غنى: الطريق كله أبجي. أريد بس أسكت، ما أكدر. منظره ما يروح من بالي، وكل ما أسترجع الموقف أتمنى روحي ميتة. والله ماخذني ولا أشوف حب حياتي بهالموقف. سامح: بس فهميني يابويه، ليش تبجين؟ كطعتي كلبي. اكو شي صاير؟ منو مأذيج؟ أحجي يا بنتي، والله أنعل والديه. غنى: (بدموع) لتسألني رجاءً. ولتدخل. سامح: غير أعرف شبيج ياعمي. خوما أضل باوعلج وإنتي تبجين وأسكت. غنى: كتلك لتسألنيييي. ما أريد أحجييي بشي. ورجاءً لتدخل.
سامح: ماشي، ما أتداخل. بس كليلي وين أخذج؟ هسه تجين لبيتي ترتاحيلج جم يوم. غنى: (بدموع) أخذني لأي مكان، عسى ما تشمرني من الجسر وتخلصني من هالحياة، هم ميخالف. سامح: اسم الله عمي، لتحجين هيج. عمرج طويل إن شاء الله. هسه آخذج يم أمي. هي تعرف شلون تهدئج. غنى: (بدموع) شتهدئ واني بداخلي براكين تفور. شي يطفيها؟ وصلنه لبيت جدي. نزلت ونزل عمو. جنطتي. دك الجرس. طلع ولد. ايهم: ها عمي؟ شنو عرست وجايب مرتك تضمها عدنه؟
تخاف من أم مخلد؟ سامح: طاح حظك. هاي بت عمك صالح، غنى. غنى بويه، هذا أيهم ابن عمك فالح. عايش وي بيبيتك. بس جان عنده شغل بالوكت الي اجيت بي وما شافج. وخر ولك، تعاي طبي هسه تلكين أمي كاعدة. غنى: دخلت لجوه. البيت صمته وهدوء. رحت بسرعه لغرفة بيبي. دكيت الباب. أم صالح: إني مو كلتتتت أريد أنام؟ ليش تدكون الباب؟ ولددد الكلب. غنى: فتحت الباب ودخلت. أباوعلها، تفاجئت من شافتني وكامت بسرعه على حيلها. أم صالح: غنى ولج حبيبه، خير؟
شبيج وشبي وجهج؟ غنى: متحملت. بس شفتها اجت على بالي بيبي زكية. حسيت كلشي تجمّع عليّ. بجيت بحركة كلب. تذكرت كلشي. أريد بس أبجي. أم صالح: كامت تركض باتجاهي... يااا سوده بوجهي. ولج يمه شبيج. غنى: آاااه بيبي. آاااه. نااار نااار بكلبييي. بيبي راااح أموووت. أم صالح: حضنتها. اسم الله اسم الله. الموت لليكرهوج. شبيج بعد كلبي؟ منو بجاج يا نظر عيني؟ أحجييي. والله ألمسح بي الكاع. واني فليحة وحجايتي سيف.
غنى: إنّي إنّي الي انمسسسحت بيه وبكرامتييي الكاااع. يا بيبي... بييي والله ما غلطت ولا قصرت. ليش هيج سوووه بيه؟ لييييش؟ أم صالح: منوه هذا المكموع؟ أحجييي ولج. فتيتي كلبي. سامح: ها يمه شبيها؟ كاعدة بالكاع؟ شنو تخربطت؟ أخذها للمستشفى. أم صالح: إنت ماعلييييك. امشييي اطلع بره. أبو عين الصلفة، جماللللله جايني تحجي وياي؟ امشييي ولي. سامح: (بحزن) العفو يمه. إني غير لخاطرها أحجي.
أم صالح: عود ميخالف. يله اطلع وسددد الباب. وانتي شو مسحت دموعها؟ كافي بجي. عيونج إذا انمردن منو يفيدج؟ كافي يله. تره أضربج. وهسه أحجيلي شبيج ولتخافين. سرج ببير ميطلع لأحد. أحجي بت صالح لتفتين كلبي. غنى: لا أرد. بس تبجي. أم صالح: زين بس فهميني. شطلعج من بيتج بهالوكت؟ ورجلج وين؟ وشلون خلاج تطلعين؟ غنى: (تنشغ) لتجيبييين طاري كددداامي. أم صالح: هاا؟ هيج السالفة؟ كولي متعاركين.
غنى: باوعتلها وشهكت. ياريت بيبي. ياريت لو متعارك ويايه. ياريت لو ضاربني. ياريت لو ذابحني. والله ما أكله لا. بس مو يخونييي بهاي عيني. بيبي شفته بهاي عيني. شفت الإنسان الوحيد الي حبيته بحياتي واعتبرته سند إلي ويه غيري. أم صالح: لطمت على وجهها. عمى العما. الله لايبارك بي على هالعملة. لا يا ابن الكلب. أدرييي شيطيكم الله بعد؟ أشوو انطاكم الجمال والأخلاق والنظافة والدلال، وهم عيونكم متشبع؟ شنووو من مله هالزللللم؟
الهي زبن. خاف إنتي مقصرة ويا؟ مامداريته؟ غنى: (بدموع) والله يا بيبي مقصرت بشي وياا. والله بيبي بعز تعبي وظهري مكسور من الصبح للظهر إني أكرب. تنظيف، طبخ، تعزيل. كولشي عليه. ومع هذا قبل جيته أركض أحضرله الملابس وأعزل الغرفة وشيريد أسويله. وحتى مرات كلبي يضل يموتني من الألم وجسمي كله يئن عليه. بس ما أكله أخاف لا أقلقه عليه. تالي هيج جازاني. أم صالح: سوده عليه. يامن عمى بعينك. يالماتسمى. الله لا يوفقك إن شاء الله. غنى:
(تنشغ) والله لو مقصرة أكول حقه يخوني. والله لو ماذبيته أو مضوجته أنطي عذر. بس والله وداعة مروان ما صدر مني تقصير. مداريته مثل المي الي بالصينيه. وأخاف عليه أكثر ما أخاف على نفسي. تالي بعد كل هذا يروح يخوني ويدوس على مشاعري وكرامتي بدون حتى ما يهتم.
أم صالح: آاااخ. زلم متملي عينهم بس التراب. وحق ربج شايفتهم. ذوله متفيد وياهم المعدلة. يحبون التهينهم وتخليهم نعال برجليها وتدوس عليهم. وين ما الجايفه والوصخة تلكين راحتهم. ربي لا اعتراض على حكمك. يعني أمهات الشوارع والي لاعبات جقة شبر الرجولة عبيد لرجليّهن. والمعدلة الشريفة الصاينة نفسها هاي قسمتها. كافي ولج لتبجين. ميستاهل دموعج. والله.
