رواية طفلتي الخائفة الجزء الثاني "2" الفصل الخامس والعشرون 25 - بقلم شهد عبدالسلام

تميم: عقبالي أنا وأنت يا قمر. لؤلؤ بحب: شكرًا. تميم باستغراب: نعم بتقولي إيه؟ إيه شكرًا دي؟ لوليا لسليم: ادخل بقى عشان هي متوترة. عمر بحب بيحضن لوليا: عقبالي أنا وأنتِ. لوليا: بس يا عمر بابا. عمر: بحبك. لوليا بكسوف: وأنا أكتر. أنس لغرام: على فكرة قمر أوي. غرام بمشاكسة: عيب بقى خلاص كلها أسبوع وهبقى في بيتك وهتزهقي مني. أنس بحب: في حد يزهق من القمر ده؟ بيسان لأسد ابن مها: يعني ليلة متوترة أوي.

أسد ضحك: فاكرة أنتِ كنتي هتموتي من التوتر. بيسان ضحكت: آه كنت زيها كده بس ده كان أحلى يوم في حياتي. أسد قبلها من جبينها: ربنا يخليكِ ليا وأخلي كل أيامك أحلى من بعض. بتخرج حور وتاليا ومها. حور بحب: ادخل يا حبيبي لمراتك. وبيدخل سليم. سليم في سره وشاف بس ضهر ليلة: بسم الله ما شاء الله ودي بقى هخرج بيها إزاي قدام الناس؟ وبيلف وشه ناحية الباب. سليم: عمر مشي المعازيم عايز الفرح فاضي. كلهم ضحكوا.

وبيقفل الباب وبدأ يقرب عليها وليلة مكسوفة ومتوترة جدًا. سليم ومبيقرب عليها بيحضنها من ضهرها وأنفاسه الساخنة في عنقها ومحاوطها من وسطها. سليم بحب: أخيرًا هتبقي معايَ يا حتة من قلبي. ليلة بتوتر: س... سليم. سليم بتوهان: يا قلب سليم. ليلة بتلف وعيونها في عيون سليم. سليم بيحضنها جامد أوي. سليم وليلة بين أحضانه: بحبك مش مصدق إنك خلاص هتبقي مراتي.

وماسكها من وسطها بإيد واحدة والإيد التانية ماسك إيديها ومع كل كلمة بيبوسها من إيديها. سليم بحب وتوهان وفرحة: طول عمرك وأنتِ محبوبتي وبنتي وحبيبتي وخلاص بقيتي مراتي وهتبقي أم عيال. ليلة بدموع: أنا بحبك أوي. سليم بخوف عليها وبيمسحلها دموعها: هش، إيه ده؟ وبيكمل وعيونه في عيونها. سليم: دموع؟ لا من دلوقتي مش هسمح إني أشوف دموعك حتى لو دموع فرحتك فاهمة؟ ليلة بحب: بابا. ورأسها على كتف سليم. سليم بفرحة: أنتِ قلب بابا.

قدام الجناح. مالك: ابنك بيعمل إيه كل ده جوا؟ أسد بقلق: مش عارف. عمر بابتسامة: يا جدعان سيبوا الواد يعيش اللحظة. إياد: طول عمركم بتفصلوا الواحد. أسد ومالك بصوا لإياد. إياد مسك إيد شهد: يلا نلحق نمشي. في الجناح. سليم وعيونه في عيونها: عاشقك ومن زمان أوي، وبيكمل بحيرة ومش عارف أروح بيكي فين وأنتِ حلوة أوي كده. ليلة ضحكت. سليم: اضحكي يا أختي. ليلة بابتسامة: في إيه يا سليم؟ سليم بتوهان: أنتِ خليتِ فيها سليم. سليم: بصي.

ليلة بحب وابتسامة على غيرته: إيه؟ سليم: أول حاجة مش عايز أشوف سنانك. ليلة: يعني؟ سليم: يعني ما فيش ضحك ولا رقص ولا هتسلمي على حد تمام، سلامك من بعيد لبعيد. ليلة: لا كده كتير أوي ده فرحي، إيه رأيك نلغي خالص؟ سليم: يا ريت وربنا هبقى مبسوط، وبيكمل بصوت هادي: على الأقل ما حدش هيشوفك. ليلة: على فكرة سمعتك بتقول إيه. سليم: ما تسمعي. ليلة وبتمثل الزعل عشان تعرف تتجاوز الموقف: في إيه يا سليم؟ ده يوم في العمر ليه عايزني أزعل؟

