رواية طفلتي الفصل الثاني عشر 12 - بقلم ولاء ابراهيمحميع الفصول)

من وراهم: سبيها أنا هنزلها. ناديه: طب براحه عليها يارعد. تاج: مفيش حاجة، أنا كويسة، هو أكيد بس من المحاليل الكتير. رعد: امسكي بس إيدي. ناديه: نزلها براحه عشان هي دايخة، أنا هنزل أجهز السفرة. رعد: هاتي إيدك. رعد نزل تاج براحه وقعدوا على السفرة. رعد: نانا. ناديه: إيه ياحبيبي. رعد: مش كنتي عايزة تفرحي بيا. ناديه: يا ريت يعني، هتتجوز. رعد: آه، لقيت العروسة. تاج بصت على رعد ومضايقة. ناديه: طب مين. رعد: متعرفهاش.

تاج اتضايقت أكتر. رعد: واحدة بعد بكرة هنقرأ الفاتحة ونلبس دهب، وأسبوعين كده ونتجوز. ناديه: وأنا من آخر يعلم. رعد: عادي يانانا. ناديه: هتقعد معايا هنا. رعد: هسأل العروسة وأشوف. ناديه: طب عرفني مين هي، حد من صحابك. رعد: لا، مش من صحابي، لسه متعرفين من جديد. تاج بصة في الطبق ومضايقة. ناديه: اسمها إيه وبنت مين. رعد: اسمها تاج وبنت عم سمير. تاج بصة في الطبق ومصدومة. ناديه: أنت عايز تاج بنت خالتك.

رعد: آه، أنا كلمت أونكل سمير. تاج: هو أنت قلت إيه. رعد: تتجوزيني. تاج اتكسفت وطلعت أوضتها. ناديه: رعد، أنت بتحب تاج. رعد: أول مرة أحس الإحساس ده. ناديه: بس تاج تعبانة وبلاش تيجي عليها. رعد: ما هي هتخف، ده شوية تعب بس. ناديه: هتخبي عليا، تاج عندها الضغط والسكر. رعد: أنت عرفت منين. ناديه: سألت الدكتورة قبلك. رعد: هو أنا لازم أقولها. ناديه: آه، عشان بس هتفضل ماشية بالعلاج وعشان متنسيهوش في يوم.

رعد: طيب، أنا هطلع لها أقولها معاد العلاج وأقولها. ناديه: اتكلم معاها كويس. رعد: حاضر، عن إذنك. رعد خبط على الباب. تاج: ادخل. رعد: مكملتيش أكلك ليه. تاج: شبعت. رعد: اممم، تيجي بكرة نخرج زي ما وعدتك. تاج: مش عارفة، بس أصل تيته كانت بتقول بابا عرف إني تعبانة فممكن يجي. رعد: طب أنا ممكن أوديكي عنده عادي. تاج: ماشي، هي تيته هتروح معانا. رعد: لا، نانا مش بتحب الخروج أوي، وإحنا هنتغدى بره ونشوف باباكي ونرجع تاني، إيه رأيك.

تاج: ماشي. رعد: خدي العلاج بقى، والعلاج ده متنسيهوش أبداً. تاج: أنا مش بحب العلاج، الجو ده. رعد: مش هينفع، لازم تفضلي تاخدي على طول. تاج: طب أنا ممكن آكل كتير، بس مش آخد علاج. رعد: بصي ياحبيبتي، أنت لو ما أخدتهوش هتتعبي، لازم تاخدي عشانك، ياتاج عشان إنتي. تاج: أنا إيه. رعد: عندك نسبة سكر بسيطة، ومع العلاج والالتزام هتخفي. تاج: هو أنا عندي ضغط بس، مكنش عندي سكر. رعد: وإنتي مش بتاخدي علاج. تاج: لا.

رعد: أكيد ياتاج، من التعب والنفسية، فجالك نسبة، بس هتخفي، بس امشي مع العلاج. تاج: حاضر. رعد طلع تليفونه ورن على حد. رعد: سلام عليكم. عامل إيه أونكل سمير. سمير: الحمدلله، تاج مالها. رعد: مالهاش، بتدلع. سمير: بجد يارعد. تاج فيها حاجة. رعد: لا، هي بخير، وبكرة جاية تشوفك. سمير: تيجي تنور. رعد: خدها أهي، كلمة. تاج: الو. سمير: وحشتيني، عاملة إيه. تاج: الحمدلله بخير، أنت عامل إيه. سمير: أنا كويس ياحبيبتي.

تاج: هاجي أقعد معاك بكرة، متروحش الشغل. سمير: تعالي يا حبيبتي. تاج: ماشي، عز عامل إيه، وحشني. سمير: مضايق عشان إنتي مش معاه. تاج: هاجي بكرة أشوفه. سمير: ماشي يا حبيبتي، ارتاحي. تاج: باااي. رعد: مين عز. تاج: بتسأل ليه. رعد: مش خطيبك. تاج: عز ده يبقى أخويا الصغير. رعد: ماشي. تاج: قولي بقى مواعيد العلاج. رعد: أنا حافظهم، كل مواعيد هاجي أقولك. تاج: يمكن أنت في الشغل. رعد: هرن عليكي. تاج: قول يارعد، يلا.

رعد: هما كلهم مرة واحدة في اليوم، إنتي ختيهم دلوقتي، كل يوم زي دلوقتي تاخدي ده وده، لكن ده خدي بليل والصبح، ومش هيقعد معاكي كتير، ده للتغذية عشان خسيتي. تاج: حاضر، تعبتك معايا. رعد: متقوليش كده، ونامي عشان نصحى بدري عشان هنروح المول. تاج: حاضر. رعد قام وباس دماغها. رعد: تصبحي على خير. تاج: وانت من أهله. تاني يوم.