غنى: مدابجي عليه. أبجيي على روحيي. أبجي على الأشهر الكضيتها بواجي وخوف عليه. أبجي لأن رفضت الدنيا ووافقت عليه رغم كل عيوبه. بيبي إني حتى عيوبه حبيتها وصارت حسنات بعيني كد ما أحبه. بس تالييي باعني بالرخيص وراح لوين؟ ماكو وحدة قذرة. ليييش؟ بس خلي واحد يكلي ليييييش. آاااه. والله ما أريد شي. بس كولولي ليش؟ شنو الي بدر مني حتى هيج يسوي بيه؟
أم صالح: كافي ولج. ليوكف كلبج. خلي يولي. يروح واحد يجي عشره غيره. والله لأطلقج وأزوجج لواحد يسوه راسه. لهالحقير أبو النسوان. لو بي ميخلي سلاحه كل طلقة تركب عليه. مسحت على راسها. كومي نامي بعد كلبي. والصباح رباح. ليروح يصير بيج شي. بيمن الربح بازهار؟ غنى: ياريتني أنام نومه بلا كعده. أم صالح: إششش لج. اسم الله من عمري على عمرج. غير الحكج. غنى: (بدموع)
حتى هو جان يكلي هيج. يكلي لتجيبين طاري الموت. إذا متي الحكج الجذااااب. أم صالح: حجي زلم. شلج بي؟ ذوله على حساب راحتهم يركعون للنسوان. كومي كومي. الميشتريني بالغالي أبيعه بالبلاش. مو حتى بالرخيص. كمت وكومتها. نزعي حجابج وطبي سبحي. خلي الماي يبردج. كومي وياي. وانطيني موبايلج. خاف يدك عليج. عليج حتى أني أحاجي وأوكله تبن.
غنى: جرتني كوه دخلتني للحمام. وسدت الباب. فتحت الدوش وكعدت. نزل الماي ونزلت دموعي وياا. صرخت من كل كلبي. أريد النار البداخلي تطلع. ضربت وجهي وخرمشت خدودي. ساااااعه السوووده الحبيتك بيها. ساااااعه السوده الي شفتك بيها. لك ليييش ليششششش؟ شمسويتتتتتلك انيييي؟ ورحت بعتنييي؟ شنووو بيهن ذنيييي وفضلتن عليه؟ لييييش لك فهد؟ لبيييييش؟
ولج يمه لحكيلي. بتج مابقئ واحد ما غدر بيها. حتى سندها ذبها وباعها. بجيت بحركة كلب. فهد كسرني. كسره ما تطيب منها لو مر عليه دهر. ضليت كاعدة جوه الدوش لمن حسيت نفسي فرغت من الي بداخلي. شويه كمت لبست وطلعت. لكيت بيبي كاعدة. أم صالح: وللللج هاي شمسويييه بروحج؟ الله يطيح حظج ياغبررره. ارتاحيتي هسه من هيج سويتي بروحج؟ ولج ليش؟
غنى: بجيت. الله ياخذنييي. حتى ربييي غضبته. من وراا بيبي فقدت. والله ما قصدي أغضب الله. محسيت على نفسي. بس ردت أهدئ. أم صالح: تعاي نامي. تعاي. الله لا يوفقك يالبالي. غنى: نمت بحضنها. بيبي إذا خابركم لتكولوله إني هنا. أم صالح: ليش؟ غنى: ما أريد يعرف. وبس. أم صالح: خلص. براحتج. هسه أكل لعمج لتشيلين هم. يله نامي. غنى: دموعي مانشفت. أريد عيوني تغمض بس ما أكدر. من بعد موت مروان. أوحش ليلة مرت عليه هاليلة. ***
إيمان: الساعة بالـ 12 بالليل. وغنى لسه ما هي خابرت. منذر وعلي طلعوا يدورون عليها من ساعتين. فهد ميرد أصلاً. كسرنه الموبايل عليه وهم ميرد. خابرت أبو حوراء يكول غنى مو يمنه. والله راح أتخبل. أروى: ياربي غير يجاوب. آلاء: يمعودات خاف اعتادين عليها. وكت الي راحت لخالتها ورجعت منهارة. شفتن ملابسها شلون متربة. وحتى نظارتها ماهي.
إيمان: استغفر الله. فال الله ولا فالج. سكتي يمعووودة. من غييير شي أني كلبي نار. هسسسسه غير يجاوب هالابن الحيوانه هذا. أروى: أباوع دخلو منذر وعلي... أجو أجو. إيمان: هااا؟ لكيتوها؟ علي: كلبنه بغداد وما هي. خابرت فهد ميرد عليه. شسوي يعني؟ منذر: واني رحت لبيت خالتها. كلتلي ما اجت ولا وصلت. والمرة تخبلت. آخر شي كتلها طلعت رايحة ويه الحجية لكرايبنه. ما أعرف شلون جذبت هالجذبة. بس خفت لتنجلط المرة.
إيمان: ياربي وين راحت البنية. أباوع لفهد دخل بسرعة وصعد بوجهه فوك. حتى سلام ماسلم. يا الهي العالمين. وتالي مالحكنه نصعد وراه. نزل يركض. فهد: وين غنى؟ الكل: (لا رد) فهد: هسسسسسه؟ غير يحجووون. وينهااا؟ إيمان: إنتتت الي وينك؟ من التسعة ندك عليكككك وانت ماكووو. مرتك طلعت كالتت رايحة لخالتها ورجعت مبندة من البجييي وصعدت أخذت غراضها وطلعت. فهد: وشلوووووون تخلييييها تطللللع؟ صدك تحجييين انتيييي؟
وانتووو يالبهايم شلون تخلوها تطلع؟ علي: منذر ببيته واني جنت بالعيادة. ومن رجعت لسه أفتر أدور عليها. وما هي فص ملح وذاب. نخابرك مترد. الصوج منك. ليش ما جاوبت علينه؟ فهد: (مسح على شعره) وطلعت موبايلي. منذر: إذا راح تتصل على خالتها. لتحاول. لأن جنت يمهم وكالت مو عدها. فهد: إيده ترجف. أروى خخ خابري نرجس بسرعة. أروى: خابرتها. ماراحت لها. فهد: لعدددد وين؟ ولت...
طلعت بره. أخابرها. جهازها مغلق. ياربي دخيلك. طيح حظي. كلشي سوي بيه بس كون ألكاها. "الو؟ لللللك نعاااال؟ إنت شلووون تكليييي رجعت للبيت؟ ابن القندرررة؟ غيررر تتأكد؟ هايييي إني رجعتتت ومالكيتها." "والله العظيم شفتها بعيني دخلت للبيت. ياله رجعت." فهد: وحق من نزل القسم. إذا ما ألكاهاااا أطلللع بروحككك. والله. (غلق بسرعة وأخذ سيارته وطلع يدور عليها بكل مكان) . شجاك بس فهمنييي شجاك؟ وما حسبتهااا صح؟
بس بسيطة. خلي ألكاج إذا ما أزوعج العافية وأبجيج دم ما أتسمى بسمي. (قلبت بغداد كلاب. ماكو. ماهي. فتريت على كل المستشفيات. ماهي. بقالي آخر مكان. خابرت عمها على أمل ألكاها عدهم. خابرته طلعلي الوو) سامح: (بنعاس) الوو؟ منو؟ فهد: (بهدوء) إني زوج غنى. سامح: ها يا غنى؟ فهد: غنى بت أخوك. سامح: ها أي. شبيها؟ فهد: غنى عدكم؟ سامح: ها؟ لا عمي. شجابها عدنه؟ ليش هي وينها هسه؟
فهد: صارت مشكلة بيناتنه وطلعت. يمكن راحت لخالتها. رجاءاً إذا تواصلت وياك بلغني بنفس اللحظة. سامح: ماشي تدلل. من عيوني. بس تخابرني أكلك. (سديته منه واتصلت بأمي) الوو يمه؟ خابرني رجلها وسأل عليها. كتلها مثل ما كتلتي. أم صالح: أي. بعد وكت. ستوه تذكر. اسمع ولك. والله إذا تكله غنى عندي. أطلع بروحك. فته مت. سامح: زين ليش خطية؟ ماسمعتي صوته شلون خايف عليها؟
أم صالح: أكل تبن ونفذ الي أكوله. ونقاش لا تناقش. يسألك سوي روحك أثول. وحتى كله إذا ما مصدك تعال أخذك لبيتنا وتأكد. حتى يروح الشك منه. خلي ينشوي ويضل ياكل بروحه. عسى نار جهنم تاكله إن شاء الله. يله روح. فهد: وين ولت؟ رحت لأطراف بغداد. نزلت أدور عليها وأسأل. هم ماكو. فص ملح وذاب. ياربي وين راحت.
