رواية تغيرت لاجلها الفصل الثاني عشر 12 - بقلم ايه عزازي

خد منه التحاليل بسرعة وفتحها. المقدم عامر بصدمة: ازااااى!!! رحيم: ايه؟! المقدم عامر: أنت فعلاً مش أبو سرمد... رحيم: أنا عارف مين أبوها... المقدم عامر: مين؟! رحيم: إياد.. *** بعد مرور 8 شهور: زينه (الأم) : لولولوى بنتين زي القمر. سرمد بتعب: بناتي فين عايزه أشوفهم؟ مروان: حمد الله على سلامتك يا سرمد. سرمد: الله يسلمك يا مروان، أنا عارفه إني تعبتك معايا. مروان: متقوليش كده، أنتي تعبك بالنسبة ليا راحة. زينه قربت

من عامر واتكلمت بصوت واطى: زينه: فك وشك شوية ما تزعلش البنت. المقدم عامر: عايزاها تتجوز وتخلف من ورايا وأفرح.. زينه: أكيد رحيم الزفت ده هو اللي أجبرها على كده. المقدم عامر: هنسمي البنتين على اسم مين؟ زينه: هما مش ليهم أب..! المقدم عامر: أب مسجون في السجن. زينه: ما أنت عارف إنه مش قتل كريمة سجنته ليه بقي؟ المقدم عامر: عشان تاجر سلاح. زينه: كان تاجر سلاح والحمد لله تاب. *** في السجن: إياد: طب وأنت هتطلقها؟!

رحيم بزعر: مش عارف، مش عارف أعمل إيه؟ إياد: مش جت زارتك؟ رحيم: ولا أعرف عنها أي حاجة، كل مرة يبعتلي الزفت اللي اسمه مروان يقولي طلقها. إياد: أوعي تطلقها.. رحيم: وأنا المفروض أسمع كلامك عشان أنت حمايا. إياد: أكبر غلطة عملتها في حياتي إني اتجوزت كريمة وخلفت منها سرمد ورميتها. رحيم: وكمان ترميها قدام بيتي عشان تلبسني تهمة. إياد: خلاااص أنا توبت، وربنا يتقبل التوبة. إياد: قوم ننام ورانا محكمة بكرة.

رحيم: أنا خايف آخد إعدام ومش أشوف بناتي. إياد: أنت لو خدت إعدام يبقى يا بختك. رحيم: أنت ليه فاقد الأمل في ربنا؟ إياد وهو قايم ينام: يا رب آخد إعدام وأرتاح. رحيم لنفسه: أول مرة تصعب عليا للدرجة دي السجن غيرك وخلاك تفتكر إن فيه ربنا. *** بعد مرور 6 سنوات.. في بيت المقدم عامر: سرمد: رفيف تعالي هنا مش تلعبي بعيد. رفيف: حاضر يا ماما. مروان: حبيبة بابا فين؟ جريت رفيف على مروان بفرحة: رفيف: أنا هنا أنا هنا.

سرمد: ازيك يا مروان. مروان: بخير يا سرمد طول ما أنتي بخير. سرمد: الدكتور قالك إيه على حالة رقيه؟ مروان: حالتها بتتحسن الحمد لله. (رفيف ورقيه بنات رحيم وسرمد وهما توأم وبقي عندهم 6 سنين بس رقيه حالتها الصحية مش تمام) مروان: رحيم عنده محكمة بكرة... سرمد بتوتر: ر رحيم! مروان بجدية: آه رحيم.. سرمد: وهيتسجن تاني ولا هيطلع براءة؟ مروان بخبث: ولا هياخد إعدام... سرمد: هو أنت بتزوره؟ مروان: آه.

سرمد بتوتر: طب وهو وافق يطلقني؟! مروان: لأ رافض. كمل بخبث: فاكر إنه هيطلع يكمل اللي فاضل من حياته معاكِ. سرمد بفرحة: يعني رافض يطلقني؟ مروان: آه متمسك بيكِ، بس أنا وعمي عامر اتفقنا إننا نرفع عليه قضية خُلع. سرمد: مروان... أنا مش عايزة أطلق. مروان: متمسكة بيه بعد كل اللي عمله فيكِ؟ سرمد: أنا عرفت يعني إيه الحب مع رحيم، وهو جوزي أبو بناتي وأنا مش عايزة أطلق. دخل المقدم عامر: المقدم عامر بجدية: سرمد.

سرمد بتوتر: ن نعم يا بابا! المقدم عامر: يلا عشان نروح للمحامي. سرمد: أيوه بس.. المقدم عامر: يلا يا سرمد.. سرمد: حاضر يا بابا.. *** اليوم التاني: زينه بقلق: من امبارح وهما عند المحامي يا مروان أنا قلقانه أوي. مروان: طب كلمتي عمو عامر على الموبايل؟ زينه: موبايله مقفول... مروان: .... الموبايل رن: مروان: الو..... : حضرتك تقرب للمقدم رحيم وبنته سرمد. مروان بلهفة: أيوه مين معايا....

: ياريت تيجي على مستشفى **** عشان هما عملوا حادثة... مروان بخضة: أنا جاي حالاً. زينه: في إيه؟! *** في المحكمة: القاضي: حكمت المحكمة حضورياً على المتهم إياد... بإحالة أوراقه ..... "الإعدام" وعلي المتهم رحيم محمد محمد الألفي ب...