رواية طفلتي المنسية الفصل الحادي والثلاثون 31 - بقلم هدير عبدالعليم

ياسمين: يبقى أنا السبب صح؟ حور: بصراحة يا ياسمين، آه. ياسمين: بعصبية. طب تمام، أنا اللي أمشي من المستشفى، مش هو. حور: بس… ياسمين: بصوت عالٍ. آه، كملي. فيه إيه البيه ماله بقى؟ قصدي، هيمشي لسه من المستشفى؟ حور: بصراحة يا ياسمين، فهد بيحبك. ياسمين: باين جداً. وهو عايز يمشي من المستشفى أول لما نزلت عشان أتدرب معاه، صح؟ حور: عشان خايف منك. ياسمين: بعصبية. ليه؟ بخوف أنا؟ صح؟ حور: يا ياسمين، مش عارفة أقولك إيه.

ياسمين: محمد اللي بيتكلم جنبك ده، صح؟ حور: بضحك. آه. ياسمين: طب اديني أكلمه وأفهم منه بقى. محمد: أزيك يا ياسمين؟ ياسمين: بعصبية. بدون سلامات، ممكن أعرف صاحبك مشي من المستشفى ليه؟ محمد: مش حور قالتلك هو مشي ليه؟ ياسمين: قالتلي إيه؟ محمد: بصراحة يا ياسمين، فهد بيحبك وحس إنك هترفضيه لو اتقدم عشان انتِ طبعًا بقيتي من عيلة كبيرة و… ياسمين: بدموع. بس أنا كنت بنت دار، فاهم يعني إيه؟ حور: عشان تعرف يا محمد إن ياسمين مش كده.

ياسمين: … حور: طب تعرف بقى يا محمد إني مكنتش موافقة عليك أساسًا، بس البركة في ياسمين، هي اللي فضلت تقولي إنك كويس و… ياسمين: يا محمد، قول لصاحبك اللي بيحب حد مش بيهرب، اللي بيحب حد بيحارب، تمام؟ محمد: على رأيك. ياسمين: سلام. محمد: سلام. بعد نص ساعة. ماما: ياسمين، مالك؟ ياسمين: لا يا ماما، أنا كويسة. ماما: ده أنتِ بتعيطي كمان؟ ياسمين: بمسح دموعي، ولسه هتكلم. ماما: أنا اللي همسح دموعك المرة دي.

ياسمين: حضنتها وفضلت أعيط جامد. (شعور مختلط ما بين الأمان والحب والخوف من إني أبعد عن فهد) ماما: طب يلا نلبس وننزل نتمشى شوية. ياسمين: يا ريت. ماما: هنتمشى على الكورنيش، تمام. ياسمين: بابتسامة. أي مكان. على الكورنيش. ماما: مالك بقى يا ياسمينة؟ ياسمين: بصراحة مش عارفة، مش فاهمة حاجة. ماما: … ياسمين: مش عارفة أنا المفروض أفرح ولا أزعّل. ماما: لازم تفرحي طبعًا، لأنك معانا. ياسمين: ماما، هسألك سؤال.

ماما: إيه يا قلب ماما؟ ياسمين: هو اللي بيحب حد بيعمل إيه علشانه؟ ماما: بيعمل علشانه المستحيل يا ياسمينة. ياسمين: طب المستحيل ده اللي هو إيه؟ ماما: فاكرة زمان لما أبوكي اتقدم ليا خمس مرات واترفض عشان هو كان كلية تجارة وأنا كنت طب؟ ياسمين: بجد؟ ماما: تعرفي عمل إيه عشان نتجوز؟ ياسمين: إيه؟ ماما: اشتغل ليل ونهار عشان يتجوزني. ياسمين: بجد؟ ماما: عرفتي إيه هو المستحيل؟ ياسمين: آه، عرفت تقريبًا إيه هو المستحيل.