(أخذت جهازي. دكيت عليها. هم مغلق. تنهدت. وتالي ضليت أدور عليها للخمسة الصبح. نبشت بغداد نبش. وهم ما لكيتها. والله دنعل أبوك لأبو. حتى اليطلعلج. شلوون بيه؟ لو تعرضلها أحد؟ وين أنطي وجهي؟ مليت كد ما دورت وبدون أي نتيجة. لفيت ورجعت للبيت. لكيت أمي وأروى كاعدات.) إيمان: ها؟ لكيتها؟ فهد: كلبت بغداد ومالكيتها. أروى: (بدموع) زين هي ليش عافت البيت؟ فهد: (بارتباك) ما أدري. علمي علمكم. ما فهمتوو منها؟ إنتو ليش طلعت من البداية؟
إيمان: نزلت مستعجلة. سألتها وين رايحة. كالت خالتها متخربطة. وأبو حوراء منتظرها براس الشارع. أمنت على حجيها وكتلها روحي. راحت ورجعت وره حوالي ساعة ساعتين مبندة وهدومها متربة وبس تبجي. شحالها؟ صعدت لمت ملابسها و تنشغ. أحاجيها أني والبنات. نريد. مترد علينه. حاولنه نخابرك بس مارديت. وهي طلعت. حاولنه نمنعها. ما كدرنه. والله حتى أني طلعت وراها ركض. بس هي تركض وبأيدها الجنطة. حتى مالحكت عليها. فهد: (مسح على وجهه)
بس أريد أعرف وين راحت بهالليل وهي ماعدها أحد. إيمان: شراح تسوي هسه؟ فهد: ما أدري. ما أدري. خلي يطلع الصبح و أرجع أدور عليها. أروى: فهد إنت ليش هيج بارد؟ شو أحسك مامهتم. فهد: شنووو مامهتممم؟ كاعددده بكلبيييي إنتي؟ لتضليين تمسلتيييين من وحدج. (عفتهن وصعدت لغرفتي. فتحت الباب ودخلت. أباوع للغرفة. الكنتور مفتوح وهدومها ماهي. شريد أسوي هسه؟ وين ألكاها؟ وهي حتى جهازها مغلق. وييييين؟ ولت؟ وين؟
كلبت الغرفة أدورلي على شي صخام يدليني بيهااا. بس ماكو. لحظة. الكامرات. ركضت فتحت اللابتوب. أباوع للبيت. ماكو شي. حولت على المطبخ. أباوعلها. هاي وياها واكفة تشتغل. دخلت سارة تحجي وياها. شوية وصعدن سوة لغرفة سارة. وره فترة طلعت غنى من غرفتها. بس وضعها مو طبيعي. تمسح بوجها. دخلت للغرفة. معقولة سارة كتلها؟ بس سارة شدراها قابل. كلبت على اليوم الثاني. ضليت أباوعلها. وره ما طلعت. طلعت وراي. خررررب الك..... شطلعهاااا وراي؟
شطلعهاااا وره فترة رجعت للبيت. أباوعلها مو غنى الي أعرفها. منهارة وشحالها. صعدت فوك تركض. والكل وراها. دخلت للغرفة واختفه كلشي. شويه وطلعت تركض وبأيدها الجنطة. وطلعت من البيت. خررررب الجابججججج. ركعت اللابتوب بالكااع. كلبت الطبله. بتتتت الكلللب. شودااااج ورايه؟ شوداااج؟ وويين وليتييي؟ كلبت الغرفة كلاب. وين راحت؟
على الأقل كووووولييي. كولييي وين رحتيييي حتى ألكااااج. ياربي دخيلك. كون مابيها شي. بس خلييي ألكاهااا. أباوع للغرفة متفلة. كعدت وأحس اكو ألم بأديه. أباوع الدم يطفر منهن. تنهدت. ياربي إني غلطان. لتعاقبني بيها. دخيلك.) *** صباحا. غنى: بين الوعي واللا وعي أسمع أصوات حواليه. أيهم: حجيه أدخل. أم صالح: تعال. أيهم: صباح الخير. ها؟ شو كاعدة من وكت؟
أم صالح: صباح النور حبيبي. أي والله بت عمك مصخنة من الفجر. ولسه وإني كاعدة أسويلها كمادات. وهسه نزلت حرارتها شويه. أيهم: أحجيلي شبيها هاي؟ وضعها مو طبيعي. أم صالح: والله بت عمك سالفتها سالفة. سوده عليه. أيهم: خير؟ شبيها؟ أحجيلي. أم صالح: مابيها شي. امشي روح سويلي ريوك يله. لأن عمتك والبنات نايمات وتعبانات من الشغل. وإني مابيه حيل أكوم. أيهم: حجيه تره عرسي بعد جم يوم. وهم تردين تكربيني. أم صالح: كوم ولك لاتجادل.
غنى: فتحت عيوني. أباوع هاي بيبي. وإني بغرفتها. نزلت دموعي. والله جان عبالي دا أحلم. وهسه أكعد وألكة نفسي بحضن فهد مثل كل مرة. بس للأسف طلع كلشي صاير حقيقي ومو حلم. كعدت وأحس راسي صاير طبل. أم صالح: ها حبيبه؟ شلون صرتي؟ غنى: راسي يوجعني بيبي. أم صالح: بيه ولابيج. بعد كلبي. هاي لأن مصخنة تحسين بنحول. كومي غسلي. وهسه نكعد نتريك إني وياج ونتفاههم. خوش؟ غنى: أجيت أحجي. ودخلت جوكة مال بنات. والي هن بناتي عمامي وعماتي.
(سها وبلسم بنات عمة زمرد. هديل وهاشم أولاد عمة أزهار. والي لحد الآن مشفتها. غسق ويسار وأيهم أولاد عمو فالح. غدير وجمار وكرم أولاد عمو كفاح. مخلد ومسلم و تبارك أولاد عمو سامح.) البنات: صباح الخير حجيه. أم صالح: هله. صباح النور. شعجب كاعدات من وكت؟ سها: يا غنى عدنا. شلونج ياحلوووه؟ غنى: (بهدوء) الحمد لله. غسق: العفو لتفهمين قصدي غلط. بس شعجب اجيتي لهنا؟ لا وبايتة عدنه هم.
