رواية ذنوب على قيد الغفران الفصل الثامن 8 - بقلم براء

فهد: اليوم عندي استراحة وكالعادة أمي ما تخلي واحد يطلع، تريدنا كلنا متجمعين. وشلون جمعة هي... كاعد بالمطبخ أشرب جاي وأروى ماسكتت من الصبح، مستلمة أمي تنطيها تقرير عن جيراننا الجدد. والي تفاجأنا من كعدوا، لأن هالبيت من قبل لا نجي إحنا للدنيا هو متروك. إيمان: يمه، خو كتيلهم إذا يحتاجون شي لا يترددون يجون. أروى: لا يمه، كتلهم بس مبين كلش حبابين، خو بنتهم تخبل جميلة بشكل. منذر: وحدة وتعجب أروى، أغسل إيدي منها.

آلاء: هي أروى ما عدها ذوق باللبس، تردونه يصير عدها ذوق بالبنات؟ ورده: حجت سندريلا. فيصل: خزرها. ورده: لسانج. فهد: باوعت له صفح. فيصل الخيخة. فهد: اندك الجرس، كمت طلعت بره فتحت الباب شفت وحدة... ركزت بوجها، هاي نفسها اللي شفتها بالمستشفى. غنى: هم أنت؟ فهد: عفواً. غنى: بقلبها، شكله ما عرفني. احم، السلام عليكم. فهد: وعليكم السلام، تفضلي. غنى: إحنا جيرانكم اللي انتقلنا من فترة. فهد: بهدوء، أهلاً وسهلاً بيكم. غنى: تسلم...

تفضل. انطيته الصينية واجيت أروح. فهد: لحظة. غنى: نعم؟ فهد: شلون صار أخوج؟ غنى: دمعت عيوني. توفى. فهد: تندمت لأن سألتها. الله يرحمه. غنى: ويرحم أمواتكم. يله مع السلامة. فهد: هله. دخلت وسديت الباب. سعاد: منو إجه؟ فهد: خليت الصينية على الميز. الجيران الجدد. علي: أي شفتهم جاي ينزلون أغراضهم قبل جم يوم، بس شعجب كعدوا هنا؟ مو صارله فترة طويلة البيت متروك. إيمان: والله ما أدري يا يمه، إحنا شعلينه. أروى: فهد، منو جاب الأكل؟

بنية لو مرة جبيرة؟ فهد: لا، بنية. أروى: شفتها شلون حلوة. فهد: وين الحلا بالموضوع؟ شكلها مستفز. علي: أخذ دولماية. الله، هي هاي دولمة ودولمة آلاء دولمة. وبعدين تعال فهد، شلون يعني شكل البنية مستفز؟ فهد: كعدت، كل معاني ماكو بوجها. بياضها زايد عن اللزم، بحيث من تشوفها تلقائياً تنزعج.

أروى: لا والله، معليك بي. علي، شوف البنية تخبل. بييييييييضة كطن كطن وعيونها سود وكبار وشعرها أسود كلش. البارحة من رحت أوديلهم النزلة، ضليت صافنة عليها، شكلها فد شي. إيمان: قصدج البنية بلكة (ناصعة البياض) أروى: أي. فهد: بهدوء. بنظركم البياض حلو؟ بالعكس، أنا بالنسبة إلي أشوف صاحبة السمار الخفيف تسوى هاي قماشة الحجي اللي تحجون عليها. وللمعلومة، ترى اكو قرود بيض. البياض مو مقياس للجمال، أهم شي الملامح.

بتول: أي والله صحيح كلامك. هسه مو أنا سمرة بس حلوة وشكلي جداً مقبول. فهد: بس أنا ما جنت أقصدج أنتِ، أنا أحجي عن فئة معينة، أنتِ مالج علاقة بيها. منذر: هههه، ماهذا ياهذا. فيصل: أنت تنطبق عليك قاعدة خالف تعرف. عود مخلي مواصفات خاصة. والله تاليتك توكع بوحدة تشبه القرد نفسه. فهد: طلعت موبايلي. يعني تشبه مرة أخوج. علي: هههه، ولا تكعد راحة أنت. فهد: ابتسمت.

إيمان: كافي حجي زايد، ميجوز تحجون بالبنية. وأنت فهد عيب تتنمر، ماكو واحد خالق نفسه. وأنتي أم فيصل، باجر نروح أنا وياج نسير عليهم باعتبارهم جيراننا صاروا. سعاد: وشعدنا يمه رايحين؟ عرفه ولفه. إيمان: هاي أصول وواجب، والجار على الجار. وبعدين إحنا حايط على حايط، عيب نغلس عليهم. سعاد: هاي السوالف عدكم بالريف، عدنا ماكو هالسوالف. تردين روحي أنتِ وبناتج. إيمان: مصيرلج جارة!

والله يمه أروى، باجر نروح أنا وياج بس دزي خبر الصبح الهم حتى نروح العصر. أروى: إن شاء الله. *** سحر: ها يمه، وديتي الأكل؟ غنى: فتحت حجابي. أي وديته. تدرين مبينين صدق حبابين هالناس. سحر: أمي الله يرحمها جانت دائماً تمدح بيهم، تكول فد ناس متواضعين وحبابين بشكل. رغم حالتهم المادية جداً ممتازة بس عمرهم ما تعلوا على أحد.

