رواية تغريد لادم الفصل العاشر 10 - بقلم كيان كاتبة

ادم: تغريد وفقتي تتجوزيني ليه؟ تغريد بتوتر: ا.. انا يعني.. تنهدت وكملت: الصراحة أنا كنت بحبك حتى قبل ما اتجوز جلال. ادم بص لها بصدمة. تغريد بسرعة: بس والله أول ما بقيت على اسم جلال حاولت أنساك، ب.. بس مقدرتش والله. ادم: من إمتى الكلام ده؟ تغريد: ي... يعني.. من زمان.. زمان أوي.. من لما كنا عيال بس أنت مكنتش واخد بالك. آدم ابتسم جوه إنها بتحبه. تغريد استغربت سكوته. تغريد بتوتر: ا... آدم.

آدم فاق وتنهد: عارفة يا تغريد بعد موت جلال الله يرحمه بسنة تقريبًا بابا قالي إني لازم اتجوزك. قمت وزعقت فيه وقلتله أنا اتجوز تغريد مرات أخويا مستحيل.. كنت شايفك محرمة عليا وأختي... الصراحة بعد كلام بابا بدأت أركز معاكي، شكلك اللي جذبني، تصرفاتك، كل حاجة فيكي.. بس كنت بفوق نفسي وأقول إيه الهبل ده. يوم ما جه ابن ** يطلب إيدك اتجننت ومبقتش شايف قدامي، ساعتها عرفت إني بحبك بس بكابر وفضلت مكابر لما شفت الرفض في عينيك.

تغريد بسرعة: ابداً والله مكنش رفض، أنا كنت خايفة.. بس أنا والله بحبك. آدم ابتسم بهدوء قبل ما يميل يبو*سها: وأنا بحبك. عدا شهر. آدم واقف قدام المراية بيظبط نفسه. تغريد بضيق: مش كفاية؟ آدم: اممم لسه، استنى هسرح شعري. تغريد ببعض الغيرة: ده أنت لو فرحك مش هتعمل كل ده. آدم لف لها بعد ما فهم إنها غيرانة. آدم بخبث: متخفيش مش هشقط. تغريد قربت منه ومسكته من الجاكت بتاع البدلة

ونزلته لمستواها وهمست: واحدة بس تبص لك وأنا آكلها بسناني. آدم با*سها على خدها بهدوء: وأنا ما يهمنيش إن حد يبص لي غيرك. تغريد بعدت: يلا هنتاخر. آدم ابتسم وأخدها ومشي على فرح محمود ويارا. اللي كان في أكبر القاعات، وتغريد اللي فضلت مع يارا اليوم كله بس رجعت البيت عشان تلبس وراحت القاعة تاني مع آدم. نزلت من على السلم وفستانها الأبيض المتفوش وراها. هشام سلمها لمحمود. هشام: خد بالك منها. محمود

مسك إيدها وهو بيبوسها: في عينيًا. يارا ابتسمت بخجل، وتغريد اللي عيونها دمعت من الفرحة. محمود خدها وراحوا يرقصوا. محمود: قلت لك قبل كده إني بحبك. يارا ابتسمت بخجل. محمود شالها ولف بيها: طب بحبك. بعد يوم طويل من الرقص والفرحة آدم وتغريد رجعوا البيت. آدم كان في الحمام بيغير وتغريد قاعدة على السرير تفكر هتفاجئه إزاي إنها حامل. تغريد مكنتش حاسة بآدم اللي طلع، وكل اللي بيتردد على لسانها... أنا حامل. آدم: تغريد.

تغريد بخضة: أنا حامل. آدم بص لها بصدمة وقعد جنبها: قلتي إيه؟ تغريد بتوتر: أنا حامل. آدم بفرحة: بجد؟ ي... يعني.. هبقى؟ تغريد بحب حطت إيدها على إيد آدم: أيوة وهتبقى أجمل أب. آدم شالها بفرحة: بحبك بحبك.