رواية طفلتي المنسية الفصل العشرون 20 - بقلم هدير عبدالعليم

ياسمين: عمو ي عمو عمو: .. ياسمين: هو ده الحل ي حور حور: حل أيه؟ ياسمين: عمو طلبي هو عمو: أيه؟ تحت أمرك، عايزه فلوس؟ ياسمين: عايزه أعرف حكايتك عمو: حكايه أيه؟ ياسمين: حكايه حبك أنت وطنط عمو: بضحك تدفعي كام ياسمين: لازم حور تسمع الحكاية عمو: ليه؟ ياسمين: يااها دي حكايه طويله والحل إنك تقول حكايه حبك أنت وطنط عمو: بس كده عيوني وقال ل حور حكايته بالتفصيل ياسمين: ها نقول مبروك حور: .. عمو: ألف مبروك حور: على أيه

طنط: مبارك ي بنتي، باين من كلام ياسمين إنك مخطوبة أو.. حور: ي طنط هو ممكن حد يحب حد بعد الجواز طنط: ممكن جداً حور: إزاى؟ طنط: عارفه ي بنتي أنا كنت زيك وأكتر، كنت خائفه من الجواز والمسؤوليات وأنا كنت مدلعه أووي في بيت أهلي، عارفه يوم خطوبتي كنت بعيط خائفه من كل حاجة، بس عارف ي حور عرفت إن الجواز هو الونس هو الحب والحنية وأجمل ما فيه هي المسؤولية، مش بقولك إن الجواز سهل لكن بقولك إن إللي بيهون عليك جوزك، ف اختاري

حد حنين وطيب وجدع ياسمين: ها نقول مبروك حور: .. طنط: بلاش تردي دلوقتي وفكري كويس، بس افتكري كلامنا وأنت بتختاري، إياك تفكري في الفلوس و.. عمو: معاكِ حق والله ي هدى، ربنا يقدملك إللي فيه الخير ي بنتي حور: يارب ياسمين: حور أنا لازم أمشي، أتأخرت أووي حور: خديني معاكي ياسمين: حور بقولك لو جيتي بكره وشوفتي فهد قوليله إني هجبله الورد بعد بكرة لأن بكرة مش هعرف أطلع لأني اتأخرت النهارده حور: خلاص أنا هجيلك البيت ياسمين:

لا لا بيت لا حور: مالك اتخرعتي كده ليه؟ ياسمين: مفيش ي حور بس أنا لازم أمشي حور: اامم ياسمين: بعد بكره الساعه ٥ هكون موجودة إن شاء الله *** بعد ٣ أيام فهد: كنت عارف إنك هتيجي هنا في أي يوم من الأيام دي ياسمين: فهد: عاملة أيه ياسمين: ماشية الحمد لله فهد: مجتيش امبارح ليه ياسمين: عادي فهد: بمزاجك؟ ياسمين: عامل أيه ي دكتور فهد: الحمد لله ياسمين: عرفت أيه إللي حصل؟ فهد: أيه!! ياسمين: محمد هيتجوز حور

فهد: لا عايز أعرف أيه إللي حصل في حكايتك أنتِ ي ياسمين ياسمين: محمد عايز يتجوز حور وقال حور مش موافقه عليه!؟ فهد: بتغيري الموضوع ليه؟! ياسمين: بس أنا واثقة إنهم هيتجوزوا في الآخر فهد: ما بلاش الاستفزاز ده، ردي على سؤالي ياسمين: فهد: ... ياسمين: أصلا هقولك أيه فهد: تقولي أنتِ ليه لسه في الشارع ومش بتدوري على أهلك؟! ياسمين: لا ي دكتور في الدار مش في الشارع فهد: دار الأيتام؟!! ياسمين: فيه غيرها؟ فهد: طب أهلك فين؟

ياسمين: لو عرفت مكانهم بالله قولهم وحشتوا بنتكم أووي، قولهم إني بدور عليهم أكتر بكتير منهم فهد: تصدقي فعلاً وأنا حاسس إن حور ومحمد هيتجوزوا ياسمين: عرفت أمتي بنطلع بره الموضوع والحوار فهد: .. ياسمين: لما مش بيكون فيه كلام يوصف الشعور إللي حاسين بيه فهد: واا أسفاه حقيقي ياسمين: تتوقع حور هتوفق على محمد فهد: خائف أووي لأنه بيحبها أووي، عارفه ي ياسمين محمد شاف حور دي من سنتين وكأنه بيشوفها كتير، أصلا محمد ساكن قريب منهم

بس هي مكنتش عارفه ياسمين: ها بجد فهد: والله وكأنه ديما بيدعي إنها تكون من نصيبه ياسمين: .. فهد: علشان كده أنا خائف أووي حور ترفض ياسمين: فهد فهد شوف مين جاي فهد: ها