رواية تحت امر الحب الفصل السادس والثلاثون بقلم شيماء صبحي

في صباح يوم جديد، صحيت كوثر بدري كعادتها ونزلت لتحت. كان الخدم يجهزون الفطار على السفرة. بصت حواليها ولم تجد أحدًا نزل بعد، فقربت من إحدى الخدم وقالت: "هوا محدش نزل؟ البنت ردت عليها وقالت: "لا يا هانم، لسا بدري على نزولهم، ولاكن إحنا بنجهز بس السفرة وقبل ما ينزلوا بنحط الأكل." كوثر هزت رأسها وقالت: "طيب أعمليلي قهوة سادة؟ البنت هزت رأسها وقالت: "حاضر يا هانم."

كوثر فضلت تبص على تفاصيل القصر بإعجاب، وبعدها قربت من الصالون وقعدت. بعد نصف ساعة، صحيت ملوك وقامت تجهز عشان تنزل تحت. بعدها زين صحي وبدأ يجهز، والاتنين خرجوا في نفس الوقت. زين بصلها بابتسامة وقال: "صباح الخير." ملوك بصت في الأرض بخجل وقالت: "صباح النور." زين قرب منها وقال: "خلاص إحنا بقينا مخطوبين، يعني ملوش لازمة الكسوف دا؟ ملوك رفعت عينيها له وقالت: "أنا هنزل عشان لو حد شافني معاك ممكن تحصل مشكلة."

زين بصلها بصدمة، وقبل ما تمشي مسكها. زين بصلها وقال: "استني بس، انتي خايفة ليه؟ وبعدين مشكلة إيه اللي هتحصل؟ انتي بقيتي خطيبتي خلاص، انتي ناسيه إننا قرينا الفاتحة؟ ملوك بصت لإيديه وبعدتها بسرعة وقالت: "أنا عارفة إنك خطيبي، بس انت عارف عاداتنا، مينفعش أكون معاك لوحدنا. وبعدين لو على مسك إيدي، لما نتجوز ابق اعمل اللي انت عايزة." بصتله بصة أخيرة وقالت: "أنا هنزل، زمان أمي صحيت ومستناني تحت."

زين فضل واقف مكانه ومصدوم من كلامها، ولكن بعد ما فكر فيه كويس اكتشف إن عندها حق، فابتسم ابتسامة خفيفة ونزل وراها. خرجت دنيا ورشاد من أوضتهم، وقبل ما ينزلوا على السلم دنيا قالت: "شكل ماما وجميلة لسا نايمين، انزل انت وأنا هروح أصحيهم." رشاد هز رأسه بالموافقة ونزل، وهيا اتحركت لأوضة مامتها وجميلة، وخبطت على الباب بهدوء واستنت الرد. ولما محدش رد عليها، فتحت الباب ودخلت. كانت مامتها نايمة وجميلة في حضنها.

فقربت من مامتها وقالت: "ماما جميلة، اصحوا يلا عشان الفطار." مامتها فتحت عينيها وقالت: "حاضر يا حبيبتي." دنيا بصت لجميلة لقيتها لسا نايمة، فقربت منها وقالت: "جميلة يلا اصحي يا حبيبتي." جميلة حرّكت رأسها بنوم وقالت: "لا، عاوزة أنام كمان شوية." دنيا ابتسمت وقربت شالتها وقالت: "لا لازم تصحي عشان تفطري." جميلة نامت على كتفها، ودنيا اتحركت للحمام وشغلت الماية. أول ما جميلة سمعت صوت الماية فتحت عينيها بسرعة وقالت:

"لا مش عاوزة أغسل وشي." دنيا ضحكت عليها ومدت إيديها بللتها بشوية ماية وقربت من وشها ومسحت عليها بالراحة، وكررت الحركة دي أكتر من مرة عشان تتأكد إنها فاقت. دنيا بصت لوشها لقتها فاتحة عينيها وضامة حواجبها بزعل، فضحكت على شكلها وقالت: "صباح الفل يا حبيبتي." جميلة بصتلها وقالت بزعل: "ليه صحتيني يا ماما؟ أنا كنت عاوزة أنام." دنيا خرجت من الحمام وهيا لسا شايلها وقالت: "عشان كفايا نوم، الشمس طلعت خلاص."

