رواية طفلتي الفصل الثاني 2 - بقلم ولاء ابراهيمحميع الفصول)

تاج واقف بصدمة وعياط. سحر: انتي بنت قليلة أدب ومحتاجة تتربي من جديد وأنا هوريكي. تاج دخلت أوضتها وقعدت تعيط وتقول: يارب ارحمني منهم بقا أنا تعبت يارب خدني وريحني أنا زهقت من الست دي وقرفت منها. سحر من وراها: قرفتِ مني أنا؟ وربنا لأوريكي. سحر جابت الكربال ونزلت بيه على تاج. سحر: زهقتي مني أنا؟ طب أنا هوريكي يا بنت حنان. وقعدت تضرب في تاج لحد ما سحر تعبت. سحر: كفاية عليكي كده يا زفتة قومي اعملي الأكل يلا متقرفني.

قامت تاج عشان تعمل الأكل وهي بتعيط بس جسمها تعبها ومش قادرة، وعملت الأكل وهي تعبانة. وبعد ما خلصت الأكل حطيته على الترابيزة وقعدوا ياكلوا بس تاج زي كل مرة مش بتاكل معاهم وبتقعد في الأوضة اللي مرات أبوها عاملاها ليها. وبعد ما خلصوا أكل دخلت مرات أبوها. سحر: خدي اطفحي. سحر اديتها نص رغيف وحتة جبنة. تاج: مش بشبع من الأكل ده. سحر: ده اللي عندي، لو مش عاجبك روحي عيشي في حتة تانية.

تاج أخدت الأكل لأنها جعانة ومش عارفة تعمل إيه. قعدت تاكل وبرضو مشبعتش من الأكل ده وكانت جعانة جداً. قامت روقت الشقة وغسلت المواعين، وكانت نفسها تاكل من الأكل اللي بيعملوه مش تاكل عيش وجبنة بس خايفة من مرات أبوها. وبعد ما تاج خلصت دخلت الأوضة بتاعتها وقعدت تعيط من التعب والعلامات اللي في جسمها وكمان جعانة.

تاج في نفسها: أنا هرب وأمشي وأشوف شغل وأشتغل بدل ما أنا مش باكل وحتى بضرب كل شوية، أنا جسمي مش مستحمل خالص. بس لو هربت هروح فين؟ أنا خايفة، أنا مش بخرج ومعرفش حاجة، خايفة أضيع في البلد دي. أنا ممكن أقول لبابا أنا عايزة أروح عند تيته واللي يحصل يحصل. وبعد تفكير وكلام تاج نامت. عند رعد خرج يخرج مع صحبه. الشلة: محمد ومصطفى ورعد ويارا وشهد وعشق. يارا: إيه يارعد مالك مش في المود انهارده يعني؟

رعد: لا عادي مفيش حاجة، وأنا بس هروح عشان نانا في البيت وقالتلي متتأخرش. يارا: إيه ده إنت مش قولت هتيجي نسهر في البيت عندي، إنت وحشتني أوي. رعد: معلش بس مش هعرف انهارده. يارا: مش هنتأخر، ده هما نص ساعة بس، أصل إنت وحشتني جداً. مصطفى: مالك يارعد انهارده؟ رعد: مفيش، بس لازم أمشي. يارا: لا هنروح عندي. مصطفى غمز ليارا: خلاص خدي رعد وإحنا هنكمل سهرتنا. يارا: أوك، يلا يارعد.

رعد بخنقة: يارا أنا مش فايق إني أنا أسهر انهارده، فا أنا هروح البيت. يارا بزعل: على فكرة إنت اتغيرت معايا، مكنتش كده. رعد: معلش يا يارا. يارا: اللي شايفه، عن إذنك. يارا مشيت ورعد اتضايق. محمد ومصطفى وشهد وعشق جم. شهد: مالك يارعد في إيه؟ إنت مش في المود انهارده. رعد: معلش يا جماعة مشاكل كده والشغل عليا بكرة ولازم أمشي. محمد: استنى يارعد إنت هتمشي ويارا مشيت، في إيه؟ رعد بعصبية: مفيش حاجة خلاص، أنا ماشي عن إذنكم.

مشي رعد. عشق: هو رعد ماله؟ في حاجة مغيره؟ ياما الشغل بيبقى عليه متربص وبينزل وبيخرج معانا، في حاجة تانية؟ مصطفى: المشكلة إني يارا كل ما تخطط حاجة تفشل، فا تعبت ومش هتعرف تعمل اللي هي نفسها فيه. محمد: هو إنتو لسه بتخططوا إنت ويارا لكده؟ عشق: أه، في إيه يا أبو محمد؟ صعبان عليك ولا إيه؟ محمد: طبعاً مش صاحبي، لازم أخاف عليه. شهد: اهدوا فعلاً يا جماعة، رعد مش هيسيبك في حالك يا أبو مصطفى وإنت عارف رعد مش سهل.

عشق: في حالة إيه؟ إحنا كلنا مع بعض. شهد: لا خرجوني أنا ما اتفقتش مع حد. محمد: ولا أنا خرجوني منها. مصطفى: تمام، حلو كده. محمد: أنا ماشي، يلا good bye. شهد: استنى خدني معاك يا أبو محمد. محمد وشهد مشيوا. مفيش غير عشق ومصطفى. عشق: ربنا يستر ميروحوش يقولوا لرعد. مصطفى: ده أنا كنت دفنتهم. عشق: أنا هروح يلا. مصطفى: أوكي، باي.