رواية ذنوب على قيد الغفران الفصل الثامن والخمسون 58 - بقلم براء

فهد : بهدوء اختكم الي هي مرت أبويه هي الي حرقت المعمل بتعاون ويه ابنكم. أخو سعاد : شنو؟ ويه ابنه؟ شهالجذب هذا. حارث : لعد شتفسر اختفاء ابنكم ليث هاي الأيام. الشيخ : ليش ليث مختفي؟ أبو ليث : أي طالع بسفر. فهد : قصدك بالسجن. الكل : شنو؟ حارث : أي نعم ابنكم حالياً محتجز بالمركز بتهمة حرق المعمل. وطبعاً والده يعرف بس يحرف. أبو ليث : لااا ما أعرف. وانتو بأي حق تقبضون على ابني؟

يعني إذا ابنكم عنده مركز بالدولة يذل العالم ويسجن فلان ويقبض على علان من كيفه؟ ما طلع قانون هذا.

فهد : أولاً أنا ما قبضت على ابنكم من كيفي. وثانياً إحنا قبضنا عليه استناداً على المفكرة اللي صدرت بعد ما توضحت الأدلة والاعترافات اللي ضده. إضافة لشهادة صديقه عليه وشهادته هو أيضاً. بابتسامة جانبية. وثالثاً إذا تحبون أسحب الشكوى ويتعاقب عشائرياً ما عندي مانع. خاصة إن شيخكم والنعم منه ما فديوم سمعنا به قبل بالظلم حتى لو الظالم من جهته.

شيخهم : والنعم منكم ابني. وفعلاً إذا ابنه غلطان وبتنه هي اللي حارقة المعمل تاخذ حقكم من هاي الركبة. فهد : أباوع لهم. قاموا يبلعمون. بعد وبعد... ونعم من أصلك شيخ. أبو ليث : شيخ أنت تصدق الحجي؟ معقولة ابني يحرق معمل وبأمر من منو؟ من أختي أم فيصل؟ هاي العاقلة الدرة أم قلب طيب يطلع منها هيج؟ أخو سعاد : أي والله كلامكم أبد مو منطقي. محسن : قابل إحنا جايين نتبلى عليكم؟

اكو أدلة ضدهم. وإذا ما يتحاسبون اليوم نعرف إحنا شلون نحاسبهم. أبو ليث : أشوو الكبار ساكتة وعايفه الزعاطيط تحجي. محسن : هد عليّ لك منو الزعطوط؟

فهد : لزمته. أكعد ميقصدك أنت يقصد أخو. اسمع أبو ليث لف ودوران لتدور. ترى الكدامك مو طفل ولا زوج. ترى شغلي علمتني شغلات أنت بنفسك متعرفها. فلتحاول وياي أبداً. كلنا نعرف أنت تدري بأبنك مسجون من أيام وجنت تحاول تطلعه بأي طريقة كانت وما كدرت لأن لسه ما خلص التحقيق. وقبل أيام قليلة ابن جنابك اعترف بعد ما انغسل غسله عدله. ومستعد أراوي الكل التصوير اللي اعترف به ابن حضرتك. ما خايف من شي أنا. وبس اللي يخاف يتهرب.

حارث راويهم التصوير. مديت إيدي بجيبي وتفضل. هاي هم الأدلة اللي تثبت ابنك اللي حرق المعمل وبمساعدة أم فيصل. اكو كاميرات وأكو أقوال هم. الشيخ : الله لا يبارك بيهم. لك ليش بس فهموني ليش؟ اكو وحدة تحرق حلال ابن رجلها والي بمقام ولدها؟ وين وصلت بينا ونريد الله يرحم هالبلد؟ شلون يرحمنا وهالنماذج عايشة بهالبلد. الشيخ الواسطة : اهدأ شيخ. إحنا جايين نحلها بالهدوء. وإن شاء الله منطلع منا إلا وكل الأطراف راضية.

مهدي : بالنسبة النه كلشي منريد منكم غير حق العالم اللي راح. لولا لوما عوائل معتمدة وعايشة بوارد المعمل ما جان اهتمينا. بس همه دمروا معمل جان يشتغل من إحنا نزحف ومعيش عوائل. يابو عوائل وفوق هذا انكسر اسمنا بالسوق بسبب اللي صار بعد ما كنا رقم واحد بين التجار.

عباس : إضافة لحلالنا اللي ضاع كله. البضاعة والفلوس والسجلات والمعاملات وغيرها وغيرها كله راحت بسبب حقد وغل بت جنابكم. وإحنا ما لجأنا للقانون لأن نعرف راح تنحكم سنين وما يهيننه مرة المرحوم تطب للسجون. ففضلنا نسوي كعدة ناخذ حقنا بالهدوء وبدون مشاكل أفضل. الشيخ : رحم الله والديكم ولد أجاويد والله. وأنا وشرفي لأخليهم يعضون أصابعهم ندم. خاصة بعد ما شفت الأدلة اللي عليهم. أخو سعاد : شيخ أنت صدق تحجي؟

الشيخ : أي نعم. ابن أخوك واختك غلطانين ولازم يتحملون نتيجة أخطائهم. وشيطلون العالم إحنا سدينا. أبو ليث : ميخالف. أنا مستعد أنفذ كل طلباتهم. بس خلي يطلعون ابني ويعوفون أختي بحالها. الشيخ الواسطة : وهذا عين العقل يا أبو ليث. كولوا يا جماعة شنو طلباتكم.

محسن : المعمل بس بنائه من جديد يحتاج فوق الميت مليون. بالإضافة للفلوس اللي كانت بي واللي تتجاوز ميت مليون أيضاً. هاي لهنا المبالغ اللي ممكن تحيي المعمل. نرجع على الفصل. هذا أنتو يمكم تحبون تفصلونه. راس ليث راس أم فيصل. شي يجي من إيدكم انعم الله. الشيخ الواسطة : لا ابني. إحنا جايين نحلها بالتفاهم مو بالعرك. المبالغ اللي طلبتها هواي وهمه ناس بسطاء. وشنو تريد راس ابنهم؟ مو هجي التفاهم ابني.

فهد : أشرت لمحسن يسكت. المبالغ جداً قليلة. وإحنا عدنا أضعافه وما محتاجين ربع دينار من أحد. بس هذا مو بس حقنا. هذا حق العمال اللي صارلهم فترة طويلة عوائلهم جوعانة بسبب ابنكم وبتكم. هاي نقطة. نقطة ثانية إذا ما انطى المجلس قرار منصف بحق أم فيصل وليث أنا راح أتصرف وبالطريقة اللي تناسبني. أبو ليث : أنت شنو تتتتتتتتتهددنه؟ فهد : بهدوء. أنا مو جبان حتى أهدد. أنا أنفذ. وحجايتي سيف على رقبة الكبير قبل الصغير.