أم صالح: إني عزمتها على عرس أيهم. وهم رجلها ملتحق. كلت أكلها تجي تبقى يمنه فتره. هم تتونس وهم تتعرف عليكم. باعتبارها صارت منه وبينه. بلسم: يا أهلا وسهلا بيها. نخليه بعيونه. غسق: أي والله. همزين اجيتي حتى نتعرف عليج أكثر. لأن ذاك اليوم مالحكنه نتعرف. إني غسق بت عمج فالح. متزوجة وعندي ولدين. سها: إنتي تعرفينه. إني مخطوبة وراح أتزوج بعد سنة. وبلسم حرباء أقصد عزباء.
هديل: إني هديل بت أزهار. صيدلانية ومامزوجة. وما أشبه أمي. بلسم: بقت بس تبارك وغدير وجمار. من يجن نعرفج عليهن. وهسه تكومين ترحين ويانه للسوك. غنى: (بهدوء) لا شكراً. غسق: ليش؟ تعاي تونسي. إني راح آخذهن بسيارتي. غنى: لا تسلمين. ما أكدر. غسق: خلص براحتج. يله بنات أمشن بدلن. خلي نطلع من وكت. غنى: أباوع كلهن طلعن. ودخل هذا أيهم. الي على أساس حيعرس. خله صينية ريوك. وباس بيبي وطلع. مبين عليهم حبابين عكس أهلهم.
أم صالح: يله سمي بسم الله. ومدي إيدج. تريكي حتى أنطيج حباية مسكن. غنى: ليش ما كتلتي للبنات على الي صار وياي؟
أم صالح: لأن إنتي وراج عدو. ومتشمت. ما أريد عمتج ونسوان عمامج يتشمتن بيج. فكتلهن رجلج ملتحق. واجيتي هنا حتى إنتي تبردين. ورجلج يشلوط وهو يدور عليج. والأهم من هذا إني أريدج ترتاحين هالفترة بدون ما واحد يزعج. وأريد رجلج هذا الشايب يضل ياكل بروحه وهو يدور عليج. أريد هيج تضربه جلطة مرتبة. لو يموت ياله أكله. إنتي عدنه. أبو شيبات فوك ما ماخذه جوريه. يروح يدور وراها السافل. غنى: مو وصخ. أم صالح: شنو؟ غنى: هو مو وصخ.
أم صالح: الوصاخة مو وصاخة جسم. مو مبارك جسده يبرك وداخله قذر. يله حبيبتي أكلي ورمي عضمج. تره محد يفيدج. وداعة عيونج الحلوة هاي. *** أروى: ها يمه؟ بعدج كاعدة؟ إيمان: ليش هو أني كدرت أنام؟ من جه مرت أخوج الي اختفت. ومن جه ثانية أخوج. أروى: ليش شبي؟ إيمان: عادي بكل بساطة. نزل الصبح مبدل وراح داوم. ولا كأن مرته ماهي. ومحد يعرف وين. هو دارها. أروى: إني متأكدة صاير شي. فهد تصرفاته مو طبيعية. ماخذ الأمور ولا كأن صاير شي.
إيمان: ما أعرف والله. *** فهد: دخلت للمستشفى. "عفواً. اكو مريضة هنا اسمها غنى صالح؟ "لا. ما اجى مريض بهالاسم." فهد: (أنطيته أوصافها) هم ماكو. تنهدت. من الصبح طالع أدور عليها. وهسه بالعشرة الصبح. وهم ماهي. رجعت فتريت على نفس المستشفيات. وهم ماكو. دك موبايلي. شلته. "الو؟ صباحوو." فهد: ياصباح النور. "شبي صوتك؟ فهد: تعبان من ليلة البارحة. "الواضح تعبتك المهره الطلبتها." فهد: (فتح باب السيارة) لا. ما أعيب. إني ما أتعب.
"لعد متجي تراويني شطارتك؟ فهد: هههه. إنتي مهره جامحة. يرادلج خيال قوي. وإني مو بالقوة المطلوبة. وما أريد أتفشل وياج. "ههه. ما كتلتي تونست البارحه؟ فهد: كلش. عاشت أيدج. والشباب يسلمون عليج. "فديتهم. مووواح الكم. شلون زلم تنكرطون. أكلك اليوم تجي؟ فهد: يجوز ما أكدر. "بس اليوم الوجبة المطلوبة تجي غير. ردت تشوفها وتحجزلك منها شي." فهد: لعد خوش. بنفس الموعد. إني يمك. "ماشي. منتظرتك. مو تتاخر." فهد: لا. ما أتأخر. يله باي.
(سديته وشمرت الجهاز) . تنهد. (حركت السيارة وطلعت) . وين أروح؟ وين أولّي؟ خابرت أروى. "الو؟ أروى دزيلي رقم نرجس بسرعة. بسرررعة. لتناقشين." أروى: أي هسه. فهد: (دزته الي) . خابرتها بسرعة. "الو؟ السلام عليكم." نرجس: وعليكم السلام. منو؟ فهد: إني فهد. أخو أروى. نرجس: فهد. إذا مخابرني على حساب علي. فلتحاول. ألف مرة كتلج ما أرجع... فهد: (قاطعتها) هسه نعااال. شجابه بالسيرة؟ إني أريد أسألج جم سؤال. وجاوبيني عليه.
نرجس: خرب فشلني. احم. أي اسأل. فهد: غنى خابرتج البارحة؟ قبل يومين؟ اليوم الصبح؟ نرجس: لا. حتى دكيت عليها البارحة. جهازها مغلق. فهد: زين غنى عدها معارف خارج بغداد؟ بأي محافظة؟ حتى لو أقارب من بعيد. أو تعرف أحد من خارج بغداد. كليلي. نرجس: لا. ما أعتقد عدها. هي كل أهلها منا. بس أتذكر كرايب أمها من بعيد كلش. ساكنين بالنجف. فهد: زين تعرفين عنوانهم؟ نرجس: لا والله ما أعرف. بس ليش تسأل؟
فهد: بعدين نتناقش بالموضوع. هسه كليلي إنتي متأكدة؟ نرجس: أي متأكدة. فهد: زين متعرفين اسم المنطقة الي كاعدين بيها؟ ولو حتى أقرب نقطة دالة عليهم؟ نرجس: لا. فهد: ماشي. شكراً. (سديته منها وخابرت غانم) "الو؟ غانم. أريد إجازة." غانم: صدك تحجييي؟ مو عدنه صخام؟ فهد: صخااام على راسكم. عوفوني بحالي. عندي شغل. يله سجلي إجازة زمنية. حتى لو تزورها مو مشكلتي. يله باي. (طلعت كبل للنجف) . وأدعي بلكي ألكاها. كاعدة بمرقد؟ كاعدة بشارع؟
بصخام؟ بالطام؟ توقعت سهل ألكاها. لأن ماعدها معارف. بس طلع الموضوع أصعب من ما متخيل. (ثلاث ساعات دخلت للنجف) . الساعة بالوحدة الظهر. توجهت للإمام علي. صفيت سيارتي بكراج. ونزلت. أمشي أسأل. منو؟ وين أدور؟ خلي أدخل أصلي وأشوف. رحت توضيت. ودخلت صليت. باوعت للقبة. وكلبي متروس هم. شريد أحجي وأكول؟ زرت وطلعت. أدور بالنجف. وأوصي النسوان. شفتن بنية بيضة تلبس نظارات وكصيرة.
