رواية تغريد لادم الفصل السادس 6 - بقلم كيان كاتبة

محمود: عمي، أنا طالب إيد يارا بنت أخوك. يارا كانت قاعدة تاكل، شرقت جامد وفضلت تكح. يارا بتوتر: أنا هقوم، اتاخرت على الكلية. محمود قام: تمام، وأنا كمان. بعد إذنك يا عمي، ممكن أوصلها؟ يعني وكنت حابب أتكلم معاها. هشام بهدوء: مفيش مانع. يارا اتوترت وطلعت مع محمود، اللي فتح لها باب العربية. محمود: اتفضلي. يارا ركبت وهي ماسكة في الشنطة كأنها درع حماية ليها. محمود لف وركب وبدأ يسوق. محمود: عاملة إيه؟ يارا: الحمد لله بخير.

محمود: عارف إنك اتصدمتي من اللي قلته، بس أنا قضيت عمري كله في الصعيد ومحبش جو التعارف واللمحة دي. عجبتيني، يبقى أدخل البيت من بابه. وبصراحة، أنا أول مرة شفتك شدتيني أوي. وأول ما عرفت إنك بنت عم آدم، قررت إني مش لازم أتأخر أكتر من كده. عارف إن من حقك تتعرفي عليا أكتر، وده هيحصل في فترة خطوبة إن شاء الله لو وافقتي. يارا بتوتر: وصلنا. محمود وقف: هعتبر إنك محتاجة شوية وقت تفكري.

يارا فتحت الباب ونزلت. محمود استنى لما دخلت ودخل وراها عشان الطلاب. يارا قعدت في بنش ورا لوحدها. واحد من الشباب قام وقعد جنبها. محمود بضيق: ياااارا، تعالي اقعدي قدام. يارا قامت بكسوف من المدرج اللي كله بص عليها، وقعدت قدام. ومحمود بدأ شرح. ... آدم دخل أوضته، كانت ياسمين واقفة على السرير وتغريد بتلبسها هدومها عشان الحضانه.

آدم ابتسم بسخرية على تغريد اللي مش واخده راحتها وواقفة بحجابها كامل. آدم حب يثبت لها إنها بقت مراته أو يضايقها. دخل وخلع هدومه. آدم: تغريد، جهزيلي هدومي لحد ما آخد دش. تغريد بتوتر وهي بتحاول متبصش عليه: حاضر. آدم دخل ياخد دش. شوية وطلع وهو لابس بنطلون وصدره عاري. قرب من الهدوم اللي جنب تغريد على السرير ولبس التيشيرت. آدم: امم، تغريد افردي التيشيرت من ورا عشان مش طايل.

تغريد بصت عليه بتوتر وقربت، وفعلاً التيشيرت كان متلكلك وحاولت تفرده من غير ما تلمسه. وادم كان بيرجع لورا عشان يقرب منها بالعند. تغريد شدت التيشيرت وبعدت بسرعة. آدم كمل باقي هدومه. آدم: جاهزة يا ياسمين؟ ياسمين مسكت إيد آدم: أيوة يا عمو. آدم مسك إيد ياسمين وهو طالع. آدم: لو رجعت لقيتك زي ما انتي كده، هعمل اللي معملتوش امبارح.

وطلع. تغريد حطت إيدها على راسها بعد ما فهمت إنه على لبسها، وتنهدت وهي نازلة. قابلت هشام قاعد قدام التلفزيون. هشام: تعالي يا تغريد يا بنتي. تغريد قربت وقعدت جنبه. تغريد: نعم يا عمي. هشام: أخبارك مع جوزك إيه؟ تغريد بتوتر: كويس. هشام اتنهد