رواية طفلتي الفصل السادس عشر 16 - بقلم ولاء ابراهيمحميع الفصول)

يارا: حبيبي ألف سلامة عليك إن شاء الله أنا وأنت لا قلقتيني عليك. تاج واقفة وحبست دموعها. رعد: يارا. يارا: أه يارا إيه موحشتكش. رعد: بقولك إيه أنا تعبان ومش قادر أتكلم «بص على تاج» تعالي يا تاج قوميني. يارا: هقومك أنا. رعد: لا لا خلي تاج. تاج عدلت رعد وقالت: تاج: عن إذنكم. رعد مسك إيديها: رعد: رايحة فين. تاج: دخلة الحمام عن إذنكم. يارا: ياريت تتأخري عشان بقالي كتير مقعدناش مع بعض.

تاج بصت لرعد وعنيها فيها دموع وبعدها خرجت. خرجت فضلت ماشية في المستشفى وبتعيط. تفكيرها: هو معقولة يكون رجعلها طب ما الصور دي تبقى إيه وأنا مكنتش أعرف حاجة عنه إمبارح ولا كان بيرد وبعدها حصلت الحادثة ممكن يكون كان معاها رعد أكيد مش هيتغير هو كان زمان بيسهر مع بنات أكيد مش هيتغير. ناديه: تاج يا تاج. تاج فاقت من تفكيرها: تاج: نعم. ناديه: عاملة إيه أنادي عليكي خرجتي ليه رعد كويس. تاج: وفاق وصحبته جوا عنده.

ناديه: صحبته مين. تاج: يارا. ناديه: وإيه اللي جابها. تاج: مش عارفة. ناديه: طب تعالي ندخل نشوف رعد. دخلوا لقوا يارا قاعدة جمبه. ناديه: إيه ده. رعد: إيه نانا. ناديه بصتله: ناديه: عامل إيه. رعد: كويس. يارا: إزيك يا نانا عاملة إيه. ناديه: تمام يعني جيتي. يارا: الخبر نزل في الجرايد قولت لازم أجي أشوف حبيبي. ناديه: حبيبك إيه أنتوا مش سبتوه بعض. يارا: لا طبعا رعد مسبنيش. ناديه بصت على تاج لقتها قاعدة وسرحانة.

ناديه: لا أصل إمبارح كانت خطوبة رعد هو وتاج. يارا: نعم. رعد: أنا بقول إيه أنا تعبان يارا روحي أنا مش قادر أتكلم. يارا: اللي يريحك يا حبيبي عايز حاجة. رعد: لا اتفضلي. يارا قربت عليه عشان تديله بوسة. رعد: يارا اتفضلي روحي. يارا: تمام باي. يارا مشيت وناديه مضايقة جداً وتاج ماسكة التلفون وسرحانة. ناديه: إيه بقى ده وإيه تقعد جمبك وتقرب تبوسك. رعد: وأنا قولتلها إيه اتفضلي امشي.

ناديه: ههه بعد إيه ده نقص تدخلك الحمام وتغيرلك هدومك عشان إيدك. رعد: ميهمنيش هو أنا هخرج من هنا إمتى. ناديه: لما الدكتور يقول وكمان نطمن على دماغك عشان النزيف وتعمل أشعة على دراعك. رعد: لا ياريت بسرعة عشان مش حابب المستشفى. ناديه: هروح أشوف الدكتور يجي يطمن عليك. رعد: ماشي. رعد: تاج مالك. تاج من غير ما تبصله: تاج: مليش. رعد: إمال بتعملي إيه في التلفون. تاج: برن على بابا مش بيرد.

رعد: طب تعالي اقعدي على الكرسي هنا عايزك. تاج: قول في إيه. رعد: تعالي بس هقولك حاجة. تاج: أهو نعم. رعد: مالك. تاج: مليش عادي. رعد: والله مالك يا تاج. تاج: هو أنت عملت الحادثة إزاي. رعد: أنا كنت جاي على الفندق وجات شاحنة كده ولبسنا في بعض. تاج: كنت لابس إمبارح قميص أبيض وكنت في كافيه. رعد: ك.. كافيه إيه. تاج حطت صورة لرعد: تاج: كافيه ده. رعد: مين اللي بعتلك الصور دي. تاج: مش مهم مين اللي بعت الكلام ده كان إمبارح.

رعد: أه بس. تاج: بس إيه مدام بتحبها وماسك إيديها كده هتخطبني ليه. رعد: تاج أهدي أنا رحت قابلتها عشان تبعد عني وتسيبني وكنت بقولها إني بحبك ومش عايز مشاكل والله هو ده كل اللي حصل. تاج: هههه والله وتمسك إيديها رعد متبررش مش هصدقك وتدخل مش شوية تخدك بالحضن وأخرج وأرجع ألقاها قاعدة جمبك وهي ماشية عايزة تبوسك كل ده عادي صح. رعد: والله يا تاج كنت رايح أنهي حوارنا مع بعض ومش بكدب عليكي.

تاج: أه الصورة كلها مش باين إنك بتنهي ده ضحك وهزار وعادي وأنا في الفندق بولع ومش عارفة أوصلك. رعد: والله يا تاج ده كل اللي حصل وحياتك عندي. تاج: متحلفش بحياتي عشان أنت بتكدب. الباب خبط. الدكتور: إيه يا بطل أخبارك إيه. رعد: تمام كويس. الدكتور: هعمل أشعة وأشوف دراعك ودماغك. رعد: هخرج إمتى. الدكتور: مش لما نطمن عليك الأول. رعد: معلش أنا مش بحب جو المستشفيات. الدكتور: طب خليها بكرة ولا بعده حتى. رعد: لا بكرة أحسن.

