رواية طفلتي المنسية الفصل الرابع عشر 14 - بقلم هدير عبدالعليم

ياسمين: وصلت ل.. فهد: وصلتي ل إيه؟ ياسمين: .. فهد: إيه الحقيقة؟ ياسمين: الحقيقة إني بنت.. فهد: أوعى تقولي بنت حرام؟ ياسمين: لا مش للدرجة دي. فهد: طب إيه؟؟ ياسمين: عارف عرفت الحقيقة من مين؟! فهد: من مين؟! ياسمين: من الشغالة اللي أنا السبب إنها تمشي. فهد: بجد؟! ياسمين: كنت عارفة بيت الشغالة وكنت فاكرة مرة وأنا صغيرة لما نسيت وقالت لـ الهانم: "هو أنتِ فاكرة إنك بتحبيها وإنها بنتك؟ فهد: وآيه؟ ياسمين:

قالتها: "دي مش بنتك يا هانم". دخلت المطبخ وسمعتها وهي بتقولها كده، بس أول ما دخلت سكتوا. فهد: وبعدين؟ ياسمين: كأن لازم أروح أعرف حكايتي إيه منها. فهد: وأنا كمان نفسي أعرف حكايتك. ياسمين: عارف يا دكتور، عرفت إيه وأنا عندي شهر تعبت و.. فهد: ياسمين وآيه؟ ياسمين: دخلت المستشفى ومن هنا كانت الحكاية. بدأت بأمي اللي كان كله حزن لما الدكتور ضحك عليها و.. فهد: وايه؟ ياسمين: وقالها إني مت. فهد: بصدمة. بتهزري؟ موتي؟

ياسمين: الهانم اللي كنت فاكرة إنها أمي مكنتش بتخلف وكانت النسبة ضعيفة جداً إنها تولد. والهانم خلت شغالة عندها تحمل وتولد والطفل يكون ليها. فهد: كنتي إنتِ الطفل المظلوم ده. ياسمين: الشغالة ولدت بنت في نفس المستشفى اللي ماما اتحجزت بيا فيها. كانت البنت قريبة جداً من شكلي لدرجة إن الشغالة قالتلي: "ده أنتوا كنتوا فولة وانقسمت نصين". بابتسامة الحظ كان في صفي أوي لدرجة إن البنت دي ماتت. فهد: ياربي.

ياسمين: ولأن الهانم كانت غنية عرفت تستغل مدير المستشفى بأنه يطلع التصريح لـ ماما الحقيقي على أساس إني مت. فاهم حاجة يا دكتور؟ فهد: آه. كملي. ياسمين: اتربيت في بيت الهانم كانت المعاملة حلوة جداً لحد.. فهد: لحد ما جابت ابنها؟ ياسمين: بالظبط. عرفت يومها إن فيه سر في حكايتي. فهد: وعملتي إيه؟ ياسمين: حاولت كتير أعرف أهلي فين، لكن بتدور على أيه ناس مش عارف هم فين أو حتى هم مين. فهد: بدموع. ربنا يرجعك ليهم.

ياسمين: يارب. عارف يا دكتور كل يوم بحلم بـ إيه؟! فهد: بـ إيه يا ياسمين؟ ياسمين: إني رجعت لـ أهلي ومطمئنة بوجودهم معايا. عارف يا دكتور مهما تلف الدنيا دي هتفضل مطمئن وسط أهلك وسط ناسك. عارف ليه؟ فهد: .. ياسمين: علشان هم أكتر ناس بيحبونا من غير أي مقابل. فاهم يعني إيه كل الناس تكون بتحبك علشان مصلحة أو حتى لو مش عايزين مصلحة بتحبك علشان هم محتاجين منك أضعاف الحب والاهتمام اللي بتاخده. فهد: معاكِ حق يا ياسمين.

ياسمين: نسيت أكمل لحضرتك وصلت لفين. فهد: مشتاق أوي أعرف. كملي. ياسمين: فضلت مع الشغالة وأنا بحاول أوصل لـ أهلي لكن معرفتش. فهد: والحل كان إيه؟! ياسمين: كان لازم أكون في مكان واحد. فهد: وهو؟ ياسمين: مشيت من القاهرة كلها وأنا مش عارفة هعمل إيه. لحد أربع أيام وأنا في الشارع. عارف يا دكتور صعب أوي إنك تسيب كل العز والهناء وتختار كرامتك. بعد أربع أيام قابلت لواء طارق. فهد: أكيد ساعدك ووصلتي لـ أهلك؟

ياسمين: لواء طارق من أحسن الناس اللي قابلتها في حياتي. أخدني معاه البيت لمدة يومين وبعدين حاولنا نوصل لـ أهلي. فهد: ووصلتي؟؟ ياسمين: يومين واللواء طارق منمش بنحاول نفتح دفاتر قديمة من أول يوم في المستشفى لحد بيت الهانم، لكن للأسف معرفناش نوصل. وكان الحل الوحيد هو إني.. فهد: إنك إيه..