رواية طفلتي الخائفة الجزء الثاني "2" الفصل الرابع والعشرون 24 - بقلم شهد عبدالسلام

ليله باستغراب: إيه ده؟ سليم: اطلعي معلش. وبتطلع. ليله: أنا عايزة أفهم، هو في إيه؟ سليم: هتفهمي كل حاجة. وبيطلعها في يخت كبير ومليان بلالين. سليم وهي واقفة قصاده نزل على ركبته قدامها، وليله واقفة مش فاهمة حاجة. سليم وماسك علبة فيها خاتم ألماظ: تقبلي تسامحيني وتتجوزيني؟ وبيقبل إيديها ولسه ماسك العلبة. ليله بحزن: طب ما إحنا متجوزين. سليم: الوراقة دي مالهاش أي لازمة عندي، كل اللي يهمني إنتي، إنتي وبس، صدقيني بحبك.

ليله بدموع: وأنا؟ سليم ولسه نازل على ركبته: وإنتي إيه؟ ليله: ... سليم بقلق: طب موافقة؟ ليله بتحرك رقبتها بمعنى موافقة. سليم بيقف قدامها مرة واحدة وبيحضنها جامد وبيلف بيها وبيطلع بيها في اليخت. وفجأة الضوء بينور في اليخت. ليله بفرحة: يا مجنون نزلني! سليم نزلها وبيمسكها من وشها بحنية: بحبك وربنا بحبك. وبصي كده وبيرفع إيده. وفجأة بيظهر في السما: بحبك يا ليلو. ليله بفرحة: وأنا أكتر. سليم بيرجع يحضنها وبيبعد عنها.

وبيفتح العلبة وبيلبسها الخاتم. سليم بفرحة: مش مصدق إنك خلاص بقيتي معايا يا حتة من قلبي. في الفندق. عمر بهزار: أخوك ده مش سهل. تميم بضحك: أنا بقول كفاية كده عليه، يلا نجمع العيلة وننزل. عمر: تمام، يلا يا تميم نعرف مالك وأسد إن سليم وليله اتصالحوا. تميم: تمام أنا هروح لأسد. وإنت لمالك. وبيروح تميم. وبيدق الباب. أسد: عايزة إيه يلا؟ تميم: في إيه يا بابي مش كده؟ أسد: بابي جايب سوسن. تميم بيدخل من تحت إيد أسد.

تميم لحور: يلا يا ماما إنتي لسه قاعدة؟ حور باستغراب: في إيه؟ تميم: سليم واخد ليله على يخت يا معلم ومولعها من بدري، يلا عشان نروح نفرح ليله. وبيطلع. أسد بفرحة: طب ينفع كده؟ حور بفرحة: آه ينفع، أهم حاجة إن هما كويسين دلوقتي. أسد بفرحة: دي أنا أكتر حاجة تسعدني. يلا عشان ننزل. عند جناح مالك. مالك: أنا لسه سايبك عايز إيه؟ عمر: سليم واخد البت على اليخت يا معلم، ويلا عشان نحتفل. ومشي من قدام مالك.

مالك بفرحة: تاليا قومي بسرعة غيري. تاليا: في إيه يا روحي؟ مالك برومانسية: يا روح روحك سليم وليله هيتجوزوا، قومي بقي. تاليا بفرحة: آآآه بجد! طب يلا! وبتنزل العيلة كلها وبتروح على اليخت. أسد بيمثل الجمود: ليله تعالي هنا. سليم بصدمة: إنت بتقول إيه يا بابا؟ أسد: بقول إنك حيوان ولازم تتجوزوا في أقرب وقت. سليم ضحك: آخر الأسبوع وحياتك.

كل العائلة بقت فرحانة ومبسوطة لسليم وليله، وفعلاً الميعاد اتحدد وبقى آخر الأسبوع، وتميم ولؤلؤ وعمر ولوليا زي ما هما آخر الشهر. نفس اليوم بالليل. مالك: بكرة هننزل القاهرة عشان تجهيزات الفرح. وكل واحد هيروح على جناحه. سليم: رايحة فين؟ ليله بفرحة: هطلع أنام. سليم بخباثة: في جناحي. أسد وسمعه: ده عند أمك يا روح أمك مش عندنا، يلا غور على أوضتك. سليم: مش كده يا عم نتفاهم. مالك: امشي يلا وإنتي يلا يا حبيبتي على أوضتك.