وحدة كلتلي: "أي شفت وحدة هيج شكلها". وضليت مكابل باب خروج النساء وكاعد. (طلعت وياها بنية. من شفتها تمنيت أخنك روحي. شجاب لشجاب. كمت طلعت من الإمام. ودورت بباقي النجف. سألت على المستشفيات. ورحت دورت عليها. آخر مستشفى الزهراء. وكفت سيارتي. ونزلت أسأل. وهم ماكو. إلهي دخيلك. وين اختفت؟ أباوع للساعة بالـ 4 العصر. يادوب أحك أرجع. رجعت لبغداد. وأمالي خايبة. توقعت ألكاها. بس ماكو. فص ملح وذاب.)
(مرت يومين. ونفس الحال. ما خليت مكان ما سألت عليها بي. حتى شغلي عفته. بس في سبيل ألكاها. وهم ماكو. خالتها درت. وكلبت الدنيا. وحارت شسوت. بس ماكو نتيجة. جهازها من يوم الي اختفت. طلعت دورية تدور عليها. بس ولحد الآن ماكو أخبار عنها.) *** أم صالح: وتالي وياج؟ إلى متى تبقين نايمة وبس تبجين؟ صارلج يومين. الزاد مادخل حلكج. وبس تبجين. صبحج ليلج. حاضنة هالبطانية وتبجين. غنى: (بدموع) عوفيني بيبي. حبابة.
أم صالح: ولج بيبي فتيتي كلبي. والكل لاحظ وضعج مو طبيعي. ليش هيج حبيبتي؟ منو يفيدج؟ لو صار عليج شي؟ ذاك رجلج نايم بالعسل. وإنتي تاكلين بروحج. غنى: (بدموع) مو بأيدي بيبي. أحبه. وما أكدر أتقبل الي سوا. ولا حتى أنسى الصار. أم صالح: يروحلج الف فدوة. ليش تهتميله؟ خلي يولي. خلي يخلص عرس ابن عمج. والله لأطلقج منه. وأنعل أبو اليبقيج عنده. غنى: (تنشغ)
ما أكدر. ما أهتم. إنتي متعرفين إحساسي. ولا مريتي بالموقف الي مرت بيه. تعرفين شنو يعني الوحدة تشوف رجلها يخونها؟ لا وبعينها. بهاي عيني شفت قذارة غيري على ركبته. إني الي جنت مستعدة أعوف الدنيا كلها لأجله. يجي يخلي غيري تلمسه. تدرين من أتخيل أكو وحدة دتنام بحضنه أو تبوسه أو تتقربله. أموت ألف موته. هاي إيدي متغفة. عينه إذا ميلزمها. تالي هسه دينيم غيري بحضنه.
أم صالح: خلي أنطيج مثل. خلي ترجيه بأذنك. المايريده ما أريده. مادام هو باعج. خلي باجر يجي متندم ويعض أصابعه ندم. صدكي يا بيبي. لو مهما لف ودار الرجال. ونام ويا نسوان الدنيا كلها. يجي يوم وذني أصابعه يعضهن ندم. لحد ما ينزفن. لأن ضيع مرة شريفة. وصدكي واعتقدي بالله. الرجال العراقي ينام ويا كل أصناف النسوان. بس ميرتاح ولا ينام رغد غير ويا المرة الشريفة. الي متأكد ماراح تغدره. وهذا مجتمعنا الحقير. يحث المرة حتى ترجع تسامحه من يرجع لها. بس عد فليحة ماكو هيج شي. اليرجع ندكه بالنعال. ونصلخه. ونطلع عريان بالشارع. وبنيتنا تبقه عدنه.
غنى: (ضحكت من بين دموعي وبجيت وياها) سوالفها تشبه سوالفه. أم صالح: هم بجت. ولج غنيوان. وتالي وياج؟ تعاي. هذا رجلج المسموم. شسمه؟ غنى: لتكولين رجلج. أم صالح: أدري. أطلقج منه. بس صبريلي. المهم كليلي شسمه؟ غنى: (بهدوء) فهد. أم صالح: سبحان الله. اسم على مسمى. اسمه اسم حيوان. وهو حيوان. أي ابتسمي. أروحلج سبع فدوات. يا من عسا عافيتي ولا عافيتج. تعاي أطيني حبه. غنى: شنو حبه؟
أم صالح: يعني بوسه. تعاي أبوسج بعد كلبي. شلون كيمر عرب أصلي. تعال صويلح. شوف كيمر السدة الي عندك. غنى: حضنتها وبستها. يا الله شكد حنينة هالمرة. رغم قاسية. بس كلبها طيب. *** بعد مرور أيام. إيمان: ها شو نزلتي؟ أروى: ميقبل ياكل. إيمان: استغفر الله. امشي صعدي كليلها أمي تكول اكل. أروى: (رجعت صعدت. دخلت للغرفة. أباوع للغرفة مكلوبة ومكسرة. أباوع لفهد كاعد وصافن بالفراغ. خليت الصينية كدامه. حباب اكل.)
فهد: شيلي الصينيه وطلعي بره. أروى: ميصير. فهد كوم اكل. صار أيام نتوسل بيك. باوع لوجهك كله هالات جوه عيونك وشاحب. لا اكل ولا شرب. إن شاء الله نلكاها. ليش متشائم؟ فهد: ما أريد أزقنب. امشيييي طلعيي بره. ليش تخليني اطلع من طوريييييي. أروى: تره حرام عليك. الله يحاسبك. باجر عقبه فهد. إنت حتى الماي كاطعه. صارلك أربع أيام تاخذ لك كمغة ماي وتنام. ليش هيج؟ ليش؟
أعرف مرتك. وانت مو مهتم. أكثر مني. إني صديقتها وأحبها. أموت عليها. بس أملي بالله جبير. ومتأكدة راح ترجع. فهد: لتكعديييين تتفلسفين عليه. تره روحي كامزة. تردين الصينيه تفرغ من عيوني؟ الاثنين؟ (قلبت الصينيه بالكاع) . يلللله. امشيييي طلعيي بره. ولحدددد يجييي يمي. فته متووو؟
إنييي واحد طايح حظييي. يا أخيييي لحد يدناليييي. ما أستاهل. تاكلون تبن على حسابي. بس فكووو عني. دنعل أبوكم لابو غنى. لابو الساعة السودة الي الله خلقني بيها. أروى: (أباوع. أخذ مفاتيحه وطلع. انتبهت لعيونه مليانة دموع. ياربي دخيلك. شجاي يصير بينه؟ أخواني كل مابيهم ديرجعون لوره. علي فصخ. وفهد مرته اختفت. وردة طلعت أكمال بعد ما كانت من الأوائل. وأمي شحالها؟ على وضع البيت. أبداً مو طبيعي. الله يستر من الي جاي.) ***
بلسم: البنفسجي لو الأسود اختاري؟ غنى: (بهدوء) كتلج ما أريد أحضر. سها: يمعوده ندري فوفو ملتحق. بس مو هيج تموتين نفسج. غنى: مو هيج. بس مالي خلك. غسق: إني أسفة. بس انجبي. غير تجين حتى تتعرفين على أقاربنه. شبيج؟ هديل: ولتخافين. أمي ماراح تجي. والقاعة حجزها أيهم. مو خوالي. فليش هالتردد؟ حبابه لتخربين واهسنه. وإحنه حاسبينج وحدة منه. وإذا تضوجين تخربين مود الكل. أم صالح: (بخزة) اختاري. غنى: بيبي.