وبتكمل ورأسها في الأرض. ليلة: وكل شوية تتخانق معايَ حتى يوم الفرح عايز تلغي الفرح أنا عارفة أنت ما بتحبنيش. سليم خد نفس عميق وبيرفع رأسها: أول حاجة رأسك تبقى دايمًا مرفوعة، وتاني حاجة لا يا روحي عايزك تفرحي وهننزل، وبيكمل بجدية: وتالت حاجة عقابك في البيت على كلمة أنت ما بتحبنيش دي. ليلة وبرضه بتمثل الزعل وحاولت تمثل إن هي خايفة عشان سليم يبقى هادي خالص معاها: بص برضه بتزعق فيا إزاي. (بت خبيثة)

سليم بحنية: يا قلبي أنا ما بحبكش بعد ده كله؟ ده أنا بموت فيكِ وبعدين بزعق عشان كلامك غلط. وبيبوس إيديها. ليلة: وأنا. سليم ضحك: طب يلا نطلع. ليلة: يلا. وسليم بيمسك إيدها وأول خطوة. ليلة بتوتر: لا أنا خايفة. سليم: خايفة من إيه يا حبيبة قلبي؟ يلا. ليلة وبتقف وبتسيب إيد سليم. ليلة: طب شكلي حلو؟ وبتقف قدام مراية. سليم بتوهان: أحلى من القمر. وبيوصل بيها. والكل بينزل. وأول ما بيدخل. الكل بينبهر بيها والصحافة بتصور.

كانت شبه حوريات البحر مع سليم. وسليم أول ما دخل: عاجبك كده كله بيبص لك. ليلة وبتضحك: عشان أنا العروسة يا حبيبي. وشوية وكان كتب الكتاب. وكان الواصي على ليلة مالك. بعد شوية. المأذون: بارك الله لكم وبارك عليكما وجمع بينكما في خير. سليم ساب إيد مالك ووقف وحضنها. سليم وحضنها: أقدر أقول دلوقتي إنك ملكي وبتاعتي أنا، وأنا أناني في كل حاجة تخصني. واشتغلت أغنية كتب كتابك. والعائلة كلها اتجمعت وبترقص.

وبتجي حتة في الأغنية بتقول. عملت اللي ما يتعمل عشانها. عمر بصوت عالي: لا ده عمل بلاوي عشانها. وطول الفرح سليم كل شوية يحضنها كأنه مش مصدق إن فعلًا بيتجوزها. في الفرح. ليلة وسليم قاعدين. سليم بحب: مش يلا بقى؟ ليلة: يلا فين؟ سليم: على بيتنا. ليلة بتوتر: لا أنا همشي مع مالك وأسد. سليم: يخرب بيت دماغك تمشي مع مين يا أمي؟ ليلة: أنت مش سهل على فكرة. سليم ضحك: أنا مش سهل؟ ليلة: طب احلف إن لو روحت بيتك هتعمل فيا حاجة.

(عشان قالها هعاقبك في بيتي) سليم بغيظ: أعمل فيكِ إيه يعني؟ هاكلك؟ ليلة بتفكير: ممكن تزعق لي مثلًا، تتعصب عليا، وبتبص له بشر (لا بصتها اللي بشر طفولية) تضربني. سليم ضحك بخباثة: أنا؟ أنا يا ليلو أضربك؟ تعرفي عني كده؟ ليلة: لا. سليم: يبقى يلا بقى. ليلة: طب احلف إنك مش هتعاقبني. سليم: أستغفر الله العظيم يا رب. ليلة: بص هتكدب من أولها. سليم: أنا خايف أتكلم تقولي لي طلقني. ليلة: عايز تطلقني كمان؟

سليم في سره: يا رب يعدي الكام سنة دول على خير، وبيكمل بصوت مسموع: إيه رأيك نروح نتفق في بيتنا؟ إيه رأيك؟ وبعدين لو لو عملت لكِ أي حاجة قولي لأسد ومالك تمام. ليلة: مع إني مش مرتاحة لكِ بعد اللي قالته بيسان بس ماشي تمام. سليم قرب منها وقبلها من جبينها: ربنا يخليكِ ليا، وبيكمل بصوت هادي: وتعقلي. وشوية وبيبقى الفرح خلص. وكل واحد على بيته. في جناح سليم الخاص في الفيلا بتاعته. سليم بحب: أخيرًا يا ليلو.

