رواية طفلتي المنسية الفصل السادس عشر 16 - بقلم هدير عبدالعليم

فهد: ياسمين لازم أمشي دلوقتى. ياسمين: ها؟ فهد: أكيد هرجع. ياسمين: هتاخر؟ فهد: مش عارف بس، لو مرجعتش بدري، ياسمين بكرة في نفس المعاد مستنيكي وفي نفس المكان. ياسمين: ماشى. فهد مشى شوية ورجع تاني بسرعه. ياسمين: يعني رجعت تاني؟! فهد: نسيتي تاخدي فلوس الورد. ياسمين: ل... فهد: نسيت أقولك إن الورد ده كله هدية ليكي. أنا لازم أمشي دلوقتي. أوعي تنسي لو اتأخرت أمشي، وبكرة تكملي ليا باقي الفيلم. ههه، قصدي باقي حكايتك.

ياسمين: ربنا يوفقك يا دكتور وتقف ديما مع الغلابة اللي زيك. فهد: يارب. يلا سلام. ياسمين: سلام. **بعد نص ساعة، وعند آخر الكورنيش** _ياها، أخير حد جه بورد. بابتسامة: دا أنا جيت في وقتي بقا. _بصراحة أوي. = ليه؟ _دي مريم بنتي. = اه، ربنا يخليها ليكي. _يارب. = بس ليه كنتوا عايزين ورد؟ مريم: أقولك أنا يا... ياسمين: اسمي ياسمين. مريم: بصي يا ستي يا ياسمين، أنا هقولك ليه مستنين حد ييجي بورد ضروري. ياسمين: اه، ليه؟

مريم: فاكرة زمان من خمس سنين كنت في ثانوية عامة وكنا في نفس المكان ده، بس يومها كنت منهارة عياط. عارفة ليه؟ ياسمين: ليه؟؟ مريم: علشان كنت جايبة 60% في ثانوية عامة، كنت علم علوم. ماما في اليوم ده خلتني أجيت هنا واشترينا ورد. اخترت ورد لون غامق. فضلت تزعق، بس أنا شايفه إن الورد بيعبر عن حالتنا وأنا كنت زعلانه، فاخترت لون نبيتي غامق أوي. ماما يومها قالتلي هييجي يوم ونيجي نفس المكان وتختاري ورد أبيض.

ياسمين: بضحك، الورد الأبيض للفرح (الجواز) يا طنط. طنط: الورد الأبيض للسعادة، وأنا النهارده مبسوطة بمريم أوي. مريم الأولى عالدفعة، كلية آداب وشغالة في كذا حاجة. أنا مهما أتكلم عن نجاح مريم العظيم مش هتصديقي. عارف مبسوطة بيها أوي علشان وقفت تاني وحاربت علشان توصل وتكون فخر ليها وليا. مريم: عايزة بقا أجمل بوكيه ورد أبيض. ياسمين: أجمل بوكيه ورد أبيض. طنط: لا لا، عايزين اتنين. ياسمين: اتفضلي يا طنط.

طنط: البوكيه ده ليكي لأنك قمر يا ياسمين، والبوكيه ده علشان تفتكريني لما أيامك كلها تكون بيضا يا أم قلب أبيض. ياسمين: بدموع، ادعيلي أقابل أهلي. طنط: بدهشة، أهلك!!؟ ياسمين: اه. أنا لازم أمشي يا طنط. طنط: ربنا يجمعك بأهلك يا بنتي ويسعدك. **تاني يوم** فهد: ياسمين. ياسمين: أزيك يا دكتور فهد. فهد: الله يسلمك، عاملة إيه؟ ياسمين: الحمد لله. فهد: كملي. ياسمين: إيه؟ فهد: الحكاية. ياسمين: اه، حكايتي. وصلنا لفين امبارح؟

فهد: لبنت بتبيع إكسسوارات جميلة وأديكِ أسورة هدية. ياسمين: اه، خدتني ورحنا... فهد: روحتوا فين؟ ياسمين: عند المديرة. فهد: مديرة مين؟ ياسمين: هههه، المفروض تغرم على فكرة. فهد: ليه؟ ياسمين: لأنك نسيت مديرة دار الأيتام. فهد: تصدقي فعلاً، اعذريني جاية بعد عملية صعبة. كملي. ياسمين: رحنا دار الأيتام، دخلت عند المديرة، فرحت جداً لما شافتني. فهد: بجد كانت فاكركي؟! ياسمين: مستحيل تتخيل عملت إيه علشاني..... فهد: إيه؟

ياسمين: ...