رواية ذات الخمار والملتحي الفصل الخامس 5 - بقلم أوشين عبده

قعد عصام الدين يهزر مع عمو أدهم، وعمو أدهم يهزر مع عصام، وحبوا بعض أوي. وكل دا واقفة ملك بتتفرج عليهم وبتقول في نفسها: "إيه اللي بيحصل؟ هو شكله حب بابا جداً، وبابا حبه. وأنا اللي يحب بابا دا يبقى فوق راسي. وشكله أدهم برضو حبه. يلا اللي يقدمه ربنا كله خير، لما نشوف نهايتها." المغرب أذن وقام عصام استأذن يصلي. أدهم: "خدني معاك يابني." عصام: "يلا بينا يا حمايا." خرج كل من عصام وعمو أدهم.

ومعاه ملك: "الحقي يا ست ماما تعالي شوفي اللي حصل. على العموم شكلك هتخلصي مني عن قريب، واتجوز الواد دا بتاع انستي." وحكت لأمها على اللي حصل كله برا في الصالة. الأم: "يجعله من نصيبك يا بنتي." وفرحت جداً. ملك: "إنتي فرحانة؟ وكمان سي بابا حبه جداً." الأم: "انجري قصادي لما نعمل حاجة للضيف يأكلها ويشربها." ملك: "يأكل ويشرب كمان؟ يا جماعة انتوا بتهزروا." عصام طلع أمام جامع وأقام بيهم الصلاة.

وهو في سجوده دعا: "يارب ملك ما تطير مني تاني وتبقى من نصيبي." وكان بيدعي بيها كل دا ومش واخد باله أن صوته عالي ومش بيهمس. وبعدين الكل وراه قال: "آآآمين." وبعد ما خلصت الصلاية. أدهم: "إيه ده يابني؟ كل دا حب لبنتي وبتقول اسمها في سجودك؟ عصام: "طبعاً يا عمي، وإلا مش كنت جيت." أدهم: "بس أنت لسه شايفها الصبح، لحقت تحبها كدا إزاي؟ عصام: "أنا قابلتها قبل ما أتولد أصلاً. دا قدر، وكأنها خلقت من ضلعي مثل آدم."

خدوا طول الطريق يتكلموا. وخلاص دخلوا على البيت لقوا عائلة عصام قاعدة تحت البيت ولسة هتدخل. عصام جرى على أمه: "ماما حبيبتي." وقام حاضنها: "أنا فرحان قوى يا ماما." الأم: "يكمل فرحتك على خير يابني ويحرسك." دخلوا على البيت وأخدوا بتبادل السلام بينهم. وطبعاً ملك جاية بالعصير والكعك. أم عصام: "تبارك الله، الله أكبر. جميلة قوى يابني." ملك اتكسفت جداً.

عصام نازل على ركبته: "تقبليني زوج صالح أعينك على الحياة ومرها، وبلاش مصاريف فرح ونروح عمرة على أطيب بلاد الله مكة ونرجع على بيتنا. وأحفظك قرآن كل يوم وأصحيكِ تصلي الفجر حاضر، ونتسابق مين يقدر يصليه حاضر. ونبني أسرة مؤمنة."