رواية طفلتي المنسية الفصل الثلاثون 30 - بقلم هدير عبدالعليم

قالت بخوف: ده لو أيان عرف كان هيقلب الدنيا، الحمد لله إن محدش عرف. الباب اتفتح فجأة وحد قال بغضب: بس أنا عرفت. حنين: رعد؟ ميرا بتوتر: عرفت إيه؟ رعد: انتي فاكرة إنك هتخبي عليا ولا إيه؟ (وبص لحنين وقال) وانتي هتفضلي ضعيفة وخوافة كده لحد إمتى؟ مقولتيش ليه اللي حصل؟ حنين: أنا خوفت ليحصل مشاكل. رعد: وإنتي فاكرة إن كده مش هيحصل مشاكل؟ حنين: يا رعد بالله عليك بلاش تعمل مشاكل، اهدي بس كده وفكر. رعد بعصبية: أفكر في إيه؟

واحد زبالة زي ده لازم ياخد جزاءه وأنا اللي هعلمه الأدب، أما إنتو الاتنين حسابكم معايا لما أرجع. (طلع وخبط الباب أوي) حنين ببكاء: يالهووووي يالهووووي، أخوكي مش هيسكت. ميرا: منا قولتلك يا حنين مينفعش نسكت، عاجبك كده؟ ده أكيد هيموته. حنين: لازم نكلم حد يلحق رعد قبل ما يوصل لزفت خالد. ميرا: لو حد من البيت عرف الموضوع مش هيهدى، ده هيزيد أكتر. حنين مسكت تليفونها ورنت على سليم. *** أيان وصل الصيدلية.

أيان: السلام عليكم، لو سمحت كنت عايز الدواء ده. الدكتور: وعليكم السلام، حاضر يافندم. (وقال بصوت عالي) زهرة تعالي جيبي العلاج ده عشان برتب الطلبية. (طلعت زهرة من جوا وأيان اتفاجئ بيها) أيان: إنتي بتشتغلي هنا؟ زهرة باحراج لأن الدكتور كان بيبص عليهم: آه، طلباتك إيه يافندم؟ أيان عطالها الورقة. زهرة: تمام. (خدت الورقة تجيب العلاج) زهرة: اتفضل يافندم، كده الحساب 150 جنيه. أيان: اتفضلي الفيزا.

زهرة: للأسف يافندم الدفع هنا كاش. (أيان دور في جيبه بس نسي الفلوس في البيت) زهرة خدت بالها إنه مش معاه فلوس: خلاص يافندم خد العلاج وتعالى في أي وقت ادفع الفلوس. الدكتور: إحنا هنا مش بنبيع بالقسط يا ست زهرة، معاه فلوس ياخد العلاج، مش معاه يسيب العلاج ويمشي. أيان بغضب: وانت مفكر إني بشحت منك؟ أنا مش معايا فلوس كاش، معايا الفيزا وانتوا مش بتاخدوا بالفيزا.

الدكتور: مش ذنبي، وبعدين ممكن تكون بتمثل وخلاص عشان تاخد العلاج من غير فلوس والفيزا اللي بتتمنظر بيها تكون فاضية. زهرة بضيق: يعني إيه؟ هو جاي يشتري لبس؟ ده علاج واكيد محتاجه ضروري. الدكتور: واحنا مش فاتحينها جمعية خيرية. أيان بغضب: اتكلم معاها بأدب أحسنلك، والعلاج عندك أهو. (ولسه هيمشي) زهرة: لو سمحت يافندم ثواني بس. (جابت شنطتها وطلعت الفلوس وحطتها قدام الدكتور) زهرة: الفلوس وصلت أهي. أيان: انتي بتعملي إيه؟

زهرة: خد العلاج وربنا يشفي المريض يارب. أيان: لاء طبعًا، أنا هجيب من صيدلية تانية، خدي فلوسك. زهرة: أنا شغالة هنا علطول، في أي وقت يبقى هات الفلوس، متشلش هم. أيان بامتنان: شكرًا لحضرتك. وأنا أيان الحديدي لو احتاجتي حاجة أنا تحت أمرك. (وخد العلاج ومشي) الدكتور بغيظ: أكيد كداب، لأن عيلة الحديدي عيلة كبيرة ومفيهاش حد فقير. زهرة بغضب: هو جاي بيشحت؟ ده بيقول ناسي الفلوس، وبعدين انت مشفتش العربية اللي راكبها؟

