رواية طفلتي المنسية الفصل الثالث عشر 13 - بقلم هدير عبدالعليم

فهد: ياسمين. ياسمين: ها. فهد: سرحتي في إيه كله ده؟ ياسمين: في.. فهد: في إيه؟ ياسمين: هو أنا ينفع أمشي؟ فهد بدهشة: إيه قصدك؟ ليه؟ ياسمين: مش عارفة، بس حابة أمشي. فهد: اسمها مش عايزة تتكلمي، صح؟ ياسمين: بصراحة آه. فهد: طب ممكن أعرف أنتِ ليه بتبيعي ورد؟ ياسمين: علشان أصرف على نفسي. فهد بصدمة: تصرفي على نفسك؟ ياسمين: .. فهد: أنتِ منين؟ ياسمين: مش عارفة. فهد بدهشة: إيه؟ ياسمين: بجد آسفة على طريقة كلامي، بس.. فهد: بس إيه؟

ياسمين: أنا من القاهرة. فهد: وجاية إسكندرية ليه؟ ياسمين: علشان أنا قاعدة هنا. فهد: تقصدي أنتِ من القاهرة، بس واخدة سكن هنا؟ ياسمين: تقريباً كده آه. فهد: يعني إيه تقريباً آه؟ ياسمين: آآآف. فهد: ... ياسمين: هقولك جزء صغير من حكايتي لحد ما تكمل في يوم وأقولك عليها كلها. فهد: احكي أي حاجة. ياسمين: فاكرة زمان؟

مش زمان، من سنة أو اتنين. فاكرة زمان وأنا طفلة صغيرة كنت دلوعة لأب وأم، كنت البنت الوحيدة في بيت أكابر زي ما بيقولوا، بنت أكابر. فهد بدهشة: وآيه اللي حصل؟

ياسمين: كبرت وأنا في بيت أكابر، كنت الدلوعة للبيت، للأب والأم وتيتة وكل الناس. فاكرة مرة لما الشغالة اتعاملت معايا وحش، مشت من البيت بسببي. كنت صغيرة مش فاهمة حاجة، بس دلوقتي فهمت يعني إيه بنت أكابر وشغالة مش لاقية تاكل. عارف يا دكتور فهد، كنت كل حاجة أطلبها تيجي لحد ما.. فهد: لحد ما إيه؟ ياسمين: كبرت وبقى عندي 7 سنين. حقيقي أجمل سبع سنين، بس فكرك إن الحلو هيفضل حلو؟ لا طبعاً. فهد: يعني إيه؟ ياسمين: ماما..

فهد: مالها؟ ياسمين: حملت في نونو صغير. فهد: بجد؟ يعني هيكون عندك أخت أو أخ؟ ياسمين: سبع شهور وأنا طفلة جنب ماما بحاول إنها تحافظ على الجنين، لأن الدكتور قال إنه في خطر. يمكن تستغربي إني كنت صغيرة وواقفة مع ماما، بس كنت بحبها أوي، كنت خايفة عليه أوي. فهد: حقيقي مستغرب، لأنك صغيرة وفاهمة وواقفة كمان مع مامتك. ياسمين: بعد تسع شهور جه أجمل أخ. كنت مبسوطة بيه جداً لحد ما.. فهد: لحد إيه؟

ياسمين: لحد ما كبر ووصل لسنة. بدأت ماما وبابا يعملوني بقسوة. مكنتش فاهمة ده ليه؟ يعني طفلة عندها تسع سنين ليه تتعامل كده؟ فهد: ممكن عشان هو الولد؟ ياسمين: للأسف لا. عارف يا دكتور، لما تبقي طفل سبع سنين وكل يوم ضرب وقسوة، كأن، نفسي أعرف السبب و.. فهد: .. ياسمين: لحد ما زهقت و.. فهد بدهشة: ومشيتي! ياسمين: لا، ممشيتش. فهد: طب إيه اللي حصل؟!!! ياسمين: حاولت أعرف هما ليه بيتعاملوا معايا كده. فهد: وعرفتي؟

ياسمين: وأنا راجعة يوم من التمرين سمعت عمو وليد الجنايني بيقول لمراته: "مش مزعلني غير تعاملهم مع البنت الصغيرة دي". وسمعت مراته بتقوله: "أوعى تقول حاجة يا وليد، خلينا ناكل عيش". فهد: ... ياسمين: في اليوم ده عرفت إن حكايتي فيه سر. إيه هو مش عارفة. فهد: فعلاً فيه سر. عرفتي هو إيه؟ ياسمين: فضلت سنتين وأنا بحاول أوصل للحقيقي. فهد: وصلتي؟ ياسمين بدموع: وصلت ل..