رواية طفلتي الفصل الخامس 5 - بقلم ولاء ابراهيمحميع الفصول)

تاني يوم الصبح في فيلا رعد. صاحي وخد شور ولبس بدلة سودة وحط برفانه ولبس جزمة سودة ونزل. رعد: صباح الخير يانانا. ناديه: صباح النور ياحبيب نانا. رعد: اي الشياكة دي خرجة ولا اي. ناديه: اه ريحة مشوار كده. رعد: اخدك في طريقي. ناديه: لا بلاش انا هخد السواق عشان هتاخر. رعد: اللي يريحك. ناديه: اقعد افطر بقا. رعد: لا لا هفطر في الشركة عايزة حاجة. ناديه: تسلملي ياحبيبي. عند تاج صحيت ودخلت اخدت شور

وطلعت لبست هدومها وسابت شعرها وشعرها ناعم جدا وكانت جميلة اويي وفضلت قاعدة في الاوضة عشان مرات ابوها. تلفونها رن. تاج: الوو ياتيته. جدتها: اي ياحبيبتي صحيتي. تاج: من بدري ومستنياكي. جدتها: انا قربت اوصل اهو ياحبيبتي. تاج: ماشي ياتيته. جدتها: باي ياحبيبتي. تاج بعدها قفلت مع جدتها قامت خرجت بره لاقت مرات ابوها قاعدة تاج حبت تضايقها. تاج: اي ده مخرجتيش يعني. سحر: انتي مالك اخرج ولا لا. تاج: اصل مش عوايدك تقعدي في البيت.

سحر: عادي يومين وهخرج بس تيجي عشان تقعدي مع عز. تاج: إن شاء الله. عز: هو انتي هتيجي امتى ياتاج. تاج: يومين هقعد مع تيته واجيلك على طول. عز: متتاخريش عشان اكلك بيبقى حلو. تاج ضحكت: متخافش بابا شكله كده هيجيب اكل من بره. سحر متغاظة وعايزة تقوم تضرب تاج. الباب خبط وتاج فرحت جدا وراحت فتحت الباب. تاج بدموع: تيته وحشتيني. (تاج بقالها كتير مشافتش جدتها بتكلمها في التلفون بس) جدتها: وانتي كمان ياقلب تيته. تاج: تعالي ادخلي.

جدتها: لا لا يلا عشان السواق مستنينا تحت. تاج: حاضر هجيب شنطتي. جدتها: لا ياتاج متجيبيش حاجة يلا. تاج باستغراب: حاضر. تاج نزلت مع جدتها وركبوا العربية. جدتها: وحشتيني ياتاج. تاج: انتي وحشاني اووي ياتيته. جدتها: دلوقتي هخدك نجيب لبس عشان انتي مجبتيش لبس. تاج: انا كنت هجيب بس انتي قولتيلي لا. جدتها: تاج هو بابا بيجيبلك لبس. تاج: ساعات بس مش كتير. جدتها: عشان كده قولتلك متجيبيش لبس لان الطقم اللي لبسته صغير عليكي.

تاج اتكسفت. جدتها: مفيش حاجة انا هجيبلك كل اللي نفسك فيه وهنتغدا بره بس هنتعشا في البيت عشان ابن خالتك. تاج: اي ده هو انا عندي ابن خالة. جدتها: خالتك توفت. تاج: الله يرحمها تيته انا عايزة اروح ازور ماما. جدتها: خلاص بكرة هوديكي عشان دلوقتي هنروح نشتري لبس وبالمرة ناخد رعد. تاج: مين اسمه رعد. ناديه بضحك: ابن خالتك ياهبله. تاج: هو اسمه رعد. ناديه: اه ياحبيبتي. وصلوا مول عشان يجيبوا لبس. تاج: تيته المكان هنا شكله غالي.

ناديه: لا ياحبيبتي اللي يعجبك قولي عليه ولا اختارلك انا. تاج: ماشي. وفضلوا يلفوا وناديه جابت لتاج لبس كتير وراحوا اتغدوا وبعدها راحوا الفيلا. ناديه: يلا اطلعي البسي ترنج كده وتعالي نقعد مع بعض. تاج: هطلع فين. ناديه: ام ياسين هتطلع معاها ياااام ياسين. ام ياسين: نعم ياهانم. ناديه: خدي تاج وديها الاوضة تغير هدومها. ام ياسين: تعالي معايا ياحبيبتي. تاج طلعت ودخلت الحمام وكانت مستغربة الحمام.