الدكتور بص على شاشة الكمبيوتر وشافه من الكاميرات، فعلاً العربية فخمة أوي. الدكتور بطمع: طب خلاص، لما ييجي يجبلك الفلوس قوليله الدكتور كان متعصب وهو مش كده، ده طيب، وقوليله كلام حلو عني. زهرة بضيق: أنا مش هكدب. (وسابته وكملت شغل) *** عند رعد. وصل الكافيه بتاع إبراهيم الشاذلي (أبو خالد) رعد بغضب وصوت عالي: خااااااااالد! (الناس كلها بصت عليه باستغراب) الجارسون: في حاجة يافندم؟

رعد مهتمش بيه: خاااالد هتطلع ولا أدور عليك بمعرفتي. (خالد طلع وسط اتنين بودي جارد) رعد: بتستخبي في الاتنين دول؟ والله لو طالع في حماية جيش ما هسيبك برضو. (وقرب منهم بغضب وخالد رجع ورا وصدرله البودي جارد، رعد مسك أول واحد وضربه جامد، بس التاني قدر يتحكم في رعد وضربه وقع على الأرض) قام رعد بسرعة ونزل ضرب على الراجل التاني. والناس كلها بتجري وتصرخ، وخالد كان بيحاول يهرب لكن رعد مسكه. رعد بغل وغضب: إنت متعرفش هي بنت مين؟

(وضربه بالبوكس في وشه) خالد حط إيده على وشه: آآآآآه. رعد: متعرفش إنك باللي عملته ده لعبت في عداد عمرك. (وضربه برجله في بطنه ومسك إيده ولفها ورا ظهره) رعد: مش إيدك دي اللي مسكت إيدها غصب عنها؟ أنا هحرمك منه. (ولوا دراعه أوي) خالد بألم شديد: آآآآآآآآآه دراعي آآآآآآآآآه. إبراهيم نزل من فوق بسرعة: إنت بتعمل إيه؟ ابعد عن ابني. رعد مردش عليه وضغط أكتر على دراع خالد. خالد بصراخ هستيري: درااااااااااااااعي! (قال)

هاتوا سليم وحاولوا يبعدوا رعد عن خالد، بس مش عارفين. سليم: إنتوا هتفضلوا واقفين كده لحد ما يم*وته؟ تعالوا ساعدوني نبعده عنه. (اتلم كذا راجل وبعدوا رعد عن خالد اللي فرهد من الألم) رعد بص لخالد بغضب وقال: أقسم بالله لو حاولت بس تتكلم معاها تاني لهيكون آخر يوم في عمرك بجد. سليم: يلاااا بقااا ي ررررعد. (سليم خد رعد بالعافية ومشوا) إبراهيم: خدوه على المستشفى يلا. خالد بالم: وانت مش هتيجي معايا؟

إبراهيم: أنا هشوف حل للمصيبة اللي إنت عملتها دي. خالد بغضب: إنت إزاي تسيبه يمشي بعد اللي عمله ده؟ المفروض تبلغ البوليس. إبراهيم: المفروض إنك تسكت إنت خالص ومسمعش صوتك لحد ما أشوف حل للموضوع، لأننا مينفعش نخسر العيلة دي بسبب غبائك. *** أيان دخل البيت وهو شعوره متلخبط، مش عارف حاسس بإيه. فرحان إنه شافها بس محبش الموقف اللي كان فيه. ماريا: اتأخرت كده لييييه؟ ده كان هيخرب مني.

جنه: ي بنتي حرام عليكي، إحنا مش مستغنيين عن إيد الواد. يوسف: وربنا قلت كده. ماريا خدت الشنطة من إيد أيان طلعت منها الحاجات وقالت: شوف بقا لو خايف على إيدك اقعد ساكت متتحركش، لأنك لو اتحركت وأنا بخيط هخيط غلط وإيدك هتتشوه، إنت حر. يوسف: يالهووووي الحقني يابن عمي. أيان بضحك: بس يواد خلي الدكتورة تشوف شغلها. جنه: لاء أنا بخاف من الدم، أنا طالعة باي. كارما: خوافة، شوفي شغلك يا ماري، أنا جنبيكي اهو. يوسف: يختاااااااااي.