غنى: الله يحفظهم. تغدينا. راحت خالتي لغرفتها. وأني صعدت لغرفتي. جانت غرفة بسيطة جداً. صحيح مو بكبر غرفتي القديمة، بس الحمدلله اكو ناس ملاكية حتى سقف يتحتمون بي. أخذت موبايلي. لكيت نرجس مخبرتني. رجعت خابرتها. نرجس: الوو، هاا ولج شلونج؟ غنى: شتاقيتلج. نرجس: افف، حتى أنا والله. اسكتي راح أبجي. والله جنت ساعة الساعة من أضوج اجي يمج. هسه وين أروح؟ غنى: حتى أنا ضايجة. نرجس: صدك ولج، وين جنتي؟ غنى: رحت أودي غدة لجيراننا.

نرجس: هله هله، شبسرعة صار عندج علاقة بالجيران وكمتي تروحيلهم؟ غنى: شبيج أنتِ؟ دزولنا نزلة ورحت أرجع المواعين الهم، وفشلة أرجعهن فارغات. نرجس: هاا، زين عدهم ولد؟ غنى: كلبت عيوني. طبعاً عرفتج حتسألين هالسؤال وجوابي ما أدري. نرجس: افف لج غنى، حموت. تدرين بيتنه كله متكأب على مودج. جعفر ضايج على فراكج وأني ضايجة هم. غنى: أوو نرجس، عفية لتضلين تكولين هيج. والله أموت من القهر. وبعدين تعالي، إحنا أكيد حنتشاوف كل يوم.

نرجس: صدك، باجر منو يجيبج للجامعة؟ غنى: ما أدري وما أندل وين الشارع العام وحايرة وين ألكي سيارات. يجوز آخذ تكسي وهم كون أطلع من وقت، لأن المنطقة بعيدة عن الجامعة مو مثل قبل. تدرين لحد الآن ممتقبلة المكان. نرجس: ليش؟ غنى: ما أدري، ممرتاحة. صحيح المنطقة حلوة ونظيفة وناسها هادئين، بس أنا ما أعرف شبيه. نرجس: إن شاء الله تتعودين. لتخافين، أنا وياج ما أعوفج. غنى: ابتسمت. حبيبتي نرجس، أنا كلش أحبج.

نرجس: ماكو حاجة أكلج أنتِ شنو بالنسبة إلي. صحيح أنا الله منطاني خوات بس عوضني بيج، نونايتي الحلوة. غنى: ابتسمت. *** مرتضى: دخلت لبيت جدي، لكيت الحجية كاعدة هي وأمي وأختي. ها؟ شو متجمعات؟ ياسمين: وعليكم السلام والرحمة. مرتضى: العفو حجية. بست راسها. السلام عليكم. ياسمين: هله بيك وليدي، شلونك؟ مرتضى: والله مو زين. ياسمين: ليش يمه شبيك؟ عبير: شبي يعني؟ أكيد الحب متعبه. مرتضى: خزرتها.

ياسمين: لتخزرها لك. أحجي ولج شبي أخوج. عبير: بييي، هذا مرتضى يحب وحدة وياه بالكلية بس هي مامنطيته وجهه، وهو ساحل روحه عليها. مرتضى: شنو ساحل روحي عليها؟ احترمي نفسج. البنية أدري بيها تحبني بس تستحي تكلي، وأنا وره التخرج أروح أتقدملها رسمي. ياسمين: ليش مو هسه تتقدملها؟ وخلي الزواج وره التخرج. نسرين: أنا هم أكلة هيج بس ميقبل. مرتضى: لا، وره التخرج أحسن.

ياسمين: لتضل تأجل يابيبي. تالي يمشي بيك العمر مثل ابن خالك وتدخل بالثلاثين وأنت أعزب. الحياة لازم نستغل كل لحظة بيها ونعيشها. لتضل تأجل تتندم بعدين. مرتضى: إذا قصدج على فهد، فمن سابع المستحيلات أصير مثل هذا أبو خشم المرفوع. نسرين: ولك! ياسمين: لحظة نسرين. مو عيب تحجين على ابن خالتج هيج؟ شمسويلج هو؟ أشوو كافي خيره وشره وبعيد عن العالم.

مرتضى: شايف روحه ومامصدك مسوي نفسه أحسن من العالم. ميسلم وميحجي وكالب خِلقته أربعة وعشرين ساعة. شتريديني أحبه وهو هيج مزعج؟ ياسمين: تنهدت. أنت ما عشت الي عاشه فهد، فلتكعد تحجي عن شي أنت متعرف سببه.

مرتضى: حجية، كل إحنا عدنا ظروف ومشاكل. بس ما تشيخنه على العالم. هذا محسن وحارث وباقي الشباب مو حالهم من حال فهد. أشوو حبابين وينحبون. حتى علي أخو دكتور وعليه العين، بس مع هذا كلها تحبه وهو هم متواضع ويه الكل. اله فهد حضرته يستنكف من الناس، حتى كعدة ميكعد ويانا، مسوي روحه شيخ، لو يكعد ويه خوالي لو ويه حارث ومحسن. وإحنا لابسنه. ياسمين: شبيك انهديت ولك!

