رواية ظننت اني جميلة الفصل الثامن عشر 18 - بقلم نور الفجر

في الليل وفي مشفى القاهرة الخاص. "هو فين.. يوسف فين.. نوري ردي." "في العناية لسه ما فاقش." "هو حالته.. خطيرة أوي كده؟ "هما حطوه تحت المراقبة." تحدث أيمن: "حادثة إزاي؟ "كان سايق بسرعة وخبط في عربية." دمعت عيون حنان بألم على شقيقها. وضع أيمن يده على كتفها: "اهدي، إن شاء الله خير." "إن شاء الله." بعد ما يقارب الثلاث ساعات. "المريض فاق." نهضت حنان ونوري فوراً ودخلا له. "حبيبي عامل إيه؟ تحدث بألم: "ك.. كويس.. آآه."

تحدثت حنان: "في حاجة بتوجعك؟ أ.. أجيب لك الدكتور؟ انتبه عليها: "حنان." كانت تبكي: "متعي.. طيش.. أنا كويس.. تعال." ركضت له واحتضنته: "آآه." "آسفة.. آسفة." "أنا كويس.. براحة بس براحة." تحدث أيمن: "حمد الله على سلامتك." "الله يسلمك." تحدثت حنان بعتاب: "خلي بالك وأنت بتسوق.. الدنيا مش هتطير يعني." "حاضر." "سوق براحة." "شطور." ضحكوا جميعاً. عادت نوري للمنزل من أجل الأولاد، وأصرت حنان أن تبقى معه، وأيمن كان يحضر طعام.

"حنان.. إم." تحدث بحزن غالب على صوته: "أنا آسف.. آسف بجد على كل حاجة وحشة عملتها لك.. آسف على كل كلمة قلتها.. عارف إني كنت أخ سئ ليكي.. بس سامحني." نظرت له عدد ثواني حتى نهضت ووقفت أمام سريره. "مش مسامحاك." نظر لها بصدمة كبيرة، معقول هل جرحها لهذا الحد؟ كانت ستتحدث عندما قاطعها وهي تقول: "مش مسامحاك لأني نسيت كل حاجة.. مفيش حاجة أسامحك عليها." ابتسمت له: "ي.. يعني مش زعلانة؟

هزت رأسها بالرفض: "أنت أخويا الكبير مقدرش أشيل منك." "شكراً بجد.. أنت يا حنان جوهرة لازم الكل يقدرها." "ده إطراء جميل منك." "لأ والله." "هه.. ماشي." خرج يوسف بعد ثلاث أسابيع، وجبيرة على يده اليسرى وجروح خفيفة. "أ.. أنا بجد متوترة." "نغلي كل حاجة." "إيه لاء إياك يا يوسف." "بهزر." "ط.. طب شكلي حلو.. أ.. أحط م." قطع عبارتها: "أنتي جميلة، هو بيحبك كده." دخل أيمن: "العريس مستني."

تحدث يوسف بمزاح: "كنت ناوي أسلمك بس إيدي مكسورة." أخذها أيمن إلى الأسفل حيث كان معتز ينتظرها. فقد أقاموا حفلاً صغيراً يضم أفراد العائلة. "لو جرحتها بس بكلمة وربي لهندمك." "أ.. أنا مقدرش يا أيمن بيه." سلمها له. همس معتز لها: "دي بجد.. أنتِ قمر يا ناس." "بجد." قبل رأسها: "بجد." شبك يدها معه: "من النهاردة انتي ملك حياتي.. بحبك." "وأنا كمان." "لاء عايز أسمعها." "ب.. بحبك." "عسل."

نظرت له بحب كبير، لقد عوضها الله بزوج أحبها ليس شكلاً فقط، فقد أحب جوهرها. "تعرف." "امم." "أنا بحبك وبحب نفسي من عيونك." "وأنا بعشقك وبحب جوهرك.. قلبك." "جوهر قلبي." قبلها ليؤكد لها مدى حبه له.