أم صالح: اختااااااري واحد. لا أكوملج بالعصا تره. غنى: (تنهدت) بيا حال إني ويردني أحضر حفلات؟ غسق: لا عيني. متلبسين أسود. تاخذين البنفسجي. شنو حزينة؟ وبعدين إنتي بيضة. شنو تردين تفشلينه؟ وإحنه جلح ملح. لا بيبي البنفسجي حلو. خاصة هو غامق. فحلو. غنى: ماكو داعي والله. سها: أم داعي. كعدي وسكتي. ما قبلتي تحضرين الحنة. وكلنه ميخالف. بس مال العرس متحضري؟
لا. لهنا حدج. يله هاج. بلسم راح تاخذ الأسود. ولتنسين الحفلة مختلطة حبيبتي. لازمج كشخة مرتبة. هديل: هي مزوجة. شلها بالكشخة. خلي الكشخة الي. بلكي واحد يخطبني هناك. وكون براسه خير يطلع. أم صالح: (ضربتها بالعصا) شهالجيل الهيلك. جماله تحجي كبالي. امشيييي طلعي لابارك الله بيج. غسق: هههه. حيل. أم الزلم تريد تعرس. أم صالح: على أساس إنتي كلش. زمرد: والله عاشت أيدج. يستاهلن. غنى:
(أخذت الفستان البنفسجي. جان فصاله كولش حلو. لونه غامق. بس بي ضيق شويه. خاصة إني ألبس أكبر من قياسي بقياس. لأن ما أريد جسمي يبين. خليته بكنتور بيبي. ونمت. أو بالأصح تمددت. لأن النوم مجافيني.) (ثاني يوم الصبح سحلني البنات سحل. وياهن. كعدن يحضرن للعرس. طبعاً عمامي وعمتي مشفتهم أبد. بيبي متقبل يدخلون. بس ولدهم يدخلون.) غسق: تعاي. شراح تخلين مكياج؟ غنى: (بهدوء) ما أخلي.
بلسم: مو هو بكيفج. دنجبي. أكول غنى. مو تزعلين مني. تره إحنه كلمة انجبي عدنه. يعني حبيبتي. مو قصدي الإساءة. يعني لأن نحبج نكولج انجبي. غنى: (ابتسمت) أول مرة أحس عندي بنات عمام. لا ويحبني ويقربني منهن هم. تذكرت أروى ونرجس حبيباتي. شتقتلهن. بس ما أكدر أفتح موبايلي بعد. أخاف فهد يلكه مكاني. وأني ما أريد أشوف وجهه.
(ضلينه كاعدين نحضر للعرس. إني أساعدهن. بس حتى أتهيأ. واكفة. أنزل الأغاني الي مسجلاتهن بورقة. على موبايل غسق. وحسيت بدوخة. غمضت عيوني. وأنسندت على المحجر.) تبارك: شبيج غناوي؟ غنى: هيج. ماكو شي. (رجعت أكمل. وأحس الدوخة سطرتني. صارت الساعة سبعة. رحنه بدلنه. وإني بدلت بدون أي واهس. البيت انخبص بالعالم. والولد هم. رغم ذبوا لحم. بس محد تدنالي. كولش مؤدبين. ولا جن أهلهم عاملين البلاوي. طلعنه للقاعة. وبيبي تقره آيات.)
أم صالح: قل أعوذ برب الفلق. الهي أحمي حفيداتي من العين. ولجن هاي شلابسات؟ الله يطيح حظجن. راح تنضربن عين وتتمرضن. يبووو على حظج يافليحة. وإنتي غنيوان. ولج طالعة تخبلين. هسه يركعنج باشعاع نووي يسكتنج. اكو واحد يلبس هاللون؟ ااااخ. هاي الفلفل غسق وسوالفها. غسق: هههه. بيبي هاي حجية رجلي. ميقبل تكوليها. أم صالح: من أكول عليج سايبة تزعلين؟ خو رجلج أسيب منج. غسق: هههه. رحم الله والديج. غنى:
(وصلنه للقاعة. وبدت بيبي تعرفني على الكل. تقريباً الكل عرف إني بت صالح. لحد ما شفنا مرة اجت تجاهنه.) أزهار: شلونج يمه؟ أم صالح: نونه بيبي تعاي ساعديني. خلي أكوم. خنكني الهوه هنا. أزهار: هاي بت صالح مو؟ أم صالح: غنننى مو وياج. أزهار: أوكفي إنتي. شو أشوفج ماشاء الله. طالعة علينه. مو على أمج المسمومة. إي غنى شعندج ظهرتي هسه؟ شنو محتاجة فلوس؟ هديل: يييمه ليش تسويلج مشكلة؟
أزهار: أكلييي تبن إنتي. غنى نصيحة. روحي سوي فحص وتأكدي من نسبج. أم صالح: استغفر الله. ألف استغفر الله. كوميييي غنى. غنى:
(كمت بسرعة ويه بيبي. وبالي يم كلام عمتي. استغفر الله. شكد حاقدة. ولا كأن هديل بتها. كعدت بيبي بغير مكان. وبدت الحفلة. زلم ونسوان وهوسة. أول مرة أحضر عرس مختلط. بالعاده أعراسنه منفصلة. بس همه عادي مختلط. ركص أيهم وذب لحم. ومرته وياا. جانت لابسة بدلة وياها حجاب مال عرس. حلوة. أجواء العرس. خلصت الحفلة. وبده الكل يطلع على مود الزفة. طلعت ويه بيبي والبنات. وكفنه على جهة. لأن جماعته ديزفو بره القاعة ويهوسون.)
هديل: خررررب. شوفن وللللجن. جماعة أيهم. غنى باعي. غنى: (شلت راسي على إشارة إيدها. وانصدمت. هاي شنو؟ معقولة؟ *** : لهنا ويكون كل شي تمام. : عفيه. تقريبا كملنه كل شي. وبفضلك. : الفضل لله. بقه بس آخر خطوة. راح تبقه عليكم. : أعرف. بس لازم نتأكد من المنطقة. على حساب التفجير. : من ينطوني الموعد أبلغكم. : شراح تسوي هسه؟ : لهنا و يتوقف كل شي. لأن الوضع خطر. لازم نهدي اللعب شويه. ويوم 26 الشهر كل شي يتنفذ. مستعدين.
: على أتم استعداد. : وإنت لتنسى تواكب الأحداث. : حاضر. : يله تطشرو. *** الساعة العاشرة مساءً. غنى: نايمة بحضن بيبي. بعد وتحجيلي عن أهلي. محاولة تطلعني من الحالة الي دمر بيها. متدري وية كل رمشة عين أتذكر الصار. ودموعي خلصت. صار خمس تيام. ليلي نهاري أبجي. حتى عيوني راحن. ومع هذا مابردت. أم صالح: تسمعيني؟ غنى: امم. أي. وبعدين بابا تزوج ماما مو؟
أم صالح: أي. كال لو هي لو ما أتزوج. وفعلاً تزوجها. وسبحانه ربج من حبهم لبعض. واحد لحك الثاني. بدموع مات صالح. ولحكته ختام. بساعات قليلة. وعافت هالورود الي انحرمت منهم بسبب عمامج. وراس الحية عمتج. الله لا يرضى عليها. غنى: بله عمامي على مود الفلوس سوو هيج؟ بس عمه أزهار ليش سوت هيج بينه؟ أم صالح: أزهار من زمان تكره أمج. وتحاول قدر الإمكان تأذيها بأي طريقة كانت. بس أبوچ جان يوكف بوجها. ومتكدر تحجي.
