رواية ذات الخمار والملتحي الفصل السادس 6 - بقلم أوشين عبده

هدير شربت العصير. هدير: طاب بعد إذنك يا عمي، وعندي طلب مش عايزة حد يعرف إني جيتك وخبرتك. أدهم: أكيد يا بنتي. تشكرى. وبعد كده خرجت هدير وراحت على بيتها. بعديها بشوية عصام بيرن على أدهم، وأدهم مش بيرد. عصام: إيه دا؟ هو عمي أدهم مش بيرد ليه؟ أنا عايز أشوف أنستي النهاردة. طاب هارن تاني. رن مرة واتنين وتلاتة مافيش حد بيرد. أدهم: الله إيه الحكاية؟ أنا قلبي مش مطمن. رن تاني ورد أدهم. أدهم: السلام عليكم. أيوا يا ابني.

عصام: أيوا يا عمي، ليه حضرتك مش بترد عليا؟ أدهم: بص يا ابني، الزواج دا قسمة ونصيب، ونصيبك مش عندنا. عصام كان ها يموت من كلام عمه أدهم. عصام: بتقول إيه يا عمي؟ وإزاي مقدرش أعيش من غير أنستي؟ قصدي ملك. إيه اللي حصل؟ ما كنتوا لسه موافقين، وملك موافقة. إيه المشكلة؟ أدهم: بص يا ابني، مش هحور عليك. إنت ليه خبيت حكاية سجن والدك علينا؟ والسلام عليكم. عصام: استنى يا عمي، استنى ماتقفلش. أدهم: اعذرني يا ابني. والسلام عليكم.

عصام مش عارف يعمل إيه. راح جري على بيت ملك وبيرن الجرس. فتح أبو ملك. أدهم: إيه يا ابني اللي جابك؟ أنا مش عايز أشوفك تاني. اتفضل من هنا. عصام: يا عمي، يا عمي أنا... أدهم: أنا آسف، بنتي مش ليك. عصام: أصل بابا... أدهم: أنا قايلك بنتي مش ليك. عصام: ملك، يا ملك، يا ملك تعالي. (بصوت عالي) أدهم: أدهم، لو سمحت يا ابني ماتحرجنيش أكتر من كده. واتفضل من هنا. ومستحيل بنتي تعصي كلامي. عصام مشي من غير كلام وزعل جدا.

قال: هو عمي مين قاله الكلام دا؟ ويترى قاله إيه؟ ماشي وتايهة في الطريق ومستمر في دماغه كلام وأسئلة كتير. يارب أنا ماليش غير أنا. عايز أنستي. يارب ماتحرمنييش منها أبدا. ماشي عصام ووصل البيت. فتح الباب أبو أدهم. شافه بيبكي. أبو أدهم: مالك يا ابني؟ عصام: لو سمحت يا حاج، سبني دلوقتي. دخل أدهم على الحمام وبعدين اتوضى وراح على أوضته. وراح يصلي. وهو ساجد ومطول السجود وبيبيبكي وبيقول: يارب، يارب، يارب.

أبوه سامعه. وبعد ما خلص خبط على الباب. وكان موارب. فتحه بزيادة ودخل. أبو عصام: جرى إيه يا ابني؟ مالك؟ إيه فيه؟ عصام: عمي أدهم يا بابا. أبو عصام: ماله يا ابني؟ كمل كلامك على طول. عصام: رفضني. أبو عصام: رفضك؟ إزاي وليه؟ وكان موافق؟ (بدهشة) عصام حكى اللي حصل لأبوه كله، وإنه عمه أدهم رافض يسمعه أصلا. أبو عصام: بس أنا بريء يا ابني. أنا طلعت براءة. هو مش عارف الحكاية. عصام: مش عارف يا بابا، مين قاله ووصله إيه؟