رواية طفلتي الفصل الثالث عشر 13 - بقلم ولاء ابراهيمحميع الفصول)

رعد: الو. مين: وحشتني موت. رعد: يارا. تاج بصت لرعد ورعد بص لها. رعد: عايزه إيه؟ أنا مش فاضي دلوقتي، سلام. تاج: عادي، أنا كنت ممكن أخرج بره عشان تكلمها. رعد: عادي، مش عايز أكلمها، مليش كلام معاها. تاج: لا أصل شكلك مش بتعرف تكلمها قدام حد، فكنت قومت. رعد: لا لا عادي، يلا أنا خلصت. خرجوا من المكتب. رعد: سهام، أنا خلصت الملف، شيليه ولما أحمد يجي خليه يكلمني. سهام: حاضر يا فندم.

تاج ورعد نزلوا يركبوا العربية. تاج ركبت ساكتة وباصة على الطريق. رعد: سرحانة في إيه؟ تاج وهي مش باصة عليه: عادي، هقول إيه. رعد: إيه حاجة، مش خرجين إحنا عشان تفضلي ساكتة. تاج: عادي. رعد: مش بحب الكلمة دي، ولما أكلمك تبصيلي. تاج بصت له: نعم. رعد: أيوه كده، يالهوي. تاج: في إيه؟ رعد: إيه القمر ده. تاج بصت الناحية التانية.

رعد: تاج، يارا دي كانت صحبتي وكنا بنسهر مع بعض وأنا عرفت حاجات عنها، بس فابعد عنها ومش بكلمها، بس هي عايزة ترجع تاني ونخرج ونسهر. تاج: طب ليه لما كلمتك واحنا في البيت خرجت كلمتها بره ودلوقتي قفلت على طول؟ رعد: أنا قفلت عشان بس مش عايز أتعكنن على الصبح بسببها، وأنا عارف هي عايزة إيه، هتقولي مين اللي معاك عشان هي بترقبني. تاج: بترقبك؟ رعد: آه، لإن أنا أي حاجة بعرفها ناس بتقولي. تاج: آه.

رعد: فكي وشك بقى ويلا عشان ليكي عندي مفاجأة. تاج: مفاجأة إيه؟ رعد: انزلي وهتعرفي. تاج نزلت هي ورعد ودخلوا المول. تاج: إحنا جينا هنا ليه؟ رعد: عشان هجبلك فستان تلبسيه بكره في الخطوبة. تاج: هو انت حددت كده على طول؟ رعد: آه، يلا تعالي. دخلوا محل فساتين واختار لتاج فستان، وبعدها راح جاب لها لبس. تاج: كفاية، أنا تعبت من اللف. رعد: قربنا خلاص، آخر حاجتين. تاج: يلا. دخلوا محل تليفونات.

رعد: عايز آيفون 13 برو ماكس وعايز جراب واسكرينة. ... : تؤمر بحاجة تانية؟ رعد: لا، شكراً. ... : ثواني. تاج: انت بتجيب لمين التليفون ده؟ رعد: ليكي يا حبيبتي. تاج: بس أنا معرفش فيه. رعد: هعلمك، متخافيش، أنا معاكي. ... : اتفضل يا فندم. رعد: ماشي، عامل كام؟ ... : 30 ألف و500. رعد: اتفضل. وحاسب على الجراب والاسكرينة. ... : اتفضل يا فندم. رعد: شكراً. رعد: يلا يا حبيبتي. تاج: يلا، كفاية بقى كده. رعد: لا، آخر حاجة.

دخلوا محل مجوهرات. رعد: إزيك يا مينا. مينا: رعد بيه، فينك من زمان، عامل إيه؟ رعد: الحمد لله، جايلك بقى، عايز حاجة حلوة كده لعروسة. مينا: عروسة؟ ولا... رعد: لا، خلاص هتجوز خلاص. مينا: طيب، ثواني هجبلها أحلى حاجة لمرات أخويا. تاج: إيه ده يا رعد؟ رعد: إيه يا قلب رعد. تاج: اتكسفت ومعرفتش تتكلم بعديها. رعد: خلاص، متتكسفيش. مينا: اتفضل يا رعد بيه. رعد: هختار ده، إيه رأيك يا تاج؟ تاج: جميل. رعد: هيبقي حلو على الفستان.

تاج: آه. رعد: طيب، هاخد ده وعايز واحد تاني بس هادي كده، وعايز بقى خواتم عشان بكره خطوبتي. مينا: ألف مبروك. رعد: الله يبارك. مينا: اتفضل، ده واحد جميل جداً، أنا بنقي لك أحلى حاجة، ودول خواتم أهو. رعد: اختاري يا حبيبتي اللي يعجبك. تاج: مش عارفة، انت ذوقك حلو، اختار لي. رعد: طب بصي، ده حلو وده قسطهم كده. تاج: آه، حلوين.