مامتها قربت منها وقالت: "هاتيها يا حبيبتي، أنا هغيرلها هدومها وانتي انزلي." دنيا هزت رأسها بالموافقة وطبعت قبلة على خد جميلة وقالت: "ماشي يا حبيبتي، بس متتأخروش." مامتها هزت رأسها وأخدت جميلة منها، وبعدها دنيا خرجت من أوضتهم وقفلت وراها الباب. في أوضة داليدا، كانت صحيت وقالت: "مش هتقوم عشان ننزل؟ عمار هز رأسه بنوم وقال: "امممم، قايم أهو." داليدا قامت من على السرير، وقبل ما تتحرك لقته بيشدها تاني وبينيمها جنبه وبيقول:

"الجميل ماله زعلان ليه على الصبح كده؟ داليدا بصتله باستغراب وقالت: "وهو أنا زعلانة؟ عمار هز رأسه، وهيا بصتله وقالت: "لا والله، بس أنا حلمت بيك بتت”حرش بيا، فعلشان كده مش طايقاك." عمار فتح عينيه من الصدمة وقال: "يا لهوي! بعمل إيه؟ دي كارثة! أوعي تسكتي وتسيبي حقك." داليدا ابتسمت على كلامه وقالت: "طيب مين هيجيبلي حقي بق؟ عمار قال وهو بيشاور على نفسه: "جوزك طبعًا." داليدا هزت رأسها وقالت: "طيب جوزي برضوا عمل زيه؟

عمار غمض عينيه وفتحها ورجع بصّ لها وقال: "يعني عاوزة حقك من مين فيهم طيب؟ داليدا شاورت عليه وقالت: "منك انت." عمار قرب منها، ولسا هيبو”سها، قامت جريت من قدامه بسرعة. بص عليها وقال بضحكة: "شكلنا هنعمل رياضة على الصبح؟ قام جري وراها، وهيا قفلت الباب عليها بسرعة وضحكت بصوت عالي وقالت: "عاوز إيه؟ عمار: "افتحي الباب! داليدا برفض: "لا مش هفتح، انت أصلاً متح”رش؟ عمار ضحك على كلامها وقال: "انتي شكلك ناسيه إني أبقى جوزك."

داليدا ردت: "بس انت معملتليش فرح، أنا ملبستش فستان؟ عمار وقف عند كلامها وفكر، وبعدها رد وقال: "يعني عشان تعامليني كزوجة عاوزة فرح وتلبسي فستان؟ داليدا هزت رأسها وقالت: "أيوا طبعًا، وبعدين دا حلم كل بنت، ودا حقي." عمار هز رأسه وقال: "طيب افتحي خلينا نتفق." داليدا هزت رأسها وقالت: "طيب أنا هفتح، بس لو عملت أي حركة كدة ولا كده هبلغ البوليس." عمار هز رأسه وقال: "متقلقيش وافتحي."

داليدا كانت مترددة تفتح الباب، ولكنها أخدت القرار بسرعة وفتحت له الباب وقالت: "ها، إيه رأيك في كلامي؟ عمار قرب منها وقال: "دا كلام جميل وأنا بحترمه، وبصراحة أنا كمان نفسي أشوفك طالة بالفستان الأبيض." داليدا خجلت من كلامه وقالت: "يعني انت بجد هتعملي فرح؟ عمار بصلها بحب وقال: "أحلى فرح في الدنيا، انتي تستاهلي كل حاجة حلوة يا داليدا." داليدا عيونها دمعت بفرحة وقربت منه حضنته بحب وقالت:

"ربنا يخليك ليا يا عمار، أنا بحبك أوي." عمار ضمها جامد ليه وقال: "ويخليكي ليا يا حبيبة قلبي، بس خليكي في حضني شره." داليدا ضحكت وبعدت عنه وقالت: "أنا اتحمست جداً للموضوع." عمار بصلها وضحك وقال: "حابة نعمل الفرح امتى بقى؟ داليدا قلبها دق بفرحة وقالت: "مش عارفة، بس أكيد هحتاج وقت عشان الفستان والميكب وكمان القاعة اللي هنعمل فيها و... عمار قاطعها وقال:

"سيبي كل الحاجات دي، أمرها سهل وممكن تخلص في يوم. أنا بسألك مستعدة امتى؟ داليدا أخدت نفسها وغمضت عينيها وقالت: "إحنا في نص الشهر، ممكن نعمله آخر الشهر؟ عمار هز رأسه بالموافقة وقرب من جبينها وطبع قبلة وقال: "اللي تشوفيه يا داليدا، أنا هعمله، أهم حاجة تكوني فرحانة." داليدا ابتسمت بفرحة وبصتله وقالت: "أنا مبسوطة أوي." عمار ضمها ليه وقال: "ودا اللي أنا عاوزه، عاوزك تكوني دايما مبسوطة." نزلت دنيا وقربت