وبيشدها عليه وهو ماسكها من وسطها. ليلة بتوتر: أخيرًا إيه؟ سليم: أخيرًا بقيتي مراتي يعني. ليلة بفرحة: وأنا برضه فرحانة أوي. سليم بحب: إيه رأيك يا ليلو نصلي سوا؟ ليلة بحب وطفولة: موافقة يلا. سليم: طب ينفع أقول لكِ حاجة؟ ليلة: ينفع. سليم بيمسك إيدها. وبيقعدها على أقرب كرسي وهو بيقعد جنبها. سليم بحب: عايزك تفهمي إنك دلوقتي بقيتي مراتي يعني إيه بقى؟ ليلة وبتفرك في صوابعها: يعني بتاعتك. سليم: شاطرة ينفع ترفعي وشك؟

ليلة وبترفع وشها: نعم؟ سليم: أنا عارف إن الأول كنت قاسي عليكِ أوي وربيتك على قسوتي بس دلوقتي لا ما فيش قسوة تاني، أنتِ عارفة طبعي كويس ولا إيه يا لولو؟ ليلة: آه. سليم: مش عايزك تخافي من حد خالص طول ما أنا جنبك، حتى لو بعيد ما تخافيش تمام. ليلة: تمام.

سليم: ومش عايز أي حاجة منك غير إنك تبقي واثقة فيا، واثقة إني بحبك ولا تخافي مني تمام، ولو ده لو زعلتك يوم غصب عني هصالحك، و تبقي صريحة أنا عارف إنك صريحة معايَ، مع دلوقتي أنا مش أبيه بتاع زمان أنا دلوقتي جوزك وأنتِ مراتي. ليلة: طب عشان أبقى صريحة ينفع أقول حاجة؟ سليم: يا ريت تقولي. ليلة بطفولة: أنا بقلق أوي وأنت بتتكلم بهدوء. سليم انفجر من الضحك: طب أعمل إيه؟ أنا بتكلم بهدوء عشانك.

ليلة بتوتر: أصل أنت زمان لما بتبقى هادي معايَ بعدها على طول بتتعصب وتزعق لي. سليم: ينفع تهدي خالص؟ وبيحضنها. سليم: زمان مش دلوقتي تمام. ليلة: تمام. سليم وبيمسك إيدها: تعالي أساعدك تغيري هدومك. ليلة: بلاش قلة أدب لو سمحت. سليم ضحك: اهدي بس هفك لك الحاجات دي. (على الطرحة وشعرها) ليلة: حاضر. وبيدخل بيها وبيفك لها الطرحة وشعرها. سليم: خلاص كده فاضل الفستان. ليلة: اطلع برا. سليم: ليه يا روحي؟ ليلة: اطلع بقى. وبيوصل.

وليلة بتغير هدومها. وشوية وبيصلوا. ليلة بفرحة: مبسوطة أوي إن أنت بتصلي بيا. سليم: يا ريت تتعودي إني هصلي بيكي دايمًا. ليلة بجد: هتشجعني أوي إني أصلي. سليم: نعم هو أنت... ليلة بمقاطعة: لا لا يا سليم بصلي كل يوم. سليم وبيقرب منها: شاطرة يا حبيبة قلبي. ليلة بتوتر: هو ف... وبيقاطعها قبلة سليم. سليم بهلوسة وتوهان: بحبك. وسكتت شهرزاد عن الكلام. تاني يوم الصبح. سليم بيبقى صاحي وليلة لسه نايمة. سليم نايم وليلة في حضنه.

ونايمة. وهو مركز فيها وبيلاحظ إن هي بدأت تفوق بس الضوء. ليلة بنوم: عايزة أنام. وبتدفن وشها في حضن سليم بسبب الضوء. سليم بلطف وبيحرك إيده على شعرها: نامي يا حبيبتي. وكأن الصوت ده هو اللي خلاها تفوق. ليلة بتبعد عنه وعيونها لسه مغمضة ومش عايزة تفتحها. سليم ضحك: ممكن تفتحي عادي ما فيش عو ولا حاجة يا طفلة. ليلة ومغمضة: أنا مش طفلة على فكرة. سليم برومانسية وخباثة: أنا عارف إنك مش طفلة يا حبيبة قلبي أنتِ مدام سليم أسد.