رعد: طيب، هاخد الخاتمين دول والكوليه دول، واختر لي بقى، كوليه لـ نانا، انت عارف ذوقها، وابعتهم على البيت. مينا: ماشي، حاجة تاني؟ رعد: لا، اتفضل شوف حسابك. بعدها خلصوا وركبوا العربية. تاج: شكراً جدا على الحاجات اللي جبتها لي. رعد: هو أنا كده جبت حاجة؟ انت تؤمري، استني خليكي، هنزل أجيب حاجة وجاي. تاج: متتأخرش. رعد: حاضر. رعد: أنا جيت. تاج: رحت فين بقك؟ رعد: كنت بجيب خط للتليفون عشان هشغله دلوقتي.

تاج: طب لما نروح نشغله. رعد: لا، هشغله دلوقتي. تليفون رعد رن. رعد: بابا. رعد: الو. سمير: إيه يا ابني، فينكم؟ رعد: معلش، كنت بجيب حاجات، عشر دقايق وهبقى عندك. سمير: ماشي، سلام. تاج: يلا بقى نبقى نشغله هناك عند بابا. رعد: خلاص، اشتغل، تعالي نتصور صورة كده تكون أول صورة على تليفونك. تاج: ماشي. اتصوروا صورة ورعد حطها لتاج خلفية وقالها متشليهاش لحد بكرة. تاج: بس مش عارفة أمسكه، غريب عني. رعد: هتتعودي، وهعلمك عليه كل حاجة.

تاج: ماشي. رعد: يلا، وصلنا. تاج نزلت واستنت رعد ومش حابة تدخل معاها. رعد: مالك؟ تاج: مفيش، بس هي أبلة سحر جوه. رعد: متخافيش، أنا معاكي. تاج: أنا مش خايفة، بس مش عايزة أشوفها. رعد مسك إيدها: يلا بس. دخلوا وسمير حضن تاج وتاج دمعت. تاج: وحشتني. سمير: وانتي كمان وحشاني موت، إزيك يا رعد؟ رعد: بخير الحمد لله. سمير: اتفضل. رعد: أخبارك إيه يا أنكل؟ سمير: الحمد لله بخير، بس إيه الحلاوة دي يا تاج؟ قمر أوي.

تاج: تيته جابت لي هدوم كتير ورعد كمان. سحر: نضفناه يا تاج. تاج: إزيك يا أبلة سحر؟ سحر: الحمد لله، إيه مش عايزة تيجي، مش كفاية كده؟ تاج: معلش، أصل بحضر لفرح. سحر بصدمة: فرحك ده، إمتى؟ هو أبوكي مات عشان متجيش تاخدي رأيه؟ تاج: ربنا يديله الصحة، بس بابا عارف. سحر: أمّال مقولتليش يعني. سمير: عادي، مش مشكلة. سحر: ومين العريس؟ تاج: رعد. سحر: رعد العريس؟ تاج: آه، خطوبتنا بكرة إن شاء الله. سحر: مبروك. تاج: الله يبارك فيكي.

سمير: إنتي عاملة إيه؟ تاج: الحمد لله بخير، وتيته ورعد مش مخليني عايزة حاجة. رعد: متقوليش كده، هزعل. تاج: خلاص. بص يا بابا، رعد جاب لي تليفون وهيعلمني عليه. سمير: ربنا يسعدكم. رعد: يارب، بكرة بقى الخطوبة في الأوتيل، هبعت لك عربية تاخدك عشان مش هتعرف تروح. سمير: أنت مرتب كل حاجة كده، والخطوبة أصلاً علينا؟ رعد: وأنا وانت أي، مش واحد، وعادي يعني، اهو عايز أتجوز تاج عشان متبعدش عني أبداً. تاج: ربنا يخليك لي.

رعد: ويخليكي ليا. تاج: فين عز؟ سحر: نايم، بس هيصحى شوية كده. سمير: صحيه عشان تاج تشوفه قبل ما تمشي. سحر: مش هتيجي تقعدي معاه قبل ما تتجوزي؟ تاج: هبقى أجيله، بس صحيه. سحر: طيب. سمير: روحي اعملي قهوة لرعد وعصير لتاج، وأنا هصحى عز. سحر بصيق: طيب. تاج: هو انت هتعمل الفرح فين؟ رعد: في فندق واحد صاحبي، قولتله وحجز لي. تاج: مقولتليش يعني. رعد مسك إيدها وباسها: متزعليش، بس جات بسرعة وكنت بظبط الدنيا. تاج: ماشى.

رودي دخلت لقت رعد قاعد جنبه تاج، بس معرفتهاش. رودي: إزيك يا أستاذ رعد. رعد: تمام. رودي بصدمة: تاج.....