أخو سعاد : تره أنتو جاي تقللون من قيمتنا. عباس : حشاكم. إحنا ما نقلل من قيمة أحد. بس هذا حق والحق لازم ينكال لو على قص الرقاب. أبو ليث : بس مو هيج خويه. يعني أنتو مطالبكم كلش مبالغ بيها. منين أجيب لكم ٢٠٠ مليون؟ فهد : بهدوء. والله عاد هاي مشكلتكم مو مشكلتنا. وترى موضوع الخسائر مو مهم. اللي يهمني هسه أعرف شنو مصير الحثالة اللي حرقوا المعمل.

أخو ليث : بعصبية. أشوو أنت من اجيت وكل ساعة ذابلك حجاييييه أكبر من الثانية. لا احترمت مجلس لا احترمت الشيوووخ. وتباوعلنه بالعين الصغيرة. عبالك نشتغل عندك. شنو يعني؟ وإذا ضابط تدوس العالم برجلك. فهد : ببرود. وشدراك أنا ضابط وأدوس على العالم؟ شنو دايس عليك سابقاً؟ أخو ليث : هد عليّ احترررم نفسك. ابن أمه وأبوه اللي يدنالي بس أنتتتت. مبين وجهكككك مو رحماني وذرة نور ما بي. عرفتتتتتك بالدولة من وجهك.

فهد : شربت من كاس الماي بهدوء. ماشاء الله عليك طلعت سونار. ما مبين عليك. أخو ليث : انجببببب. فهد : ضغطت على إيدي. اهدأ فهد. اهدأ. أنا ماراح أجاوبك احتراماً للمجلس. ولو هو الصوج مو بيك الصوج بأهلك وبكل اللي حاضر من طرفكم ما عرفوا يردوك. وأنت تهد على عالم أنتو غلطانين بحقهم. ما أعتقد هاي الأصول. يا شيخ. شيخهم : اكعددد لك ما عندك احتررررام أنت. مسحوها بوجهي. أنا أعتذر بالنيابة عنه. واللي تصرف ثاني ويا.

الشيخ : شيخ ماكو داعي ندخل بغير تفاصيل. إحنا جينا نحل هاي المشكلة بوجود هاي الناس الطيبة. شيخهم : أنا ما أعرف شكول. سوايا أم فيصل وليث متسولف. ولو شكد ما أحجي وأكول ما أكدر أعبر عن فشلتي وخجلي من وره عملتهم. أخو سعاد : صدق تحجي شيخ؟ سامر : حجي لخاطر دينك. من كعدنا لسه وأنت ماكو على لسانك غير صدك تحجي شيخ؟ صدك تحجي شيخ؟ أدري قابل الموضوع مال شقة وكاعدين ننكت. عباس : بحده. سامررر. الشيخ : استغفر الله. تفضل شيخ كمل.

شيخهم : أريد تنطونا عطوة. نبدر الفلوس. وبالنسبة لأم فيصل هي وأبو ليث راح يدفعون الفلوس. وليث بس يطلع من السجن يطلع من بغداد كلها. وأم فيصل يمنع كل نسوان العشيرة يقاطعنها. لأن سوايتها هاي مينسكت عليها. دمرت مورد معيش عوائل وهدمت بيت شكبره. وفوق كل هذا رادت تموت مرة بسبب غلها وحقدها. وهالشي إذا انسكت عليه راح يصير الأتعس منه.

فهد : بخبث. عاشت أيدك شيخ. بس تعذرني أنا عندي مهلة منا لأسبوع. إذا الفلوس ما صارت ببابي يوم السبت الجاي أرفع ابنكم للمحكمة. هي تتصرف ويا. وسعاد كذلك. ليغركم كلام عمامي ترى ما أعترف بيها مرة ولا رجال. القانون قانون ويطبق على الجميع. أبو ليث : لا عمي والله أطلعه من بغداد كلها بس اسحب الدعوة. فهد : يجي يوم وتنسحب لتخاف. طلعنا واشتغل الحجي. مهدي : فهد ليش هيج بينا كدامهم؟ كاتلين نفسنا على الفلوس وما أجينه حتى ناخذ حقنا.

عباس : وغير هيج شلون تنطيهم عنوان الكاع مالتها؟ أنت طاردها هسه من البيت. وين تروح إذا طردوها أهلها؟ فهد : ما يهمني شلون منضرنا كدامهم. وبالنسبة لسعاد يطبها ستين ألف مرض. المعمل اللي حرقته يسوى راسها. وبكل عين صلفة رادت تموت أمي. لو خسران أمي هسه منو يفيدني؟ سعاد لو الفلوس لو المعمل لو شنو؟

لتتوقعون سوايتي هاي كلها على حساب الفلوس. تدرون بيه أنتوا أنا عمري ما كنت طماع ولا عيني ضيكة واهتم للفلوس. أصلاً الفلوس وعدمها نفس الشي عندي. والفلس اللي يروح مني أكدر أجيب ألف مثله. بس المسألة تخص أمي. هي رادت تموت أمي. تردوني أسكت لها بكل حقارة؟ راحت خلت حبوب أشبه بالسم ويا أدويتها. وبسببها أمي ساءت حالتها وسكرها كل ساعة هابط. أنا أمي أيام متنام من الألم وسعاد نايمة ومرتاحة ولا كأن مسوية لها عملة جبيرة.

عباس : ميخالف ابني مو هيج. أنت بطلبك هذا دمرتها. محسن : يطبها مرض عمي. لعد هي ما فكرت بالناس اللي أذتها قبل لا تسوي هيج. اللي يجي من إيده الله يزيده. فهد : أحسنت. وهذا اللي راح يصير. هي اللي بدت. خلص لعد هي تتحمل. حارث : خاف عبالكم الفلوس اللي راح ناخذها منهم تفيد؟ ترة كرزات للمعامل. حضروا أرواحكم راح ندفع دم قلبنا على المعمل ياله يرجع. فهد : مو قحط الفلوس. إذا رجع المعمل نجيب عدال الخسرنا. بس خلي يصير اللي بالي.

عباس : راح تسحب الدعوة. فهد : بخبث. أسحبها بس من سعاد تدفع لي. مهدي : هاي بعد سالم ونواله على شر. فهد : تنهدت. هو منو طيح حظنا غير المرحوم. لا من كان عايش ارتحت ولا من مات ارتحت. الحمد لله على كل حال. وصلتهم للبيت ورحت لبيتنا. إخواني ولا واحد أجه علي بالعيادة. وذولة يستحون يجون. وحقهم لو أمي مسوية سواية سعاد. من الباب ما أطلع.

_غنى : كاعدين بالصالة على أعصابنا. كلنا خايفين ومتوترين. ختمت القرآن بس كون متصير مشكلة. أعرف فهد ميسيطر على نفسه. آلاء : خالة إحنا راح نطلع منا صدك؟ إيمان : والله يا يمه ما أدري. سارة : يعني خالة إحنا شنو ذنبنا إذا سعاد هيج سوت؟ إيمان : خالة أنا مالي علاقة بالموضوع. كلشي بأيد فهد. لتورطني مشاكل وياه ما أريد. ورده : أنا أفضل تطلعون منا. كافي مشاكل. ترى فهد بعدله شوية ويطق ويموت من وره سوالف عمتجن أم الأدب والأخلاق.