ليلة بتوتر ومغمضة وإيديها على عيونها: ينفع تبعد؟ سليم بمشاكسة: تؤتؤ. وبيقرب منها أكتر. ليلة وبدأت تحس بأنفاس سليم: كده عيب أوي ابعد لو سمحت. سليم بهدوء: تؤتؤ وإيه لو سمحت دي يا ليلو. ليلة بتوتر: سليم. سليم ضحك على براءتها: يا قلب سليم. ليلة وعارفة إن هي أول ما تقول الكلمة دي هيبعد. ليلة: أنا خايفة وعايزة أفتح عشان خاطري. سليم وبيبعد وبيشدها في حضنه. وليلة بتدفن وشها في حضن سليم. ليلة بتوتر: أنا عايزة أقوم من جنبك.

سليم: يا بنتي هو في إيه؟ هو أنا عملت لكِ حاجة؟ ليلة: يا قليل الأدب. سليم: بت. ليلة: بص بص بص برضه بتزعق. سليم: أنا؟ أنا زعقت يا مجنونة؟ فتحي عيونك يا حبيبتي. ليلة: حاضر. ليلة بتفتح. سليم: في إيه بقى؟ ما أنتِ زي القمر أهو مغمضة ليه؟ ليلة: على فكرة... ولسه هتكمل. بيسمعوا صوت العيلة. ليلة بفرحة وهتقوم. ولسه هتنزل. سليم: ليلة. وليلة بمجرد ما سمعت اسمها وقفت. ليلة: إيه عايزة أنزل. سليم ببرود: هتنزلي كده؟

ليلة: آسفة هغير وهنزل. سليم بيقوم وبيقرب منها. ليلة بتوتر وخلاص سليم ثبتها. سليم جنب ودنها: ميكاب نو. ليلة بتوتر: حاضر روج بس. سليم: طيب حطي عشان أوريكي هعمل إيه. وبتدق ريماس الباب. سليم: إيه؟ ريماس: أسد بيه ومالك بيه وبقية العيلة تحت يا سليم بيه. سليم: تمام نازل. ليلة بتكون دخلت تاخد شاور. وسليم. بينزل. عمر: إيه يا عريس؟ سليم: إيه يا لطيف مالكوا بتبصوا كده ليه؟ أسد: فين ليلة وعاملة إيه؟

سليم: كويسة وبتاخد شاور ونازلة. بعد شوية كلام. سليم: هطلع أشوفها. وبيوصل. سليم: كل ده يا لولي؟ ليلة: أنا خلصت يلا. سليم: وبياخدها. وبينزل. بعد وقت العيلة بتمشي. في الجناح. سليم: مالك يا حبيبة قلبي؟ ليلة: أنت عارف إني مش بحب البنت دي يا سليم وقولت لكِ تمشيها. سليم: ينفع تهدي؟ في إيه يا حبيبة قلبي؟ ما ينفعش أقطع عيشها. ليلة بزعل: بس عادي تكسفني صح؟

سليم: يا حبيبتي هكسفك إيه وكلام فارغ إيه يا روحي أنا بحبك بس حرام نقطع عيشها. بلاش زعل وبيحضنها. وبيفوت أسبوع ليلة وسليم طول الأسبوع في الجناح والباقي كل واحد بيخلص تجهيزات الفرح وكلهم عايشين أجمل أيام حياتهم. ويوم فرح. لؤلؤ وتميم. لوليا وعمر. غرام وأنس. في الشركة وكان أول يوم لسليم. سليم في الفون. سليم: تمام عايز كل حاجة مظبوطة وجاهزة تمام. الموظف: تمام يا سليم بيه. سليم: هقعد شهر. الموظف: تمام يا باشا. وبيقفل سليم.

في الأوتيل. بتتجمع البنات العرايس وبيعملوا الميكاب. غرام: هتعملي ميكاب؟ ليلة: لا سليم مش موافق. وسليم بيتصل عليها في نفس اللحظة. وبتدخل أوضة لوحدها. سليم: إيه يا حبيبتي عاملة إيه دلوقتي؟ وحشتيني أوي. ليلة بحب: وأنت. سليم: طب أنا هرجع كمان شوية الفيلا هجيب حاجة إيه رأيك تيجي وهترجعي معايَ. ليلة: عيب يا سليم أسيبهم لوحدهم. سليم: أنتِ باردة. ليلة: شكرًا. سليم: لا يا روحي بلاش زعل، زعلتي من باردة يا ست أنا اللي بارد.

