رواية طفلتي الفصل الرابع 4 - بقلم ولاء ابراهيمحميع الفصول)

تاني يوم عند رعد تلفونه رن فرن فاصحي. رعد: الوو. مصطفي: اي يسطا عامل اي. رعد: تمام كويس جدا. مصطفي: مالك. رعد: لا مفيش. مصطفي: هو انت ويارا مختفين فين كده. رعد: انا معرفش حاجه عن يارا ومش عايز اعرف. مصطفي: شكلك لسه صاحي مش فايق اكلمك وقت تاني سلام. رعد قفل مع مصطفي وقام خد شور ولبس هدومه ونزل. نزل للقهوة نادية قاعدة. رعد: صباح الخير ياحبيبتي. نادية: صباح النور ياحبيبي. رعد: فطرتي. نادية: لا مستنياك.

رعد: طب يلا نفطر ورايا شغل كتير. نادية: طيب ياحبيبي. عند تاج صحيت زي كل يوم عملت اللي بتعملُه ولما تخلص بتفضل قاعدة لان مفيش حد في البيت كلهم بيخرجوا. عز: جه من المدرسة. تاج: حبيبي عملت ايه النهاردة في المدرسة. عز: معملتش حاجه زي كل يوم انا زهقت عايزة أروح الجنينة. تاج: فعلا ياعز الواحد زهق ونفسه يخرج. عز: بابا هيخرجنا بس لما يبقى في إجازته وهخدك معايا. تاج في نفسها: ههه ده مش بيحصل أمك مش بترضيه ياعز.

تاج: طب اي تاكل. عز: لا هنام. تاج: ماشي. في فيلا رعد. رعد: انا هروح الشركة ياحبيبتي عايزة حاجة. نادية: تسلملي ياحبيبي خلي بالك من نفسك. رعد مشي ونادية فضلت قاعدة. عند تاج. تاج دخلت أوضتها ومعاها تلفون صغير محدش يعرف انه معاها غير أبوها. وكتبت رقم ورنت على جدتها. تاج: الوو. جدتها: الوو مين. تاج: انا تاج ياتيته. جدتها: تاج حبيبتي عاملة اي. تاج بدموع محبوسة: الحمدلله وحشاني. جدتها: وانتي كمان وحشاني عايزة أشوفك.

تاج: انا كلمت بابا وقولتله بس عايزاكي انتي اللي تكلميه بليل يكون جه من الشغل وتكون أبله سحر هنا عشان تسمع انك عايزة تشوفيني واقعد معاكي يومين لاني تعبانة وعايزة أشوفك أوي. جدتها: مالك ياتاج أول مرة تبقي بتكلميني وتقوليلي كده. تاج: بصي انا مش هعرف نتكلم كتير بس لما أشوفك أقولك كل حاجة. جدتها: خلاص النهاردة هكلمه هو لسه رقمه زي ما هو. تاج: ايوه. جدتها: خلاص ماشي ياحبيبتي. تاج: هقفل انا عشان أبله سحر قربت تيجي.

جدتها: خلاص ماشي ياتاج باي. وعدا الوقت وسحر ورودي جاه. رودي: انتي يابت ياتاج. تاج: نعم يارودي. رودي: ابقي اغسلي الطقم ده بكرة عشان مش مغسول كويس غسيلك زي وشك. تاج: والله قعدت أنضف فيها كتير مش راضية تنضف وإيدي وجعتني. رودي بزعيق: متوجعك انا مالي أهم حاجة تنضف. تاج: حاضر. سحر بزعيق: انتي يازفته. تاج: نعم. سحر: نعمله عليكي الهدوم مش حطها حلوة في الدولاب ليه. تاج: والله انا كل يوم بروقها أعمل إيه تاني.

سحر بصريخ: غوري من وشي. سمير جاه وسمع صوت سحر. سمير: في إيه. سحر: شوف بنتك. سمير: في إيه ياتاج. تاج بدموع: يابابا انا كل يوم بروق الهدوم وبغسل وبرضو بتقولي مش بتعرفي تعملي حاجة. سمير: ابقي اعملي حلو ياتاج معلش. سحر: هو إيه اللي معلش. سحر مسكت تاج من دراعها وضربتها. سمير: سحر انتي اتجننتي. سحر: جتك القرف فيكي وفي شكلك. وسبتهم ومشيت. تاج خدت بعضها ودخلت أوضتها. سمير: ممكن تتكلمي معاها براحة وهتعملك الحاجة.