سارة : أنا أفضل أنتِ اللي متدخلين. سوالف كبار ما عليج بيها. والمفروض بس بتول اللي تطلع. إيمان : كافي لتجادلون. وأنتي ورده لتدخلين. كعدي وسكتي. ترى مالنا خلك المشاكل. بتول طلعت من البيت وراحت لبيت هذا خطيبها. لا سداد ولا رداد. أكل لفيصل يكلي خليها. كومي يمه غنى. خابري فهد شوفي وين صاروا شو تأخروا.

غنى : أي خالة. أخذت موبايلي. دكيت على فهد رفضه. يعني جاي. هسه جاي خالة. ماكو. شوية وندق الجرس. طلعوا الجهال فتحوا الباب ودخل فهد. فهد : السلام عليكم. الكل : وعليكم السلام. إيمان : ها يمه شصار؟ فهد : كعدت. شصار يعني؟ راح يدفعون الخسائر ويشيلوهم من بغداد. إيمان : يعني سعاد راح تعوف بغداد؟ مستحيل ما أصدق.

فهد : لا. بس ابن أخوها راح يطلعوه من بغداد. هسه أنا أريد أرتاح. عود من أكعد أسولفلج التفاصيل. من رخصتج. قمت صعدت فوك. غنى : صعدت وراه. لزمت إيده فهد. فهد : دخلنا للغرفة حبيبي. ما عندي كل خلك أحجي. خلي الحجي بعدين. غنى : خلص براحتك. رحت للكنتور أطلع له ملابس حتى يسبح. شو هذا راح نزع قميصه وكعد كدام السبلت. حتى مابدل ملابسه ولا سبح. متبدل؟

فهد : رجعت نفسي على القنفة مغمض عيوني. عوفيني شوية أريد يضرب جسمي الهوا. هتكني الحر. غنى : أباوع له مغمض عيونه وكل حسرة يجرها شكبرها. مبين عليها حيل مغثوث. كعدت يمه حجيت وياه. ما بدر ولا حركة. لزمت متنه. تأوه بصوت عالي. يوجعك. فهد : جسمي كله متشنج. غنى : كوم اسبح بمي دافي. هسه يسترخي جسمك. فهد : بس دلكي لي كتفي. ما أكدر أتحرك من التعب.

غنى : أباوع له شحاله. الله لينطيج العافيه ياسعاد. قضا عمره فهد مشلوع كلبه من وراج. كوم تمدد حبيبي. خلي أجيب الزيت وأجي. فهد : نزعت ملابسي بقيت بالشورت وتمددت على الجرباية. اااخ يابت الكلب ياسعاد. حتى بأستراحتي الهث من وراج. بت الكح.... غنى : جبت الزيت وكعدت يمه. خليت شويه على إيدي ولزمت متونه. تنهد براحة. حركت إيدي على ظهره ومتونه بشكل دائري وعلى كيفي. فهد : اااه. أي. عاشت إيدج. شدي إيدج شوية.

غنى : دلكت جسمه بقوة شوية. أباوع له شلون قام يغفي. حبيبي شلون تعبان. نزلت لرجله. أباوع لرجله شكبرها. الحمد لله ما فديوم فكر يدفرني لأن حي على الصلاة يكسر لي عظم. فهد : ليش وكفتي؟ غنى : حبيبي رجلك جبيرة. فهد : كلبت جسمي نمت على ظهري. باوعت لها. طبعاً عندج سوالف تجبرني أضحك. وإذا جبيرة يعني.

غنى : أباوع له ابتسم. ابتسمت لابتسامته. صار له أيام معبس وضايج. تدنيت بسته بخده. لو أدري من البداية أشاقيك حتى تضحك. لتضل ضايج. والله مو زين عليك. فهد : حاوطتها بحيث صارت فوكي. بست شفتها. حبيبي ما أكدر ما أضوج. الموضوع مو هين. صعبة تأمنين بواحد ومتقصرين وياه كد شعرة. تالي ينكر الخبز والملح والعشرة ويروح يغدرج ويأذيج بأعز ما عندج.

غنى : ميخالف حبيبي. بس أنت هيج تضر نفسك. مو تضرها هي. شكو على كلبها حتكعد ببيت ابنها معززة مكرمة. وأنت التعب والقلق عليك. وهي المستفادة بالحالتين. فهد : لا وداعتج. هسه تضل تعض أصابعها ندم وتتمنى لو ما فكرت تسوي هيج. مو تعلميني بيها. هاي وحدة كح.... ام...... تبيع أمها وأبوها على حساب مصلحتها.

غنى : تنهدت. ولا يتوب. ما حاجيته. ما أريده يضوج. خليت راسي على صدره. متهمني سعاد ولا يهمني أحد. اللي يهمني هو أنت. ما أريدك تضوج وتتعب. لأن إذا تعبت هالبيت كله يتعب. من خالة لخواتك لعلي. واللي أنا. فهد أنا أضيع لو صار لك شي. وصدقني مادام آذاك وأنت ممسويلها شي. الله ما يسكت لها. وكول غنى كالت.

فهد : حضنتها. الشي الوحيد اللي مصبرني على هالعيشة أنتو. أنتي وأمي وخواتي. النفس اللي يصعد وينزل عندي. لو ما وجودجن جان هجيت من زمان. غنى : بست صدره وحضنته بقوة. وابتعد. يله أعوفك تنام. فهد : بهدوء. لا خليج. أريد أحضنج وأنام. بس ذبي اللي عليج. غنى : بس. فهد : غنى لتناقشين. ترة تعبان. ذبي اللي عليج وريحيني.

غنى : تنهدت. نازعة الدشداشة. بقيت بالداخليات. كعدت يم راسه. وأجه نام على بطني. حاوطت جسمه وكمت أدلك ظهره حتى ينام. ماكو شوية وغفى. أخذت إيده بوستها. يا عمري. شلون تعبان. جريت الغطة غطيته وتغطيت وياه. أخذني الواهس ونمت أنا هم. _نرجس : الوو. ها علي شلونك؟ علي : هله جوج. الحمد لله. أنتِ شلونج؟ نرجس : الحمد لله. أكلك وينك أنت؟ علي : بالعيادة. ليش محتاجة شي؟ نرجس : بالعيادة؟ مو المفروض تروح ويه أخوك بالكعدة؟

علي : عندي مراجعين. ما أكدر أعوفهم. وبعدين تعالي شدرالج بيتنه صاير بي مشكلة؟ نرجس : أدري. سولفت لي اروى البارحة. علي : لعد شلها داعي تسأليني؟ نرجس : ردت أطمئن منك. لأن باعتبارك راح تصير زوجي. بس اروى اللي تسولف لي. على العموم مو هذا موضوعنا. شلون تعوف أخوك وتبقة بشغلك؟ مو تصرف أناني منك. علي : أناني شنو؟ أنا شعليه؟ عندي دوام. خوما أعوفه. وأنتي تدرين أنا دكتور مو صانع. فليش هاللغوة الزايدة؟

