رواية طفلتي المنسية الفصل الخامس عشر 15 - بقلم هدير عبدالعليم

فهد: بدهشة الحل إيه؟ ياسمين: كأن الحل.. فهد: ياسمين قوللي بسرعة. ياسمين: بضحك حاسة إنك عايز تعرف وكأنك بتشوف فيلم. فهد: متحمس أعرف الباقي بسرعة، يلا كملي. ياسمين: اللواء فضل معايا أوصل لأهلي، معرفناش نوصل لحل. فهد: بدهشة يعني مفيش حل؟ ياسمين: لا فيه حل بس صعب شوية ليا وكمان للواء. فهد: ليه؟

ياسمين: بدموع الحل أكون عند اللواء لحد ما أعرف أهلي فين. عارف يا دكتور فهد فضلت خمس شهور مع اللواء، كانوا حلوين مش أحسن وقت بس كفاية التقدير لحد ما اللواء تعب ومن هنا بدأت أكون.. فهد: أوعى تقولي الخدامة. ياسمين: بدموع آه. فهد: إزاي استحملتي؟ ياسمين: بعصبية وكنت عايزيني أعمل إيه يا دكتور فهد؟ أصلك مجربتش يوم في الشارع وأنت بتموت من كل نظرة شفقة بتشوفها و.. فهد: بجد آسف.

ياسمين: كملت سنة وبعدها عيال اللواء طردوني من عندهم. فهد: بجد إزاي يعملوا كده؟ ياسمين: يا دكتور نسيت أقولك إني آه صغيرة بس فعلاً قليل لما نقابل ناس طيبة، كله دلوقتي بقى قسوة ونفاق. يلا الله المستعان. فهد: وعملتي إيه؟ ياسمين: بدموع مشيت، أقصد رجعت للشارع. فهد: للشارع؟

ياسمين: رجعت الشارع ومرة وأنا على كورنيش إسكندرية ده والمكان اللي هناك ده خصوصاً شوفت ست كبيرة. مكنتش عارفة هروح أقولها إيه بس جيت جنبها وقعدت. سألتني كلتي؟ رديت بدموع آه. ردت بضحك والله أنتِ حتة سكرة، تعالي كلي معايا. وبدأنا كلام وعرفنا من كلامها إنها مديرة لدار أيتام. فهد: أكيد عرفت حكايتك؟ ياسمين: لا. فهد: يا غبية ليه؟

ياسمين: خوفت، آه كنت حاسة إني هكون بدون حرية، حاسة إني هكون في مكان وحش مش مكاني، فاهمني يا دكتور. فهد: آه فاهمك وعايز أعرف عملتي إيه. ياسمين: كملت كلام معاه وقولتلها هرجع البيت لأني كده هتاخر أوي ومشيت، أقصد رجعت للشارع. فهد: غبية. آسف بس.. ياسمين: مستحيل حد يفهم أد إيه الحرية نعمة غير اللي مقيد، أقصد محبوس يا دكتور فهد. فهد: اااه. ياسمين: بس تعرف يا دكتور. فهد: أعرف إيه؟

ياسمين: قبلت بنت تاني يوم في بداية الكورنيش وتعرف قالتلي إيه. فهد: آه قالتلك إيه. ياسمين: عارف كانت طيبة أوي وعسولة جداً بتبيع إكسسوارات جميلة أوي، عارف عملت معايا إيه. فهد: عملت إيه؟ ياسمين: ادتني أسورة هدية. فهد: من غير ما تعرفك؟ ياسمين: مش قولتلك سني صغير بس قبلت الحلو والوحش من الناس. فهد: آه، كملي. ياسمين: عارف خدتني فين. فهد: ييي مش وقت تلفون خالص. ياسمين: مين بيتصل؟ فهد: المستشفى. ياسمين: لازم ترد.

فهد: لا كملي. ياسمين: مش هكمل غير لما ترد. فهد: بحزن حاضر يا ستي. ياسمين: فيه إيه؟ فهد: حالة خطيرة ولازم أمشي دلوقتي. ياسمين: بجد، هشوفك تاني؟ فهد: ياسمين بكرة في نفس المكان أوعى تنسي. تانى يوم فهد: ياسمين. ياسمين: عرفت خدتني فين؟