ليلة: بابا ينفع طلب؟ سليم: عيون بابا يا حبيبتي أؤمري. ليلة: هعمل ميكاب صدقني هيبقى بسيط خالص خالص خالص. سليم: قولت لكِ لا. ليلة بزعل: عشان خاطري. سليم بغيظ: أعمل فيكِ إيه؟ أعملي بس أي حاجة مش هتعجبني هتزعلي. ليلة: تمام وصح عايزة أقول لكِ حاجة. سليم: قولي. ليلة: عايزة شوكولاتة وكتير أوي أوي. سليم: إيه حكاية الشوكولاتة معاكِ كل يوم نفس الطلب. ليلة: زهقت مني صح؟ سليم: أنتِ تطلبي عيوني أجيبها لكِ يا حبيبتي.

ليلة: بحبك وباي بقى. وبتقفل. بعد ساعات. عمر بيقرب منها وبيحضنها: بحبك. لوليا: وأنا. عمر: أخيرًا قولتيها. وبيبوسها من إيديها. في الغرفة التانية. أنس بحب: مش مصدق إنك رجعتي ليا عشان أصدق إنك خلاص هتبقي بتاعتي. غرام بابتسامة: لا صدق يا أخويا. أنس: نعم يا روح أمك أخوكي منين؟ وبيحضنها. في الغرفة التالتة. تميم: لؤلؤة قلبي عليا النعمة قمر. لؤلؤ بكسوف: شكرًا يا أخ. تميم ضحك: أخ أي حاجة منك مقبولة.

وبيقرب منها بيقبلها من جبينها. في غرفة تانية مع اتنين مجانين شوية. سليم عصبية بعض الشيء: بت قولتي ميكاب خفيفة. ليلة بتزعيق: وطي صوتك. وبتقرب عليه وصوابعها في وش سليم. سليم بهدوء: بجد؟ ليلة بتفوق وبتنزل صوابعها وبتبعد شوية. سليم وبيقرب عليها: بتبعدي ليه بقى؟ مش كنتي سبع رجالة في بعض دلوقتي؟ ليلة بتوتر وهو مثبتها: ها أنا أنا أنا أنا بحبك وربنا. سليم ضحك: إيه كل ده؟ بس مش هعملكِ حاجة بس يلا امسحي الميكاب.

ليلة: أنت مفتري. سليم: سمعت على فكرة أنا مفتري، وبعدين قولتي ميكاب خفيف خالص حاطة روج أحمر وتقولي لي خفيف؟ أمال لو سبتكِ تعملي ميكاب ثقيل كنتِ عملتي إيه؟ ليلة: أنا قولت بس... سليم: بعد كده بلاش تقولي يا روحي تمام. ليلة: حاضر يا حبيبي فين بقى الشوكولاتة؟ سليم ضحك. وبيديها الشوكولاتة. ليلة: هما دول؟ دول خمسة بس. سليم: الباقي في البيت. بعد شوية الكل بينزل والمعازيم فرحانة ومبهورة بشكلهم. وبعد شوية.

المأذون: بارك الله لكم وجمع بينكما في خير. وكل واحد كتب كتابه على حبيبته. سليم: ينفع تقعدي هنا ومش عايزكِ تقومي تمام. ليلة: ليه بقى؟ كده كتير أوي. سليم: سمعتي؟ ليلة في سرها بتقعد: لا. وسليم بيخرج وهي بترقص معاهم. بعد شوية الفرح بيخلص وكل واحدة بيروح حتة شكل عشان شهر العسل. وطبعًا سليم وليلة معاهم وكانت مفاجأة لليلة. ليلة: سليم ده مش طريق البيت. سليم: أنا عارف. ليلة: طب هنروح فين؟ سليم: هنروح نقضي شهر العسل إيه رأيك؟

ليلة بفرحة: بجد يا سليم؟ سليم: بجد يا قلب سليم. ليلة: طب هنروح فين؟ سليم: باريس إيه رأيك؟ ليلة: طبعًا موافقة يا حبيبي. سليم: يا قلب حبيبك. ليلة: طب فين الشوكولاتة؟ سليم: يخرب بيت الشوكولاتة وسنانها، وراكي. ليلة جابتها: شكرًا. ليلة: هعمل إيه يعني مش عارف كل شوية آكل شوكولاتة وأنا أصلًا خايفة. سليم: خايفة من إيه؟ ليلة: خايفة أتخن. سليم ضحك: حتى لو تخنتِ هتفضلي قمر في عيني.