نرجس : أدري بيك دكتور. وماله داعي تنتقص من الصانع. ترة أنت مو أحسن منه. وأي أنت واحد أناني. ياريتك مثل إخوانك. منذر ماكو واحد بأخلاقه ولباقته. حتى لو تريد تضوجة أخلاقه تجبرك تبطل. وفهد خو فنه اللي يفتح حلكه وياه اله أني. لا حضيت بهاي ولا حضيت بهاي. وعسى لا أحجي لي حجاية تخبصني. شبيك أنت من يا مله جايبك؟ علي : بت الكلب. ألف مرة كتلج لتقارنيني بإخواني. أنا شي وهمه شي. ليش تخليني أتجاوز عليج؟

نرجس : احترررم نفسك. أنعل والدي اللي يجيب طاري أبويه. أبويه رجال كبير ومريض وله حوبة. لتجيب طاري. لتطلع حوبته بيك. ومادام أنت ما محترم أهلي يعني ما محترمني. وهيج ارتباط كله مشاكل. أنا ما أريده. علي : شنو قصدج؟ نرجس : قصدي مادام بعدنا على البر. ولا أنت كادر تحترمني ولا أنا كادرة أصير لك وصلة مسح. فالأحسن ننفصل وكل واحد يشوف حال سبيله. أنا ميشرفني ارتبط بإنسان ما عنده احترام مثلك.

علي : طزز بيج. ترحين. اكو ميه غيرج. يا مكثر الزبايل. نرجس : صحيح. يا مكثرك. وخاصة بالعراق. نلكى منك بكل منطقة. طبكت الموبايل. واحد حقير. عباله إذا أشاقة واضحك أسمح له يتجاوز على أهلي. أنعل أبو الزواج لابو الحب اللي يمس أهلي.

_غنى : كعدت المغرب. أباوع الدنيا ضلمة والغرفة ثلج. والله مالي واهس أكوم. بس وقت أذان. وميصلح النوم بهيج وقت. يضيق الخلك. وإحنا معايزين. مديت إيدي علكت التيبلمب. أباوع لفهد رايح بسابع نومه. حركت إيدي على شعره. حبيبي أكعد. حيأذن. فهد : همم. غنى : كوم غسل واكعد. أكلك شي. ما خليت شي بحلكك من الصبح. لزمت وجهه. يله كوم. صار أيام. لا شفتك لزمت قرآن. ولا شفتك قريت لك دعاء. كوم حبيبي. الله هم له حق عليك.

فهد : أي كايم. قمت. طكيت ركبتي. دنكت. بست ركبتها. عاشت إيدج حبيبي. حيل ريحتني. إيدج. غنى : ابتسمت. قمت. أخذت دشداشتي لبستها ودخلت للحمام. توضيت وطلعت. أسويلك شي تاكله؟ فهد : ما أشتهي.

غنى : ميصير فهد. صار لك أيام على وجبة واحدة. حنزل أصب لك غده. أنت متغذيت. وبعدين أنا مسوية مرقة فاصولية وأنت تحبها. نزلت جوه. طلعت الكدور. لكيتها فارغة. تنهدت. استغفر الله. رحت طلعت كبة. كليتها وكليت وياها بتيتة وطماطة. وسويت جاي. صبيته. إيمان : ها يمه شبي فهد؟ غنى : ساكت كالعادة. ونار واجت بداخله جديد. عليج. إيمان : هذا الأكل له؟

غنى : أي. شفتي من أجه ما اتغدى. رسن نام. وهستوه كعد. نزلت أسويله أكل. حتى لو متأخر. المهم ياكله شي. سودة عليه كولش ماله خلك. إيمان : بعد كلبي. الله يكملج بعقلج. ويجعل كل البنات درة مثلج. غنى : حبيبتي خاله. أخذت الصينية وصعدت فوك. لاكاني فيصل. عبرته ومشيت. فيصل : انتيي هيي. اوكفي. غنى : عفوا. أنا اللي اسم مو اشتغل عندك. عيب تكول هيفيصل : عمي أسفين. شدعوه مديتي لسانج شطوله. المهم رجلج كاعد لو نايم؟ غنى : لا كاعد.

فيصل : خوش. لعد تعالي. أريد أحاجي. غنى : أي. هسه. رحت للغرفة. فتحت الباب. فهد. فيصل يريدك. فهد : خلي يدخل. غنى : خليت الصينية كباله وكعدت على القنفة الثانية. أجه فيصل كعد. فيصل : كعد. أريد بموضوع. ولو جاي تاكل؟ فهد : بعدني مابديت. تفضل. مد إيدك. فيصل : لا. تغديت بالمطعم. شلون غده مرتب. خله الكبة الك. فهد : أي. شنو الموضوع؟ فيصل : بعدني ما لكيت بيت. فهد : أي. وأنا شنو علاقتي؟

فيصل : أريد مهلة. ما أكدر أطلع اليوم. بعدني لا مؤثث البيت. لا دافع فلوسه. كلشي مامسوي. فهد : والمطلوب مني؟ أخليك هنا لحد ما تلكى؟ لو أنطيك فلوس البيت؟ لو شنو بالضبط؟ فيصل : شوف فهد. أنت مشكلتك ويه أمي. تردون تتعاركون تتصالحون تتذابحون. هذا شي ميهمني. اللي يهمني نسواني وجهالي. وأنا وبس. أمي ما عليه بيها. مو أنا اللي كتلها حركي المعمل. ولا عندي علم بسالفة تبديل أدوية أمك. فشنو علاقتي أنا. وتطلعني؟

فهد : علاقتك لأن سعاد أمك. ولأن أنت كبرت. مو مال تضل معتمد عليّ طول العمر. بالعكس كون أنا الكاعد عندك. مو العكس. لأن أنت الجبير. بس أنت جبير بالاسم. بس وأنا ماخذ دورك. على العموم مو هذا موضوعنا. أنا لخاطر جهالك ما أريدهن يتمرمطون. راح أخليك هنا منا لسسبوعين. من يطلع ابن خالك وأمك تدفع لي. ما أشوفك هنا. مفهوم؟ فيصل : أسبوعين؟

فهد : أي. أسبوعين. مو هذا منذر أخذ مرته وجهاله اليوم الصبح وطلع له ببيت وحدة. مع إنو أنا ما ريده يطلع. بس هو أصر. فليش تدور حجج أنت؟ فيصل : خلص. أسبوعين. أسبوعين. أنا البيت دبرته. بس الأثاث. بلكي ألحك. أثاثه. منا لسبوعين يله أعوفك. تاكل أكلك برد. فهد : تنهدت. ماسح على وجهي. عمري ما فكرت إنو ممكن أخلي إخواني يعوفون هالبيت ويطلعون. وخاصة منذر. أحبه كلش. وما يهين لي يعوفنه ويروح. بس شنسوي؟

مرات الظروف تجبرنه نشتري راحة بالنا. وهذا اللي سوا منذر. اشترى راحة باله واخذ مرته وجهاله وعزل. غنى : حبيبي لتنغث. أكل فدوه. فهد : باوعت للصينية. مو على أساس فاصولية؟ غنى : ها. أي. مو إحنا اليوم كلمن أكل على حده. ما كعدنا سوى. والجهال خطية يلعبون ويجوعون. ف يجوز أكلو. ومايدرون اكو قسم متغدين. فهد : بالعافية. سبع عافيات. المن متسوك لعد؟ خليهم براحتهم. غنى : نزعت حجابي. شعجب معلقت مثل ما تعلق على سارة؟

فهد : سارة تتصنع. مسوية روحها رقيقة. وأثنى. وهي لا. فكت لها ذيك اليوم ركعتي صينية مخلمة وراس بصل. حتى تبطل تسوي روحها كلش. والا أنا عيني مو ضيكة. اللي يريد ياكل خلي ياكل. الف عافية. قابل لمن جاي ينطبخ هالآكل غير حتى ينوكل. وبالمناسبة رغم إني أكرهه فيصل. وأشوف دم سنوني ولا أشوفه. بس أحب جهاله كلش. وحتى نسوانه ما عندي شي وياهن. بس مرات أفشلهن حتى أسويلهن جرة أذن لا أكثر. شبيج؟ غنى : نيالي عليك.