اسمع، فهد هذا خط أحمر. ديربالك تحجي عليه. أولاً أكبر منك وعيب. وثانياً روحوا صيروا مثله لو شوفوا الي عاشه وعود تعالوا احجوا عليه. مرتضى: يووه، حجية أنتِ لو نسب الكائنات متحجين. بس خلي واحد يمس فهد تنكلبين لبوه عليه. عفتها وكمت. ياسمين: هذا شبي ابنكم؟ خبل. عبير: يغار بيبي. نسرين: صحت بيها. عبير! عبير: سكتنه، سكتنه. ***

آلاء: واكفة أسوي ريوك لفيصل لأن عنده دوام هو والولد. وطبعاً إيمان تكعد من الصبح وياهم، بس حماتي الغبرة مسوية روحها عروس تكعدلي الظهر. طلعت الطاوة للصالة. أباوع نزل فهد لابس ملابس عسكرية وهو طويل وخشن مو ناعم مثل أخوته. ماشاء الله يخبل. فهد: صباح الخير. الكل: صباح النور. فهد: يمه، وين أروى؟ خلي تستعجل أريد أوديها وأروح لدوامي. إيمان: هسه تجي. راحت تلبس شالها. أكعد تريك. فهد: هزيت راسي. لا، ما أشتهي.

أروى: نزلت. صباح الخير. ها فهد، نروح؟ فهد: أي، يله. أروى: بست إيد أمي قبل لا أطلع. هاي عادة عندي. طبعاً صار لي فترة من قدمت أوراقي والحمد لله رجعت أدرس مرة ثانية. وأكيد فهد التزم بيه. هو ياخذني ويجيبني. طلعنا من البيت وفهد ساكت كالعادة. أباوع اكو بنية واكفة على الشارع العام ومبينة حايرة. هاي بت جيراننا. لحظة، فهد اوكف. فهد: ليش؟ أروى: هاي بنت جيراننا، يجوز مضيعة. خلي أشوف وين تريد.

فهد: أوكفي خلي أصف على جهة وروحي حاجيها. يله نزلي. أروى: نزلت. صباح الخير. غنى: درت وجهي. صباح النور. أنتِ أروى مو؟ أروى: أي صحيح. أنتِ شـمـوقـفـج هنا؟ غنى: أنتظر عبرية أو تكسي. أريد أروح للكلية. أروى: أنتِ بأي جامعة؟ غنى: جامعة بغداد. أروى: حتى أنا. يله تعالي ويانا، إحنا نوصلج. غنى: لا شكراً، أنا أنتظر التكسي. أخذي راحتج. أروى: ماكو عبرية وتكاسي تمر منا. يله تعالي إحنا نوصلج. جريت إيدها. يله أمشي، إحنا طريقنا واحد.

غنى: لا عفية، أنا أنتظر. ماكو مشكلة. أروى: شبيج حبيبتي؟ تعاي. وصلت يم السيارة فتحت الباب. فهد، حنوصل البنية ويانا. صارلها ساعة تنتظر تكسي وماكو. فهد: باوعتلها. صعدي. غنى: احم، لا ماكو داعي. فهد: صعدي بابا، تأخر الوقت بعد. وين تلكين تكسي؟ صعدي، مناكل بشر إحنا. غنى: انجبرت أصعد. اليوم عندي امتحان وإذا تأخرت يروح عليّ. أروى: يله، أمشي فهد. غنى: اسمه فهد. عبالي فيصل. أروى: ما كتيلي شنو اسمج؟ غنى: غنى.

فهد: باستنكار. شسمها؟ أروى: ههه، شبيك فهد؟ اسمها غنى، شنو ماسامع بهالاسم؟ فهد: بهدوء. لا، شهالاسم الغريب هذا. غنى: اسمه اسم حيوان ويصنف على اسمي. تنهدت. استغفر الله. فهد: وصلت للجامعة. يله نزلن. غنى: بهدوء. شكراً زحمتك. فهد: لا ماكو زحمة. انتظرت يدخلن للجامعة وطلعت لدوامي.

أروى: أكلج بصراحة وبدون مقدمات، أنا هالسنة مقدمة على الماجستير ودفعتي كلهم تخرجوا وصار لي فترة مو قصيرة مداومة. وما عندي أحد. وهسه أريد أمشي وياج لأن أضوج وحدي. غنى: ابتسمت. تعالي أعرفج على صديقتي. أروى: يله، أمشينه. غنى: وصلت للحديقة. شفت نرجس كاعدة. صباح الخير. نرجس: وينج؟ صار ساعة منتظرة... باوعت، جاية هي ووحدة. منو هاي؟ غنى: أعرفج، هاي أروى جارتنا. أروى، أعرفج على صديقتي نرجس.

نرجس: خزرت غنى وسلمت على البنية. شلونج حبيبتي؟ أروى: هلو بيج نرجس. بنات، أنا أروح أجيب جاي وأجي. هسه ثواني ما أتأخر. غنى: براحتج. نرجس: أنتِ شلون تصادقين وحدة غيري؟ شهالصلافة! غنى: صدك تحجين نرجس؟ بعدج تدورين هالسوالف؟ نرجس: أي صدك أحجي. أنا مو كالتلج إحنا اثنين ممنوع تخلين شخص ثالث ويانه؟ غنى: عيب نرجس. البنية وحدها وحبت تتعرف علينا. أكلها لا؟ وبعدين تتوقعين إن أنا أفضل أحد عليج؟

ما عيب، أنتِ صديقتي وحبيبتي وأختي هم. نرجس: أنتِ خوش ضلي ضحكي عليه بهالكم حجاية. أباوع اجتي البنية كعدت يمنه وبدت تسولف. استلطفتها نوعاً ما. أي، عرفينا عليج بما إنو دخلتي بشلتنا. أروى: اسمي أروى، عمري 23، قسم هندسة كيميائية، تخرجت العام وهالسنة قدمت على الماجستير. عندي أربع إخوان: فيصل وفهد وعلي ومنذر، واختين ليلى وورده. وبرجي الحوت وبس. نرجس: إخوانج حلوين؟ غنى: كرصتها. نرجس: آخ! ليش تكرصين؟ هسه شسويت أنا؟

أروى: ابتسمت. عادي. غنى، خلي تسأل. أنا أريد أتعرف عليكم لتتقيدون بوجودي. أي، شنو جنتي تسألين على إخواني؟ شوفي، فيصل الجبير مو حلو. فهد يخبل وعلي هم حلو، بس أحلى واحد بيهم منذر. نرجس: ومنذر هذا مزوج لو لا؟ أروى: أي، مزوج. نرجس: حرامات. أروى: هههه. يله تعالن، حتبدي المحاضرات. فهد: كملت التقرير وكمت لمكتب المسؤول. دكيت الباب ودخلت. سلام. غانم: وعليكم السلام. تفضل.

فهد: كعدت. تفضل، هذا التقرير. تكدر تتناقش بي أنت والمسؤولين. تقريباً كمل كلشي والادله واضحة وموجودة. هم مابقالي غير التنفيذ. غانم: ابتسمت. سبع والله سبع. ماتندمت من سميتك الذيب. فهد: هسه شراح تسوي؟ غانم: هسه أخابر المسؤولين وبعدها نبدي نباشر بالعملية. بس أنت شلون بيك؟ أنا خايف لا يكدرون يوصلون الك لو دروا. فهد: همه والي لابسه برجلي ما خفت من الأكبر منهم، أخاف منهم. غانم: الحجي بيناتنا، أنت ما خايف؟ فهد: من شنو أخاف؟

أنت صدك تحجي؟ أنا لو أخاف ما جان دخلت بهالمجال أصلاً. وبعدين إذا أنت ناسي، أذكرك بالاستخبارات محد يعرف الثاني، وخاصة الضباط دائماً يكونون شخصيات مجهولة. فلتشيل هم، أنا متبع مبدأ: مادام مشيت بشي مستحيل أتركه لحد ما أحقق غايتي بيه. وأنا من أكول شي أسوي، أسوي، وأنت تعرفني.

غانم: أنا لو ما أعرفك ما أسلمك هيج قضايا صعبة. بس بنفس الوقت أخاف عليك لأن أعتبرك مثل ابني والله. تدري دائماً أحمد الله إنو محد يعرف أنت ذيب الاستخبارات، وإلا جان أنت هسه باي باي. فهد: ابتسمت. محد يكدر يسوي لي باي باي. أنا ما تعبت على نفسي حتى بعدين أموت على أيد وصخة مثل أدين هذوله السفلة. غانم: صدك، ذكرتني. على طاري التعب... على كيفك ويه المساجين. جاي يشتكون منك الشرطة يكولون جاي تأذي المساجين وتعذبهم هواي.

فهد: هذا يا حنين كلك. غانم: ضحكت. ما عليك بي. المهم، فهد ابني، على كيفك وياهم، لا تقسي هواي. ذاك اليوم كاسر خشم واحد. يصير مو تجيك عقوبة. فهد: بهدوء. يطبه طوب. محد كله يرتكب غلط واحنا هنا منلعب. الي يغلط يتحاسب. وكل ضابط عنده طريقة خاصة بالتحقيق وهاي طريقتي. وبالنسبة للعقوبة، فلتخاف، ميكدرون يسوون شي. أنا ورقة رابحة الهم، يخافون يدنولي. غانم: براحتك يالسبع.

آلاء: كاعدة وحدي وملانة. وين أروح ما أدري. كمت طلعت من غرفتي نزلت جوه. لكيت خالة إيمان وخالة سعاد كاعدات سوه كالعادة. دخلت للمطبخ. ها انغام، شجاي تسوين؟ أنغام: أطبخ الغدة غير. درت وجهي عليها. أكلج تره ميصير عايفه كل الشغل عليّ وكاعدة بغرفتج. تره أنتِ الجنة الكبيرة مو أنا. آلاء: هي تحجي واني عيني على إيدها. أكلج منيلج هالأسوار؟ حلو. أنغام: ابتسمت. هاي منذر جابه لي بعيد ميلادي. آلاء: ها؟ وشدعوة جايبلج أسوار ذهب؟

خو هدية بسيطة على كدّه. أنغام: الهدية مو بسعرها. قيمتها بالنسبة لي أكبر من سعرها. وبعدين ليش تكولين على كدّه؟ الحمد لله إحنا وضعنا تمام، منذر معلم وراتبه كافي علينة، وإحنا شعدنا؟ طفل وأني حامل هسه. آلاء: بس إحنا بكدكم. شو فيصل ميجيب لي شي؟ لو أنتِ وحد؟ أنغام: لا إله إلا الله. أنا أكمل شغل أحسن لي. *** أروى: طلعنا من الجامعة بعد ماخلص دوامنا. أباوع غنى اجت تروح، لزمت إيدها. أوكفي، وين؟ غنى: الحك على العبرية.

أروى: ماكو عبرية. يله تعالي، فهد هسه يجي علينا. إحنا طريقنا واحد. عوفي هالتكلفة. غنى: لا حبيبتي، ماكو داعي. أروى: دتعاي، أوكفي يمي. وعلى فكرة، فهد ميقبل هسه يرزلني إذا رحتي وحدج. نرجس: ها نونه، شو مارحتي؟ أروى: راح تروح ويانه. هسه يجي أخويه علينه. نرجس: خزرت غنى. لعد شو من جنت أتوسل بيج حتى ترجعين ويانا أنا وجعفر مجنتي تقبلين. غنى: همست لها. فشلة. البنية أصرت وحرجتني وأنا ما عندي ميانة وياها حتى أفشلها وأرفض.

نرجس: حسابج بعدين. أروى: إجه فهد. يله غنى. نرجس: أباوع وكفت سيارة كبالنا. نزل منها واحد لابس عسكري. فتحت عيوني. هذا مو أبو الزيتوني؟ صاك الزيارة. رسن باوعت لغنى اللي تتهرب. بسيطة يا غنى، دكاتج صارن هواي. أنا أعلمج. فهد: يله فضنها. غنى: بارتباك. يله باي نرجس. نرجس: باي. غنى: صعدنا بالسيارة بعد ماسلمنا. هذا اللي اسمه فهد، شكله يخوف. ما أعرف ليش هيج حسيته. فهد: أروى، محتاجين شي لو نروح كبل للبيت؟

أروى: لحظة، خلي أخابر أمي. الوو ها يمه. الحمد لله. أي راح نجي للبيت. فهد يكول تردون نجيب شي ويانه. ها خوش. يله باي. فهد، أمي تكول جيبو لبن. فهد: خوش. وكفت يم أسواق واجيت أنزل. باوعت للبنية، أصلاً نسيت هي ويانا. لا حس ولا نفس. محتاجين شي؟ غنى: بهدوء. لا شكراً. فهد: أكيد؟ لتخجلين. تره أنتِ الي راح تدفعين. فإذا محتاجة شي نزلي جيبي. غنى: بقلبي. هذا شبي؟ لا شكراً، كل شي ما أريد. أباوع له راح.

أروى: صدك غنى، اليوم العصر نجي أنا وأمي نسير عليكم. غنى: ابتسمت. كل الهلا بيكم. أروى: بيج أكثر حبيبتي. غنى: إجه هذا اللي اسمه فهد. فتح الباب وخلى الغراض يمي ورجع صعد. وبعدين رحنا للبيت. نزلت. شكراً زحمتكم. فهد: ماكو زحمة. أروى: أكلج غنى، باجر الساعة بالسبعة وثلث كون أنتِ جاهزة حتى متأخرينه. غنى: ليش؟ أروى: غير حتى نروح للجامعة من وقت. غنى: لا عفية. أنتوا وصلتوني اليوم شكراً، بس من باجر أنا أروح بتكسي أو آجر خط.

فهد: سديت باب السيارة. أولاً صعب تلكين تكسي هنا. اله تطلعين على الشارع العام وشفتي شكد بعيد عن المنطقة. وثانياً تره أنتِ بطريقنا ماراح تكلفين علينا إذا وصلنج. لتخافين، وإذا على الإحراج فاعتبري خط وادفعي كروة. أروى: يا فهد! غنى: لا لا، كلامه صحيح. إذا رحت أنوب أدفع فلوس. شكراً الكم. يله مع السلامة. فتحت الباب ودخلت. أروى: دخلت. فهد صدك تحجي؟ مو حرّجت البنية وهي مبينة حالتها جداً ضعيفة.

فهد: دطبي وبلا حجي زايد. مالي خلكج أنتِ وهاي المستحية. *** فرح: شبيج ريم؟ أنا ما أكدر أسوي هيج. ريم: يحظي، كتلج فهد فرصة وتكونين غبية إذا ضيعتيها. نسيتي هو شكللج كال: إذا حملتي راح يخلي زواجكم دائمي. فرح: أنتِ كلتيها: إذا حملت. ريم: أي، هو أنا شداكول؟ غافلي وحملي. عندج أكثر من طريقة. أولها، تركي حبوب منع الحمل ولتاخذين. ومن يجيج فهد، غافلي وتممي ذيج الشغلة وشوفي إذا صار حمل وحجيه كليله قدر وصار وخلصت السالفة.

فرح: هاي السالفة تمشي على واحد غشيم ومدمغ مو على فهد الي يركز ويدقق على كلشي. لج الخاشوكة هاي الخاشوكة مياكل بيها إذا ميتأكد من نظافتها. تردين ميتأكد من كلشي قبل لا يتقرب لي؟ فهد فطن ويدقق بشكل مو طبيعي. فهالسالفة من المستحيل تمشي عليه. ريم: وتالي تبقين هيج؟ زين حاولي تخلي يحبج. أنتِ ماناقصج شي. وحتى زواجج الأول كان لفترة قصيرة وانفصلتي. فرح: آآآه، ولج سكتي. هو بقة شي ما سويته حتى أرضيه؟

أكشخ وأبدل وأركص وأبدع. مانكر إنو يعجبه هالشي، بس ما يحبني. ولج هو حتى مكان شغله ما أعرفه. ريم: لعد شتعرفين ولج؟ فرح: إحنا صار النه أربع أشهر من تزوجنه زواج مؤقت. أول ما التقينا فهد صارحني بالموضوع وأنا وافقت. وطبعاً الزواج أتمم. عدّت

ما تنفذت شروط فهد الي هي: أهلي ممنوع تسألين عنهم. حياتي الخاصة ممنوع تدخلين بيها. إذا لعبتي بذيلج أطلقج. تقصير من ناحيتج ممنوع. بكل وقت اجي لازم ألكاج جاهزة. أهم شي تعتنين بنظافتج. ريحة أكل وخبصة وهوسة ما أريد. تعتنين بملبسج. صوت عالي ما أريد. وها، أهم نقطة، موضوع الزواج الدائمي مينفتح كدامي. تخيلي إنه إذا خالفت واحد من الشروط راح أتهان. وماكو حاجة أكلج شهد إذا عصب شيسوي. ريم: يعني شيسوي؟ يضربج؟

فرح: لا لا، فهد أصلاً ضد موضوع الضرب. عمره ما رفع إيده على مرة أبد ولا رفع إيده عليّ. بس هو شنو؟ عنده حجايات يسممني سم بيهن. كلامه مؤذي بشكل. يكدر بدون ما يرفع إيده عليج بس يحاجيج بطريقة يبجيج. والله، سامعة الأذى النفسي. فهد يأذيج نفسياً مو جسدياً. بس طبعاً هاي إذا دستي له على طرف يسوي هيج. إذا متدخلين بي، ماكو أهدأ منه. ريم: الله يساعد كلبج. بس يمعودة، حجي جارح ولا ضرب.

فرح: الحجي بيناتنا. غير إذا ضربني يكسر لي عضم. أنتِ شايفته شضخم؟ كل إيد من إيديا ها كبرها ماشاء الله. ريم: شجابرج تبقين وياه؟ بس كلي لي. فرح: تنهدت. أحبه. ريم: حبتج كرادة (جرادة) على هالحب هذا. *** غنى: واكفة أخبز. طبعاً الآنسة نرجس أخابرها مترد. ما أعرف شبيها. اندكت الباب. طلعت فتحتها. شفت أروى وياها ثنين نسوان. أروى: سلام. غنى: ابتسمت. وعليكم السلام. تفضلوا. سلمت عليهم.

إيمان: أباوع لها. اللهم صل على محمد. شهالجمال. هله حبيبتي، شلونج؟ غنى: الحمد لله. أباوع، طلعت خالتي سحر. أهلاً وسهلاً عيوني، تفضلوا تفضلوا. إيمان: دخلنا. خليت هدية بسيطة مال واجب بباب الاستقبال ودخلنا. بيتهم بسيط بس حلو. سحر: شلونكم؟ إيمان: حبيبتي، أم شنو؟ سحر: أم حوراء. إيمان: يعني هاي الحلوة حوراء؟ سحر: لا، هاي بنتي الصغيرة غنى.

إيمان: ها، الله يحفظها. أعرفج على نفسي، أنا أم فهد، جيرانكم اللي بصفكم. هاي بنتي أروى. وهاي جنتنه آلاء. آلاء: شلونج خالة؟ أنا آلاء. مرت فيصل، ابن ضرة أم أروى الكبيرة. سحر: احم، أهلاً وسهلاً بيج حبيبتي. والله زحمناكم اليوم ويا بنتي. ما قصرتو. إيمان: لا، عليمن هالزحمة؟ الناس لبعضها وإحنا جيران وأهل، إن شاء الله. سحر: إن شاء الله. غنى: جبت مي ودخلت أنطيتهن. أباوع على أم أروى صافنة عليّ. إيمان: شلونج حبيبتي؟

غنى: الحمد لله خاله. أباوع، طلعت خالتي سحر. أهلاً وسهلاً عيوني، تفضلوا تفضلوا. إيمان: دخلنا. خليت هدية بسيطة مال واجب بباب الاستقبال ودخلنا. بيتهم بسيط بس حلو. سحر: شلونكم؟ إيمان: حبيبتي، أم شنو؟ سحر: أم حوراء. إيمان: يعني هاي الحلوة حوراء؟ سحر: لا، هاي بنتي الصغيرة غنى. إيمان: ها، الله يحفظها. أعرفج على نفسي، أنا أم فهد، جيرانكم اللي بصفكم. هاي بنتي أروى. وهاي جنتنه آلاء. آلاء: شلونج خالة؟

أنا آلاء. مرت فيصل، ابن ضرة أم أروى الكبيرة. سحر: احم، أهلاً وسهلاً بيج حبيبتي. والله زحمناكم اليوم ويا بنتي. ما قصرتو. إيمان: لا، عليمن هالزحمة؟ الناس لبعضها وإحنا جيران وأهل، إن شاء الله. سحر: إن شاء الله. غنى: جبت مي ودخلت أنطيتهن. أباوع على أم أروى صافنة عليّ. إيمان: شلونج حبيبتي؟

غنى: الحمد لله خاله. كعدن يسولفن ويه خالتي وخالتي. اندمجت وياهن بسرعة لأن حبابات. وأم أروى ماشاء الله شخصيتها كلش قوية وحتى طريقتها بالكلام لبقة، مبين أخو أروى طالع عليها. انتبهت على هاي اللي اسمها آلاء كل ساعة تذب بسمار على أم أروى. طبعاً أني أدري أبو أروى متزوج اثنين. اليوم سولفت لنا.

إيمان: أباوع لهالبنية. الله يحفظها، يمكن راح أضربها عين. فصختها تفصخ. بيضة بلكة وعيونها سود وكل عين هالكبرها. رغم لابسة نظارات بس من نزعتهن انتبهت عليها. معانيها حييل حلوة. خشمها صغير وحلكها صغير. وجها مدور وجسمها مرتب، لا ضعيفة عصة ولا سمينة، يعني صدق حلوة. هادئة وساكتة، صوتها ماسمعته. أحاجيها على كد السؤال تجاوب. مبينة خوش بنية لأن عجبت أروى بعد. الله يخليها لأهلها. ***

فهد: نايم بغرفتي واجتني مكالمة. أدري هالموبايل ميسكت. يعني كل ساعة دك. جاوبت. الوو. فرح: الوو حبيبي، شلونك؟ فهد: بهدوء. بخير. فرح: راح تجي اليوم؟ فهد: أي، بس مو هسه. فرح: ماشي، منتظرتك.

فهد: قفلت الجهاز ورجعت أفكر بأشياء مجهولة. دائمي ينسلب من عيني النوم بسبب التفكير. التفكير بالشغل وبالأهل وبالحياة وبهواي أشياء. التفكير دمرني نفسياً. أحاول أني أبطل أركز على كلشي بس ما أكدر. هالحالة ملازمتني من جنت مراهق ولليوم. كد ما شفت ضيم، كمت أشوف كل شي له سبب. محد يسوي لك شي إذا بالمقابل ميريد شي. هذا أخوك ميسلم عليك إذا ما ورا شي. مرات أحس دماغي راح ينفجر من التفكير والتحليل. ممكن البعض يشوفوني شخص معقد أو

مكروه أو شايف نفسي. بالمختصر، الأغلبية يشوفوني شخص سيء. وللأسف الناس تعتمد على موقف واحد وتفسره من بالها. محد يفكر إنو الكدامه ليش صار شي أو ليش يتصرف بهالطريقة. ممكن يكون متعرض لموقف خلاه هيج، أو ممكن مالك الي ينصحه فصار هيج. لو بأيدي أسوي غسيل دماغ لمجتمعنا كله.

محسن: ها؟ سلام. فهد: باوعت له. أنتوا وتالي وياكم؟ جم مرة كلت دكوا الباب قبل لا تدخلون. افرض جنت جاي تبدل وأنت سويت مداهمة عليّ؟ شسوي أنا؟ محسن: هسه ديله. الي يسمعك يكول عندك شي خارق للطبيعة. أشوو العندك عدنا. لتكعد تدور أدب برأسنه. وإذا شفناك جاي تبدل. شنو الي عندك ماموجود بالبشرية يعني؟ فهد: كمت. تره أنعل والديك. احترم نفسك حيوان. محسن: هاي على أبوي؟ فهد: تنهدت. أنت شعندك جاي لهنا؟ مو عندك مرة متولي يمها؟

محسن: تعاركنه وعفتلها البيت واجيت يمك ابن عمي العزيز. فهد: وأنا شنو؟ مخلفك وناسك؟ محسن: أكلك، اكعد. أنا ضايج وطالعة روحي. خلي نكعد نسولف. أوكف، خلي أخابر حارث حتى تكمل الكعدة. فهد: خليت إيدي على راسي. طارت النومة من عيني. احتركت أباهاتكم. *** إيمان: كمت يله عيوني. من رخصتج. سحر: بعد وكت. إيمان: لا، هم ياله. أمانة أم حوراء، أي شي تحتاجين لا يردج غير لسانج. اعتبرينا أهلج. أي شي تردين إحنا موجودين والولد بخدمتج.

سحر: حبيبتي تسلمين. ربي يحفظكم ويخليج الولد. إيمان: حبيبتي. يله يمه تعالن. مع السلامة غنى. غنى: ابتسمت. الله وياج خاله. أباوعلهم طلعوا. سحر: شفتي نونه شلون ربج ميكطع بعباده؟ شفتي شلون طلعوا جيران وردة؟ ذولة خو أم فهد درة مال الله. غنى: أي، كلش حبابة. دخلنا. خالتي راحت كعدت على التلفزيون. وأنا صعدت لغرفتي. توضيت وكعدت أقرأ قرآن. والي صار ملجئي وأماني هالفترة. *** فرح: افف، وين صار فهد؟

كال راح اجي بالليل. صارت بالتسعة وهو لسه ما إجه. سمعت صوت الجرس. عدلت شعري ونزلت ركض. فتحت الباب. شفته كالعادة. بطلت التاخذ عقلي. حضنته. حبيبي، شلونك؟ فهد: أباوع لها كاشخة ومحضرة نفسها. الحمد لله. أنتِ شلونج؟ فرح: تمام. لزمت إيده ودخلت. فهد: كعدت. ها؟ شو مجهزة نفسج؟ شنو مستعجلة؟ فرح: حضنت ركبته. ليش؟ أنا بأي يوم ما جنت جاهزة لج؟ فهد: همست. الي يعجبني بيج إنّج دائماً جاهزة. فرح: تقربت منه. وأنت تحب هالشي يعني؟

فهد: شتكولين أنتِ؟ فرح: فتحت قميصه. ما عندي شك إنو أنا أسحرك. نزعته القميص. بست صدره. شلونه مزاجك اليوم؟ فهد: خربان. فرح: دفعته بخفة على الجرباية. لعد خلي أحسنه لك. فهد: ابتسمت. نشوف. بعد مرور ساعتين. فرح: نايمة بحضنه. أباوع له مغمض عيونه ويدخن. هالفترة، تحسنت علاقتي بفهد. لاحظت نفسي من سديت موضوع الزواج الدائمي وكمت ما أعكر مزاجه. رجع مثل الأول وياي. جريت الجكارة منه. أخذت نفس منها.

