رواية تغيرت لاجلها الفصل التاسع 9 - بقلم ايه عزازي

إياد: وأنا هقولك بس تخرجني من هنا. المقدم عامر: وأنا موافق. إياد: رحيم... المقدم عامر: كنت شاكك من الأول. إياد: رحيم اغتصب الخدامة اللي عنده، ولما الخدامة خلفت، سرمد قتل الخدامة ورمى بنته. المقدم عامر: يعني سرمد بنت رحيم؟ إياد: آه، خرجني بقى. المقدم عامر: أنا اللي خارج. إياد بسذاجة: بس ده مش اتفاقنا. المقدم عامر: أنت تخرس خالص. خرج وسابه في غرفة السجن. إياد لنفسه بخبث: ههههه، حلال عليك الإعدام ظلم يا رحيم. ***

في إسكندرية: أجواء مليانة فرح وبهجة. رحيم: مبارك يا سرمدي. سرمد: أنا فرحانة أوي. رحيم: عشان افتتاح الكافيه؟ سرمد: عشان إحنا مع بعض. رحيم: بتحبيني. ابتسمت بكسوف وهزت رأسها بمعني آه. رحيم بفرحة: أنا مش مصدق نفسي. سرمد بضحك: ولا أنا، هههه. قرب منها وهمس في ودنها. رحيم: محضرلك مفاجأة. سرمد: بجد إيه هي؟ رحيم: تعالي ع البحر. *** شط إسكندرية يا شط الهوى: فيروز... 10 ليلاً. رحيم: غمضي عينك. سرمد: ......... رحيم: افتحي.

L O V E Y O U S R M D كل واحد ماسك حرف وواقف على الشط. عيونها لمعت، حضنته من الفرحة. طلع من جيبه خاتم الألماس. رحيم: النهارده عيد ميلادك الـ 19. سرمد بفرحة: ده أحسن عيد ميلاد عدي عليا. رحيم: عشان الهدية. سرمد: عشان إحنا مع بعض. مسكها من إيديها. رحيم: تعالي ننزل البحر. سرمد: لأ بلاش، خليها يوم تاني. رحيم: مالك يا حبيبي، أنت تعبان؟ سرمد بابتسامة: امم، هطلع أستريح شوية. رحيم: أجي معاك؟ سرمد: لأ، صحصح لشغلك بقى.

رحيم: حاضر يا سرمد هانم. مريم: مستر رحيم. رحيم: نعم يا مريم. مريم: في واحد طالب يعمل حفلة في الكافيه. رحيم: تمام، هاجي أتفق معاه على كل حاجة. سرمد واقفة تبص للبنت من فوق لتحت ورافعة حاجب. مريم: حاضر يا مستر. سابتهم ومشيت. سرمد على طريقة مريم: حاضر يا مستر نينينيني. رحيم بضحك: سرمد أنتِ بتغيري، هههه. سرمد: بتضحك على إيه؟ رخامة. رحيم بمكر: بس مريم قمر مش كده. بصتله بغيظ وضربته على كتفه.

سرمد: تصدق أنا غلطانة إني واقفة معاك. رحيم بضحك: خدي بس، رايحة فين؟ سرمد: ملكش دعوة. مسكها من إيديها ولفها ليه. رحيم: أنا مقدرش على زعلك. سرمد: ولا تثبتني. رحيم بضحك: طب ماتزعليش. سرمد: ماشي، هحاول. رحيم بغمزة: بتغيري! سرمد: أنا أغير، ومن مين؟ من دي! دي... دي عود قصب. وبص على وسطها اللي شبه العصاية ده. رحيم وهو يعض شفايفه: دي بطل. سرمد: دي مايصة، أكيد حبتها عشان مايصتها. رحيم: حتى لو مايصة، أنا بحب مايصتك أكتر.

ابتسمت بكسوف واتريقت عليه. سرمد: نينيني. رحيم: ما خلاص بقى، ماتزعليش. سرمد: طيب، أنا هروح أستريح شوية، خلي بالك من نفسك. سرمد اتكلمت وهي بتعدل القميص بتاعه. سرمد: اقفل الزرار عشان صدرك باين. رحيم بغمزة: بتغيري. سرمد: يا عم اتنيل، هغير عليك أنت. سابته ومشيت. رحيم: بلاش تتغندري ياختي يمين وشمال. مشيت بدلع أكتر عشان تعانده. رحيم: امشي عدل يا روح ماما. مش أديته اهتمام واتعوجت أكتر. رحيم: يعني كده، طيب.

بتبص وراها لقيته بيجري وراها. جريت بسرعة وهي بتضحك. سرمد بضحك: خلاص والله. *** في بيت سرمد ورحيم: بيت باين عليه البساطة. دخلت سرمد غرفة النوم، ورد مالي المكان، وعروسة لعبة على السرير. جريت عليها وحضنتها، والإبتسامة منورة وشها. *** في كافيه رحيم: رحيم: الو. سرمد: رحيم الحقني. رحيم بخضة: سرمد مالك في إيه. الخط قفل.