رواية طفلتي الفصل السابع 7 - بقلم ولاء ابراهيمحميع الفصول)

تاج: أنا جعانة أوي، هنزل أشوف أكل. نزلت تاج، دخلت المطبخ. تاج: أكل إيه، أنا معرفش إيه الأكل ده. حد من ورا تاج. مش تعرفيش إيه؟ تاج بخضة: رعد! رعد: في إيه مالك؟ تاج: أصل خضتني. رعد: بتعملي إيه هنا؟ تاج: أصل جوعت، فا مش عارفة أكل إيه، ومش عارفة إيه الأكل ده، وملقتش عيش. رعد: العيش أهو يا تاج. تاج: هو ده عيش؟ رعد: أه عيش طست، حطي عليه جبنة وبيبقى طعمه حلو. تاج: معرفوش، أول مرة أشوفه.

رعد: طيب أنا كمان جعان، هعمل أنا الأكل. تاج: ماشي. رعد: بصي، دي ماكينة القهوة، هتشربي قهوة؟ تاج: ما أنا قولتلك مشربتهاش قبل كده. رعد: هخليكي تشربيها. تاج: ماشي. رعد عمل ساندويتشات وعمل قهوة، وطلعوا قعدوا في الجنينة. رعد: حلو بقى العيش ده. تاج: هو حلو بس أنا مش واخده عليه. رعد: لا اتعودي بقى على الأكل، انسي الأكل اللي كنتي بتكليه هناك، لأنك مش هترجعي تاني. تاج: يارب بابا يرضى.

رعد: هيرضى، متخافيش، مدام أنتي عايزة تقعدي معانا هيرضى. تاج: يارب. فضلوا في وقت صامت، ومش عارفين يتكلموا يقولوا إيه. رعد قطع الصمت. رعد: عارفة، كنت زمان كنت بتخانق مع مامتك وماما عشان العب معاكي، كانت ماما تقولي هي صغيرة، مش هتعرف تلعب، هي لسه مش فاهمة، بس أنا كنت بحب البنات وبحب العب معاهم، وحتى لما كبرت. تاج: يعني إيه لما كبرت، لسه بتحب تلعب مع البنات؟ رعد: لا، يعني كنت بصاحب بنات وكنت بخرج معاهم.

تاج: هو أنت كنت بتخرج؟ رعد: أه، بس جيت فترة مخرجتش بقى، ومعرفش حاجة عن صحابي. تاج: ليه، الصحاب مفيش زيها، كان نفسي يكون عندي صحاب وأخرج زي رودي، بس أنا لو خرجت لوحدي مش هعرف أرجع تاني. رعد: خلاص، يوم كده هخرجك، أنا كده كده بعيد عن صحابي ومش بخرج، بس ليكي عندي خروج، هخرجك. تاج بفرح: بجد؟ أنا نفسي أخرج! رعد: لو مكنش عندي شغل بكرة كنت خرجتك، بس عندي شغل كتير، وأنا كنت إجازتي النهاردة.

تاج: عادي، أنا لسه قاعدة، لما تيجي نبقى نخرج كلنا. رعد: كلنا مين؟ تاج: أنا وأنت وتيته. رعد: خلصانة. تاج: أنت قولت إيه؟ رعد: خلصانة يعني ماشي. تاج: كلمني عادي، أنا معرفش الكلام ده. رعد: أنا هعرفك كل حاجة يا تاج. تاج: نعم؟ رعد: هو أنتي بتعرفي تقري؟ تاج: أه، كنت بذاكر لـ عز أخويا، فا كنت بعرف حاجات كده. رعد: طيب عشان أجيبلك تليفون، بدل ما تكوني قاعدة كده زهقانة. تاج: تليفون إيه؟ رعد: زي بتاعي.