ماما: كان مالك بقى؟ ياسمين: لا لا، أنا كويسة. ماما: تليفونك بيرن يا ياسمينة. ياسمين: معلش يا حاجة، مش متعودة إن تليفوني يرن. ماما: مين اللي بيتصل؟ ياسمين: ده بابا. ماما: طب ردي، ها بيقولك إيه؟ ياسمين: بيسأل إحنا فين. ماما: آه. بعد خمس دقايق. ماما: بابا جاي أهو. ياسمين: بدهشة. ها؟ إيه؟ ماما: مالك اتخرعتي كده ليه؟ ياسمين: شوفي مين جاي معاهم. ماما: دا… ياسمين: أنا ماشية يا ماما. ماما: باستغراب. ليه؟

ياسمين: بحزن. لازم أمشي وخلاص. ماما: لا، مش هينفع يا ياسمين. ياسمين: ياربي، دول وصلوا. بابا: أزيك يا حبيبتي؟ ياسمين: الحمد لله يا غالي، عامل إيه؟ بابا: الحمد لله. ياسمين: بابا، أنا واقفة هنا، هكلم حور بعد إذنك. بابا: الموضوع ده يخصك يا ياسمين، استني. ياسمين: موضوع إيه؟ بابا: فهد عايز…

ياسمين: عايز يرجع المستشفى، آه. ما أنا عارفة خلاص. ما أنا مشيت ومش هروح تاني عشان حضرتك ترجع المستشفى يا دكتور. المستشفى محتاجة دكتور شاطر زيك. بابا: إيه كل ده؟ بس هو مش عايز كده خالص. ياسمين: … فهد: ياسمين، تتجوزيني؟ ياسمين: ها؟ إيه؟ فهد: تتجوزيني؟ ياسمين: بدموع. هفكر. فهد: لا، مش هستنى تاني، أنتِ تعرفيني قبل أهلك أساسًا. ياسمين: بضحك. أفكر برضه. فهد: مترخمييش بقى. ياسمين: 😅😅

فهد: أنا هكلم بنت خالتك ومحمد يجوا عشان دماغك دي محتاجة… بابا: ها، من البداية محتاجة… 😅 فهد: لا يا عمو، دي ياسمين، مقدرش أعمل فيها حاجة، ده أنا تحت أمرها في كل اللي هي عايزاه. بابا: ربنا يخليك يا ابني. بعد ساعة وفي بيتنا. حور: فين ياسمين؟ فهد: جوه. حور: احممم. إيه كل الناس دي؟ فهد: نسيت أقولكم في التليفون إن النهارده خطوبتي أنا وياسمين. حور: بفرح. بجد؟!!! فهد: هو إحنا أي حد. 😅

حور: أنا داخلة لبنت خالتي بعد المفاجأة القمر دي. بعد التجهيزات. فهد: عروستي فعلاً. حور: روحي منورة. محمد: فرحت أوي إنك وافقتي على فهد يا ياسمين. ياسمين: أنا وافقت بس عشان هو صاحبك. 😅 محمد: طبعًا معلوم. 😅 الفرح إمتى؟ فهد: بعد ٦ شهور. حور: بس ده قليل أوي. محمد: لا، ما هما عارفين بعض يا حور. حور: تصدق فعلاً. بعد سنتين. ياسمين: يا نور، يا تبارك، تعالوا هنا جنبي. نور وتبارك: الحقي يا ماما! بصوت عالٍ.

ياسمين: يا فهد، يا فهد! نور وتبارك. فهد: جرّي بسرعة يشوف فيه إيه. ياسمين: والله بجد بتهزري يا حور؟ خرعتيني. حور: مفاجأة حلوة صح؟ ياسمين: وصلتوا إمتى من السفر؟ حور: لسه النهارده. ياسمين: يا أهلًا، أخيرًا شوفتك. الغربة وحشة أوي. حور: فعلاً، تحسي إنك لوحدك كده. يا أهلًا، سنة وشوية مشفتكمش. ياسمين: وحشاني أوي. هي دي روزان بنتك صح؟ اه، صح، شبهك أوي. حور: ودول عيالك التوأم؟!!! شبهك برضه.

ياسمين: بابتسامة. دول شبهك حبيبي، شبه فهد. حور: بتعرفيهم إزاي؟ ياسمين: مش بعرفهم. 😅😅 فهد: بس أنا بعرفهم بقى. أنتِ نور صح؟ ردت: لا يا بابا، أنا تبارك. لحقت تنسى؟ بابا، دا أنا لسه كنت بقولك أنا اللي لابسة أحمر النهارده. ركز بقى يا بابا. محمد: هو ده اللي بناخده من العيال يا عم. فهد: بضحك. كأن مالنا إحنا ومال الجواز. ياسمين وحور: بتقولوا حاجة؟ فهد حضن ياسمين وتبارك ونور، ومحمد حضن حور و روزان،

وقالوا في صوت واحد: ربنا يخلينا لبعض. (نسيت أقولكم إن تبارك جاي من البركة اللي بقت في حياتنا، ونور لأنها بعد كل التعب حياتنا بقت عبارة عن نور) تمت بحمد الله.