رواية طفلي الصغير الفصل الحادي والعشرون 21 - بقلم هدير عبد العليم

ليلى فتحت الباب: مين؟ اتفضل. كانت الصدمة كبيرة عندما رأت من يقف أمامها، شخص افتقدته بشدة، شخص ابتعد منذ زمن. فارس: أزيك يا لولو. ليلى بصدمة: أنا كويسة. فارس: مالك؟ ليلى بصدمة: مش مستوعبة بس إن حضرتك هنا. فارس: انتوا ديما في بالي وبحبكم. ليلى بابتسامة مكسورة: في بالك؟ مينفعش تبعد سنين وشهور ونكون في بالك، اللي بيحب مش بيبعد، مش بيعرف طريق البعد، بابا أنت بعدت أوي. فارس: مين قال إني بعدت؟

ليلى: مش شرط حد يقول، المشاعر مش بتتقال، بتتحس، وأنا محستش إنك موجود معانا. فارس: انتوا كنتوا بعيد عن العين بس ديما في قلبي وبالي. ليلى: مينفعش حد يكون في قلبك ومش قدام عينك، لما بنحب حد بنشوف صورته قدام عينينا كل ثانية في كل وقت، بنحس بيه وهو زعلان وفرحان حتى لو بينا ألف بلاد، بس مشاعرنا ديما موجودة وحاسين ببعض في الحزن قبل الفرح، للأسف أنت مكنتش موجود في أي وقت يا بابا، لا حزن ولا فرح. فارس: بالعكس ديما كنت معاكم.

ليلى بابتسامة مكسورة: لا يا بابا مكنتش معانا، كنت مع مراتك وعيالك اللي هناك. فارس: طمنيني عليكم عاملين إيه؟ ليلى: إحنا الحمد لله كويسين. ليلى اتجهت عند السلم ونادت: يارا قولي لمريم متنزليش دلوقتي. فارس: لي يا ليلى؟ ليلى: هتنزل بس كانت بتخلص حاجة مهم وهقولها بعدها تنزل. فارس: انتِ بعيدة لي؟ ليلى

بابتسامة فيها أسف وحزن: أنا هقرب. بابا أنا واثقة إنك مش هتضرني، لأن لو العالم ده كله حب يأذيني، أنت الوحيد اللي مش هتعمل كده، بس خايفة من كلام مراتك علينا لأنها ممكن تكون سبب إنك تأذيني. فارس احتضن ليلى: صدقيني غصب عني. ليلى: محدش بيبعد عن عياله غصب عنه، ليه رفضت تيجي تشوف ماما وهي مريضة رغم إني كلمتك بعد ما عرفت سبب انفصالكم، وقولتلك إننا محتاجين ليك. فارس: مامتك رفضت. ليلى بدهشة: رفضت؟

يمنى جاية من جوه: آه رفضت، لأنه مكنش ينفع أكمل بعد ما حسيت معاك إني مريضة ومش هخف، وصلتني لإحساس مكنتش أتمنى أحسه منك أنت بالذات، أنت الوحيد اللي كنت واثقة إنه هيكون معايا في الوقت ده، أنت الوحيد اللي جيت قولته إني تعبانة وأنا مش خايفة، تصدق إنك أول واحد قولتله إني مريضة؟ عارف أنت عملت إيه في قلبي؟

كسرته. لو كل حاجة كان ينفع ترجع وقتها، قلبي اللي اتكسر مكنش هيطمن يعيش ثانية واحدة معاك، عارف القلب لما بيتخذل من ناس بيحبهم مش بيقدر يلوم غير نفسه اللي حبت ناس متستاهلش الحب ده. أيمن جاي من بره: .. يمنى بسرعة بتمسح دموعها وبتتخض: ده فارس، جاي يطمن على سليم، شكله عرف إنه كان عنده دور برد شديد. أيمن بفزع: وخلص اطمن على سليم؟ يمنى: لا لسه.