بعد الفرح مها وعمر وأسد وبيسان وليلى رجعوا على لندن. تاني يوم الصبح. في الفيلا عند مالك وأسد. في جناح أسد. أسد بحزن: البيت فاضي أوي. حور بحزن: أوي يا بابا حاسة إني لوحدي ومش متعودة أفضل في البيت هادي كده وما فيش صوت خناق ولا دوشة. أسد: هي دي الحياة هنعمل إيه؟ حور بعياط: أنا عايزة ولادي يا أسد عشان خاطري قول لهم ويفضلوا هنا جنبي عشان خاطري يرجعوا ويفضلوا هنا.

أسد بيحضنها: اهدي يا حبيبتي هنعمل إيه لازم كل واحد يبقى في حياته. حور بعياط في حضن أسد: مش هدخل بينهم وربنا يا بابا بس يرجعوا هنا معايَ ليلة ولوليا ولؤلؤ وكلهم يرجعوا. أسد بحزن: عشان خاطري اهدي بس ويلا ننزل عشان نفطر. في جناح مالك. مالك: شايفة بعد الدوشة بقى البيت هادي أنا نايم إمبارح وحاسس إن تميم هيجي يرخم عليا زي كل يوم أو عمر يجي عشان يناكش فيا. تاليا بترجي: أنا عايزة أشوفهم عشان خاطري يا مالك.

مالك: اهدي ويلا ننزل. وبيحضنها. وبينزلوا. وبيتجمع أسد ومالك وحور وتاليا على السفرة من غير كلام. تاليا للخادمة: نادي عليهم. وبتفتكر إن كل واحد في حياته. مالك لأسد وبحزن: أظن دلوقتي مالناش لازمة. مالك: أنا هفضل معاك في بيت واحد وأنت طول عمرك أكتر من أخويا. وبيحضن أسد. (زمان قرر مالك وأسد إن هما هيفضلوا عايشين سوا في نفس البيت لحد ما ليلة تتجوز وكل واحد يستقر بعدها لوحده) أسد وهو بيحضن مالك: وأنا عمري ما أسيبك يا مالك.

حور: ينفع أتصل بيهم يا أسد عشان خاطر. أسد: لا يا حور بلاش عشان هيبقوا مشغولين أو ممكن يلاحظوا إن إحنا زعلانين بلاش نزعلهم. مالك: كنت على طول أقول أمتى يتجوزوا ونرتاح طلع هنتعب وأنا مش واخد بالي. تاليا بزعل: بصوا السفرة فاضية إزاي. أسد بحزن: خلاص بقى لازم نتعود إن إحنا هنرجع زي الأول بس مش زي الأول أوي برضه هما هيرجعوا هنتجمع. بعد مرور أربع سنين. ليلة: يلا يا حبيبة قلبي عشان نروح لجدو أسد وجدو مالك.

لينا: بجد يا ليلة هنروح عند حور وتاليا وأسد ومالك وعمر وكلهم؟ ليلة بفرحة: آه يا حبيبة قلبي هتشوفيهم كلهم. وبيدخل فهد ابن ليلة وسليم الكبير تلات سنين ولينا الصغير سنتين. فهد: ليلة. ليلة: عايز إيه؟ لينا بتطلع من الغرفة. فهد: فين سليم؟ ليلة: عيب كده اسمه بابا وأنا ماما. فهد: ده أنتِ طفلة. ليلة: أنا؟ أنا طفلة؟ وبتدخل لينا وهي بتاكل. الشوكولاتة. ليلة بتزعيق: أنتِ يا بت بتاكلي الشوكولاتة بتاعتي؟ يا سليم يا سليم.

سليم بيطلع: في إيه؟ ليلة: بتاكلي الشوكولاتة بتاعتي أنت جايبها عشاني. لينا بتطلع لليلة لسانها وبتغيظها. ليلة بزعل: شايف أولادك واحدة بتطلع لي لسانها وتاني بيقول عليا طفلة. سليم بيقرب منها ويحضنها: بس يا حبيبي. وبيكلم الولاد. سليم: لينا فهد كده عيب دي ماما. فهد: يا عم دي بتعيط على شوكولاتة وبعدين اسمها شوكولاتة مش شوكليت. ليلة: بص كمان بيتريق عليا إزاي. سليم كاتم ضحكته بالعافية: فهد اعتذر لماما حالًا.