غنى: زين ليش تكرهه أمي؟ حسب الي أسمعه أمي جانت إنسانة مسالمة. أم صالح: جانت تكرهه أمج. لأن رجلها جان صديق صالح. ويحب أمج بذاك الوقت. ورايدها. ودز خمس مشيات عليها على أهلها. وما قبلو. لأن أمج جانت تريد أبوچ. ومتفقة وياه. بس تتخرج يتزوجون. المهم بيت جدج. أهل أمج جانو خوش ناس. خاصة جدج. ما ضغط على أمج.
وكال بنص الكعدة: "بتي متريد تتزوج. والزواج مو جبر." المهم وره سنين. عمتج تزوجت هذا. وأبوچ هم تخرج. وراد أمج. وعمتج تخبلت. كلبت الدنيا. وحاولت تنهي هالزواج. بس ما كدرت. (المهم سوت العمايل. وحارت شسوت. حتى مرة سوتلها مشكلة شكبرها. أتذكر من جابتج أمج.
راحت كالت لرجلها: "إنت تقربت لأختام بالحرام. مو لأن بت صالح تشبهلك. متشبه صالح." وكبت العيطة. وصارت مشاكل. يابو مشاكل. وطلعت عمتج سمعة موزينة على أمج. على أبو. هي مو شريفة. استغفر الله. وأبوچ شال وكعد بغير مكان. حتى يخلص من المشاكل. المهم ما أطول عليج. عمتج. عمت عيونها الغيرة والحقد. وانتقل هالشي الكم. وطلعت حقدها عليكم. وأذتني وأذتكم. الله لا يسامحها. وذوله عمامج الدثوه شدو على ايدها. على حساب الفلوس.)
غنى: عجيب. البني آدم شكد أناني. أم صالح: الإنسان يحب نفسه. ومسوي روحه هو. ولا غيره. وهو نعال مايسوه. هاي الذبابة أحسن منه. ههه. ضحكي بعد كلبي. فدوة أروح لهالرصعات. غنى: تدرين بيبي؟ أحس نفسي أعرفج من زمان. أم صالح: بعد كلبي. الدم يحن غير. وبعدين إني أحبج على حب أمج. حتى قبل لا أشوفج. غنى: (تنهدت) ما أعتقد اكو حب بهالدنيا. كلها أوهام.
أم صالح: لو ماكو حب. ما جنه إحنه هسه عايشين. وبعدين الحجي بيناتنه. رجلج طلع مو شايب. حلو ولج. وأكول علىمن تبجين. غنى: (هزيت راسي) شنو فائدة الجمال وهو خاين. أم صالح: تره رجلج مبين داهية. والرجال إذا حلو وداهية ينلكف بسرعة. خاصة ذني أمهات الشوارع. يموتن على الباشاوات. غنى: يا باشاوات؟ شكلج متعرفين ماضي. (تنهدت) بالعكس. هو هادئ. ودومه ساكت.
أم صالح: ما سامعة من السكوتي. موتي. ومن التكتك. فوتي. خوفج من الساكت. على العموم. ما علينه بي. هالوصخ. كومي خلي ناكل كرزات. نقوي جسمنه. أحسن ما نسولف على هذا. أسد مدري فهد. والله يا الله. هاي الأسماء. شكثرها. يسمون أسماء حيوانات. هذا اسم جاسم. شحلاته. يخبل. يسموني فهد ونمر. والله يالعراقيين. وسوالفهم. *** بعد مرور عشر أيام. المكان: المستشفى.
إيمان: دخلت لغرفته. أباوع خاليله مغذي ونايم. ضغطه ارتفع الصبح. وكع من طوله. نقلنا للمستشفى. من يوم الي راحت غنى. وهو شحاله. لا يقبل ياكل. لا يقبل يشرب. بس ساكت. حتى الفلوس. من جابتهن سعاد. أخذهن. انطاهن لعمامه يباشرون. وراح سحب الدعوة. بدون أي ردة فعل. بس لو أعرف شصاير بيناتهم. علي: هذا صدك يحجي؟ عايف الأكل والشرب. على حساب شي؟ ميسوها؟ إيمان: ميسوها شنو؟
تره الضايعة مدري الرايحة. مدري المخطوفة مرته. وعرضه. مو وحدة من الشارع. علي: ميخالف. بس مو هيج. أسبوعين صارله. بدون أكل وشحاله. وتلكين مرته رايحة شوين. ومرتاحة. إيمان: إنت شنو من دكتور؟ لا إحساس ولا ضمير. هي هاي الدراسة الدارستها؟ علمتك تصير مطي؟ لو دكتور؟ علي: يووو. إلى متى تضل تحكمكم مشاعركم؟ ما أدري.
إيمان: وخر من يمي. لا أنزعلك الي برجليي. امشييي اطلع يم عمامك. ودير بالك تجيب سيرة مرت أخوك بالموضوع. لأن الكل يدري بيها عد خالاتها. فهمت. علي: ماشي. إيمان: (كعدت يم فهد) اوف يا يمه. دومه كلبك مشلوع. أباوعله فتح عيونه. بجيت. ولك يمه ليش تسوي هيج بروحك؟ زين هيج ضليت تكبت تكبت. لمن ارتفع ضغطك. ورادت تصير بيك جلطة. وإنت بهالعمر. ليش؟ ليش؟ خلي أملك بالله جبير. مريتك تنهلك. أشوو البلاغ الطلعته مشه. وجاي يدورون عليها. فهد:
(بخفوت) يمه. غنى مو ضايعة. غنى شارده. وموجودة. بس ما أدل مكانها. إيمان: شنوو؟ شنو شارده؟ وليش تشرد؟ فهد: سمعي يمه. الي راح أحجي هسه ميطلع لجنس مخلوق. فهمتي؟ وحتى ويه روحج متسولفين. إيمان: خير يا ستار. أحجي. فهد: (بديت أحجيلها كل شي.) إيمان: صخام الصخمنيييي. وللللك إنت صدك تحجييي؟ شلوون تسووي هيج؟ عزه العزاج. إيمان. ولك إنت شنو هالصلافة العندك؟ لا وتحجيها كدامي. فهد: لتخليني أتندم. حجيتلج.
