رواية ظل حبيبي الفصل الثاني والعشرون 22 - بقلم نجلاء عبد الظاهر

فهد: بيروح يجري عليها، تقى تقى قومي والله بهزر، طلع قلبها خفيف. جمال: أنت بتعمل إيه يا حيوان، ابعد ابعد أنا هشيلها أطلعها. وبيشيلها يطلعها أوضتها. جمال: تقى حبيبتي. بيقوم يجيب البرفيوم بتاعها وبيشممه ليها، بتقوم. تقى: بعياط شفت يا بابا شفت بيعمل إيه. جمال: معلش يا تقى، ما هو برضه هيعيش حياته يا حبيبتي، وأنت برضه هتتخطبي. تقى: آه أنا ماليش دعوة بيه ولا يهمني. جمال: ماشي غيث هيجي يتقدم إمتى؟

تقى: بمكر النهاردة، وحتى يتغدى معانا ولا إيه؟ جمال: بضحك آه منك آه منك يا أروبة. تقى ببراءة: أنا يا بابا، استنى بقى أتصل بغيث، وبتروح ترن عليه. تقى: ألو. غيث: ألو يا تقى. تقى: ألو يا غيوث مش هتيجي النهاردة تتغدى معانا ولا إيه؟ غيث: هو فهد جمبك؟ تقى: اممم باصص عليا يعني يا غيوث. غيث: بضحك ماشي يا بت اقفلي أنت وأنا هاجي أعمل الواجب. تقى: ماشي باي. وبتقفل معاه وبتدخل تنقي لبس تلبسه.

تقى بمكر: الله الفستان الأحمر تحفة، هياكل منك حتة يا بت يا تقى. وبتطلع الفستان وبتجهز إكسسوارات عليه. تقى: أدخل بقى أخد شاور وأطلع أجهز نفسي. وبتفضل تغني بصوت عالي: الليلة ليلتك يا عروسة. فهد: آه ماشي يا تقى. وبيرن على ماهي: أنت فين؟ ماهي: أيوة يا بيبي أنا في الطريق. فهد: ماشي. عند تقى: تقى: خدت شاور وطلعت لبست الفستان الأحمر وظبطت شعرها وحطت ميكب خفيف. تقى: خلصت أخيراً. وبتبص على نفسها في المراية: يااه قمر.

وبتتصل على غيث: أنت وصلت ولا إيه؟ غيث: أنا برا أهو. تقى: بضحك طب أنا نازلة ليك أهو. غيث: بتضحكي على إيه؟ تقى: على اللي هيحصل تحت كمان شوية. غيث: بضحك طب انزل يلا. تقى: ماشي. بتنزل بتلاقي فهد قاعد، بتتجاهله وتروح تفتح الباب. تقى: غيث إزيك. وبتسلم عليه. غيث: إزيك يا تقى عاملة إيه؟ تقى: كويسة، تعالى اتفضل ادخل، الغدا هيبقى جاهز كمان شوية. فهد بيرفع راسه بيلاقي تقى لابسة فستان أحمر وشكلها جميل جداً.

فهد بغضب: وفي نفسه مش هتجيبيها لبر نازلة بالفستان دا، ماشي يا تقى. وبيقوم يسلم على غيث: إزيك يا أستاذ غيث. غيث: أهلاً. فهد: أهلاً بيك. وبيروح يسلم عليه وبيفضل ضاغط على إيده لدرجة إيد غيث بتحمر. تقى: إيه مش هتسيب إيده بقى. وبتتك على أسنانها: عاوزة آخد خطيبي جوا أعرفه على بابا، ابعد كدا. وبتشيل إيده عن غيث وبتاخده وبيدخلوا. فهد بغضب: ووشه محمر جداً: يووه بقى. وبيلاقي الفازة جمبه بيكسرها ويطلع برا.

تقى بتكون لسه هي وغيث واقفين. تقى بضحك: هاها مش قادرة. غيث: اسكتي أنتِ أنا هتنفخ، حرام عليكي وأنا عاوز أتجوز. تقى: دا أنت ليك عروسة عندي إنما إيه. غيث بفضول: مين؟ تقى: واحدة صحبتي جامدة، منة صاحبتي هعرفك عليها، متخافش بس من ورا فهد. غيث: ماشي. عند فهد برا بيكون بيتكلم في التليفون: يعني أنت فين يا ست زفتة. ماهي بعصبية: في إيه يا فهد؟ فهد: بت أنتِ أنا دافعلك فلوس، دقيقة وألاقيكي هنا فاهمة؟ ماهي بتوتر: حاضر.

فهد بيخلص كلامه وبيلاقي واحدة داخلة من البوابة. وجاية عليه. منة بقرف: أنت مين؟ فهد: أنت اللي مين أنا فهد. منة بقرف: آه أنت بقى فهد. وبتقوم ضربته بالقلم. فهد بعصبية: أنت اتجننتي أنتِ يا بت؟