فهد: أنا آسف يا ليلة. سليم: اسمها ماما مش ليلة. فهد: آسف يا ماما. سليم: وأنتِ يا لينا. لينا: أنا آسفة يا ماما. ليلة لسليم: أنا عايزة الشوكولاتة بتاعتي. سليم: هجيب لكِ غيرها. سليم: يلا عشان نروح عند جدو. فهد: هو إياد هيروح؟ سليم: آه يلا على تحت. ونزلوا. ليلة بزعل: ينفع كده؟ هزقوني أوي. سليم ضحك: تستاهلي. ليلة: أنت بتضحك؟

سليم: آه وبعدين براحة فيها إيه يعني لينا تاكل الشوكولاتة وعادي لما فهد يقول لكِ يا طفلة دي الحقيقة. ليلة: يا بارد. سليم: هعاقبك. ليلة: لا لا خلاص. سليم ضحك وقرب منها قبلها: بسرعة مستني تحت. في بيت عمر ولوليا. لوليا: ينفع تسمع الكلام؟ آسر: لا مش هسمع الكلام يا لوليا. لوليا: أنت ولد قليل الأدب زي أبوك. آسر: وربنا هقول لعمر يا بابا يا عمر. عمر: في إيه؟ آسر: بابا ماما بتقولي أنت قليل الأدب زي أبوك.

عمر بخباثة: ماما قالت كده يا ليان؟ ليان الصغيرة: آه يا بابا قالت كده وبتقول كمان إن أنت وحش وبتقول إن هي مش بتحبك. لوليا: أنا يا كدابة يا غيورة. ليان: آه أنتِ. عمر: طب على تحت بقى عشان نمشي. عمر بخباثة: بتقولي عليا قليل الأدب؟ لوليا بتوتر: أنا؟ أنا بقول كده يا عمر؟ لا أوعى تصدق. عمر: حسابك بعدين ويلا عشان مالك وبيتصل. في بيت تميم ولؤلؤ. ميرا: لولي مامتي. لؤلؤ: إيه يا حبيبة مامي؟ ميرا: تيمو تحت؟

تميم من وراها: آه يا أم نص لسان أنتِ. ميرا: أنا يا بابي؟ تميم: كنتِ تيمو من شوية. وبيشيلها. لؤلؤ لميرا: لو سمحتِ أوعي تدلعي جوزي تاني. ميرا وبتطلع لسانها للؤلؤ: ده بابي أنا مش أنتِ وبتحضن تميم. لؤلؤ بزعل: يا تميم. تميم: بس عيب يا ميرا برضه أنا بحب مامي وبيحضن لؤلؤ. ميرا: لا أنت تحبني أنا بس أوعي. وبتشد لؤلؤ من شعرها عشان تبعد. لؤلؤ: يا باردة. تميم: ميرا كده عيب. ميرا: آسفة يا مامتي. لؤلؤ بزعل: بتحبي بابي وأنا لا.

ميرا: لا يا مامي بحبك برضه أوي. تميم: بسرعة يا لؤلؤ. لؤلؤ: ماشي أنا جاهزة هجيب بس سفيان ونازل. سفيان بيبي صغنتوتي. في بيت إياد وشهد. شهد وإياد بيحضنها: بحبك. عشق بغيرة على باباها: كده عيب يا بابي احضني أنا بس. إياد بحب: من عيني يا قلب بابي وبيشيلها. شهد لعشق: طب ينفع أحضن بابي؟ عشق: لا ده بابي أنا بس. إياد: دي مامي برضه يا عشق. عشق: خلاص ماشي. إياد: يلا بلاش نتأخر على أسد ومالك وبينزل. عند أنس وغرام.

أنس: يلا يا حبيبة قلبي. غرام: ثانية واحدة بتغير هدوم مليكة. أنس: طب بسرعة يا حبيبتي. بعد شوية بيبقى الكل في بيت مالك وأسد وكلهم مبسوطين وفرحانين. في الجاردن. فهد: عشق. عشق: نعم. فهد: ما تلعبيش مع الواد ده (على آسر) آسر: عايز إيه يا رخم؟ وبيتخانقوا. والعيلة بتطلع. فهد: عشق هتبقي مراتي. آسر: أنا مالي بيك أنا مراتي لينا. فهد: لا لو جيت جنب أختي هضربك على فكرة. سليم: بس يلا بس يا فهد. إياد: وأنا مش هجوزك بنتي يا حبيبي.

