رواية ذات الخمار والملتحي الفصل العاشر 10 - بقلم أوشين عبده

ادهم: انت بتقول ايه؟ تعالى تعالى تعالى، اتفضل يابني. زين: احلفلك بالله إنه دا اللي حصل. ادهم: وليه هدير تعمل كدا؟ زين: علشان بتحب عصام من زمان، وعصام بيصدها وكأنه أخوها. ادهم: لا حول ولا قوة إلا بالله، طب والعمل يابني. زين: عصام وملك لازم يرجعوا لبعض. ادهم: إزاي يا بني بعد كل اللي حصل، وعمك قال مش موافق. زين: الحاج دا حبيبي وبيقتنع بكلامي دايمًا، سيبه بس انت عليا. ادهم: ربنا معاك يابني، لما أروح أفرح ملك.

زين: اتفضل يا عمي، وأنا أستأذنك أمشي. ادهم: ليه يابني خليك قاعد شوية. زين: لا، لازم ألحق الحاج وأقنعه. ادهم: ممكن سؤال يا زين. زين: اتفضل يا عمي. ادهم: انت ليه بتعمل كدا وبتساعد عصام؟ زين: يا عمي أنا وعصام صحاب جدًا وبنحب بعض فوق ما تتخيل، سلام بقى علشان أفرح صحبي بسرعة. زين طبعًا رايح لعمه وهايرن عليه علشان يقابله برا علشان يتكلموا في موضوع عصام وملك. ومش عايز إن عصام ياخد خبر، وهاقولكم بعدين ليه مش عايز ياخد خبر.

زين: السلام عليكم يا مدلعنا. الحاج: أهلًا بالبكاش، فينك مختفي ليك فترة. زين: يا عمي مشاغل. الحاج: مشغول عننا؟ طب يا زين أنا زعلان منك. زين: لا، أنا مشغول بيكم مش عنكم. الحاج: تعيش يابني، بس إزاي. زين: تعالى قابلني على قهوة درديري. الحاج: ليه يابني؟ فيه حاجة؟ زين: تعالى بس، ستجد ما يسرك، ههههه. الحاج: أنا مقلق منك، بس جاي. استناني ربع ساعة وجاي. زين: تمام يا عمي، سلام عليكم. الحاج: وعليكم السلام يا بني.

بيلبس الحاج علشان ينزل يقابل زين وهو حيران، هو ماله زين وعايزني في إيه. الحاج نزل ووصل القهوة. بص هنا ومن هنا لقى زين على الجنب كدا. زين: أنا هنا يا حاج، تعالى يا مدلعنا. الحاج: إيه يا ولدي؟ فيه إيه؟ قلقتني. زين: كل الخير يا عمي، اقعد بس. الحاج: يا مغلبني، اديني قعدت، ها إيه؟ فيه إيه؟