مالك بيحضنها وبيطلع. سليم: ماشي يا بابا، أتجوزها بس ومش هتشوفها تاني. العائلة كلها بتضحك. وتاني يوم الصبح. في القاهرة. مها بحب: مبروك يا حبايب قلبي. وطبعاً ليلي وأنس بيباركوا لسليم وليله. سليم: شوية والفاشون هتجيلك. ليله بابتسامة: حاضر. أسد: مبسوطين؟ كلهم وكل واحد عينه في عين حبيبه: أوووي. أسد وحور بين أحضانه: دي أهم حاجة عندي. وكل واحد محبوبته بين أحضانه. وشوية ومصممة الأزياء بتبقى عند ليله.

غرام: أهلاً يا ليله، سليم بيه بعتني لحضرتك. ليله بابتسامة: آه عارفة طبعاً، اتفضلي. وبتطلع. وبتطلع هي وليله. ونازل أنس. غرام بتوهان: أنس! أنس بفرحة: غرام عاملة إيه؟ غرام: الحمد لله، وإنت يا أنس ولا تحب أقولك يا دكتور؟ أنس: إنتي كل حاجة منك بحبها يا غرام بس بلاش دكتور. غرام: هو إنت هتستقر هنا؟ أنس: لا لسه في لندن بس فترة وهرجع. غرام بزعل: ربنا معاك ويوفقك. أنس: يا رب إنتي...

غرام: أنا الفاشون إن شاء الله هعمل فستان ليله. كل ده وليله متابعة وساكتة وملاحظة حب غرام الواضح في عيونها. أنس: طب إيه رأيك نتكلم شوية؟ ليله: عادي براحتك. أنس: خلاص إيه رأيك تخلصي الشغل مع ليله وننزل شوية؟ غرام: تمام ما فيش مانع. في غرفة ليله. غرام: الفستان هيبقى تحفة عليكي. ليله: شكراً. وبتغمز: وهو برضه هيبقى تحفة جنبك. غرام: مش فاهمة. ليله بابتسامة: إنتي بتحبي أنس؟ غرام: عرفتي منين؟ ليله: واضح عليكي أووي إنك بتحبي.

غرام بحزن: أووي يا ليله بحبه، وكنت معاه في ثانوي وأول سنتين في الجامعة بابا قرر إن إحنا هنرجع مصر. ليله وبتطبطب عليها: إن شاء الله هيبقى خير ويكون في نصيب سوا. غرام بابتسامة: يا رب يا روحي وإنتي بسم الله ما شاء الله عليكي زي القمر. وبتخلص مع ليله وبتنزل تقابل أنس. أنس وماسك إيديها: وحشتيني أووي. غرام بارتباك: وإنت. أنس: معقولة لسه فاكراني؟ غرام بدموع: ولا عمري يوم نسيتك يا أنس. أنس حضنها: بحبك يا غرامي.

غرام بتبعد: وأنا. أنس: بابا هينزل وأسد أخويا بعد يومين عشان الفرح، وهاجي أشرب حاجة مع باباكي. غرام بفرحة: بجد؟ أنس بابتسامة: آه وربنا. وبيخلص اليوم وأسد بيقرر إن طول الأسبوع سليم في الفيلا بتاعته. تاني يوم الصبح. عمر في الفون. عمر: فاضل 15 يوم وفرحتي تتم يا نن عيوني. لوليا: هيبقى أسعد يوم في حياتي يا عمر. عمر: مين سمعك يا قلب عمر؟ في الساحل في جناح إياد وشهد. إياد بحب: يا روحي قومي بقى كفاية نوم. شهد بكسوف: إيه بقى؟

إياد بغزل: قومي يا حبيبة قلبي. شهد: عايز إيه؟ إياد بحب: وحشتيني. في الفيلا. أسد: مالك عايز كل حاجة تمام، خايف يحصل حاجة. مالك: إن شاء الله مش هيحصل حاجة يا أسد. أسد: يا رب. وبيخلص الأسبوع العائلة كلها مبسوطة وفرحانة، وكل واحد بيعمل تجهيزات فرحه، وكل حاجة بقت جاهزة لفرح ليله وسليم. قبل الفرح بيوم. بيتجمع الشباب عند سليم في تميم وعمر وأسد. في بيت غرام. وأسد ومالك وعمر وأنس مع بابا غرام فريد.