من الصالون وقالت بابتسامة: "صباح الخير." كل اللي قاعدين ردوا عليها بابتسامة وقالوا: "صباح النور." دنيا قربت من رشاد وقالت: "النهاردة يوم جميل وأنا مبسوطة باللمة دي." رشاد ابتسم وبص لخالته وملوك وزين وقال: "فعلاً، أنا بقيت حاسس إني في وسط أهلي بجد." دنيا طبطبت على إيديه وابتسمت، وهوا قرب من خدها ومسكه بلطف. وأول ما عينيه جت في عين زين، لقاه باصصله ورفع حاجبه. رشاد قال بتساؤل: "في حاجة؟

زين بعد عينه وبص لملوك اللي قاعدة وماسكة في أمها ولا كأنها هتهرب، فابتسم لها ورجع بص قدامه تاني وكشر. بعد وقت، نزلت مامت دنيا وجميلة وسلموا على كل اللي موجودين. وبعدها داليدا وعمار نزلوا. وأول ما الخدم لقوا إن كلهم صحوا، قربت كبيرة الخدم من عمار وقالت: "نجهز السفرة يا عمار باشا؟ عمار بصلها وبص لكل اللي قاعدين وقال: "تمام." البنت مشيت وشاورت للخدم يجهزوا السفرة بسرعة، وبعدها دخلت للمطبخ.

عمار قعد وجنبه داليدا، وهو بيبص على زين لقاه زعلان وعينيه على ملوك اللي قاعدة جنب مامتها وماسكة إيديها. فاتكلم عمار بتساؤل وقال: "انتي مش قاعدة جنب خطيبك ليه يا ملوك؟ ملوك انتبهت ليه وقالت: "ها؟ عمار بصلها وهز رأسه وقال: "بقول مش قاعدة جنب خطيبك ليه؟ ملوك وشها احمر من الخجل وبصت لزين اللي فجأة ملامحه اتحولت للفرحة وقالت: "أصل... عمار ابتسم وقال: "عادي يا ملوك، اقعدي جنبه، وبعدين كلها كام يوم وهتكوني مراته، متخافيش."

ملوك بصت لمامتها واللي هزتلها رأسها بالموافقة وكانت مبتسمة. ملوك بصت لزين وبعدها وقفت وقربت منه وقعدت جنبه، وهو بص لعمار بصة كلها امتنان وشكر وابتسم. وبعدها بصلها وقال: "كان لازم تاخدي الإذن يعني عشان تقعدي جنبي؟ ملوك بلعت ريقها من الكسوف وبعدها سكتت. بعد دقايق، السفرة كانت جهزت والكل قام عشان يفطر. وبعد ما فطروا، قاموا وقعدوا تاني في الصالون. عمار بص لخالته وقال:

"أنا شايف إنك تفضلي هنا يا خالتي، أظن وجودك في الصعيد لوحدك مش هيبقي حلو." كوثر هزت رأسها وقالت: "عندك حق، أنا كنت بفكر في كده امبارح." عمار ابتسم وقال: "البيت بيتك يا خالتي، ولو الأوضة اللي قاعدة فيها مش مريحة، ممكن الخدم يجهزوا لك أوضة أكبر." كوثر هزت رأسها بالرفض وقالت: "لا يا حبيبي، أنا مرتاحة فيها، بس أنا هروح الصعيد الأول أظبط أموري وبعدها هرجع تاني. بس عاوزين نتكلم في جواز ملوك وزين الأول." عمار

هز رأسه وبص لزين وقال: "انت بتقول إن عندك فيلتك وجاهزة، فإيه رأيك لو الفرح بقى آخر الشهر دا هيكون مناسب ليك ولا إيه؟ زين بص لملوك وقال: "أنا بالنسبالي مناسب، ولاكن ملوك بقى مش عارف." عمار بص لملوك وقال: "إيه رأيك يا ملوك في الميعاد دا؟ مستعدة ليه؟ ملوك بصتله وقالت: "أيوا، مناسب." عمار هز رأسه وقال: "على بركة الله." زين ابتسم وملوك ابتسمت. ووقف عمار وقرب من أخوه وقال: "بقولك إيه، داليدا عاوزة يتعملها فرح وأنا وافقت."