فهد : تنهدت. أووف. أتمنى لو أكدر ألزمج هسه. بس ما أكدر. غنى : ليش؟ فهد : إذا لزمتج هسه راح أأذيج. وأدري بروحي. لذلك أرد أبرد تماماً ياله أفكر ألزمج. غنى : بسته بخده. أكثر شي أحبه بيك إنك متفكر بس بنفسك. وحاط الله بين عيونك بعلاقتك وياي. فهد : بعد وحدة من الحلك. حتى أحطج بنص روحي مو بس عيوني. غنى : ابتسمت. بسته بشفته. فهد : بهدوء. شعجب سويتيها بدون عناد؟

غنى : بهدووووء. أنت حلالي. لو شما أسوي وياك تبقى حلالي. زوجي وصديقي وحبيبي وعمري وحياتي. وكل دنيتي. فهد : جريت شفتها بسنوني ومصيتها. أطيب حلال شفته بحياتي. غنى : بخجل. أنا أكوم أتحضر للصلاة. أنت أكل. فهد : ابتسمت. إلهي دخيلك. أختبرني بكل شي بس بيها لتختبرني. أكلت شوية وكمت توضيت وكعدت أقلب بالتلفزيون. غنى : ها حبيبي. شو كعدت متصلي؟ فهد : أي غير يأذن. غنى : أذن. عندي بحقيبة المؤمن. شنو مسمعته؟

فهد : لا. هذا المؤمن مالتج صوته ميطلع. بس الفجر. وبعز نومتي يضل يصيح. الله أكبررررر. الله أكبر. على راسه. غنى : هههه. حتى هالرجال مخلص منك. يله نصلي. قمت فرشت السجادة. ووكفنا نصلي. كملت قبل فهد وكعدت أباوع له. شكد ما لسانه باذر ويغلط. بس من يوكف على القبلة يتغير ميه وثمانين درجة. يصلي بكل خشوع. ولا كأن كان قبل دقايق كان يغلط. عجيب أمرك يافهد. فهد : كملت صلاة وكعدت أسبح.

غنى : قمت. أنطيته القرآن. حبيبي اقره سورة الشرح. فهد : شمعنى؟ غنى : أنت مو تحس نفسك ضايق صدرك وتعبان؟ هاي السورة تشرح الصدر وتريح النفسية. تقراها وكررها فد عشر مرات. وشوف شلون ترتاح. فهد : شمدريج بكل هذا؟

غنى : جنت ومازلت. كل شي يصير وياي. أول ما أروح للقرآن. لأن ألكى به الحل لكل مشاكلي. وعلاج لكل مرض عندي. وتنبيه لكل خطوة أخطاها. لزمت القرآن. صدقني هالكتـاب مو شي عادي. شي غير قابل للوصف. تلكى به النصيحة والتحذير. تلكى به طمأنينة وخوف بنفس الوقت. كل شي يخص حياتنا وعالمنا موجود بهالكتاب. ويا حسافة على اللي ما يعرف قيمة هالكتـاب واللي موجود به. تدري فهد مرات الدنيا أحسها تختنكي. أريد أموت. أركض أقرأ سورة الشرح. مرات أتعب أحس جسمي خامل وما بي أسوي أي شي. أركض أقرأ سورة يس. أحس بطاقة ونشاط فضيع. ومرات أحتاج نصيحة أو فد رسالة. أروح على سورة المؤمنون. آخذ نصيحة وعبرة من هاي السورة. ومرات تخطر ببالي أسوي شي غلط. تدري وين أروح؟

فهد : بهدوء. وين؟ غنى : أروح لسورة القيامة. أشوف ش مكتوب بيها. تجيني رهبة وذعر. بحيث أخاف أرتكب شي غلط. والله يحاسبني حساب عسير. كل شي جنت أحس بيه. أروح لسورة من سور القرآن ألكى الجواب. فهد : ومن شوكت صرتي تهتمين بهالشي؟

غنى : من صار عمري تسع سنوات. ولبست حجاب. قمت أحب دينه وأتعمق به. والفضل لبيبي. جانت دائما تكعد تشرح لي وتفسر لي القرآن وتحجي لي عن دينه وربنا. لمن صار ربنا أكثر شي ألجأ له بحياتي. الله يرحمها يابيبي. لو أكعد عمري كله أشكرها على تربيتها وتعبها عليّ ما أجازيها.

فهد : بهدوء. الله يرحمها. ربت ونعم التربية. تنباس من ثنين أيديها على إصدار هيج جوهرة. ومن حظي هالجوهره صارت من نصيبي. تدرين غنى أنا لو متت راح أكون مأمن على جهالي ويه إنسانة مثلج. بسن إيدها. عسى ربي يحفظج لي ويجعل يومي قبل يومج. غنى : حضنته. لتجيب طاري الموت. فدوه. فهد تره كلبي يوجعني من سيرته. فهد : أبعدتها عني. استحى. يامره. كلام الله بيدي وكاعده تشبكين بيه. عايزج بعد تنزعينـي وتغتصبيني.

غنى : ابتعدت عنه. يعني بعز ضوجتك وتنكـت. والله لو واحد غيري يشوفك يضل صافن. ماكو هيج واحد مطنكر وينكت. فهد : أكول أم وجه الفاهي. خلي نقره قرآن أحسن. وإذا تكولين مزنجر أجيبج براشدي أفر وجهج.

غنى : ابتسمت. فاتحة قراني. كعدنا نقره قرآن بهدوء. أباوع لفهد. ركز على سورة الشرح والمعوذات. حقه كام يخاف من الناس. إذا الواحد أهله ما يأمن بيهم. لعد الغريب شلون. ولو بوقتنا صار الغريب أحن علينا من القريب. كملنا وكمنا. هو كعد على التلفزيون. وأني شلت الصينية ونزلت أسوي العشة. لأن أعرف هن كولشي ما يسون. دخلت للصالة. شفت نسوان عم فهد وبناتهن. سلمت عليهن. ضحى : شلونج حبيبتي؟ غنى : الحمد لله خاله. الله يسلمج. شلونج خاله؟

حياة : هله بيج كلبي. أنتِ شلونج؟ شهد : حضري روحج منا لمن تخلص هالسالفة. أريد بدلة العرس. أنتِ تضبطيها. إيمان : هي وينها؟ عيونها متشوفيها تلبس نظارات سودة عليه. شكد حلوات عيونها. بس سكرابه ميشتغلن. غنى : ابتسمت. لا تدلل. من عيوني. سلمت على كل البنات. ما عدا مروة. اللي جانت عيونها حمر. ما أعرف شبيها. وديت الصينية للمطبخ. وسويت جاي وطلعت. مروة : لعد ورده وين؟ أروى : أعتقد نايمة.

مروة : خلي أصعد أكعدها. صار هواي ما شايفتها. من رخصتكم. غنى : أباوع لها. صعدت فوك. بس وضعها مو طبيعي. عيونها حمر وصوتها مبحوح. أباوع لنسوان عم فهد. مبين جايين لسبب. قمت أدردر جاي. وبالي يمها. ما أعرف ليش. هدرت وطلعت. حياة : لعد فهد وينه؟ شو ما هو؟ غنى : بالغرفة كاعد. تردين أصيحه؟ حياة : أي. بعد كلبي. بلا أمر عليج. لأن محسن كاعد بالحديقة يريده.

غنى : اروى خليج يم الجاي. خلي أصيح لفهد وأجي. صعدت فوك. وصلت لغرفتي. فتحت الباب. أجاني صوت بجي. وكفت بمكاني. هذا صوت مروة. غرفتي صاير تصميمها. أول ما تدخلين اكو مثل الحاجزين على جهتين الباب. واحد كبال الثاني. وبنصهن الباب. وأنوب تعبرين وتدخلين لنص الغرفة. فمن أوكف بالطرف ما أبين للجوه. لأن مداخله جوه. (أتمنى تكونون فهمتو) . وكفت. اسمها. وهاي أول مرة بحياتي أتصنت. بس صابني فضول. فهد : مروة ليش تبجين؟

صارلج ساعة واكفة كدامي وتبجين. لا أخذت منج باطل ولا حق. غير أعرف عليمن هالبجي؟ مروة : اكو واحد متقدملي. وأهلي موافقين عليه من زمان. ويردوني إني هم أوافق. فهد : منو متقدملج؟ مروة : عمه نسرين خطبتني لمرتضى. فهد : بهدوء. وأنتي جاي تبجين. لأن ماموافقة؟

مروة : بدموع. مو بس لأن ماموافقة. بس لأن تعبت. تعبت وأني أحب واحد وأتخيله بأحلامي وأريده. وأتمنى أمنية. وهو ولا كأن. لا يحس بمشاعري. ولا حتى راح يحس. عايفني أموت وأني أباوع له سعيد بحياته. وأني القهر والتعاسة مدمرتني. عرفت هسه ليش أبجي. فهد : الي فهمته أنتِ تحبين واحد. وما موافقة على مرتضى. بس أنا شعليه؟ عفواً. قصدي شمعنى جيتي إلي بالذات؟ مروة : لأن أريدك تساعدني. فهد : شلون ترديني أساعدج؟ أحاجي عمي قصدج؟

لو أحاجي مرتضى؟ لو شنو؟ مروة : بدموع. أنا ما شي منك فهد. فهد : لا إله إلا الله. لعد شتريدين مني يامروة؟ تره دوختيني. مروة : فهد أنا أريدك. الك. فهد : باستغراب. شنو؟

مروة : بدموع. أعرف تصرفي غلط وعيب. ويمكن تكولين عليه هاي قليلة أدب. بس فهد. أنا أحبك وأريدك. أقسم بالله. عمري وحياتي ما حبيت رجال غيرك. ولا راح أحب غيرك. من جنت صغيرة. واني بانية آمال عليك. وحتى من تزوجت حاولت أنساك. بس ما كدرت. ومن خطبني مرتضى. كلت لازم أعترف لك. بعد ما أكدر. فهد أنا باليوم جاي أموت ألف موته على مودك.

فهد : بهدوء. تدرين إني شايف نسوان بعدد شعر راسي. بس عمرها وحياتها ما وقفت مرة. وكلت لي أحبك وأريدك. غير بس الساقطات وبنات الشوارع. حشاك طبعاً. مروة : بدموع. كتلج أعرف تصرفي غبي وأكبر غلط. بس ما أكدر بعد. لازم أعترف لك. على الأقل أريح نفسي وأكول عرفت مشاعري. ولا أضل ضامتها بداخلي. غنى : كلامها صدمني. ماتوقعتها بهالجرأة. بس اللي صدمني أكثر فهد جداً طبيعي كلامه وياها. حتى مارزلها.

فهد : تنهدت. شوفي مروة. أنا ما راح أسويلج أي شي. وأحترم مشاعرج. أنتِ خوش بنية وحبابة. صحيح بأخر فترة تصرفتي بولدنه. بس هذا ميمنع إنك بنيه والنعم منها. بس صدقيني. أنا ما أعتبرج غير أخت. حالج من حال اروى وورده. عمري وحياتي ما فكرت بيج غير تفكير. ولو عندي ولو نسبة واحد بالميه حب الج جان خطبتج. بس ما عندي تجاهج أي مشاعر غير الأخوة. إضافة إنو أنا رجال متزوج وأحب مرتي. ومستحيل بيوم من الأيام أبذلها بكنوز الدنيا. والله لو يخلون كدامي حورية نازلة من الجنة. بوجها ما أباوع. تعرفين شنو يعني بوجها ما أباوع؟

مروة : بدموع. بهالدرجة تحبها؟

فهد : وأكثر. مروة وأكثر. تدرين هاي أول مرة أحجي لواحد عن مشاعري واللي بداخلي. غنى نفسها متدري إني أحبها هالكد. وصدقي هذا كلامي كله حجيته حتى أكلج إني ما عندي أي شي وياج. وأنتي هم متحبيني. بس تكدرين تكولين جنتي متعودة إنو تفكرين بيه. فأنطبع هالشي بعقلج على أنه حب. بس لا. الحب يجي من العشرة والمواقف يامروة. وأنا متأكد بيوم من الأيام راح تلاقين هالحب ويه الإنسان اللي يناسبج. سواء كان هالشخص مرتضى أو غيره.

مروة : هزت راسها. فهد : وهسه هذا الموضوع ينسد هنا. وبعد مينفتح. وتحاولين تنسي ويموت هنا. والتفتي لمستقبلج. لأن محد يفيدج غيره. لا فهد ولا أي أحد يفيدج. مروة : شكراً فهد. لأن تفهمتني وما كسرت بخاطري. فهد : لو وحدة غيرج أمسح بيها الكاع. بس أنتِ بت عمي وأختي وتضلين عرضي. اعتبري الموضوع أصلاً ما صار. وانسيه. وهسه تكدرين تطلعين. لأن مو حلوة وكفتج هنا كدامي وأنتي تبجين. نزلي لتجيج حجية. مروة : مسحت دموعها. أوك. رايحة.

غنى : ما أعرف شكول. من جه طايرة بكلام فهد. ومن جه ثانية ضوجني كلام مروة. للحظة تمنيت أقطعها. وأني اسمها. شلون توصفه وتعبر له عن حبها. أباوع لها صار بوجهي. تلبلكت وخزرتني. ونزلت بسرعة. طبكت الباب بسرعة. ودخلت. أباوع لفهد واكف بنص الصالة ومدنك. ركضت حضنته. فهد : لعلعله أبيج. خرعتيني. غنى : مرديت عليه. أخذت إيديه لفيتها عليه. وحضنته بقوة. وأبوس بركبته وأشمه. أفيش أفيش. فهد : هاي شبيج تخبلتي؟

غنى : ابتعدت. مباوعت له. أنا أحبك هواي. فهد : سمعتي كلام مروة مو؟ غنى : هزيت راسي. فهد : تنهدت. اسمعي غنى. ترة. غنى : خليت إصبعي على شفته. كولشي. لتحجي. أعرف وسمعت شكتلها. صحيح ضوجني كلامها. بس ردك المحترم الها. والي ما جرحها ولا جرحني. خلاني أحترمك أكثر. لو واحد غيرك. لو ينطيها مجال. لو يلعب جولة. بس أنت رفضتها بدون ما تجرحها. وهالشي كبرك بعيني. فهد : توقعتج تضوجين وتسحليها.

غنى : حاوطت ركبته. لو أي وحدة تفكر تتقرب لك. أموتها. بس مروة حالة خاصة. وأني أقدر أنها كانت بانية آمال عليك من وهي صغيرة. بسبب بيت جدك على أبو فهد لفلانة وفلانه لفهد. فممكن أنطيها مبرر لتصرفاتها. أما وحدة ثانية لا. أكلها بسنوني. فهد : هاي أنتِ مرتي. صارت شرسة. غنى : أنا صحيح حبابة ويه الكل. بس اللي تفكر تتقرب لرجلي. لمزنجر أنقلب عليها لبوه. فهد : زين شنو رأيج تنكلبين لبوه على الجرباية اليوم. ونشوف شلونها شراستج.

غنى : احم. صدوك. نسيت محسن منتظرك جوه. فهد : ها. شو فشت اللبوه. غنى : روح. لا أنقلب عليك حية وأعضك. فهد : نزلت إيدي لجوه خصرها. بهمس. وين تعضيني؟ غنى : بخجل. فهد. فهد : زين. ممكن بوسة من الحلك؟ غنى : اسمها شفة. فهد : لا. أنا أقصد الحلك كله. مو بس الشفة. غنى : احم. حبيبي. انزل. جديات فشلة. الولد منتظرك.

فهد : رفعت وجها ودنكت. شو أشوف وين شفايفج. أباوع لها برزت شفايفها. معترضة. ابتسمت. ماخذتهن بشفايفي. مزجتهن سوى. بايسهن. أووف. غنى : بادلته. كالعادة. أجذب إذا أكول ممكن أكدر أقاومه. خاصة هو يعرف نقطة ضعفي شنو. فهد : جريت شفتها. بسنوني. ومصيتها. عجيب. شهالطعم. مديت إيدي لازم ماتوسط جسمها. (أهدي يحسنيه. وعلى كيفج) غنى : شديت على شعره. وأبادله. أحس طعم زنجار صار بشفتي. ابتعد. حاسة بشفايفه تمشي على ركبتي.

فهد : أويلي. الله. غنى : حسيت بحركة بركبتي. فهد. محسن منتظرك. فهد : ...... ا.... محسن. شسويله؟ غنى : وخرته مني. بس فهد يوخر بأحلامي. بخدر. عيب فهد. حتى ولد عمك مسلمو منك. فهد : مديت إيدي بدشداشتها. لازم صدرها بأديه. طز. غنى : لزمت إيديه. آااه حبيبي. وخر. اااه فهد. لتكرص. طلعت إيديه كوه. ليش هيج أذيتني؟ فهد : أوي. أذيتج. لعد أبو قاسم ميأذيج؟ غنى : دفعت إيده. كرهت حتى اسم قاسم. من وراك. يله أنزل.

فهد : ضربت خلفيتها بقوة. اوف. الله. دشوفي. جنه. كح..... غنى : انووووب. درت عليه. وتالي وياك. فهد : هههه. خرب يومج. شكد كنت ضايج. سوالفج ضحكتني من كل كلبي. غنى : أباوع له نزل. ابتسمت. أبو لسان الباذر. فدوه لضحكته. ترد لي روحي. شكد أتعارك ويا. بس أموت على سوالفه. _بعد مرور فترة من الزمن.

غنى : واكفة أسوي زلاطة. وبالي يم أوضاع البيت. نرجس فسخت الخطبة. وعلي متخبل ويتعارك ويه ذبان وجهه. واروى على سالفة نرجس وعلي بطل واهسها. وحتى العقد أجلته. خالة إيمان الحمد لله وضعها الصحي ممتاز. بس فهد. فهد هالايام مدري شبي. اعتكف فجأة على نفسه. حتى وياي ميحجي. كل ما أحاجي وأكله شبيك يكلي عندي شغل. لتحاجيني.

بعد يومين المفروض سعاد وأخوها يدفعون كل الخسائر. حتى فهد يسحب الدعوة عن ابن أخو سعاد. بيت فيصل ميقبلون يطلعون. وفيصل ديماطل. طبعاً سارة اللي تحجي لي تكول بتول اشترت ذهب بكل فلوس المهر. وحتى عرس ماسوت. راحت لبيت رجلها بدون أي حفلة. ومنذر أخذ بيت براس الشارع. وكل يوم العصر يمنة همه وميطلعون غير بالليل. وهالشي ريح فهد. بس إني اللي مدارتاح بسبب جفاف فهد وياي هالايام. فزيت من صفنتي على صوت سارة.

سارة : تعاي غنى. أريدج بشغلة. غنى : خير إن شاء الله. أحجي. سارة : ما أكدر أحجي هنا. حبابة تعاي بغرفتي. غنى : كلبي وجعني. ذبيت السجينة. رحت غسلت وصعدت وياها. طبينة لغرفتها. خير حبابه. ساره احجي. تره كلبي ميتحمل. سارة : شوفي. أنا راح أحجي. بس عليج الله لتكولين أنا اللي كتلج. وأريدج تسيطيرين على أعصابج. غنى : يمعوده احجي. هبطتيني. سارة : شوفي غنى. فهد جاي يخونج. غنى : شنووو؟ شنو يخوني؟ ساره خبله أنتِ؟

ضحكتي كل عقلك تحجين. سارة : وداعة حمودي. ما جاي أجذب. وأعدم وليدي لو أجذب عليج. فهد جاي يخونج. وبهاي آذاني. سمعته. غنى : حسيت أطرافي ترجف. شسمعتي؟ سارة : كان طالع بالحديقة. يحجي. ميدري بيه مطلعة محمد أشمه. هو حتى يرتاح. سمعته يحجي ويه وحدة يكلها. حضري نفسج. أريدج على أخر حبة. جايج. غنى : مس مستحيل. فهد ميسويها.

سارة : شوفي. أنا ما عندي شي وياج. ولا حتى ويه فهد. حتى أجذب وأقسم بالله. ما جاي أجذب. بالعلامة. سمعته يكلها. ما أريد تقصير أبد. أريدج خوش تدلليني. وها. اتفق وياها. يروحلها للشقة باجر. غنى : برجفة. مسمعتي ببيش الساعة؟ سارة : كلها بثمانية. أنا يمج. حتى اليوم أفترسج. أنتِ والي وياج. غنى : حسيت العنوان انطبع بعقلي. طلعت لغرفتي أركض وأبجي. لا لا. فهد ميسويها. دكيت عليه. وجسمي كله يختض. جاوبني. أخذت نفس. الوو فهد.

فهد : الوو. ها غنى. تردين شي؟ غنى : شوكت ترجع؟ فهد : أتأخر. غنى : ضغطت على إيدي. بس إني متحضرت لك. هاي أول مرة أتجـرأ وأحجيها. بس أريده يكلي أجـي. يكلي ثواني واني يمك. بس صدمني. فهد : كتلج ما أكدر. بدلي ونامي حبيبتي. ما أجي من وقت. يله باي. غنى : سديته وبجيت. لة إلهي دخيلك. كولشي ولا الخيانة. ربي فدوه أروح لك. مو فهد لتصدمني بي. ضليت كاعدة للوحدة بالليل. ودمعتي مانشفت. دخل هو. فهد : شبيج؟

غنى : أباوع له. شكله غريب. قمت حضنته بسرعة. بلكي أشم بي ريحة شرب. واجه. ماشميت بي شي. حسيت بي دفعني. فهد : غنى تعبان. أجليها.

غنى : من دفعني حسيت بي مسوي شي. رحت تمددت ودموعي عشرة عشرة. أباوع له طلع من الحمام وكعد على اللابتوب كالعادة. بجيت لمن طحت على صفحة. ما عولت يجي الصبح. طلع هو للدوام. وأني النوم مجافيني. ما أكدر أنام. قمت دورت بغراضه. ماكو شي. فتحت اللابتوب. شفت ملف. فتحه. ميقبل يفتح اله أدخل رمز. يااااربييييي. شهالعذاب. مر اليوم بالكوة. أجه ونفس الشي. فهد بيك شي؟ فهد : ها. لالا مابيه شي. غنى : أريد أروح لخالتي.

فهد : ما أكدر. عندي طلعة. ولتناقشين. غنى : عافني وراح. نام العصر. طلع. رحت حاكيت سارة. واتفقت وياها تروح وياي. ما قبلت. توسلت. ردت هم ما قبلت. انجبرت أروح وحدي. ورحت بدلت. وأديه يرجفن. كعدت أنتظر الساعة تصير ثمانية. بالتسعة حتى أروح أتأكد. بالف يا ويلاه. ياله صارت الثمانية. طلعت بسرعة. إيمان : وين يمه؟ غنى : خالة. خالة سحر متخربطة. أريد أروح أشوفها. من رخصتج. إيمان : زين خلي علي يجي وياخذج.

غنى : ماكو حاجة. عمو سيف أجه عليه. طلعت أركض. وكفت تكسي. أنطيته العنوان وصعدت. ولا أول مرة ما أخاف من التكسي. أباوع له. باوع لي مستغرب. بويه أنت متأكدة تردين ترحين لهالمكان؟

غنى : أي عمو. رجاءاً استعجل. باوع لي بنظرة غريبة. وطلع. الطريق كله أدعي الله كون ما يطلع اللي بالي. صحيح يارب. كون يطلع فهد رايح لجماعته. مو لوحده. يارب يارب. ضل الرجال يسوق فوك الساعة. أباوع دخل لمنطقة أقل ما يقال عنها شعبية. مو راحة. هذا المكان اللي ردتيه؟

غنى : أباوع فعلاً. هذيج عمارة. أي هو هذا. نزلت. أوكف هنا. هسه أجي عمو. انتظرني. رحت واسناني تضارب. ما عولت أوصل. يارب سيارة فهد ماهي. بلكي ميطلع هنا. دخلت للعماره. مشيت وأرجف. يارب دخيلك. كون يطلع فهد. مو هنا. وصلت لرقم الشقة اللي كالت عليها سارة. دكيت الجرس. وإيدي على كلبي. عمري وحياتي ما تخيلت تكون عندي كل هالصلافة اللي تخليني أطلع وحدي. انفتحت الباب. صار بوجهي منظر. أتمنى لو متت ولا شفت. فهد قميصه مفتوح على النص. وشعره مكفش. وجوه اكو كومة زلم. البيت يشبه بيوت الدعارة اللي نشوفها بالتلفزيون. ماسويت شي. بس كتله. ليش؟

بشنو قصرت وياك؟ شنو القصور اللي بدر مني؟ ليش هيج يافهد؟ أباوع له. مانطق. فهد : لارد. غنى : حريمة بنيت عليك آمال. وأنت متستاهل. عفته ونزلت أركض. كعت على وجهي وانكسرت نظارتي. آاااه. لييييش. إلهي. لييييش. قمت بسرعة. طلعت. لكيت الرجال واكف لي. صعدت. وأني أشهك. شبيج عمو؟ صاير شي؟

غنى : بدموع. اطلع عمو. اطلع. الله يخليك. يمشي الرجال. وأني أضرب صدري. اااااخ يمه. أحس روحي دتطلع. الله ياخذك يا حقيييير. كلكمممم نفس الطيييينه. كلكمممم. ليييش هيج يافهد. ليييش؟ شمسويت لك وتأذيني هيج؟ شمسويت لك؟ ما عولت أوصل. دفعت الكروة. ونزلت. دكيت الباب. طلعولي الجهال. صعدت ركض لغرفتي. صعدت وراي خالة والبنات. إيمان : شبيج يمه؟ شبيج خير؟ شبيها خالتج؟

غنى : وخروووووو عنييييي. ركضت طلعت جنطتي. خليت ملابسي بيهاااا. وهنه يصيحن. ما أبقه عنده لحظة وحدة. والخلقني. أروى : ولج شبيج تخبلتيييي؟ إيمان : دكي على أخوج بسرعة. أروى : دكيت عليه. يمه ميرد. غنى : تنشغ. ليش يرد؟ خلوه براحته. لتزعجوه. أخذت جنطتي وطلعت. وهنه يجرن بيه. إيمان : بس فهميني. شبيج يمه؟ شكووو؟ شصايرررر؟

غنى : تنشغ. خاله عوفيني لخاطر الله. عوفينيييي. جريت الجنطة وطلعت بسرعة. فتحت موبايلي على أمل ألكه مكالمة منه تمنعني. توضح لي. بس مااااكوووو. شكله ميهمه. إن دريت أو لا. ولييييش يهتم؟ منو أنا ويهتمليييي؟ مشيت وأسحل بجنطتي. ما عولت أوصل لمنطقة بعيدة عن البيت. دكيت على أول شخص أجه على بالي. الووو. تعااال عليه بسررررررعة. خير. شصاير؟ غنى : بدموع. تجينييييي لو لااااااااا؟ لتحجيييي حجي زااايد.

سامح : خلص جايج جايج. بس دزيلي العنوان. *****يتبع