تاج: بس أنا مش هعرف أتعلم فيه. رعد: هعلمك أنا، متخافيش. تاج: ماشي. رعد: ماشي، أنا هطلع بقى عشان ورايا شغل بكرة. تاج: ماشي، أنا هقعد شوية. رعد: مطوليش. تاج: حاضر. رعد طلع ينام. وتاج فضلت قاعدة شوية بتفكر في يومها وكلام رعد معاها. تاج: هو رعد بيهتم بيا كده ليه، وعايز يخرجني وعايز يجيبلي تليفون، هو بحبه ولا إيه؟

أه أنا بحبه عادي جداً، بس هو أكيد مش هيبصلي، أنا ده بيقول كان بيصاحب بنات، أكيد حلوين، ويمكن لما واحدة تعجبه هيحبها، مش هيبصلي، يعني أنا عادي زي أخته. بس بقى بطل تفكير في الموضوع ده. وكان في شخص بيراقب تاج من الفيلا اللي جمبها. تاج طلعت أوضتها ونامت. في مكان تاني. الشخص: الو، أنا تعبت من المراقبة بجد. المجهول: خليك مراقب، وأنا هزودلك الفلوس، أوعى يغفل عن عينيك. الشخص: بس في حاجة جديدة. المجهول: متقوليش، مستني إيه؟

الشخص: في بنت كده جات تعيش معاهم، وعرفت إنها قريبته. المجهول: قريبته إيه، هو معندهوش قريب. الشخص: معرفش، أنا صورتهالك وهبعتها. المجهول: طيب ابعتها، وخليك مراقب الاتنين، لما يكونوا مع بعض، لما نشوف آخرتها مع رعد. الشخص: ماشي، مع السلامة. تاني يوم، صحيت تاج، أخدت شور وطلعت غيرت هدومها وسابت شعرها ونزلت. نادية: صباح الورد على القمر ده. تاج: صباح النور يا تيته. نادية: صاحية متأخر ليه؟

تاج: معلش بقى، منمتش إمبارح وكنت سهرانة شوية. نادية: كنتي صحتيني نسهر مع بعض. تاج: أنا نزلت عملت أكل، لقيت رعد، فاعملنا ساندويتشات وقعدنا شوية في الجنينة بره. نادية: عشان كده رعد مكنتش راضي يصحى، وصحي بالعافية. تاج: هو مشي؟ نادية: أه مشي، بتسألي ليه؟ تاج: لا عادي، أنا بسأل. نادية: عليا برضو مش هتكلم عشان متتكسفيش. تاج: لا عادي. أصل قاعدنا فيها إيه؟

نادية: أنامكرهش، بس مستنياها أنتي تيجي تتكلمي، لأني فاهمة نظرة عينيكي. تاج: يا تيته، أقول إيه يعني، عادي. نادية: طيب يا ستي، هعديها بمزاجي. تاج: ماشي. نادية: يلا عشان نفطر، مردتش أفطر من غيرك. تاج: يلا. عند سحر. سحر: معرفش طولت هناك ليه، أنا تعبت بجد. رودي: أنا هدومي عايزة تتغسل، البس إيه وأنا خارجة؟ سحر: بقولك إيه، أنا استحالة أغسل، أنا تعبت بجد. رودي: خلاص، قولي لجوزك خليه يروح يجيبها.

سحر: أيوه، هكلمه، وهو قال يومين وييجي، معرفش مجاش ليه. رودي: روحي هاتيها من شعرها، ده اللي قولتلك قصتها، مضايقني. سحر: عيني، بس كده ترجع، بس وافقصها. عز: تقصي شعر مين يا ماما؟ سحر: هقص شعري يا حبيبي، تغيرت رأيك؟ عز: أنا مالي، قولي لبابا. سحر: طب خش ذاكر. عز: تعالي ذاكريلي زي تاج. سحر: ذاكر أنت لحد ما تاج تيجي. عز: طيب. في شركة رعد الهواري.

رعد: سهام، حضري كل الملفات بتاعت شركة المنياوي وابعتيهالي، أرجعها، وابعتيلي أحمد. سهام: هما تلاتة معايا، واحد مع حضرتك، خدته مني. رعد: إيه ده بجد، أنا معنديش أي ملف للشركة دي. سهام: طب هshowفه وهدور عليه. رعد: سهام، أنا مختش الملف ده. سهام: والله يا فندم كان مع حضرتك، مخدتهوش تاني. رعد بزعيق: إزاي أنا بدور أهو ومش عندي، شوفي يا سهام الملفات وهاتيها. سهام: حاضر يا فندم، هروح أجيبهم لحضرتك.