فهد: أنا مالي بيك يا عم أنت أنا مش هتجوزك أنت. واليوم بيخلص بسرعة بكل فرحة. وكل واحد بيرجع بيته وحياته. لوليا بفرحة: بس يوم جميل أوي يا عمر. عمر: أوي بيفكرني بأيام زمان. وبيحضنها. عمر: بعشقك يا أغلى ما ليا. في بيت لؤلؤ وتميم. تميم: واحشتني يا لؤلؤ. لؤلؤ: وأنت. وبتحضنه. عند بيت سليم وليلة. ليلة: كنت مبسوطة أوي النهاردة يا بابا كان يوم تحفة. سليم: والنبي ما في تحفة زيكِ وبيحضنها ويقبلها. سليم بتوهان: بعشقك يا طفلتي.

في الفيلا عند أسد ومالك. في جناح مالك. مالك: كنا كلنا فرحانين النهاردة. تاليا: أوي يا مالك كان يوم قمر يا ريت يجوا كل يوم. مالك: نحمد ربنا إن هما بيجوا كل أسبوع. تاليا: الحمد لله. مالك بحب: بعشقك يا تيتِ، العمر بيفوت وناس كتير بتتغير الزمن بيمر بينا في ثانية وأنا لسه بحبك وبتحبيني ولسه فاكر أول مرة شوفتكِ فيها. تاليا: أنا بموت فيك أنت كل حاجة ليا في الدنيا. في جناح أسد وحور. أسد: تعالي يا حبيبة قلبي.

حور بتنام بين أحضان أسد. أسد بفرحة: انبسطِ النهاردة بالأولاد؟ حور: أوي يا بابا أنا كل شوية أبص عليهم مش مصدقة إن فعلًا العمر بيجري بينا كده وعيالنا كبروا وكل واحد بقى مسؤول عن بيت وأولاد مش مصدقة، فاكرة أول مقابلة ليا معاك كأنه إمبارح يا أسد، معقول كبرنا أوي كده؟

أسد: يمكن كبرنا في السنين بس قلوبنا لسه شباب، لسه عاشقك وأنتِ لسه بتحبيني ودي الحياة وأنا طول ما أنا جنبك تبقى هي دي حياتي يا حوري، مهما العمر يمر أنتِ لسه زي ما أنتِ في عيني بنت الـ19 سنة. حور: أنا بحبك أوي يا سندي يا ضهري يا عوضي من ربنا.

دايمًا الحياة بتفوت بينا يا نستغلها يا ما نستغلهاش، الحب الصح دايمًا بيبقى ضهر وسند للتاني، الحب الحقيقي إن مهما يفوت سنين كتير أوي ما لهاش عدد بيبقى موجود ومستمر في قلوبنا عشان إحنا بنكبر آه لكن قلوبنا الحب بيخليها شباب زي ما هي، الحب بيغير حياتنا لو مع الإنسان الصح بتبقى للأحسن لو مع الغلط يبقى بلاش حب.

الحب الصح بينور قلوبنا وبينور كل حاجة فينا، كل حاجة فينا بتعيش للحب أو ما بنتولد أول حاجة بنحس بيها هي الحب، حب لأي حد مش شرط خطيبك أو خطيبتك حبيبك ولا حبيبتك. بس أهم حاجة في كل ده هو اختيارك للحب لشريك باقي معاك طول المشوار أنتِ أو أنت، بنحب عشان عايزين حد معانا في الرحلة نشاركه فرحنا وقد إيه إحنا زعلانين وقد إيه وجود الشخص ده فعلًا بيفرق مع كل قلب. ما تتسرعوش تؤتؤ.

يمكن الحب بالذات بيمشي من غير ترتيب ما فيش عقل بيقرر إنه هيحب ده في قلب بينبض باسم ده باسم حبيبه باسم ربنا خالقك وهو الاسم ده مكتوب على قلبك ومكتوب على دنيتك وحياتك كلها. مش معنى كده إن كل حد فينا مر بتجربة وحشة يبقى هو فاشل، الفشل ده إحنا اللي بنزرعه جوا قلوبنا. ويا بخت أي حد لسه قلبه نضيف. هسيبكم في أمان الله. وأهم حاجة القلب النضيف والحب الطاهر. ربنا يوعد كل قلب بقلب يشبه قلبه وبحب يحافظ على كل حاجة فيك/ِ حلوة.

تمت النهاية. لا يوجد نص لتصحيحه أو تنسيقه في هذا الجزء. المحتوى المقدم عبارة عن تعليمات وروابط لا علاقة لها بنص روائي.