رشاد بصله وقال بصدمة: "دنيا برضوا عاوزة يتعملها فرح عشان برضوا إحنا دخلنا من غير ما نعمل." عمار هز رأسه وقال: "دول شكلهم متفقين." رشاد بص لداليدا وعمار بص لدنيا اللي بصين عليهم ومركزين. فـ رجعوا بصوا لبعض تاني وعمار قال: "إيه رأيك بدل ما يكون فرح واحد، نخليهم تلاتة؟ رشاد عجبتُه الفكرة فهز رأسه وقال: "فكرة كويسة، بس لازم تعرفهم الأول." عمار هز رأسه ورجع تاني قعد جنب داليدا، وهيا قالت بتساؤل: "كنتوا بتتفقوا على إيه؟

عمار بصلها وقال: "دقايق وهتعرفي." داليدا بصتله وضمت عينيها بتفكير، وبعدها بصت لدنيا ولقت نظراتها ليها بتدل على علامة استفهام هيا كمان. عمار بص للكل وقال: "بصوا يا جماعة عشان تفهموا إيه اللي هيحصل: فرح زين وملوك مش هيكون فيه عروسة واحدة." الكل بصله بانتباه وهو كمل وقال: "أنا ورشاد هنعمل فرحنا معاهم." الكل سكت، ولكن دنيا وداليدا بصوا لبعض وابتسموا بفرحة. عمار وقف وقال:

"يعني كل اللي طالبُه منكم لحد آخر الشهر دا تجهزوا نفسكم، شوفوا إيه اللي ناقصكم وهاتوه." دنيا وقفت وقربت من داليدا وقالت: "إيه رأيك ننزل نشتري فساتين مع بعض؟ داليدا بصت لملوك وقالت: "موافقة. وهناخد ملوك معانا؟ ملوك بصت لهم وابتسمت، وهما قربوا منها وقالوا: "يبقى اتفقنا." عمار بص لأخوه وابتسم، وبعدها الاتنين قربوا من زين وشَدُّوه وقفوه وقالوا: "وإحنا هنجيب البدل مع بعض؟ زين بلع ريقه وقال: "بس أنا عاوز...

عمار ورشاد بصلوه بغضب، وهو هز رأسه وقال: "موافق." رشاد بص لأخوه وضحك، وزين لما لقاهم بيضحكوا ضحك معاهم. والبنات كانوا واقفين وراهم وبيهمسوا بفرحة. ومن الوقت دا ابتدت الزغاريد كل يوم تملي القصر لحد ما جه يوم الفرح، وكان هيتعمل في القصر. أكبر شركة تنظيم حفلات كانت هيا اللي مسؤولة عن تنظيم الجنينة وتحويلها لقاعة مخصصة لوجود ثلاث عرايس.

المعازيم بدأت تحضر، وكان الجو مختلف عن أي فرح شافوه قبل كده، فكانت الدهشة والإعجاب على وجوههم. وبعد ما الأسئلة زادت عن (فين العريس والعروسة؟ ، خرج من بوابة القصر أول كابل، وكانوا (زين وملوك) . كان زين لابس بدلة سوداء، وملوك فستان أبيض وعليه حجاب، وكانت عاملة ميكب سمبل بارز جمالها الهادي والمميز. أول ما شافوهم المعازيم سقفوا بإعجاب، وكانت البنات بتبص على العروسة وهما معجبين بجمالها الهادي والمميز.

وبعد ما زين وملوك قعدوا، دخلوا الكابل الثاني. وكانوا (رشاد ودنيا) ، وكان رشاد لابس بدلة رمادية واللي لايقة جدًا مع لون عيونه الرمادية، وكان شكله مختلف لدرجة إن نص المعازيم كانوا مش مصدقين إنه رشاد. دنيا كانت لابسة فستان سمبل جدًا ولايق على شكل جسمها المتناسق، وكان الميكب بتاعها سمبل، ولكن العيون كانت واضحة وجمالها كان مميز عن باقي البنات.

وبعد ما وصلوا لمقعدهم، ظهروا الكابل الثالث، واللي أول ما دخلوا الكل أبدى إعجابهم الشديد ليهم لأنهم مختلفين تمامًا عن الباقي. داليدا كانت لابسة فستان أبيض بأكمام طويلة، ولكن مفتوح من الجنب فتحة صغيرة، وكانت سايبة شعرها على ضهرها ولابسة تاج كان لايق مع شكل تسريحة شعرها. وعمار كان لابس بدلة سوداء تقليدية، ولكن بوسامته الشديدة جعله أجمل من يرتدي البدل السوداء.