تاج صحيت أخدت شور، فضلت تشوف هتلبس إيه عشان تغيظ مرات أبوها، بعدها لبست ميني دريس قصير شوية لونه أسود، لبست صندل لف، وسابت شعرها، وحطت روج بس، أصل هي جميلة ومش محتاجة تحط حاجة، ونزلت. عند رعد، تليفونه رن. رعد: الو. سهام: رعد بيه، في حاجة في الشغل لازم تشوفها، فممكن تيجي انهارده. رعد: هو أحمد مشافهاش ليه. سهام: أحمد عنده ظرف كده وخد إجازة عشان والدته. رعد: حاضر، جايلك.

رعد صحي من نومه، خد شور ولبس طقم كلاسك، وحط برفان، ولبس ساعته، ونزل. رعد: صباح الخير. تاج: صباح النور. رعد: أمال فين نانا. تاج: في المطبخ. رعد: طيب، قاعدة بتعملي إيه. تاج: مش بعمل. رعد: وأي كل الشياكة دي، رايحة فين. تاج: هو أنت نسيت. رعد: نسيت إيه. تاج: رعد، أنت بتهزر، مش قلت هتخرجني وتوديني عند بابا. رعد: أنا قلت كده. تاج: آه والله، قلت كده امبارح. رعد: امبارح، أنت بتهزري. تاج: أنا مش بهزر، بس أنت قلت كده.

رعد: خلاص خلاص، كنت بهزر معاكي. تاج: هزارك تقيل. رعد: ياشيخة، طيب هنروح الشركة الأول. تاج: ليه. رعد: في كام حاجة هشوفها كده. تاج: ماشيين. ناديه: يلا عشان نفطر. رعد: يا ريت، عشان متأخر. ناديه: لسه بدري. رعد: رايح أعمل حاجات في الشركة. ناديه: طيب، يلا فطروا وخلصوا. رعد: يلا ياتاج. تاج: يلا. رعد: خدتي العلاج. تاج: لا. رعد: كنت حاسس إنك هتنسي. رعد: ام ياسين. أم ياسين: نعم. رعد: هاتي علاج تاج من فوق. أم ياسين: حاضر.

ناديه: تاج، أوعي تنسي العلاج. تاج: حاضر. رعد بيبصلها. رعد: ياريت. تاج: حاضر والله. أم ياسين: اتفضل. رعد: خدي ده، بس بليل هتخدي الباقي. تاج أخدت العلاج وخرجوا. ناديه: خلي بالك منها يارعد. رعد: حاضر، باي. تاج ركبت العربية هي ورعد. رعد: الوو. أي ياسهام، حضري الأوراق، أنا جاي. باي. تاج قاعدة وباصة على الشباك، بتبص على الطريق. رعد: تاج. تاج: نعم. رعد: مالك. تاج: أنت اللي مالك. رعد: إنتي عارفة إنى زعلت عشان العلاج.

تاج: ده مش مهم زي التاني. رعد: برضو لازم تاخديه، ماشي، ومتنسيهوش تاني. تاج: حاضر والله. رعد: طب يلا انزلي. تاج: هي دي شركتك. رعد: آه، يلا انزلي. رعد وتاج داخلين مع بعض ورعد ماسك إيد تاج والعمال بيبصوا عليه. ودخلوا المكتب. تاج: رعد، هي الناس كانت بتبصلنا كده ليه. رعد: عشان بس غيرت البت اللي جاية معايا. تاج: يعني إيه. رعد: عشان يعني أنا كنت بتاع بنات وبنات بتيجيلي هنا وكده. تاج: ودلوقتي لسه في بنات بتيجي.

رعد: لا، ممكن بقي أخلص كام حاجة عشان نمشي. تاج: ماشي. الباب خبط. رعد: ادخل. سهام: صباح الخير يافندم. رعد: صباح النور، فين الملف يا سهام. سهام: حاضر، ثواني. حضرتكم تشربوا إيه. رعد: أنا قهوتي، وتاج عصير. سهام: قربتك. تاج مضايقة من كلام سهام لأنها بتتكلم بدلع. تاج: لا، خطيبته. رعد: آه، خطيبتي، بكرة خطوبتنا. سهام: مش تقولي يارعد بيه. تاج: معلش، أصل جات بسرعة كده. سهام: مبروك، عن إذنكم. تاج: مين دي. رعد: السكرتيرة بتاعتي.

تاج: اممم، وبتتكلم بطريقة دي كده ليه. رعد: ده كلامها، هي بتتكلم كده على طول. تاج: ماشي. رعد قام وقعد على الكرسي اللي قصادها. رعد: بتغيري. تاج: عادي، ويلا بقى عشان نمشي. رعد: حاضر. الباب خبط. سهام: اتفضل يافندم، الملف والقهوة والعصير، خمس دقايق وهبقى عندكم. رعد: ماشي. هو أحمد جاي بكرة. سهام: ممكن. رعد: طيب، عشان مش هعرف أجي عشان خطوبتي. سهام: مبروك يافندم، خلاص هكلمه وأقوله. رعد: الله يبارك فيكي، ماشي يا سهام.

تاج قاعدة وزهقانة جدا ومش عارفة تعمل إيه، ورعد قاعد بيشتغل. رعد: مش بتشربي العصير ليه. تاج: مش عايزة أشرب كتير عشان الضغط يفضل مظبوط. رعد: ماشي. تاج: هو أنت قدامك كتير. رعد: شوية بس. تاج: ماشي. فون رعد رن. رعد: الو. مين: وحشتني موت. رعد: يارااا...