إيمان: ولك إنت ماخذ الدنيا لعب. إلى متى تبقه هيج؟ والله حقها البنية تعوفك. تستاهل. أي وحدة بمكانها جانت سوت الأتعس. ولك إني ما أتذكر تنسيت بيك صلافة. ولا كنت صلفه. عليمن طالع إنت؟ ما أعرف. فهد: لتكفين بصفها. لتخليني أغلط. مو جماله عليه. إنتووو. إيمان: متصيرلك جارة. إنت من عرست. كون تبطل بعد. وتحط الله بين عيونك. وتفكر بعقلك شويه. متخاف من أحد؟ إنت مالك رداد. فهد: (تنهدت)
لاااا. مالي رداد. والي براسيييي أسوييي. يعنييي أسوييي. لا إنتي. ولا غنى. ولا أي واااحد يمنعني عن شي إني مقتنع بي. زيييين. (كحيت) . أريد أطلع. ما فارغلكم إنييي. وذيج الكح... خلي ألكاها وشوفي شسوي بيها. إيمان: اكو واحد يكول على مرته كح.... ولك من يا مله إنت؟ فهد: كح.... تي إني. ارتاحيتي هسه؟ إيمان: إني لازم أحاجي عمامك. فهد: إذا حجيتي لأي أحد. تحلمين تشوفين وجهي بعد. والله العظيم. إيمان: لا إله إلا الله. ***
بلسم: البنفسجي لو الأسود اختاري؟ غنى: (بهدوء) كتلج ما أريد أحضر. سها: يمعوده ندري فوفو ملتحق. بس مو هيج تموتين نفسج. غنى: مو هيج. بس مالي خلك. غسق: إني أسفة. بس انجبي. غير تجين حتى تتعرفين على أقاربنه. شبيج؟ هديل: ولتخافين. أمي ماراح تجي. والقاعة حجزها أيهم. مو خوالي. فليش هالتردد؟ حبابه لتخربين واهسنه. وإحنه حاسبينج وحدة منه. وإذا تضوجين تخربين مود الكل. أم صالح: (بخزة) اختاري. غنى: بيبي.
أم صالح: اختااااااري واحد. لا أكوملج بالعصا تره. غنى: (تنهدت) بيا حال إني ويردني أحضر حفلات؟ غسق: لا عيني. متلبسين أسود. تاخذين البنفسجي. شنو حزينة؟ وبعدين إنتي بيضة. شنو تردين تفشلينه؟ وإحنه جلح ملح. لا بيبي البنفسجي حلو. خاصة هو غامق. فحلو. غنى: ماكو داعي والله. سها: أم داعي. كعدي وسكتي. ما قبلتي تحضرين الحنة. وكلنه ميخالف. بس مال العرس متحضري؟
لا. لهنا حدج. يله هاج. بلسم راح تاخذ الأسود. ولتنسين الحفلة مختلطة حبيبتي. لازمج كشخة مرتبة. هديل: هي مزوجة. شلها بالكشخة. خلي الكشخة الي. بلكي واحد يخطبني هناك. وكون براسه خير يطلع. أم صالح: (ضربتها بالعصا) شهالجيل الهيلك. جماله تحجي كبالي. امشيييي طلعي لابارك الله بيج. غسق: هههه. حيل. أم الزلم تريد تعرس. أم صالح: على أساس إنتي كلش. زمرد: والله عاشت أيدج. يستاهلن. غنى:
(أخذت الفستان البنفسجي. جان فصاله كولش حلو. لونه غامق. بس بي ضيق شويه. خاصة إني ألبس أكبر من قياسي بقياس. لأن ما أريد جسمي يبين. خليته بكنتور بيبي. ونمت. أو بالأصح تمددت. لأن النوم مجافيني.) (ثاني يوم الصبح سحلني البنات سحل. وياهن. كعدن يحضرن للعرس. طبعاً عمامي وعمتي مشفتهم أبد. بيبي متقبل يدخلون. بس ولدهم يدخلون.) غسق: تعاي. شراح تخلين مكياج؟ غنى: (بهدوء) ما أخلي.
بلسم: مو هو بكيفج. دنجبي. أكول غنى. مو تزعلين مني. تره إحنه كلمة انجبي عدنه. يعني حبيبتي. مو قصدي الإساءة. يعني لأن نحبج نكولج انجبي. غنى: (ابتسمت) أول مرة أحس عندي بنات عمام. لا ويحبني ويقربني منهن هم. تذكرت أروى ونرجس حبيباتي. شتقتلهن. بس ما أكدر أفتح موبايلي بعد. أخاف فهد يلكه مكاني. وأني ما أريد أشوف وجهه.
(ضلينه كاعدين نحضر للعرس. إني أساعدهن. بس حتى أتهيأ. واكفة. أنزل الأغاني الي مسجلاتهن بورقة. على موبايل غسق. وحسيت بدوخة. غمضت عيوني. وأنسندت على المحجر.) تبارك: شبيج غناوي؟ غنى: هيج. ماكو شي. (رجعت أكمل. وأحس الدوخة سطرتني. صارت الساعة سبعة. رحنه بدلنه. وإني بدلت بدون أي واهس. البيت انخبص بالعالم. والولد هم. رغم ذبوا لحم. بس محد تدنالي. كولش مؤدبين. ولا جن أهلهم عاملين البلاوي. طلعنه للقاعة. وبيبي تقره آيات.)
أم صالح: قل أعوذ برب الفلق. الهي أحمي حفيداتي من العين. ولجن هاي شلابسات؟ الله يطيح حظجن. راح تنضربن عين وتتمرضن. يبووو على حظج يافليحة. وإنتي غنيوان. ولج طالعة تخبلين. هسه يركعنج باشعاع نووي يسكتنج. اكو واحد يلبس هاللون؟ ااااخ. هاي الفلفل غسق وسوالفها. غسق: هههه. بيبي هاي حجية رجلي. ميقبل تكوليها. أم صالح: من أكول عليج سايبة تزعلين؟ خو رجلج أسيب منج. غسق: هههه. رحم الله والديج. غنى:
(وصلنه للقاعة. وبدت بيبي تعرفني على الكل. تقريباً الكل عرف إني بت صالح. لحد ما شفنا مرة اجت تجاهنه.) أزهار: شلونج يمه؟ أم صالح: نونه بيبي تعاي ساعديني. خلي أكوم. خنكني الهوه هنا. أزهار: هاي بت صالح مو؟ أم صالح: غنننى مو وياج. أزهار: أوكفي إنتي. شو أشوفج ماشاء الله. طالعة علينه. مو على أمج المسمومة. إي غنى شعندج ظهرتي هسه؟ شنو محتاجة فلوس؟ هديل: يييمه ليش تسويلج مشكلة؟
أزهار: أكلييي تبن إنتي. غنى نصيحة. روحي سوي فحص وتأكدي من نسبج. أم صالح: استغفر الله. ألف استغفر الله. كوميييي غنى. غنى:
(كمت بسرعة ويه بيبي. وبالي يم كلام عمتي. استغفر الله. شكد حاقدة. ولا كأن هديل بتها. كعدت بيبي بغير مكان. وبدت الحفلة. زلم ونسوان وهوسة. أول مرة أحضر عرس مختلط. بالعاده أعراسنه منفصلة. بس همه عادي مختلط. ركص أيهم وذب لحم. ومرته وياا. جانت لابسة بدلة وياها حجاب مال عرس. حلوة. أجواء العرس. خلصت الحفلة. وبده الكل يطلع على مود الزفة. طلعت ويه بيبي والبنات. وكفنه على جهة. لأن جماعته ديزفو بره القاعة ويهوسون.)
هديل: خررررب. شوفن وللللجن. جماعة أيهم. غنى باعي. غنى: (شلت راسي على إشارة إيدها. وانصدمت. هاي شنو؟ معقولة؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!