رواية طفلتي المنسية الفصل التاسع والعشرون 29 - بقلم هدير عبدالعليم

ياسمين: شوفوا أيه جاى. فهد: أيه. ياسمين: قصدي شوف مين جاى. حور: دا عمو. ياسمين: دا حرامي وكأنه هيخطفني هنا قبل كده. حور: ياسمين إيه الكلام اللي بتقوليه ده. ياسمين: هي الحقيقي بتزعل أوي كده؟ حور: بعصبية. حقيقي إيه؟ أنتِ عبيطة؟ مستحيل الكلام اللي بتقوليه ده. أم حور: إيه هو أنتِ ياسمين اللي بتبيع ورد على الكورنيش؟ طب إزاي؟ ياسمين: زي الناس. أنا لازم أمشي. فهد: لا يا ياسمين المرة دي مش هتمشي. ياسمين: مش فاهمه.

حور: ده بقا يا ستي جوز خالتي. بحبه أوي لأنه طيب وحنون. ياسمين: بقولك ده حرامي. والله كأنه هيخطفني هنا قبل كده. أم حور: بدأت تعيط وتقول. مكنش هيخطفك. كأنه نفسه ترجعي لحضنه. ياسمين: بعصبية. أنتوا عيلة متخلفه. حضن مين يا طنط؟ ردي على خالتك ولا أمك دي يا حور. سلام. أم حور: مسكت إيدي وهي مش عارفه تتكلم من العياط. فهد: عارفه مين دول يا ياسمين؟ ياسمين: دول أهل حور. إيه الجديد يعني؟ فهد: الجديد إن دول أهلك.

ياسمين: وقعت على الأرض من الصدمة. إزاي؟ فهد: بحاول من شهور أوصل لأهلك. دورت على ألف حاجة. من بداية المستشفى والناس اللي رحتي عندهم و... ياسمين: ... فهد: بدموع. ووصلت في الآخر لإن دول أهلك. ياسمين: بدموع. بجد؟ فهد: آه. دول أهلك. واتأكدت من ده كمان. ياسمين: كنت حاسة من أول مرة سلمت فيها على حور إنها مني. عارف يا فهد؟

أول مرة كنت بشوف حد وأطمن معاه. أول مرة كنت أحس بالأمان. اللي كمل في الفرح امبارح. مكنتش عايزة أمشي و... بابا: وأنا أول مرة أطمن في حياتي لما شوفتك. لكن أنتِ كنتِ بنت بمية راجل. معرفتش أتكلم معاكِ وأقولك إني حاسس إنك بنتي و... ياسمين: بعيط جامد. مكنتش أعرف إنك بابا. مكنتش متخيلة إني أشوفكم. بابا: حضني وهو بيقول. ولا أنا كنت متوقع إنك تكوني عايشة. وصدقت فعلاً إنك...

بس أمك ديما كانت بتدعي وتقول لو عايشة يارب أشوفها. وأقولها إنتِ إزاي عندك أمل إنها لسه عايشة؟ تقولي. أنا حاسة إنها عايشة. ولما شوفتك قولت لحور إنك أحسن حد هنا يبيع ورد. كنت عايز أعرف أنتِ منين. بس حور معرفتش تعرف. حكايتك اللي عرف الحكاية هو فهد. حور: فعلاً مكنتش عارفه أعرف حكايته. أنتِ حد كتوم أوي. فهد: المهم إن حور مش هتنفع ترجع معاكم النهارده. لازم الأوراق تخلص الأول. والإثبات إنها بنتكم و... ياسمين: بس أنا...

بابا: أنا مش هسيبك تروحي بعيد عني تاني. الورق كله هيخلص النهارده. هنزل القاهرة. هخلص الورق الكام ساعة دول. حور: بابتسامة ودموع. فعلاً لغة الأرواح لا تخطئ. فاكرة يا ماما لما كنتِ بتقولي. قلبي دليلي وبنتي عايشة؟ أقولك. أنا بنتك أهو. ماما: حضنتني أنا وحور. أنا عندي بنتين أجمل من بعض. ياسمين: ربنا يخليكي يا طنط. ماما: لا. أنا مامتك. ياسمين: معلش نسيت يا ماما. ماما: أول مرة أحس إني فرحانة كده.

ياسمين: وأنا أول مرة أحس إني مطمئنة كده. ماما: عالطول يا حبيبتي في فرح مع بعض. بعد ساعتين. ياسمين: إيه مين؟ حور: فيه إيه؟ ياسمين: بخوف. مديرة الدار. حور: مالها؟ ياسمين: أهي. حور: وفيه إيه يعني؟ أنتِ مش تبع حد دلوقتي. المديرة: بتعملي إيه هنا يا هانم؟ ياسمين: دي حور صحبتي. ودي مامتها. المديرة: يعني أعمل لهم إيه؟ ياسمين: ... المديرة: يلا يا هانم. أنتِ حسابك معايا. ماما: على فكرة أنا مامتها.

المديرة: الكلام ده أنا ياما سمعته كتير. حور: حضرتك عايزة إيه؟ المديرة: إيه اللي عايزة إيه؟ هاخد الهانم معايا على الدار. ماما: بس أنا مش هسيبها. استنى ساعتين بس و... المديرة: الكلام ده يتقال في الشرطة. بعد ما أفتح محضر. ماما: ماشي. بس هتصل بأبو ياسمين الأول. المديرة: تمام. حور: قدامهم وقت قد إيه يا ماما ويخلصوا؟ ماما: لسه ساعة. المديرة: يبقا لازم أسلم ياسمين في محضر رسمي في الشرطة. ماما: تمام. يلا.

بعد ساعة وإحنا كلنا في الشرطة. ماما: ها عملت إيه يا أبو ياسمين؟ ياسمين: أه يا بابا عملت إيه؟ بابا: ... ياسمين: طب عملتوا إيه يا فهد. فهد: ...