رواية طفلتي الفصل الخامس عشر 15 - بقلم ولاء ابراهيمحميع الفصول)

تاج ونادية في صدمة. نادية: ابني هيروح مني. تاج: اهدي يا تيته، هيقوم إن شاء الله. نادية: يا رب، أنا هموت فيها. يوم ما جي أفرح بيك تحصلك حاجة. تاج: هيقوم وهيطلع بسلامة. نادية: يا رب يا رب. تاج دخلت حمام المستشفى وغسلت وشها من الميك آب وبصت لنفسها في المراية وعيطت. تاج: تعبت تعبت مش قادرة. غسلت وشها بعد ما عيطت وخرجت. ضابط جاء: السلام عليكم. نادية: وعليكم السلام. الضابط: معاكي المقدم آدم رعد فين؟

نادية: رعد مش هتعرفي تتكلمي معاه. الضابط: طب هو ليه أعداء؟ نادية: يا ابني النهاردة كانت خطوبته وكنا احنا في الفندق ووصلنا خبر ده، منعرفش هو كان فين. الضابط: طيب متعرفيش هيفوق إمتى؟ نادية: منعرفش، الدكتور بيقول عنده نزيف داخلي. الضابط: عن إذنكم. نادية: إذنك معاك يا ابني. تاج: تيته أنا خايفة أوي. نادية: مش أكتر مني يا تاج، أنا بموت. تاج: بعد الشر. الدكتور جاء ودخل يشوف رعد. تاج: ممكن أخش أشوفه؟

الدكتور: مش هينفع، ممنوع الزيارة. تاج: طب هو هيفوق إمتى؟ الدكتور: ادعيله. أبو تاج جاء. سمير: إيه يا نادية، رعد مالوش؟ نادية: رعد بيروح مني، بيروح مني. سمير: هيبقى كويس، ادعيله. نادية: يا رب. سمير حضن تاج: ادعيله يا حبيبتي وهيبقى كويس. تاج: يا رب يا بابا. نادية: سمير خد تاج معاك وأنا هفضل مع رعد. تاج: لا أنا هفضل هنا. نادية: أنتي مش خدتيش العلاج، ورعد هيزعل منك. سمير: طب ما تروحوش أنتو وخليني أنا.

نادية: لا مقدرش أسيبه، بس عشان تاج تاخد علاجه. تاج بعياط: مش هقدر أسيب رعد، مقدرش. نادية أخدت تاج في حضنها: معلش لو بتحبي رعد روحي ارتاحي وبكرة تعالي. تاج: مش هقدر أسيبه. نادية: بكرة هتيجي تلاقيه فايق وبقى كويس، وكمان مش هينفع كلنا نفضل هنا. تاج: طب كل شوية طمنيني عليه، أنا مش هنام. نادية: حاضر. سمير: خلي بالك من نفسك. نادية: مخافش، السواق بره يعني هيكون معايا، لو تعبت هروح. سمير: طب روحي وأنا هقعد معاه.

نادية: لا متخافش روحوا أنتو. تاج: باي. نادية: باي. تاج راحت مع باباها وكانت عمالة تعيط. سمير: اهدي هيبقى كويس إن شاء الله. تاج: يا رب يا بابا أنا خايفة والله. سمير: متخافيش هيبقى أحسن من الأول وتتجوزوا وأفرح بيكي، بس متعيطيش تعالي بقى كلي عشان تاخدي العلاج. تاج: مليش نفس. سحر: موتي الراجل يا أختي وشك فقر. تاج: بقولك إيه أنا مش فايقة لك ابعدي عن وشي. سحر: إيه ده صوتك بقى يطلع. تاج: أنا هدخلها أنام.

سمير: كلي عشان تاخدي العلاج. تاج: مش عايزة يا بابا. سمير: لو بتحبي رعد كلي.