وصلوا للمقعد بتاعهم، وبعدها وصل المأذون عشان يكتب كتاب زين وملوك. وكان عمار وكيلها. مجهز طاولة وثلاث كراسي. قعد المأذون وجنبه عمار، وفي الجنب التاني دين. بدأ المأذون يكتب الكتاب، وملوك واقفة جنب داليدا وماسكة إيديها وفرحانة. وأول ما المأذون انتهى وبارك ليهم، قرب زين منها وحضنها بفرحة وشالها لف بيها. وبعدها قرب من عمار حضنه وقال: "متقلقش عليها، دي في عيني والله." عمار ابتسم وقال: "وأنا واثق فيك يا زين." زين ابتسم وقرب

من أخته حضنها وقال بفرحة: "مبروك يا داليدا." داليدا ضحكت وقالت: "وانت مبروك يا حبيبي." زين ضحك، وبعدها سلم على رشاد وحضنه، وسلم على دنيا بالإيد، ورجع تاني وقف جنب ملوك. وبدأت الأغاني تشتغل والمعازيم وقفوا عشان يرقصوا مع العريسين. كانوا قاعدين في ركن بعيد وبييبصوا عليهم بفرحة، حسناء اخت ملوك وجوزها وبناتها الاتنين. كانت داخلة كوثر مع والدة دنيا، وهيا معدية خبطت في طفلة صغيرة جرت فجأة قدامها. كوثر بصتلها وقالت بخضة:

"على مهلك يا حبيبتي." حسناء وقفت لما انتبهت إن بنتها اختفت من جنبها، فا أول ما رفعت عينها عشان تشوف الست اللي شايلها، قالت بصدمة: "ماما؟ كوثر ما أخدتش بالها، ولكن لما حسناء قربت عليهم، قالت بدهشة وهي مش مصدقة عينيها: "حسناء؟ حسناء من صدمتها مكنتش عارفة تقول إيه، بس قربت من بنتها وقالت: "انتي كويسة يا حبيبتي." كوثر بصت للبنت بصدمة وقالت: "دي بنتك؟ حسناء بلعت ريقها وبصت لمامتها وقالت: "أيوا."

جوز حسناء وقف لما انتبه إنها اتأخرت، فا أول مشافها واقفة مع واحدة ست قرب منها وقال بتساؤل: "في مشكلة ولا إيه يا حسناء؟ حسناء بصتله وقالت: "لا يا علي، بس البنت كانت مع... قالت الكلمة وسكتت. فـ كوثر بصتلها وقالت: "دا جوزك؟ حسناء بصت لعلي وهزت رأسها وقالت: "أيوا يا ماما." علي بص على كوثر وقال بصدمة: "أنتي بجد والدتها؟ كوثر هزت رأسها. وعلي أول ما اتأكد ابتسم وقال: "اتشرفت جدًا بيكي."

حسناء بصت لمامتها وابتسمت، وبعدها قربت من بنتها التانية وشالتها وقالت: "دي كوثر بنتي الكبيرة،" وشاورت على بنتها اللي خبطت في كوثر وقالت: "ودي ملوك بنتي الصغيرة." مامت دنيا كانت قاعدة هيا وجميلة من بدري، ولما بصوا على مؤثر وشافوها بتتكلم مع ناس، خمّنت إنهم قرايبها، فاستنتها لما تخلص معاهم وتيجي براحتها. كوثر ابتسمت أول ما شافت أحفادها، فـ قربت من بنتها وحضنتها وقالت: "كنتي فين كل دا يا بنتي؟ حسناء عيونها

دمعت وضمتها أكتر وقالت: "سامحيني يا ماما." كوثر بعدت عنها وقالت: "أنا سامحتك من زمان، بس انتي اللي مرجعتيش." حسناء: "أنا آسفة يا ماما." كوثر ضمتها تاني وقالت: "وحشتيني أوي أوي." حسناء طبطبت على ضهرها بحب وقالت: "وانتي كمان يا ماما." علي كان باصص عليهم ومبتسم، فشال ملوك بحب وقال: "سلمي على تيتا يا ملوك." كوثر بعدت عن حسناء وبصت لأحفادها بفرحة وقالت: "دول شبهك أوي." حسناء هزت رأسها بابتسامة وقالت:

"أيوا، بس كوثر كلها انتي يا ماما." كوثر بصت على مؤثر الصغيرة وشافت فعلاً الشبه الكبير اللي بينهم، فقربت منها وشالتها بحب وطبعت قبلة على خدها وقالت: "ربنا يحفظهم ليكي من كل شر." حسناء ابتسمت وقالت: "خلينا نقعد يا ماما بدل ما إحنا واقفين." كوثر هزت رأسها ورجعوا كلهم قعدوا. وأول ما حسناء عينيها جت في عين والدتها تاني، دموعها اتجمعت في عينيها وكانت على وشك العياط.