سحر: إن شاء الله بنتك ولا بتفهم ولا حاجة. تاج دخلت أوضتها وقعدت تعيط وكلمت جدتها. تاج: الوو. جدتها: مالك. تاج: ونبي ياتيته كلمي بابا دلوقتي وتعالي خديني بكرة انا تعبانة. جدتها: طب اهدي اهدي إيه اللي حصل. تاج: أبله سحر عمالة تضرب فيا كل شوية تعالي خديني. جدتها: حاضر خلاص اهدي هروح أكلمه وبكرة الصبح هاجي أخدك. تاج: ماشي باي. سمير وسحر ورودي وعز قاعدين بياكلوا. تلفون سمير رن. سمير: الوو سلام عليكم.

جدت تاج: وعليكم السلام ازيك سمير. سمير: الحمدلله أم حنان صح. جدت تاج: ايوه انا. سمير: عاملة إيه. جدت تاج: الحمدلله تاج عاملة إيه. سمير: تاج بخير. جدت تاج: طب عايزة أشوفها انا بكرة هاجي أخدها تقعد معايا يومين وحشاني وانت عارف انها بتفكرني بحنان عشان فيها شبه منها. سمير: هي فعلا شبه أمها طب استني أنادي عليها تكلميها. سمير: تاج ياتااااج. تاج: نعم يابابا. سمير: خدي تيته عايزة تكلمك. تاج: الوو عاملة إيه.

جدتها: أمال مين اللي كانت بتكلمني من شوية. تاج بضحك: وانتي كمان وحشاني. جدتها: خلاص كلمت أبوكي وهاجي أخدك من النجمة. تاج بفرح: بجد ماشي. جدتها: يلا باي. تاج: باي. سمير: هتروحي لجدتك. تاج: هي وحشاني عايزة أشوفها. سمير: بكرة هتيجي تخدك تقعدي معاها يومين. سحر: يومين إيه وشغل البيت مين يعمله. سمير: بنتك عندك ولا انتي ستها عايزة تشوفها أقولها لا. سحر: تيجي تقعد معاها هنا اليوم كله.

سمير: لا انا مقدرش أقول لستي لا لأنها من حقها تشوفها. سحر: ماشي ياسمير بصت لتاج: ابقي روقي بقى الدنيا من بليل عشان بكرة هتمشي. تاج: حاضر. بعد ما خلصوا أكل تاج غسلت المواعين وروقت الشقة ودخلت أوضتها. تاج قعدت تطلع هدومها عشان تشوف هتلبس إيه بكرة. وملقتش غير طقم كان أبوها جيبهولها ملبستهوش خالص.

تاج: حلو ده هلبسه وخلاص معنديش حاجة البسها طب أخد هدومي القديمة دي اللي بمسح بيها عند تيته هاخد ترنج ده برضو حلو ومش هطول هناك بقى. تاج خلصت وظبطت الحاجة ونامت. في فيلا رعد. رعد رجع من الشغل. رعد: اي يانانا صاحية يعني. نادية: لازم أطمن عليك وبعد كده أنام. رعد: تسلميلي ياحبيبتي. نادية: اتعشيت. رعد: اه اتعشيت بره كان عندي مقابلة شغل في مطعم واتعشيت. نادية: طب كويسة عشان انا كمان اتعشيت. رعد: ماشي يانانا هطلع أنام بقى.

نادية: خدني وصلني لأوضتي. رعد: تعالي تعالي يا أختي. نادية: بتتريق ياواد عليا. رعد: فشر يا أختشي. نادية بضحك: طب يلا يا أخويا. وطلعوا كل واحد على أوضته. عند تاج فضلت صاحية وتعبانة خالص من كتير الضرب وكل ما تنام جسمها يتعبها وعمالة تعيط. تاج: يارب يطلع النهار بقى انا عايزة أمشي وزهقت بجد. تاج قامت جابت ذكرياتها وصورها هي وأمها وأبوها.

تاج: وحشتيني يا أحن حد في الدنيا بجد تعبت شايفة العذاب اللي انا فيه نفسي أجيلك بجد تعبت من مرات أبويا. عارفة اني أبويا اتجوز عشان كنت صغيرة وقال واحدة ترعانا بس دي مش بترعى حد خديني عندك ياماما انا مفيش حد تعب قدي بجد يارب ارحمني من الناس دي. تاج فضلت تتفرج على صور مامتها وبعدها شالتها ونامت.