فريد: أهلاً وسهلاً يا عمر باشا. عمر بفرحة: عامل إيه يا فريد؟ وبيحضنه. وبيقعدوا. أسد: طبعاً يا فريد إحنا هنا عشان نطلب إيد الآنسة غرام لابن أخويا أنس. فريد بابتسامة: وأنا موافق وأتشرف بيكو، أنس راجل وكويس. عمر: إحنا اللي نتشرف يا فريد. فريد: هاخد رأي غرام وهارد عليك. في الفيلا. بيسان مرات أسد ابن مها. بيسان: أمممم بس ده إنتي صغنونة أووي يا ليله. ليله بابتسامة: لا يختي مش صغننة ولا حاجة. بيسان

بضحك مع البنات وخباثة: طب عايزة أقولك حاجة صغيرة أووي عشان بكرة. ليله: قليلة الأدب. لؤلؤ بضحك وبتمسكها: لازم تسمعي. تاليا: بس يا لؤلؤ سيبيها. ليله: أوعي يا باردة. لؤلؤ: لازم تسمعي. ليله: اسمعي لوحدك يختي. ولؤلؤ بتشدها، ليله جريت على برا. وهوبا بتخبط بضهرها في الحيطة (سليم) سليم مسكها: إيه ده في إيه؟ ليله بتوتر: سليم. وبتدخل بقية العائلة مع سليم. سليم: ثانية يا بابا وهرجعها. أسد: ماشي. وبيمسك إيد ليله. وبيطلع.

سليم: مالك وشك مخطوف كده ليه؟ ليله بتوتر وبتبعد: لا ما فيش. سليم بحب: طب اهدي يا روحي بس مالك؟ ليله بتوتر: ما فيش، عايزة أدخل. سليم بخوف: طب حد عملك حاجة؟ ليله: تؤتؤ لا. سليم بحنية: طب في إيه؟ ليله: ما فيش بس لؤلؤ بترخم عليا بس. سليم ضحك وفهم حركات البنات: قوليلها بيقولك سليم ملكيش دعوة بيا. ليله بضحك: ينفع تسيب إيدي بقيي؟ سليم بحب: حاضر. وقبلها من جبينها. سليم: مش مصدق إن خلاص كلها بكرة وهتبقى في بيتي.

ليله بكسوف: وأنا بحبك. وبتدخل ليله جري. سليم ضحك وبحب: مجنونة بس أي حاجة منك حلوة. يوم فرح ليله وسليم. في الأوتيل. في أكبر أوتيل في القاهرة. في الفون. ليله بتوتر: ألو. سليم: إنتي فين؟ ليله بتوتر: في الأوتيل. سليم: خلي بالك من نفسك، ومتوترة ليه يا حبيبي؟ ليله بتوتر: خايفة. سليم: من إيه يا روحي؟ ليله: خايفة أطلع وحشة، يحصل حاجة، متوترة أووي.

سليم: ينفع تهدي خالص كده وهتبقي زي القمر، إنتي قمرين من غير حاجة يا حبيبة قلبي. ليله: يا رب يا حبيبي. سليم: نعم قولتي إيه؟ ليله: هااا لا ما فيش، باي بقى. وبتقفل. سليم بابتسامة وبيشوف صورتها على الفون. سليم: كلها ساعات وتبقى معايا ومراتي. عند ليله. لوليا: يلا الميكاب تحت. ليله بتوتر: لا لا أنا خايفة. لؤلؤ: يا بنتي خايفة من إيه، تعالي ربنا يهديكي. ليله: طب خليها تطلع. بيسان: هتبقى قمر يختي ما تخافيش.

ليله بابتسامة: خدي بوسة. ليلي: أنا عايزة أعرف معلش إنتي متوترة ليه؟ ليله: يووو بقى مش فرحي؟ وبتدخل الميكاب. الميكاب أرتيست ريان. ريان: أهلاً بعروستنا القمر، يلا بقى. ليله: أنا عايزة كل حاجة هادية خالص. ريان: من عيوني يا قمر، يلا. وبعد ساعات. بتخلص الميكاب وبتساعدها في الفستان غرام وطبعاً بقية البنات جنبها. وبتتصل على سليم. ليله: بابا. سليم: إيه يا قلب وعيون بابا؟ ليله بابتسامة: أنا اتصلت بيك عشان أقولك.

سليم بفرحة: قولي يا حبيبة قلبي. ليله: أنا فرحانة أوووي. وبتضحك جامد. سليم: أنا هبقى عايش حياتي كلها عشان تبقي فرحانة يا روحي. ليله بتوتر: بس بص بقى أنا هعيش مع أسد ومالك. سليم بتلقائية: نعم يا روح أمك؟ ليله: في إيه يا سليم؟ سليم: يا قلب سليم، هو أنا متجوزك ليه يا حبيبتي؟ مش عشان تبقي جنبي أنا؟ إحنا مالنا بأسد ومالك إحنا؟ ليله: خلاص نتفق بقى. سليم: أنا متجوز طفلة وربنا، اقفلي يلا عشان هتبقي عروسة قمر النهارده.

