رواية طفلتي الفصل الثامن 8 - بقلم ولاء ابراهيمحميع الفصول)

تاج بصوت عياط: "براحتك." تاج جريت على أوضتها وقفلت على نفسها وفضلت تعيط كتير جداً. رعد نفخ: "طب هي ذنبها إيه يعني إني أشخط فيها؟ رعد راح على أوضة تاج وسامع صوت عياطها وزعل من نفسه جداً خبط بس تاج مفتحتش. رعد فتح الباب: "ممكن أدخل؟ تاج بعياط: "نعم." رعد: "أنا آسف مكنش قصدي إني أزعلك بس في حاجات في الشغل ضاعت ومش عارف أعمل إيه." تاج بعياط: "مفيش حاجة عن إذنك عايزة أنام." رعد: "مش هناكل خلاص بقى أنا آسف." تاج:

"معلش يا رعد اتفضل كل أنت." رعد قرب من تاج وحط إيده على خدها ومسح دموعها: "آسف والله ماكان قصدي أتعصب عليكي ممكن ننزل نتعشى أنا عايز أدوق أكلك." تاج: "مش عايزة أنا مش جعانة انزل كل أنت وتيته." رعد: "يا ستي أدي دماغك أبوسها يلا بقى أنتي قلبك أسود أوي." تاج: "خلاص انزل وأنا هنزل وراك." رعد: "لا هننزل مع بعض." تاج مسحت دموعها ونزلت هي ورعد. نادية: "أنا جوعانة وكنت هاكل عشان الأكل رحته حلوة." رعد: "يعني مش بطال." نادية:

"لا والله رحته تجنن يلا ناكل." تاج: "رعد مش هياكل عشان بيعيب على أكلي." رعد: "لا خلاص هاكل من سكات." قعدوا كلو وعجبهم أكل تاج جداً. تاج: "أول مرة أدوق أكلي." رعد: "بجد والله." تاج: "والله." رعد: "لا أكلك حلو." نادية: "لا جميل يا حبيبتي عقبال متعملي كده لعريسك إن شاء الله." تاج: "لسه بدري يا تيته." نادية: "بدري من عمرك لا إن شاء الله هيجيلك ابن الحلال وافرح بيكي أنا مش هعشلكم العمر كله." تاج:

"ربنا يديكي الصحة والعافية يا رب." نادية: "يا رب لحد ما أشوفك عروسة وأفرح برعد كمان." رعد: "ملكيش دعوة برعد خليكي مع تاج خليكي مع تاج." نادية: "الكلام ليكم أفرح بيك أنت وعروستك وأفرح بيكي أنتي وعريسك يا رب." تاج: "لما يجي يا تيته إن شاء الله." نادية: "هيجي يا قلبي." نادية: "أنا هخد تاج بكرة هنروح المول وبعدها هنروح النادي." رعد: "تمام." نادية: "مالك؟ رعد: "ورق صفقة مش لقيته." نادية: "شوفه في المكتب هنا." رعد:

"ملقتش." نادية: "طب دور عليه كويس افتكر." رعد: "آه صح خلاص افتكرت." نادية: "إيه؟ رعد: "أنا أديته لواحد كده يرجعه لأني هو عارف الشركة دي وبكرة هعدي عليه." نادية: "بقيت تنسى بتحب ولا إيه؟ رعد: "ليه هو الحب بينسي؟ نادية: "حاجة زي كده." قطع كلامهم تليفون رعد. رعد: "ألو مين؟ الشخص: "نسيت صوتي يا رعد؟ رعد: "يا را أنتي بتتكلمي من مصر؟ يارا: "آه." رعد: "عن إذنكم." رعد طلع يكلم يارا بره. تاج: "هو رعد خرج ليه؟ نادية:

"بتسألي ليه؟ تاج: "أصل بسؤال دي مكالمة شغل." نادية: "لا مكالمة حبيبة." تاج: "آه ماشي أنا هطلع أنام تصبحي على خير." نادية فهمت: "وأنتي من أهله يا حبيبتي." رعد: "أنتي رجعتي إمتى؟ يارا: "رجعت من يومين." رعد: "وإيه اللي رجعك؟ يارا: "عادي رجعت لصحابي في إيه هو أنا موحشتكش ده أنت وحشتني وكمان لما فتحت الشقة افتكرتك وقولت لازم أكلمك تيجي نرجع ذكرياتنا." رعد:

