رواية ذات الخمار والملتحي الفصل الثاني 2 - بقلم أوشين عبده

ومعناه إني هشوفه النهاردة، إن أهلي موافقين عليه وشايفينه مناسب. طيب، هكلم البت رقية بعد ما أخلص. ملك: السلام عليكم يا رقية. رقية: إيه دا، بتقولي رقية من غير يا روحي؟ فيه حاجة أكيد. أهل دي يابت، باللي عندك.. ملك: آه بصي.. رقية: آه بصي، يبقى شكي في محله. اهبدي يا أختي، اهبدي على طول. ملك: فيه عريس ومرتبكة جداً من بدري. رقية: هتسمي بنتك على اسمي؟ ملك: اتنيلِ، هو أنا وافقت خلاص؟ يعني هاسمّي على اسمك وكده؟

بقولك مرتبكة ومش عارفة هاعمل إيه، وهاتكتشف كويس ولا لأ، إزاي. رقية: بصي، أول ما يأذن الآذان، لو مش استأذن عشان يصلي، اعرفي إنه مش بيصلي. واسأليه ليه مش استأذنت، واديكي يبقى عرفتي حاجة. ودي خطوبة مش زواج، اتعملت عشان تتعرفوا على بعض. ملك: الله ينور عليكي. سلام دلوقتي، أنا عروسة وكده. رقية: آه طبعاً، من يومك. ملك: الجرس بيرن يا ماما. الأم: اتفضلوا، اتفضلوا. راحت لبنتها. الأم: يلا يا ملك، روحي قدمي العصير.

ملك: عصير إيه يا ماما، هي مش قهوة وتكون الفناجين مليانة على الآخر؟ ويختبروني إذا كان هاقع نقطة قهوة ولا لأ. الأم: يلا يا لمضة. دخلت ملك وهي رأسها في الأرض من الكسوف. ملك: السلام عليكم. الجميع: وعليكم السلام. دخلت ملك وما سلمتش على حد غير أم العريس وخالته. والكل استغرب من اللي عملته. وخالة العريس قالت لأم العريس في ودنها: "هي دي اللي هاتخطبيها؟ لا بنك مستكبرة تسلم على زوجك وابنه." أم العريس: مش يمكن اتكسفت.

ملك: أنا مابسلمش على رجالة عشان حرام. رأفت: أنا عايزها يا ماما. أم العريس: طيب، لما نشوف. أخدوا أهل العريس قعدتهم وتركوهم في الأوضة والباب مفتوح. العريس: ها، اسمك إيه؟ ملك: اسمي ملك. وأنت مين حضرتك؟ رأفت: أنا رأفت. وكمل أسئلة أستاذ رأفت دا، وأنا مش عارفة أعمل إيه وأطفشه إزاي. دا طلع لا يطاق جداً يعني. أذن العشاء. ملك في سرها: ها، جات فرض، أي أعرف إذا كان بيصلي ولا لأ. رأفت قطع كلامها مع نفسها. رأفت: أنا رايح أصلي.

ملك: طلع بيصلي أهو. بس دا مش الشاب اللي في أحلامي. طلع رأفت عشان يصلي وخد أبوه عشان يصلي. وأمه وخالته لسة عندهم. ملك سحبت نفسها على أوضتها وكلها يأس. وأمها وراها. الأم: ها، حصل إيه؟ ملك: عادي يا ماما، مش هو دا اللي أنا عايزاه. الأم: اسكتي، اسكتي. أهله برضه. صلّت استخارة.