ليله بزعل: أنا طفلة! أنا! سليم: اهدي ياما كده، بلاش خناق النهارده وحياتي عندك، النهارده نبقى فرحانين بس. ليله: أمممم حاضر، باي بقى عشان عندي حاجات كتير أوووي. وبتقفل. سليم: يا مجنونة إنتي. عند مالك وأسد وحور وتاليا. متجمعين في جناح في الأوتيل. أسد بفرحة: أقدر أقول إن مهمتي انتهت، أنا وإنت وهي بتتجوز دلوقتي، أكتر حاجة كنت خايف عليها، بحبها يمكن أكتر من ولادي وكانت أمانة في رقبتي وهتفضل أمانة في رقبتي ليوم الدين.

مالك بفرحة: مبسوط بيهم وفرحتي أكتر إن هي مع سليم وبيحبها وبيخاف عليها ومتاكد إن ابنك يا أسد هيشيلها في عيونه. حور بعياط: كفاية بقى وربنا أنا مبسوطة أووي مش عايزة أعيط. أسد بيحضنها وبيمسح دموعها. تاليا: أهم حاجة إن هما الاتنين فرحانين مع بعض. مالك بيحضنها. مالك: عقبال الباقي. وبيدق الباب سليم. وبيدخل. سليم بفرحة: هتجوزها يا جدعان. مالك: أسد ده ابنك بيضحك. حور: يا حبيب قلبي مبروك يا حبيبي.

سليم بيحضنها: الله يبارك فيكي يا ست الكل. تاليا: مبروك يا حبيبي. سليم بيحضنها: الله يبارك فيكي يا تيتي. مالك: كفاية أحضان يا حلو إنت. مالك بجدية: سليم. سليم: إيه؟ مالك: وربنا هتزعل ليله هعلقك. سليم بحب: دي في عيني، لا عيني إيه دي في قلبي. أسد: وربنا لو جت في يوم زعلانة أو حسيت إن هي زعلانة، إنت مزعلها، إنت عارف أنا ممكن أعمل فيك إيه. سليم: هو في إيه يا جدعان؟

دي مراتي، مراتي وقبل ما تبقى مراتي بنتي، وما فيش حد هيخاف عليها زيي. أسد: عارف بس بعيد عنك إنت دماغك طايرة منك. سليم: ده كان زمان وربنا، دلوقتي ده أنا عايش عشان أحبها بس. أسد ضحك وقرب عليه وحضنه: ربنا يخليكم لبعض يا حبايب قلبي. مالك بفرحة: مبروك يا حبيبي. سليم بمشاكسة: عقبال يا أبو الملوك. تاليا لحور: شايفة ابنك عايز يضرب وهو عريس. كله فضل يضحك. وبيدخل عمر وتميم ومها وعمر وأنس. أسد: يلا بقى عشان نروح للعروسة.

وبتخرج العائلة كلها من الجناح. في جناح ليله. لوليا: بسم الله ما شاء الله قمر. ليله بتوتر: لا أنا خايفة أوووي. بيسان: اهدي يا حبيبة قلبي. ليلي: بسم الله ما شاء الله عليكي زي القمر. ليله بتوتر: شكراً. لؤلؤ: يلا يا بنات نطلع إحنا. ليله بتوتر: هنطلع إيه؟ لوليا: لازم نطلع بقى أبيه هيجي ياخدك. ليله بتوتر: لا والنبي أنا متوترة شوية. غرام: يا روحي اهدي بس. بيسان بحب: خدي نفس عميق يا حبيبة قلبي واهدي كده وكل حاجة هتبقى تمام.

يلا يا بنتي. وكل البنات بتخرج من الجناح. وبتدخل حور وتاليا ومها. تاليا أول ما بتشوفها: بسم الله ما شاء الله الله وأكبر عليكي يا حبيبي. حور بدموع وبتقرب منها وبتحضنها: حبيبة قلبي بنتي اللي زي القمر، مبروك يا روحي. ليله وهي فعلاً حاسة إن حور وتاليا أمها: تسلمي يا ماما. وبتحضن تاليا ومها. وبعد شوية من الكلام. كل ده سليم واقف هيموت ويدخل.