رعد بيدور على الملف، وسهام برضو ملقتهوش. سهام: اتفضل يا فندم، أنا معنديش غير تلاتة، ودورت كويس، ملقتهوش. رعد بزعيق: وأنا دورت، ملقتهوش. سهام: طب هنعمل إيه يا فندم؟ رعد: هو حد دخل مكتبي إمبارح؟ سهام: لا، أنا دخلت روّقته وخرجت، معملتش حاجة تاني. رعد بخنقة: طب روحي على مكتبك وشوفي شغلك. سهام: تحت أمرك. رعد: هتجنن، إزاي الملف مش لقيته، ده آخر ملف بيبقى فيه حاجة مهما، أعمل إيه. رعد: الو سهام، ابعتيلي أحمد بسرعة.

سهام: حاضر يا فندم. بعد شوية، الباب خبط. رعد: ادخل. أحمد: حضرتك طلبتني؟ رعد: شركة المنياوي بعتت أربع ملفات، ومش لقيت الملف الأخير، اللي ده المهم، مش معاك؟ أحمد: لا يا حضرتك، أنا خدته وبعدها بعته لسهام، وحضرتك خدته منها وقولت هتشوفه وهترجعه، بس مخدتهوش تاني. رعد: أنا دورت في كل حتة، مش لقيته. أحمد: ممكن تكون خدته معاك البيت. رعد: مش باخد شغل معايا البيت. أحمد: يمكن المرادي مختش بالك وخدته.

رعد: مفتكرش، بس هنبقى ندور عليه، نشوف الملفات دي ونبرمجهم ونشتغل فيهم لحد ما نلاقي الآخر ده، احنا كده كده هنرد عليهم بعد بكرة، نخلص دول وندور على التاني. أحمد: اللي حضرتك شايفاه أنا معاك فيه. رعد: تمام. في الفيلا. نادية: هتكلمي باباكي؟ تاج: مش عارفة، أنا خايفة يكون في البيت ويبلغ سحر جمبه وتقوله لا وتزعق. نادية: رعد زمانه جاي، هخليه يكلمها. تاج: ماشي. نادية: تعالي بقى نعمل الأكل، ولا شاكلك مش هتعملي النهاردة؟

تاج: لا، هعمل، يلا بينا. نادية وتاج دخلوا المطبخ وكانوا بيعملوا العشا. ورعد جاه ودخل أوضة المكتب. شوية، تاج ونادية خلصوا الأكل وطلعوا بره. نادية: رعد اتأخر كده ليه؟ تاج: يمكن عنده شغل كتير. نادية: كان رن عليا وعرفني إنه هيتأخر. رعد من وراهم: أنا متأخرتش، أنا جيت في معادي. تاج بصوت: أهaaaaاااا. رعد: في إيه، أهدي. نادية: الحمدلله إني أنا واخدة على الخضة. تاج: حرام عليك، خضتني. رعد: أنا آسف، أنا طالع عن إذنكم.

نادية: مش هتاكل؟ رعد: مليش نفس عن إذنكم. تاج: هو رعد ماله؟ نادية: مش عارفة، تعالي احنا ناكل. تاج: لا، اطلعي شوفي ماله. نادية: رعد مدام قال مليش نفس يبقى انسي إنه ياكل، فامشي هيرضى. تاج: لا، أنا هطلع أشوف ماله، لو معندكيش مانع. نادية: شوفي ماله، وأنا هظبط السفرة. تاج طلعت أوضة رعد. خبطت على الباب. رعد: ادخل. تاج: مالك يا رعد؟ رعد: مفيش حاجة، كنتي عايزة إيه؟

تاج: مش هتاكل معانا، ده أنا حضرت النهاردة الأكل بإيدي، مش هدوق. رعد بخنقة: مش عايز أكل يا تاج، وأنا قولت كده تحت. تاج: لا لازم تاكل، يلا بقى. رعد بعصبية ونرفزة: تaaaاج، أنا قولت مش عايز أكل، وأهو بقولها تاني، مش عايز أكل، اتفضلي اخرجي دلوقتي. تاج دموعها نزلت. تاج بصوت عياط: براحتك. تاج جريت على أوضتها وقفلت على نفسها، فضلت تعيط كتير جداً.....