فهد: خزرتها. شهالتصرفات السخيفة هاي؟ فرح: قربتها منه. تفضل. ردت آخذ نفس. صار فترة ما مدخنة. فهد: خليها الج. طلعت غيرها. فرح: شنو؟ تقرف مني؟ فهد: مو قصة أقرف. ما أحب أدخن ويا أحد من نفس الجكارة، وحتى النركيلة ما أشاركها ويا أحد. لا هي ولا الخاشوكة. شنو؟ ستوج تعرفيني؟ فرح: كل مابيك جاي تفاجئني بتصرفاتك. فهد: انتظري الأقوى. راح أفاجئج أكثر. رجعت أكمل الجكارة بهدوء. *** صباحاً. غنى: كاعدة أتريك أنا وخالة.

سحر: هاج حبيبتي. غنى: شنو هذا؟ سحر: مصرف غير. غنى: بست إيدها. عندي خاله، ممحتاجة. وبعدين أنا ما أحب آكل بالنادي. فإذا عندي فلوس، ام ما عندي، ما تفرق. سحر: ليش يمه؟ خلي الفلوس عندج. يجوز تشتهيلج حاجة. تحبين تعزمين زميلاتك. غنى: لتخافين، كتلج عندي. وبالنسبة للفلوس، فعفية سوي لي بيهن كنافة وأريد حلاتها خفيفة. سحر: بس من عيوني الثنين. جم غنى عندي أنا؟ غنى: سمعت الباب يندك. كمت بستها. يله أنا أروح. ادعي لي.

سحر: الله وياج، ربي يوفقج ويحفظج. غنى: طلعت. شفت أروى. صباح الخير. أروى: صباح الورد. يله تعالي. غنى: صعدنا بالسيارة. شفت هذا اسمه فهد. وجهه ميكصه الطبر. ولو أنا شعليه، خطية يجوز شغله صعب وهو مبين عليه عسكري. صباح الخير. فهد: بهدوء. صباح النور. أروى: عفيه فهد، وكفني يم المكتبة أريد جم شغلة. فهد: وين جنتي البارحة؟ ستوج تذكرتي؟ أروى: نسيت والله. فهد: طلعت للمكتبة. شتردين؟ أنا أجيب لج.

أروى: لا عفية، أنا أريد أنزل. أنت متخليني أشتري براحتي. فهد: شلون تنزلين وحدج؟ وكلها زلم. كلي لي وأنا أجيب لج كل شي. أروى: لا، هاي المكتبة تشتغل بيها بنية دائماً اجي أشتري منها. فهد: يله نزلي، عندج عشر دقايق. مو تتاخرين. أروى: لا ما أتأخر. فهد: لحظة. هاج فلوس. أروى: عندي. فهد: ميخالف.

غنى: شكد حلو. شلون يخاف على أخته. آآه ياحبيبي يامروان، شيصير لو أنت عايش هسه وتداريني من تكبر هيج. أباوع لفهد طلع جكارة وكعد يدخن. اختنكت. خاصة الجام مسدود وأنا كاعدة وره، فالدخان يرجع عليّ. كمت أكح. فهد: أطفيها؟ غنى: احم احم، لا براحتك. بس عادي افتح الجام. فهد: اكو أحد لازمج؟ فتحيها. غنى: شهالفضاضة يا إلهي. فتحت الجام وأخذت هوى. فهد: شيصير منج الحجي، أبو كامل؟ غنى: جدي أبو أمي. فهد: ها.

غنى: ضل ساكت. أسئلته غريبة وأجوبته أغرب. كلامه مختصر جداً. مدري ليش أخاف منه. شكد ما هو هادئ بس أنا أحسه عصبي شوية. واجت أروى. وطلعنا. وصلنه للكلية. نزلنه. ويه نزلة نرجس. جعفر: خزرتها. تقربت منها. منو هذا؟ غنى: احم، شلونك استاذ. جعفر: زين. نرجس: عيني على فهد. هلو أروى حبيبتي، شلونج؟ أروى: تمام. جعفر: ما كتيلي غنى، منو هذا؟ وأشرت عليه. فهد: باوعت ورايه. وياي. جعفر: أي، منو أنت؟

فهد: بهدوء. مامجبور أجاوبك. وبعدين أعرف شلون تنتقي ألفاظك. أنت بحرم جامعي. يله أروى، أنا رايح. مع السلامة. حركت سيارتي ومشيت. جعفر: عندج خمس دقايق وتلحقيني فوراً. غنى: ليش؟ جعفر: غنى، رجاءاً. عناد ما أريد. لحقيني بسرعة. غنى: باوعت لنرجس. شكو؟ نرجس: روحي شوفي شيريد. غنى: لحقته للمكتب. أول مادخلت ما حسيت روحي غير انجريت. هاااايييييي! شبييييك؟