الدكتور: بلاش تستعجل لما نطمن عليك الأول. رعد: معلش يا دكتور عايز أخرج بكرة. الدكتور: حاضر بكرة هنعمل أشعة ونطمن وتخرج. رعد: ماشي. الدكتور: عن إذنكم. ناديه: مستعجل على الخروج. رعد: معلش مش بحب المستشفى. ناديه: براحتك مش هتاكل. رعد: أكيد أنا جعان. ناديه: أرن على السواق يجيب أكل. رعد: أي حاجة. ناديه: تاج تاكلي إيه. تاج: لا مش جعانة. ناديه: مالك يا تاج من الصبح وأنتي مضايقة في إيه. تاج: مفيش بس قلة نوم.

ناديه: طب نامي هنا على الكنبة. رعد: تعالي في حضني. ناديه: بس يا ض. رعد: هتبقي مراتي لما أقوم بس وأخرج هتجوز على طول مفيش خطوبة. تاج بصت لرعد نظرة كلها عتاب وبصت تاني لناديه: تاج: هو بابا فين. ناديه: كلميه في الشغل عشان بقاله يومين مرحش عايزة حاجة. تاج: كنت عايزة أروح. ناديه: تاج في إيه أنتي تعبانة أشوف دكتورة. تاج: لا لا أنا كويسة متخافيش. ناديه: طب خلاص ريحي هنا لحد ما نطلّب أكل ويجي. تاج: لا مش هعرف.

رعد: تعالي نامي هنا. تاج: خلاص أنا مش هنام دلوقتي. ناديه: هشوف السواق يجيبلنا أكل وهاجي تاني. رعد: أنا عايز من عند ماكدونالدز. ناديه: حاضر وأنتي يا تاج زيه. رعد: أه زيي. ناديه: طيب ماشي. رعد: فين تلفوني. ناديه: أهو اتفضلي هروح أنا. رعد: ماشي. رسالة جات لتاج:

"متزعليش مني أنا آسف بس والله مكنتش بحبها يارا دي كانت بت مش كويسة وبسهر معاها فا عشان كده بعتت الصور ليكي عشان نزعل من بعض بس والله أنا حبيتك أنتي ومش بلعب بيكي صدقيني والله بحبك (رعد) تاج بصت لرعد. رعد: والله مفيش حاجة بينا متزعليش بقى. تاج: طب واللي شوفته النهاردة تقرب منك.

رعد: والله عملت كده عشان تغيظك وقعدت تقولي لما خرجتي أخليها تولع وتفرقشها يا رعد بس أنا والله مفيش حاجة بينا هما الصورتين دول كنت معاها أه بس عشان أنهي علاقتي بيها والباقي دول لما كنا بنسهر وأنا مكدبتش عليكي قولتلك كنت بشرب وأسكر وكنت بمشي مع بنات والله الكلام ده بجد. تاج: طب وهي كل شوية بقى تقعد تقابلك وتجيلك ده محدش يرضاه. رعد: هخرج وهقابلها وأنتي تكوني معايا وهخليها تبعد عندي حلو كده.

تاج: لا أنا مش عايزة أشوفها أصلاً معرفش كنت بتحبها على إيه. رعد: مكنتش بحبها. تاج: أممم. رعد مسك دماغه: رعد: دماغي وجعتني من الكلام حرام عليكي. تاج: أنا مالي. رعد: تعالي اقعدي جنبي. تاج: لا. رعد: أخلصي بقى مش بحب تبقي بعيدة عندي. تاج: نعم. رعد: إيه ده هو في قمر كده. تاج: نينينينيني مش هيدخل عليا الشويتين دول. رعد مسك إيديها وباسها: رعد: مش هسيبك والله لحد غيري ولا أنا هبقى لغيرك بس أقوم بسلامة ونتجوز.

تاج: إن شاء الله. رعد: خدتي علاجك إمبارح. تاج: أه خدته بس كنت تعبانة خالص وكنت قلقانة عليك. رعد: أنا كويس يا حبيبتي متقلقيش عليا. تاج: متخضنش عليك تاني. رعد بضحك: رعد: حاضر. تاج: ممكن بقى متكلمش تاني عشان دماغك هتصدع. رعد: استني هعمل مكالمة ومش هتكلم تاني هسكت. تاج: ماشي. رعد: ألو يا أحمد أنا بخير كويس سهام أديتك الملف طيب رجعه كده وابقى قابل أنت الناس لأني مش هقدر أجي دلوقتي خالص ماشي يا أحمد مع السلامة.

تاج: خلاص كده ممكن من تكلمش. رعد: هاتي الرقم اللي بعتلك الصور. تاج: إشمعنا. رعد: عايز أعرف رقم مين. تاج: أهو. رعد: ألو بقولك يا محمد الرقم اللي بعتهولك ده شوفلي بتاع مين ضروري ماشي خلاص وابعتلي واتساب باي. رعد: كده خلاص هسكت. تاج: ماشي. في مكان آخر. الشخص: طب والله دخلت في بالشاحنة جامد أنا قولت هيموت فعلاً. المجهول: مامتش يا فالح. الشخص: خلاص استني بس هنعرف نموتو إزاي. المجهول: بقولك إيه متعملش حاجة غير لما أقولك.

الشخص: حاضر سلام. المجهول: سلام.