رواية طفلي الصغير الفصل الثالث والعشرون 23 - بقلم هدير عبد العليم

يارا باستفهام: ريم، إيه اللي بينك وبين مريم؟ ريم بغباء: مريم مين؟ يارا: أنتِ فعلاً عبيطة، فلازم أقولك مريم مين، مريم أختنا. ريم باستفزاز: مريم مش أختكم. يارا بقوة: مش أنتِ اللي هتحددي إذا كانت أختنا ولا لأ، أنا بسألك دلوقتي سؤال، ردي عليا، إيه اللي بينك وبين مريم؟ ريم: ...

يارا بتهديد: اسمعي بقى، إياك أعرف إنك جيتي جنب مريم، والوقاحة اللي فيكِ دي خليها لنفسك، بلاش النقص اللي عندك ده يطلع على ناس محترمة، لأن الدنيا كله هتتقلب على دماغك. ومهما هتحاولي تبعدي بين زين ومريم مش هتعرفي، لأننا في بيت واحد. ومهما تحاولي تتجوزي زين مش هينفع، لأنك مش زينا. ريم بكيد: خطوبتي أنا وزين بعد شهر. يارا بضحك واستفزاز: مبروك، تصدقي اتفاجئت. هتلبسي الدبلة لوحدك؟ العريس لسه تعبان يا قمر.

ريم ببرود: الله يبارك فيكِ، عقبال ولادك. يارا بضحك: أخواتي الأول طيب. ريم: ... يارا: سلام يا قمر، افتكري كلامي كويس. يارا مشيت. مريم دخلت المحاضرات. ريم بعد المحاضرات: مريم، بقولك بقا، قولي لطنط، ملكيش دعوة بيا أنا وزين. مريم بثقة وابتسامة: لو عليكِ، فماما ملهاش الشرف إنها تعرف واحدة زيك. أما لو على زين، فده ابنها، وأعتقد إنك المفروض اللي تخليكِ في حالك، ولا إيه؟ ريم بعصبية: انتوا ليه عايزين تنكدوا عليا؟

مريم بدهشة: إحنا؟! للأسف يا ريم، أنتِ اللي عايزة تعملي حرب. ريم: لا يا مريم، مش عايزة أعمل حرب. أنا حبيت زين وهو حبني، وعايزين نتجوز. طنط مش موافقة.

مريم بابتسامة: للأسف أنتِ مش بتحبي زين، وأنا متأكدة من ده. البنت لما بتحب بتحس إن اللي بتحبه كل حياتها، بتشوف فيه الأب والأخ والصاحب، مش بتعرف تكلم حد غيره، بتخاف عليه وعلى أخواته، بتشوف أهله هم أهلها. مش كل شوية مع واحد شكل. أنتِ حتى لو اتجوزتي زين مش هتكوني مرتاحة، لأن محدش فينا بيحبك. مينفعش تتجوزي في بيت مش شبهك وتقعدي مع ناس مش شبهك. هتتعبي صدقيني، أصله عمر هتعيشيه مش مجرد يوم وهتمشي.

ريم مكنش فيه كلام ترد بيه: سلام يا مريم، أنا ماشية. في البيت. يارا بعصبية: يا ابني أنت عبيط؟ بقولك هى السبب في الصورة دي. زين بسرعة: أنتِ كدابة. يارا بقوة: مين يعرف عنوان مريم غيرها؟ ثم إنك بتكذب أختك عشان دي؟ زين: آسف، مش قصدي أكدبك بس... يارا: ريم مش كويسة يا زين. زين بابتسامة ساذجة: هتتغير بعد الجواز. يارا بهدوء: يا حبيبي، إيه اللي يخليك تتجوز واحدة أنت عارف إنها مش زيك؟

للأسف، محدش بيتغير بعد الجواز، محدش بيتغير عشان حد. اللي متأثرش عشان نفسه، يبقى خلاص، مينفعش حد ييجي يعدل اللي معرفش هو يعدله، فاهمني. زين بجدال: بس لما بنحب بنتغير للأحسن. يارا: لما بنحب بنخاف على اللي بنحبهم وبنحافظ عليهم. ممكن نتغير في أننا نيجي على نفسنا عشان يكونوا مبسوطين، بس تفكيرنا مش بيتغير. وريم تفكيرها كله غلط. زين: يومين وهفكر وأقرر إذا كنت هتجوزها ولا لأ.

يارا: تمام، بس اعرف إنك لو اتجوزت ريم هتفقد ناس كتير بتحبك. زين: ... بعد أسبوع. زين: بابا عايز حضرتك في موضوع. أيمن: خير يا زين. زين: أنا عايز...