رواية ذات الخمار والملتحي الفصل الأول 1 - بقلم أوشين عبده

رقية: السلام عليكم يا ملك. ملك: وعليكم السلام يا روحي. رقية: تاني روحي يابت، لو أنا جوزك ما كان قولتيها ليه. ملك: جوزي إيه، ما أنا مش ها أتجوز في حياتي أصلاً. رقية: اااااه، شغل العقد أشغل. ملك: ههههههههههه، حاجة زي كده. يابنتي ما فيش حد صالح دلوقتي زي أيام الرسول والصحابة، ألاقيش عندك واحد. رقية: ياريت يا أوووخشى، كان حجزته لنفسي. ملك: بقولك هاطلع الهرمونات عليكي كالعادة يعني، وأمري لله. رقية: صبرني يارب.

ملك: بصي يا ستي، نفسي في واحد كدا أمير ولا كل الأمراء، عليه هيبة كدا عظمة. رقية: عظمة على عظمة يا ست. ملك: اخرسي، هاكمل كلامي، ما تقاطعنيش. يكون كدا زي الملاك اللي نازل من السما يصلي، ومحافظ على صلاته، ويكون حافظ كتاب الله، ويحفظني كل يوم ورد. رقية: ودا نلاقيه فين وسط الشوك؟ ملك: أكيد وسط الشوك فيه ورد. كمان عايزاه أمان وسند وضهر كدا يستند عليه في الأزمات ويحتويني.

رقية: إلا هايحتويكي، هايحتويكي ضرب وإهانة منه ومن أهله هههههههه. ملك: بصي، أنا واثقة في ربنا إنه هايبعتلي أحسن واحد في الكون. رقية: ونعم بالله. ملك: سلام سلام يا روحي. ماما بتنادي عليا. رقية: سلام يا قلب روحك. ملك: نعم يا ست ماما، إيه التغيرات دي اللي في البيت؟ الأم: باباكي قال فيه ضيوف جاية. ملك: ضيوف؟ ضيوف مين يا ماما؟ الأم: ضيوف وخلاص، جهزي نفسك انتي والبسي اللي على الحبل ويكون أجمل ما عندك. ملك: ضيوف؟

وألبس اللي على الحبل وأجمل ما عندي؟ هناك سر، أمر مريب يا ولية، اعترفي. ماذا يحدث من ورايا؟ وحوّكت عيونها. الأم: خلاص يا مجنونة، وميت مرة بقولك بلاش تعملي الحركة دي وتحوكي عينك. دا عريس جاي ليكي. أبقى أخوكي عيونك ليه عشان يطفش على طول. ملك: عريس أنا؟ بعترض. الأم: تعترضي على إيه يابنتي، انتي لسة شوفتي العريس؟ ملك: لا. بس طالما فيها عريس لازم اعترض. الأم: بصي أقولك على حاجة، ما تزعليش، لقيتك على باب جامع وانتي مش بنتي.

ملك: طبعاً، وأنا بقول من زمان من معاملتكم ليا. الأم: اتلمي. ملك: حاضر يا ماما. ها روح أغسل المواعين اللي هم بنسبالك طبقين وملعقتين. الأم: روحي يا أختي. سبحان ما أخلص. كملك وهي على حوض الغسيل وبتغسل، بقيت تفكر. هو ممكن ربنا يستجيبلي بالسرعة دي ويكون دا اللي بحلم بيه؟ طاب ها أعمل إيه وهاعرف منين إذا كان مناسب ولا أنا خيبة؟