رواية طفلي الصغير الفصل الثاني والثلاثون 32 - بقلم هدير عبد العليم

زين بهدوء: عمو فارس شرط إنها تمشي من هنا لحد ما نتجوز. يمنى بعصبية وصوت عالي: هو إزاي يشرط شرط زي ده؟ زين بهدوء: ماما هو معاه حق. يمنى بعصبية: لا طبعاً أنا مش موافقة. مريم بهدوء: ماما هو معاه حق، بس الحق أحياناً كتير بيكون عكس رغبتنا، فيكون صعب جداً ويزعلنا، بس نعمل إيه لازم نوافق علشان أقدر أعيش معاكِ العمر كله. يمنى بدموع: إزاي هتبعدي عني وتروحي عند أبوكي؟ زين بهدوء: لا، قلت لعمو هتروح عند تيته ووافق الحمد لله.

يمنى بعصبية: قول كده من بدري، خلاص طالما عند تيته سهلة. مريم بسعادة: بابا اتغير أوي، بدأت أحس إنه لسه قريب مني. يمنى: يا مريم الدنيا بتتغير، واللي ميقدرش النعم وهي في إيديه هيقدرها لما تروح منه. مريم: معاكِ حق. سلمى بتزغرد: لولوووووي. يمنى بسعادة: ربنا يتمم لكم على خير يا حلوين. أيمن جاي من بره: السلام عليكم. ليلى بسرعة: بابا بابا قول مبروك. أيمن بدهشة: على إيه؟ ليلى: زين خطب مريم.

أيمن بسعادة: يااه أخيراً، مريم دي تحطها في عينك لو فكرت تزعلها، والله أنا اللي هزعلك. مريم بضحك: دا أنا مفيش زيي النهارده. زين بابتسامة سعيدة: دا أنا عملت المستحيل عشان أتجوزها، تفتكر هقدر أزعلها؟ ولو زعلتها في يوم مش هتهون عليا لأني تعبت أوي عشان تكون حلالي، أكيد مش سهل أفرط فيها. ليلى بضحك: أنا بقول سلام عليكم ونجيب شجرة وليمون. مريم بضحك: زين بس تصدق مكنتش أعرف إن فيه قلبك كله ده ليا، دا أنا وأنت ناقر ونقير.

زين بضحك: ما محبة إلا من بعد عداوة. سليم: بس بابا عمل أكشن جامد مع باسم. مريم: يابوي بتفكرني ليه في داهية عيل رخم. زين بدون فهم: باسم عمل إيه؟ يارا بسرعة عشان متحصلش مشاكل: المهم هنخرج فين النهارده طالما آخر يوم لمريوم معانا. مريم: بابا مش هيوافق. ليلى: أنا هكلمه. *** بعد أسبوع زين: بابا هنروح النهارده عند عمو فارس. أيمن بدهشة: البيت؟ زين: آه. أيمن: إيه رأيك نتقابل بره. زين: مش هينفع. أيمن: كلم خالو حسام يروح معاك.

زين: معلش يا بابا تعالى معايا وهقولك لخالو حسام ييجي معانا. يمنى جاية من جوه: زين يا حبيبي لو قالك على أي حاجة قول حاضر حتى لو مش هتقدر تجيبها أنا وبابا معاك. زين بدون فهم: أي حاجة زي إيه؟ يمنى بخوف: مش عارفة بقا، يارب يعدي المشوار ده على خير، أيمن لازم تروح مع زين. أيمن: تمام هروح معاك. *** عند فارس فارس: البيت منور بوجودكم بجد. أيمن: منور بأصحابه. فارس: عامل إيه يا عريس، طلعت قد كلمتك أهو.

زين بابتسامة: الحمد لله، أكيد طبعاً يا عمو. أيمن: طلبات حضرتك إيه. فارس: معنديش أي طلبات غير إنك توعدني تحافظ على مريم يا زين. زين بهدوء: متخافش يا عمو. أيمن: ولأجل مريم تستاهل الغالي كله الشبكة الأسبوع الجاي من المكان اللي تحدده. فارس: أي مكان أهم حاجة مريم تكون مبسوطة. بابتسامة حزينة: أنا اتغيرت بعد ما أولادي مشوا، لكن قبلها مكنتش كده. أيمن: ننسى اللي فات، وأي وقت عايز تيجي تشوف سليم تعالى، ومريم كمان لما تتجوز.

*** بعد أسبوع وعند تيته زين: مريم الواحد مش مصدق إنه خلاص عمو وافق وإنا رايحين نجيب الشبكة. مريم بابتسامة وكسوف: ولا أنا مصدقة إن بابا وافق. ليلى: ألف مبروك يا حلوين وربنا يتمم على خير. مريم: يارب يا لولتي. يمنى جاية من جوه: مريم عايزة أخليكي بس خمسة قبل بابا ما ييجي. مريم: حاضر يا ماما جايه أهو.

يمنى بتاخد مريم في الأوضة: مريم زين هيكون عايز يجبلك كل حاجة في المحل، بس عشان خاطري بلاش تجيبي حاجات كتير، يعني كفاية حاجات بسيطة عشان لسه قدامه شقة وعفش... والله مش بقولك كده عشان هو قالي حاجة، بالعكس ده فعلاً عايز يجبلك المحل كله. *** بعد الشبكة فارس بيطلع علبة صغيرة: دي هدية بابا يا مريوم. مريم بسعادة: ربنا يخليك يا بابا. فارس بيطلع الخاتم ويلبسه لمريم. زين: ربنا يخليك لينا يا عمو. *** بعد سنتين من الفرح

ليلى بتتصل على فارس بخضة: بابا أنت فين؟ بابا: