رواية طفلي الصغير الفصل الحادي والثلاثون 31 - بقلم هدير عبد العليم

فارس: توافقي تتجوزي زين؟ مريم بخضه: أى؟! زين؟ فارس بدهشة: مالك؟ مريم: هو حضرتك عرفت إللي حصل مع ريم صح؟ فارس باستفهام: ريم مين؟ مريم: ماما بتتصل. فارس: ردي عليا الأول. مريم بكسوف: على الجواز؟ فارس: آه. مريم براءة: إللي حضرتك تشوفه. فارس: أيمن كويس معاكم؟ مريم بهدوء: بصراحة جداً وبيتعامل معانا زي عياله بالظبط. فارس: وزين؟ مريم: أنا قولت لحضرتك مفيش تواصل معاه غير كل فين وفين.

فارس: لو قولتلك زين طلب إيدك للجواز هتقولي أيه؟ مريم بدهشة وكسوف: بجد؟!! إللي حضرتك تشوفه يا بابا. فارس بهدوء: أنا رأيي موافق، كفاية إنه راجل طلبك للجواز مني وهو عارف إني ممكن أعمله حاجة عشان أبوه، شايف إنه عايزك بجد ومهم في الجواز إنك تتجوزي واحد ممكن يعمل أي حاجة مقابل إنه يتجوزك وتكوني حلاله، مش زيي وده الجميل. مريم بسرعة: مين قال كده أنت كويس يا بابا بس يمكن قرارك كان خطأ بس.

فارس بتنهيدة: يمكن اتغيرت كتير بعد ما يمنى بعدت بس التغيير كان في الوقت المتأخر للأسف، أفهم من كده إنك موافقة؟ مريم: ... فارس بسعادة: ألف مبروك يا مريوم وربنا يجعله زوج صالح ليكي. مريم بكسوف: الله يبارك فيكي يا بابا. فارس: كلمي ماما وخليه يبعت زين هنا. مريم بابتسامة: حاضر. زين: أزيك يا عمو. فارس: الله يسلمك يا بني. زين: طمني بقا ورد عليا دا أنا من الصبح وأنا عند حضرتك بقنع حضرتك إني أتجوز مريم.

فارس بهدوء: مريم دي حتة مني، عرفت كله ده متأخر بس عايز أقولك إنك لو فكرت تزعلها هتلاقيني قدامك، صدقني المهم في الجواز إنك تصاحب مراتك تتعامل معاها كأنها بنتك وأختك قبل ما تتعامل معاها كأنها حبيبتك تكون ليها أب وأخ قبل ما تكون زوج، دي النصيحة إللي كنت أتمنى أعرفها زمان يا بني، وألف مبروك عليك مريوم. زين بسعادة: دي في عيني هتوصيني على أختي؟ الله يبارك فيك يا عمو.

فارس بهدوء: وشرط إنها في فترة الخطوبة تكون موجودة عندي أو عند تيته. مريم بعصبية: لي؟ زين بهدوء: معاك حق يا عمو، بس الأفضل تكون عند تيته عشان لو ماما حبت تروح عندها. فارس بهدوء: إللي هي عايزاه معنديش مشكلة. مريم بهدوء: أنا طبعاً عارفة إن بيتك مفتوح ليا في أي وقت يا بابا بس عند تيته أكون أقرب للشغل. فارس: أكيد طبعاً مفتوح ليكم في أي وقت، تمام، زين ممكن توصلني لحد البيت وترجع أنت ومريم وسليم.

زين: هو حضرتك مش هتيجي معانا؟ فارس: لا. زين: مش هينفع دا أنا قولت لماما تعمل الأكل. فارس بهدوء: مش هينفع أجي عندكم. زين بسرعة: طب خلاص ناكل في أي مطعم. فارس بهدوء: المرات الجاية كتير يا بني. زين: صدقني يا عمو مش هينفع. فارس: اتفقنا على بكرة إن شاء الله تجهزي نفسك يا مريوم وتكوني عند تيته. زين: خلاص تمام، وأنا هاجي أنا وبابا لحضرتك علشان نشوف طلباتك. فارس بهدوء: زين أنا بشتري راجل لبنتي.

زين بكسوف: خلاص هنيجي نشرب الشاي مع حضرتك. فارس: تشرفوا في أي وقت. في البيت يمنى بخوف: أيه إللي حصل؟ زين بهدوء: عايز أسمع زغروطة. يمنى وليلى ويارا بسعادة: بجد وافق؟ زين بهدوء: الحمد لله. سلمى بتزغرط: لولووووي. ليلى: مالك يا مريم؟ حساكي مضايقة؟ يارا: يا ستي مبسوطة أهي. يمنى بتبص في عين مريم بتعرف إنها زعلانة: مالك؟ زين: لأن بابا شرط عليها إنها تمشي من هنا لحد ما نتجوز. يمنى: دا...