أيمن: اتفضلي جوا وأنا هدخله عند سليم، لما حضرتك تحتاج تشوف سليم أبقى كلمني على الأقل أكون موجود في البيت أو أخليك تشوفه في أي مكان بره. فارس بغيظ: ده ابني أشوفه في أي وقت أنا عايز. أيمن بغيظ بس ساكت علشان ليلى واقفة: تمام، سليم معاه حد؟ يمنى: لا لوحده. فارس: أنا جاي اخدهم يعيشوا معايا عالطول. ليلى: هنعيش مع مرات حضرتك؟ فارس: زي ما انتوا عايشين مع جوز أ..

ليلى بعصبية وبسرعة: ده بابا، لأنه تعب أوي لحد ما وصلنا للي إحنا فيه ده، أحسن تعليم واتجوزت أحسن جوازة، وحضرتك شفت جمال الفرح بنفسك اللي جيت حضرته زي الغريب، ومشيت حتى قبل الفرح ما يخلص. فارس: أنا مش بتكلم عليكي أنتِ يا ليلى لأنك خلاص في بيت جوزك، أنا بتكلم على سليم ومريم. ليلى بضحك: عندك اسألهم لو وافقوا؟ أنا هنادي لمريم ولا أقولك استنى أكلمها فون لحسن تقول إني قولتلها حاجة. مريم نزلت: أزيك يا بابا.

فارس: الله يسلمك يا مريومة، أي رأيك تيجي تعيشي معايا. مريم بتتخض من السؤال: معاك؟ لا طبعاً. فارس: إيه؟ مريم: أنا مكاني هنا، ودول أهلي، اتعلمت كل حاجة منهم، مش هينفع، وأنت اه بابا وبحبك بس مش هينفع ومش هقدر أبعد عن هنا. فارس باستسلام: فاضل سليم. أيمن: اتفضل سليم جوا، قهوتك إيه؟ فارس: شكراً. أيمن: اتفضل أنا عملت لحضرتك القهوة. فارس بغضب: اشربها أنت. أيمن بغيظ مكتوم: إيه؟! ولا أقولك فعلاً أنا غلطان إني عملت لحضرتك قهوة.

طلع بره في الصالة وقول ل يمنى وليلى ومريم يطلعوا فوق وأنا هفضل في الصالة لحد ما يخرج. يمنى: إياك يأخد سليم. أيمن: لو سليم وافق ده أبوه، بس متقلقيش سليم مستحيل يوافق. يمنى: ربنا يستر. أيمن: ما حضرتك قاعد. فارس بقله ذوق: تعرف تسكت، كلهم رافضين ييجوا معايا، عملت فيهم إيه؟ أيمن ببرود: عندك وقت أقولك؟ فارس: ..

أيمن: عرفت نوعاً ما أكون أب، عيالنا وهم صغيرين مش بيكونوا محتاجين حاجة غير إنهم يحسوا إننا معاهم وبنحبهم وإننا سند ليهم، علشان لما يكبروا نقدر نكون مسنودين عليهم. إياك تدور على السند في عيالك وأنت كبير ومكنتش أنت السند لما كانوا صغيرين. فارس بدون كلمة بس الغضب ظاهر عليه، خبطت الباب بقوة ومشي. أيمن بصوت عالي: يمنى. يمنى بخضة: إيوه يا أيمن.

أيمن: إياك تكلمي الراجل ده، لو حب ييجي أي وقت يشوف عياله معنديش مشكلة بشرط أكون موجود، لكن بصراحة اتفاجأت إنه هنا. يمنى: صدقني أنا اتفاجأت لما جه، والله مكنتش أعرف. أيمن: والله مصدقك، أنا خائف عليك. يمنى بابتسامة: بس الغيرة طلعت حلوة. أيمن بابتسامة: بصراحة آه اتضايقت لما جيت لقيتك معاه. يمنى: خلاص بقا أنا آسفة. أيمن بابتسامة: ماشي يا ستي حصل خير. مريم نازلة بسرعة: ماما ماما. يمنى بدهشة: ..