رواية طفلتي الفصل الأول 1 - بقلم ولاء ابراهيمحميع الفصول)

مرات الأب: قومي يا أختي روقي الشقة اخلصي الدنيا تقرف وأنتي نايمة. البنت: حاضر قايمة أهو. مرات الأب بالعصاية نزلت ضرب في البنت: خلصي يا أبت مش كفاية مخلياكي قاعدة وتاكلي من عندنا. البنت بعياط محبوس: خلاص والله قومت أهو هخلص بسرعة. مرات الأب: ياريت نخلص بسرعة لأني زهقت من برودك. البنت بحزن: حاضر والله حاضر. خرجت مرات الأب والبنت قعدت تبكي.

البنت اسمها تاج وعندها 18 سنة وشعرها بني وعنيها عسلي وبيضاء وعندها غمازات وقمر أوي. مش بتدرس قاعدة مع أبوها ومرات أبوها واتنين أخواتها وزي ما أنتو شايفين مرات الأب عامله فيها أي مامتها ماتت وهي عندها 9 سنين. مرات الأب اسمها سحر عندها 44 سنة وشريرة مش بتحب حد غير عيالها والفلوس وكلمتها بتمشي على الكل. تاج قامت غسلت الغسيل ومسحت الشقة وبتروق وبتعمل الأكل. بنت: أنتي يا أزفتها ياللي اسمك تاج. تاج: أي يا رودي في حاجة.

رودي: أه في فين البلوزة بتاعتي الحمرة. تاج: لسه غسلتها. رودي: طب روحي هاتيها. تاج: ملحقتش تنشف. رودي: أوووووف يا شيخة أنتي بقيتي مقرفة امشي من وشي. أعرفكم بـ رودي عندها 20 سنة وبتدرس في كلية تجارة وشعرها أشقر وعسل بس مش أخت تاج دي بنت مرات أبوها بتعاملها زي سحر بس تاج بتعتبرها أختها. رودي بتكلم نفسها: معرفش بقيت مقرفة أوي أنا هقول لماما عشان زهقت منك. تاج دخلت المطبخ تعمل الأكل عشان هي اللي مسؤولة عن البيت وكل حاجة.

سحر جات من بره. رودي: ماما. سحر: نعم يا حبيبتي. رودي: شوفي حل مع الزفتة دي عشان زهقت منها. سحر: عملت إيه. رودي: ملهاش لازم في البيت بتغسل الهدوم متأخر وسايبة الدنيا زبالة دي ملهاش أي لازمة امتى تتفش بقى وتريحنا. سحر: خلاص أنا هوريها. في مكان تاني. ست كبيرة: قوم بقى يا رعد عشان نقعد مع بعض شوية ما أنت مش رايح الشركة. رعد: حاضر يا تيته قايم أهو.

أعرفكم بـ رعد الاسم رعد الهواري أكبر واحد في الشرق الأوسط عنده شركات كتير عنده 30 سنة وشعره بني وعينه رمادي وبشرته قمحوية ومش متجوز بس بيشرب وبيخرج كتير وعصبي جدا. أعرفكم بـ ست رعد اسمها نادية في الـ 50 محجبة بتحب رعد جدا لأني مامته ماتت وهي اللي ربيته وقاعدة معاه على طول. نادية: يلا قوم يا حبيبي الفطار جهز. رعد: هاخد شور وأنزل. نادية: متتأخرش يا حبيبي.

نزلت نادية قام رعد خد شور ولبس تشيرت أبيض وبنطلون أسود ولبس ساعته ولبس كوتش أبيض وحط برفانه ونزل. رعد باس إيد نادية: أي يا حبيبتي عاملة إيه. نادية: بخير جيت إمتى امبارح. رعد: الساعة 5 كده. نادية: خارج برضو النهاردة. رعد: أه صحابي عاملين حفلة لازم أحضرها. نادية: وهتفضل لحد إمتى كده. رعد: كده إزاي يعني. نادية: مش هتتجوز. رعد: مع أحنّا اتكلمنا وقولت لما ألاقي حد مناسب ليا.

نادية: يعني أنت كل البنات دي ومفيش وحدة مناسبة ليك ولا حتة يا را. رعد بضحك: لا طبعا دول أخرى نسهر مع بعض وبس مفيش أكتر من كده وأنا قولتلهم كده. نادية: بس يا را بتحبك. رعد: يا را مين يا نانا دي بتسهر معانا كلنا. نادية: اللي أنت شايفها اعملها أنا تعبت من الكلام معاك. رعد: ادعيلي أنتي بس يا ست الكل وهتبقى الدنيا فل. نادية: ربنا يبعدك عن الصحاب الزفت ده. رعد بضحك: بقى كده ماشي يا نانا. عند تاج.

سحر: أنتي يا زفتة ياللي اسمك تاج. تاج: نعم يا ماما. سحر بصريخ: جاتك مو ماما مين أبت أنا اسمي سحر هانم فاهمة. تاج بخوف: حاضر فاهمة. سحر: أنتي مزعّلتي رودي ليه. تاج: أنا معملتش حاجة. سحر: آمال مش بتنظفي هدوم رودي ليه شكل الكربال وحشك. تاج بخوف: والله أبدًا أنا كل يوم بغسل هدوم كلها. سحر: طب نتعدّل بقى ياريت. تاج: حاضر. سحر: خلصتي الأكل. تاج: قرب يخلص. سحر: طب غوري من وشي. رحت تاج تعمل الأكل وجاه بابها.

الأب: سلام عليكم. سحر: عليكم السلام يا أخويا تعالى بقى شوف بنتك أنا زهقت منها وقرفت دي مش عيشة دي خالص ده قرف. الأب: طب اهدي كده وأنا هشوف هي عملت إيه. سحر: أما نشوف آخرتها. الأب: سمير عنده 49 سنة شغال في مطعم بيغسل طبقات. سمير: تاج. تاج: نعم يا بابا. سمير: مزعّلتي سحر ليه. تاج: مزعّلتهاش والله. سمير: هي زعلانة منك عشان مش بتساعديها في البيت. تاج: هي أصلا مش بتعمل حاجة في البيت أنا اللي بعمل كل حاجة.

سحر: أنتي بتكذبي. تاج: أنا مش كذابة أنتي اللي كذابة. تاج لاقت قلم نزل على خدها جامد. تاج واقفة بصدمة وعياط: .....