره من الحب ولو مكنش بيحبك مش هيغير عليكي افهمي." قاطعهم دخول تميم وهو بيجري على ليله يحضنها.

"حبيبي اكلت الي في الانش بوك؟ "ايوا يا اماما كله شوفي انا بحبك ازاي." "ههههه وانا بحبك اكتر." كانوا قاعدين على السفره. اسد بيحاول يفتح اي موضوع عشان تتكلم معاه. "ليله." ليله وهي مستمره فِ تطعيم تميم. "نعم." "كلي انتي وتميم راجل بياكل لوحده صح يا حبيبي؟ "ايوه يبابا بس انا بحب ماما تأكلني." ليله ابتسمت بحنيه. "بالف هنا وشفا ياقلبي." اسد بغيره قام وقبل ما يقوم قال بجمود. "بعد ما تخلصي عايزك في المكتب."

هزت راسها بعدم اهتمام ومستمره فِ اطعام تميم. وسندرا بتابع بخبث ومن غير كلام. فونها رن فجأه ملامح وشها اتغيرت للخوف. قامت بسرعه اخدت الفون ومشيت. في الجهه الاخري. "بق'ا عايز تعرفي ان ليث سكت من غير ما يعمل حاجه واسد سابه يمشييي كدا." "ايوا بس اسد هدد'ه اخر مره." "طب وسندرا فيين نفذت المطلوب منها ولا." "بتوقع بينهم بس اسد كاشفاها اوي، واللهي شكلها هي الي هتبوظ كل الي بنياه."

"اتصل بيها الوقتي وخليها تجيلي النهارده ضروري." "طب واسد." "ماله ال***** دا متقوولش اسمه قدامي بيعصبني. واخد اجازه ولو خَرجت هيعرف وسين وجيم بقا." "طب اتصل بيها." عند سيدرا اول ما الفون رن قامت بسرعه ودخلت اوضه مقفوله قفلت الباب بالمفتاح وردت. "الو." "اي ياسندرا مابتروديش على تلفونك." "لسه'د كان قاعد فا معرفتش ارد." "طب اي اي في اي." "سندرا فتحي مخك معايا جبتي الاوراق."

سندرا وهي بتتكلم مسكت كوره سودا شكلها غريب مطاطيه وبتضغط عليها. "فكراها لعبه." "حولي الفلوس الاول وبعدين اجبلك ااي انت عايزه." "طماا'عه طول عمرك." "بليل الفلوس هتكون متحوله على حسابك بس الورق يكون عندي بليل." "لا مش هعرف اخرج النهارده خالص اسد قاعد هو الز'فته التانيه الي اسمها ليله." "سندراااا اتكلمي عنهااا عدل احسنلك فااهمه." "في اسرع وقت يكون عندي الورق دا عااارفه يا سندرا لو لعبتي بِ ديلك ماهيكفنيش فيها مووو'تك."

ردت بخبث. "متخافش طالما بتعطيني المقابل تبقى حبيبي باي." "بقا عشان الحق اعرف حاطط الورق دا فين." قفلت وفتحت الباب ولسا هتمشي وقفت بخوف في نفسها. "معقول سمعني بس انا كنت بتكلم في الفون بصوت واطي وبعدين كمان قافله الباب." ابتسمت بدلع. "اسد حبيبي في حاجه؟ وبرضو لقيت منى وليله والخدم واقفين. "في اي ياجماعه." اسد شد الكوره الي في ايدها. "انتي عارفه دا اي دا ميكروفووون." برقت بصدمه وقال بخوف. "اا اسد ااسمعني بس اااسد."