فارس دخل وقال: في إيه يااض بتصرخ كده لييييه؟ يوسف: باباااااااا. (وقام بسرعة) وحشتني ياعم والله. سندس: وأنا مش واحشاك؟ يوسف: كبدي يا ناااااااااس. (وحضنها أوي) (وكل اللي موجودين كانوا فرحانين برجوعهم) خديجة: إنت متعرفش أنا فرحانة إزاي إنك جيت تحضر العيد معانا. جنه ببعض الحزن: طب وبابا مش هينزل هو كمان؟ نوح وهو داخل من برا: البابا جه، البابا حضرررر. جنه بصراخ من الفرحة: بابااااااااا.

وكارما وماريا جرو بسرعة هما كمان وحضنوه أوي. نوح بفرحة ومشاكسة: هقع ي بت إنتي وهي براحة. خديجة بعصبية: هو إنت لازم تزعلنا يعني؟ طب ما كنت دخلت معاهم ولا لازم تعملك دخول خاص؟ نوح: بذمتك مش عجبتك المفاجأة دي؟ خديجة بفرحة: عجبتني اووووي. (وحضنته هي كمان) فارس ليوسف: شايف ي لطخ حاضنين أبوهم إزاي؟ مش تقولي وحشتني ياعم. نوح: وانت هتقارن ترحيب بناتي بعديم المشاعر اللي واقف جنبك ده. يوسف: جرا إيه يا عم نوح ده إنت لسه واصل.

نزلت ميرا وحنين لما سمعوا صوت تحت. ميرا بذهول: فاااااااارس. (وطارت على حضنه) فارس: حبيبة قلبي ي ناااس، أميرتي وحشاني اوووي. ميرا: وانت كمان والله، مش قادرة أوصفلك واحشني إزاي. (وحضنت مامتها أوي) ميرا: طب والله فرحة العيد هتبقى غير أي سنة. سندس: نونه، وحشتيني ي صغنن أوي. *** سليم: حلو اللي إنت عملته ده. رعد: عااااايزني أعمل إيه يعني؟ أروح أقوله برافو؟ سليم: لاء، بس يبقى في عقل شوية، إنت كسرت إيده.

رعد: دي أقل حاجة أعملها معاه، ولو إنت كنت اتأخرت شوية كنت خلصت عليه. سليم: رعددد، بلاااش حبك لحنين يعميك عن تصرفاتك، يخربيتك دانت كنت زي الطور والله، البودي جاردات اللي هناك كانوا خايفين يقربوا منك. رعد: أحسن. سليم: لاء بقولك إيه، ماهو إنت مش فاتح الجيم وبتتدرب فيه عشان تمشي تفتري على خلق الله. رعد: إنت إيه اللي جابك؟ سليم: حنين كلمتني وحكت اللي حصل وقالتلي الحقو ليمو*ته ويودي نفسه في داهية.

رعد: دول لسه هي وميرا، حسابهم معايا عسير. *** عز: هنسهر فين الليلة؟ سراج: أي مكان إنت تختاره، ماهو إنت اللي هتدفع. عز: مش مركز انهارده، اختاروا انتوا. مصطفي: هنسهر في... نيفين: أنا اللي هقول هنسهر فين. (وبصت لعز وقالت) هنسهر في المكان اللي أول مرة أنا وإنت اتقابلنا فيه. عز: تمام. نيفين كانت بتشرب سيجارة وقالت لعز: خد بس النفس ده. عز: لاء. نيفين بدلع قربت منه وقالت: عشان خاطري، ده نفس بس، يلا بقااا.

عز بصلها وقال بانفعال: نيفييييين، قولت مليون مرة مش... نيفين وسراج بصراخ: حاااااااااسب! عز لف العربية بسرعة بس كان فات الأوان وخبط واحدة. مصطفي: امشي بسرعة لحد يشوفنا ويقبضوا علينااااا. عز بارتباك: إزاي عايزني أمشي ونسيب البت كده؟ (سابهم ونزل يشوف البنت بس كانت غرقانة في دمها) نيفين نزلت وراه وقالت بصدمة: يالهووووي. يالهووووووووي، البنت ماتت.