علي وقف واستأذن منهم إنه هيروح يسلم على عمار ورشاد، وهيا بصتله بابتسامة وهزت رأسها. وأول ما مشي وسابهم، كوثر بصت لبنتها وقالت بتساؤل: "هو دا اللي هربتي معاه؟ كوثر هزت رأسها بالرفض وقالت: "لا، أنا مشيت لوحدي لأني اللي اتجوزته عرفي رفض يعترف بجوازنا، فـ دا اللي عمار جوّزهولي." كوثر بصت لها بصدمة وقالت: "عمار؟ حسناء هزت رأسها وقالت:

"أنا لما هربت روحت للقصر عند عمار وعرفته كل اللي حصل، وهو قعدني عنده سنتين لحد ما أبويا مات. ووقتها طلب من واحد من رجّالته اللي هو علي إنه يتجوزني لفترة مؤقتة. وبعد ما اتجوزت علي، حملت منه على طول. وبعدها بفترة اكتشفت إني حبيته جدًا وهو حبني وقررنا نكمل حياتنا مع بعض وننسى اللي فات." كوثر عيونها دمعت وقالت: "يعني عمار عارف مكانك من وقتها مخبي عليا؟ حسناء:

"متظلميهوش يا ماما، أنا اللي طلبت منه يعمل كده عشان عارفة إنك مش هتسامحيني." كوثر غمضت عينيها بتعب وسكتت. حسناء قربت منها بقلق وقالت: "ماما انتي كويسة؟ كوثر فتحت عينيها وقالت: "كويسة." حسناء هزت رأسها وقالت: "خلينا ننسى اللي فات ونبدأ حياة جديدة. عمار أصلاً كان هيعرفك كل الحقيقة بس بعد ما الفرح يخلص. بس خلاص انتي عرفتي مني كل حاجة، فعلشان خاطري سامحيني وسامحيه وخلينا نبدأ حياة جديدة وننسى كل اللي فات."

كوثر بصت لعمار اللي كان فرحان بحزن، وبعدها بصت لحسناء وهزت رأسها. حسناء ابتسمت وحضنتها وقالت: "خلينا نروح نسلم على ملوك." كوثر مسكتها وقالت: "مدام كنتوا هتعرفوني أنا وملوك بعد الفرح، يبقى تستني لما الفرح يخلص." حسناء هزت رأسها بالموافقة. وكوثر قامت من جنبها وقربت من أم دنيا وقعدت جمبها من غير ولا كلمة، ومامت دنيا بصتلها وقالت: "انتي كويسة يا حبيبتي؟ كوثر هزت رأسها بالموافقة وقالت: "أيوا."

الفرح خلص بعد ساعتين والمعازيم ملّت والتزمت، فدخلوا كلهم للقصر. وأول ما كل واحد مسك إيد مراته وطالع أوضته، صوت كوثر وقفهم لما قالت بصوت عالي مليان غضب: "عمار؟ عمار لف لها باستغراب والكل انتبه لصوتها ولفوا لها. كوثر قربت من عمار ومسكته من لياقة قميصه وقالت بغضب: "انت إزاي تخبي عليا إنك عارف مكانها كل السنين دي؟ عمار بلع ريقه وقال: "خالتي ممكن تهدي؟ كوثر بصدمة: "أهدي إزاي؟ انت شايفني مجنونة؟ " وبشد في شعرها.

عمار نزل إيدها وقال: "أنا مش قصدي كده يا خالتي، بس أنا عملت كده عشان... كوثر ضربته بالقلم، وكان الكل مستغرب اللي عمار عملته، فا انطلقت داليدا صرخة بتدل على صدمتها. ولكن كوثر كملت كلامها وهي متجاهلة لصدمتهم، وقالت بغضب: "عشان انت خاين يا عمار، وأنا وثقت فيك، ولكن ضيعت ثقتي كلها في الأرض. انت كذاب يا عمار."