رواية ظل حبيبي الفصل الرابع عشر 14 - بقلم نجلاء عبد الظاهر

تقى: يعني عاوزة أطلق، حياتنا بقت مستحيلة مع بعض. فهد بعصبية: وأنا مش هطلق يا تقى، أنا آسف غصب عني. أي واحد هيشوف الصور دي كان قتلك، بس مقدرتش. تقى بانهيار وعصبية: مش أي واحد يا فهد! أنت اللي مريض بالشك، كان ممكن تسمعني. قولتلك سيبني أشرحلك بس أنت مسبتليش فرصة. فهد بدموع: تقى أنا آسف. تقى بانهيار: وأنا آسفك هيعملي إيه؟ بابا أنا عاوزة أطلع من المستشفى وعاوزة أطلق. جمال بحزن: اللي تعوزيه يا حبيبتي.

نرمين: تقى حبيبتي اهدَي. تقى: اطلع برا. فهد: تقى! خرج فهد. فهد: عمي أنا آسف. جمال: فهد الأسف دا مش ليا، المفروض تقوله لتقى وهي الوحيدة اللي تقول ترجعلك ولا لأ. فهد: بس أنا مش هطلقها، أنا هخليها تسامحني. جمال بعصبية: فهد أنا مش هسيبك تضغط على تقى تاني، لو هي أصرت تطلق هطلقها منك. فهد بدموع: لا هي مش هتتطلق. جمال بحزن عليه: أنا مقدرش أقول لتقى ترجعلك بعد اللي عملته فيها.

فهد بدموع: أنا هخليها تسامحني بس اقنعها تيجي معايا البيت. جمال يغمز له: ابصلها شطارتك اقنعها أنت، ومش تفتكر إني سامحتك على اللي عملته فيها بس أنا زعلان لأني شفت في عينك نفس نظرتي لنرمين. نظر فهد له بتوتر. جمال: نظرتك نظرة حب لبنتي، ممكن تقى متكونش حاسة بحبك بس أنت حسسها بدا. نظر فهد له بسعادة. بالليل وتقى نائمة، دخل فهد وشالها وخدها حطها في العربية. في الصباح، استيقظت تقى. تقى: آااه أنا فين؟

دخل فهد بالفطار: صباح الجمال. تقى بعصبية: أنت جبتني هنا إزاي؟ أنا فين؟ فهد بضحك: أرحب بيكي في فيلتي في الساحل. نظرت تقى له بصدمة: نعم! الساحل إزاي؟ فهد: مفيش، جبتك أنا بالليل ودلوقتي بطلي كلام. نظرت تقى له بغيظ: رجعني يا فهد، أنا أصلاً هتطلق منك. أمسك فهد خديها: ومين قال إني هطلقك يا حبيبتي؟ تقى: متقولش حبيبتي، أنت مش بتحب غير نفسك وبس. فهد: طب يلا كلي. تقى: لا. فهد: يلا يا تقى كلي. تقى بعصبية: قلت لا!

ولا دي كمان بالإجبار؟ وقامت زقت صينية الأكل على الأرض. فهد بعصبية أمسكها من يدها: في إيه مش راضية تاكلي ليه؟ أبعدت تقى يده: ابعد إيدك عني، أنت فاهم؟ معتش تلمسني. فهد: تقى أنا بحبك. ضحكت تقى كثيرًا: هاهاها هاهاها مش قادرة! فهد بقلق: مالك؟ تقى بعصبية: أنت فاكرني هبلة بتقولي بحبك على أساس إني هصدق مثلاً؟ فهد خلاص أنت عاوزني أسامحك وأنا مش قادرة، ابعد عني وسيبني في حالي. فهد بدموع: لا. أمسكها فهد قبل أن تقع.

فهد بخضة: تقى تقى ردي عليا تقى! شالها ووضعها على السرير. فهد: تقى تقى ردي عليا. قام يجيب برفان ويحاول يفوقها، مش بتفوق. فهد بقلق: طلب الدكتورة: تعاليلي حالاً على الفيلا. الدكتورة: حاضر يا فهد بيه. بعد ساعة وصلت، الحرس بيفتحوا لها البوابة. فهد: أنت غبية إيه التأخير دا كله! تعالي يلا اكشفي عليها. الدكتورة بخوف: حاضر. صعدت وكشفت على تقى: نبضات القلب ضعيفة، الظاهر إنها مخدتش دواها. فهد بقلق: دوا إيه؟

الدكتورة: يا فهد بيه المدام مريضة قلب وبتاخد دوا بس الظاهر إن هي مخدتهوش، لذلك نبضها ضعيف. فهد بصدمة: إيه!