رواية طفلتي الصغيرة الفصل الثامن عشر 18 - بقلم سلمي حمدي

زين في المستشفى. قمر لما سمعت الخبر، اترددت وسابت كل حاجة وطلعت المستشفى جري. أكرم طلع وراها ومسكها بسرعة. أكرم: قمر استني، انتي مش شايفة الدنيا ليل. قمر بدموع: أكرم ارجوك خليني أمشي، أخويا بيروح مني، ارجوك. أكرم بحزن: طيب تعالي، أنا هوصلك. قمر كانت طول الطريق الدموع مالية عينيها. أول ما وصلوا المستشفى، طلعت جري. قمر للممرض: في شاب وصل من شوية وكان متصاب. الممرض: اه هو في غرفة العمليات. قمر: في أنهي غرفة؟

الممرض: الغرفة رقم 413. قمر: شكراً. وطلعت على الغرفة. قمر للدكتور: دكتور، زين عامل إيه؟ الدكتور: ادعيله بس. ودخل غرفة العمليات. قمر بدموع: يارب اشفيه، أنا معنديش غيره، يارب ارجوك ماتحرمنيش منه. أكرم: بعد مرور 4 ساعات. قمر بدموع: الدكتور طول جو، هو بيعمل إيه لحد دلوقتي؟ أكرم بحب: اصبري شوية ياقمر. دياب كان على الخط طول الوقت. دياب: أنا عايزك تعرف مين اللي كان ورا قصة *******... حاضر يابيه. ياسمين بخوف: ماما.

منال باستغراب: في إيه مالك؟ مصدومة كأنك شايفة عفريتي. ياسمين بصوت ضعيف: بابي. منال بصدمة وخوف: متهزريش. ياسمين: أنا مبهزرش. منال لفت بخوف وتخضت أول ما شافت شكل خالد أبو قمر اللي كان عامل زي البركان. منال بخوف: أنا هفهمك. قطعها قلم من خالد. منال: خالد حبيبي خليني أفهمك. خالد بغضب جحيمي: بقيتِ انتي يابنت ال*** تتأمري على بنتي؟ بس خلاص، أنا هخلص البلد من شرورك انتي وبنتك. منال بخوف: حبيبي متتهورش وتودي نفسك في داهية.

خالد بخبث: متخفيش عليا. خالد اتصل على الشرطة، والشرطة ألقت القبض عليهم. بعد مدة، كان أذن أذان الفجر. خرج الدكتور، علامات التعب باينة عليه. قمر بلهفة: زين عامل إيه يا دكتور؟ الدكتور: اطمنوا، مفيش حاجة خطيرة دلوقتي. الرصاصة كانت جنب القلب، والحمد لله ربنا كتبله يعيش. قمر بفرح: هو أنا أقدر أشوفه؟ قمر بدموع: شكراً يارب. أكرم بحب: الحمدلله. الدكتور بحب: فيكم تدخلو تشوفوه دلوقتي، هو فاق. قمر أول مادخلت، راحت دخلت في حضنه.

قمر: حمد الله على سلامتك. أكرم بحب: حمد الله على سلامتك يابني، خضيتنا. زين: مفيش حاجة ياصاحبي. وبعدين بص على قمر: إيه اللي دموعها نازلة؟ زين سحب قمر لحضنه وهي انفجرت في العياط. زين: خلاص ياحبيبتي متعيطيش، دموعك ديه غالية عليا.