"بقولك إيه انسي إن كنتي تعرفي حد اسمه رعد ولا حتة قابلتي حد بالاسم ده ياريت." يارا: "هي القطة اللي عندك خلتك تنساني؟ رعد: "قطة مين؟ يارا: "تاج بنت خالتك." رعد: "آه أنتي بتتجسسي عليا ولا إيه؟ يارا: "بقولك يا رعد لو مجتش عندي هبعت آخر فيديو أنا وأنت مع بعض لجدتك." رعد: "أنتي باين عليكي دماغك تعبانة هو أنا لمستك أصلاً؟ يارا: "في فيديو هبعتهولك وقولي رأيك." رعد بص على الفيديو:

"طب الحمد لله مقربتش منك قاعدين عادي يا بنتي أنا كنت بقرف أقرب منك من كل شوية في حضن واحد شوية ويلا غوري." رعد قفل الخط في وش يارا ودخل. رعد: "قاعدة لوحدك ليه أمال فين تاج؟ نادية: "طلعت تنام." رعد: "مالك بتكلميني ليه كده؟ نادية: "رجعنا تاني لموضوع يارا مش خلصنا منها وسافرت." رعد: "بتكلمني تهددني بس أنا مش بتهدد." نادية: "عايزة منك إيه؟ رعد: "عايزة يوم حلو هتكون عايزة إيه غير كده." نادية: "طب هتعمل معاها إيه؟ رعد:

"فكك منها تاج طلعت يعني دي حتى صاحية بعدي." نادية بصت حواليها: "تاج شكلها بتحبك وغارت عليك وكانت عمالة تسألني مين وكده." رعد: "كان باين عليها عشان كده قولت أخرج بره أشوفها هتغير ولا لا." نادية: "رعد تاج غير إيه وأحده عرفتها ده أنا اللي أقفلك فيها لأني تاج دي عمري." رعد: "متقلقيش هما يومين وهعترف." نادية: "إشمعنا؟ رعد:

"عشان أنا قولتلها هخلص شغل وأخرجك وأجيبلك تليفون وساعتها هعترفلها بقى بحبي بس كده أنا كنت عايز أتأكد إني هي بتحبني وعرفت وهقولها كل حاجة." نادية: "ربنا يبعد أي شر عنكم ويجمعكم في الحلال يا رب." رعد: "يا رب آ هي يارا هتبعتلك فيديو بكرة مترديش عليها." نادية: "فيديو إيه؟ رعد: "الفيديو ده." رعد: "هتبعته هي فاكرة إني كده بتهدد بس بكرة أنا هوريها مين رعد الهواري." نادية: "خلي بالك من نفسك." رعد:

"يا نانا أنا بعرف الحاجة قبل ما تحصل وعرفت إنها رجعت القاهرة بس حبيت أتفاجأ." نادية: "ربنا يبعد عنك الصاحب الشرير." رعد: "يا رب هطلع أنا عشان أخلص الشغل بتاع شركة المنياوي دي." نادية: "خدني معاك يلا." طلعوا وكل واحد راح على أوضته. عند بيت سمير. عز: "بابا عايز أتكلم معاك." سمير: "إيه يا زوز عايز إيه؟ عز: "أوعى تخلي تاج تيجي هي وحشاني بس هي لو جات محدش هيرحمها." سمير:

"في إيه يا عز مالك ومش عايز تاج تيجي ليه هو أنت مش بتحب تاج؟ عز: "بحبها بس عشان أنا بحبها مش عايزها تيجي." سمير: "في إيه يا عز مالك؟ عز بص حواليه وبعدها قال: "ماما كانت بتتكلم على تاج وبتزعق وتقول لما تيجي هتضربها وتقص شعرها وقالت كلام كتير عليها وأنا بخاف على تاج فا بلاش تاج ترجع ونبي يا بابا تاج غلبانة." سمير بصدمة: "إيه!!!!