تاج: هيا دي اوضة تانية ولا اي بس لا ده حمام بس هو في سرير في الحمام ولا اي. باب الحمام خبط. تاج: نعم. ناديه: افتحي يا حبيبتي. تاج فتحت. ناديه: انتي لسه مغيرتيش. تاج: تيته اهو اي ده. ناديه: ده باينو. تاج: يعني اي. ناديه راحت نحيت الباينو وشغلت الدش. ناديه: بتنامي هنا وتخدي شور. تاج: هحاول مش هعرف بس يلا هحاول. ناديه: ماشي ياحبيبتي. ناديه: هيا اي العلامة اللي على ايدك دي. تاج: ده حتى لبسه بضي شوفتيها ازاي.

ناديه: هي باينة. تاج: طب هحكيلك بعدين. ناديه: ماشي حبيبتي خلصي وانزلي انا تحت. ناديه نزلت وتاج حاولت تعمل اللي ناديه قالتلها عليها وبعدها لبست ترنج وكان حلو وسابت شعرها ونزلت. ناديه: تعالي ياحبيبتي اقعدي. تاج: عارفة انتي وحشاني اووي. ناديه: وانتي كمان وحشاني جدا. وبعد شوية رعد جاه. رعد: مساء الخير. ناديه: مساء النور يحبيبي. رعد راح قعد وبص على تاج: هو احنا عندنا ضيوف ولا اي.

ناديه: لا دي مش ضيفة دي تاج بنت خالتك حنان. رعد فضل باصص على تاج وقال: هيا دي تاج. ناديه: اه فاكرها. رعد: بس ده انا كنت شايفها بيبي صغير دلوقتي كبرت. ناديه حضنت تاج: كبرت وبقت زي العسل. تاج اتنفضت لما ناديه حضنتها. ناديه: مالك ياتاج. تاج بتوتر: مفيش بس جسمي وجعني شوية. ناديه: انتي هو اي العلامات اللي في دراعك دي ياتاج. تاج بتوتر: ه. هاا دراعي عادي مفيش حاجة. ناديه بشك: في اي ياتاج.

تاج بدموع محبوسة: اصل ابلة سحر كانت بتضربني بالكربال. رعد وناديه في صدمة. ناديه: انتي بتقولي اي وابوك ساكتلها. تاج بعياط: بابا مكنش يعرف. ناديه: طب اهدي. رعد: طب وهي بتضربك ليه. تاج: هي ع طول بتضربني ومن غير سبب. ناديه: دي مفترية الولية دي. رعد: طب اي مش هنتعشا. ناديه: لا هنتعشا اطلع غير هدومك وخد شور وانزل. رعد: ماشي عن اذنكم. ناديه: انتي كويسة يعني. تاج: انا كويسة وانا معاكي ياتيته.

بعد شوية رعد طلع وغير هدومه ونزل يتعشى. ناديه: متيجي يارعد معانا بكرة. رعد: فين. ناديه: ريحين نزور مامتك وخالتك. رعد: اممم ماشي هروح معاكم وبعدها هطلع على الشغل. ناديه: خلاص ماشي ياحبيبي. تاج مكنتش عارفة تاكل لان مكنتش بتاكل الاكل ده. ناديه: مالك يا تاج مش بتاكلي ليه. تاج: اصل الصراحة مش متعوده على الاكل ده. ناديه: ليه ده انا عمالالك اكل يعني سهل. تاج: انا عارفهم بس انا مش باكلهم. ناديه: طب تحبي تاكلي اي اعملهولك.

تاج: معرفش. ناديه: هو انتي مش بتاكلي اللحمة. تاج: هو انا بعملها ليهم بس مكنتش بكلها. رعد: يمكن مش بتحبها يا نانا. تاج: اصل انا مكلتهاش قبل كده. ناديه: طب اي الاكل اللي بتحبي واجيبهولك. تاج كانت مكسوفة ومش عارفة تقولها هي عايزة اي. ناديه: متتكسفيش قولي. تاج: ا. انا عايزة جبنة وعيش. ناديه: هو انتي قبل متنامي بتعملي رجيم لا مينفعش انتي خيلة خالص. تاج: لا انا متعوده عليهم كده على طول.