رواية ذيب الغربية الفصل العشرون 20 - بقلم طيبة وليد

حال شاهين: أحبك مو لأن انت حلو.. لا لأن روحي التقت گبلي والگ بيك. إذا انت تمر ؏ أعمى يصيح الله، ولأخرس لون حاجيته يحاجيك. لمار: گعدت وأني على الحرباية. اكو خاولي منگع على گصتي. جسمي أحس يطلع منه جمر. روحي تتگطع تگطع من الوجع. ينهش بعظامي نهش. ما سيطرت وبچيت بصوت عالي. على أثر صوتي دخل عمار. باوع عليه بنظرة قهر. گنّبص يم أيدي النازلة من الجرباية وباسها وحچى:

عمار: آسف إني لمار. آسف حقچ عليّ. والله جانت لحظة عصبية مو أكثر. ما جاوبت واستمريت أبچي بصوت عالي من الوجع. ما مهتمة بس للوجع. گمت أصيح بصوت عالي: لمار: آخخخخخخخخخخخخخ بطنييييييييييييييييييي تووووووووووجعنــــييييييييييييييييييييييييييييي! صرختها من كل گلبي من الوجع. فز هو وطلع من الغرفة. وأني استمريت بالصياح والبچي. ما عندي حل ثاني أساساً. روحي طلعت. مرت فترة قليلة ودخل عمار وياه بنية. شافته تصيح وتحچي.

فتحت عيونها وحچت: البنية: شصاير بيها؟ جاوبها بلا نفس: عمار: استغلّي بدون كلام. هزت راسها وتقدمت. شافت حرارتي وحطت جهاز على گصتي تقيس الحرارة. هزت راسها ما راضية وطلعت أدوات من الجنطة. جابت جهاز چگت إصبعي وأخذت عينة دم. رجعت جابت جهاز ضغط وقاست ضغطي. باوعت على عمار وهزت راسها ما راضية: البنية: ضغطها هابط. سگرها هابط. حرارتها 40. وإيديها مورمة. ليش هيج؟ عمار: گتلچ اشتغلي وأنتي ساگتة.

فعلاً إجت. حطتلي كانيولا وحطتلي مغذي وضربت بي إبرة ورجعت ضربت بالكانولا. باوعت على عمار وحچت: البنية: تگدر تطلع بره؟ رفع حاجبه باستهزاء وحچى: عمار: ليش حتى تستفردين بيها؟ ردت بصدمة: البنية: ترا إني بنية مثلها! عمار: هو شطيح حظنا غير البنات. ليش اطلع؟ البنية: أريد أحط دهن لجسمها. عمار: إني زوجها! البنية: وإني گنت زوجها. هذا عملي ومراح أأدي براحتي إذا بقيت. إني أترخص.

خزرها وطلع وطبگ الباب بقوة. نزيت وهي باوعتلي بأسف. نزعتني التيشيرت وشافت گدمات الحزام والچويات مال الچگاير. فتحت عيونها مصدومة. انگلبت ملامحها للحزن. جابت دهن وبلشت تدهن وأني روحي طلعت من الألم. لمار: حبابة يوجع. كافي. البنية: يا عيني غير أطيب. استمرت تحط لگل الجروح. وعمار كل شوية يدگ الباب وتگله بعدني ما خلصت. رفعت حواجبها مزعوجة من دگاته للباب وحچت: البنية: الله يساعدج ما أگول غيرها.

هزيت راسي وخف الألم بجسمي وحسيت روحي أحسن. غمضت عيوني مستسلمة للنوم. نايمة وأحس بأنفاس حارة على رگبتي. بثگل على گتفي. فزيت بسرعة وفتحت عيوني. شفت عمار دافن وجهه برگبتي ومحاوط خصري. دفعت إيده بقوة وصحت شايطة: لمار: كوووووم وخرررررر عنيييييي عماااار شوگتتتت تفتهـمممم والله لو يصيغووووووك ذهـب ماريدددددددك ماريدددددددد شوووووووكت تفكككككك ياااااااخةةةةةة منـيييييي شووووكت؟

فز على أثر صوتي العالي وگام يباوعلي ولصوتي العالي وعيونه حمر. دمارات رگبته بينت. قريت على روحي الفاتحة. بس ما سوى شي. إندار على الباب طلع وطبگها بقوة. الباب كل هـل طبگات ما نگسرت. والله نوعية أصيلة. تنهدت بخفوت ورجعت راسي. نايمة أفگر. التفكير آخذ حيز من حياتي ومن عقلي. تعبت حيل. طاقة بعد ما عندي. يـاربـي شـوكـت ارتـاح؟ والله تعبت حيل؟ ماريده وما أطيق أشوف وجهه. ماريد أي شي منه.

ربي سامحني على أغلاطي بس خلصني منه. والله تعبت. ماعندي أهل! ماعندي سند! ماعندي أحد! مابيدي شي ياربي بس انته التگدر تحلها. نمت وأني لساني يلهج بالدعاء. فزيت على طكة الباب. فتحت عيوني شفت عمار واگف مدام الباب. باوعلي من فوگ ليجوه وحچى بهدوء: عمار: امشي نروح نستلم النتائج. فعلاً گمنا من مكاني أبـدل بالگوة من الجروح البجسمي. أباوع عليهن شلون منظرهن يلعب النفس. أما عن الألم فـ ماكو لأن الدهن الحطته خوش نوعية.

بدلت ورحت. شفت سيارة شاهين گبال البيت. تنهدت مالي حتى وجهه. أبلــوه بوجهه. ما سمعت كلامه وفتحت الباب. إني ثولة. جر إيدي عمار وقفل الباب وراح يمشيني وهـو يحچي مدري يهدد. عمار: لسانج إذا طـخ ؏ لسان شاهـين ينگص مفهوم؟ هزيت راسي وصعدت. سلموا بهدوء وطول الطريق ما ينسمع غير صوت أنفاسنا وصوت دگات گلبي. رغم كل الي صار عندي شغف بالدراسة. مالي غيرها نجاتي من عمار. محدد يگدر يخلصني منه إلا الدراسة.

وصلنا للمدرسة ودخلت بسرعة. شفت يمامة وهيام. تسالمنا ودخلنا. حسيت نبضات گلبي تدگ ببطني والصدمة معدلي. شگد انقهرت؟ شراح أنقبل هسة؟ ثنينهن معدلاتهن عالية بس إني؟ جاننن يضحكن عليّ؟ وين راح أروح؟ شنو الشي البراسة خير الي راح يقبلني؟ تشوفوه موضوع تافه بس أخذ حيز من گسرة خاطري. مو حسد بس تعبت حيل وردت معدل عالي يفرحني ولو شوية من الحزن الي إني بي. بس معدلي زادني هم. زادني قلق. زادني حيرة.

محد حاس بيه. گلهـم حبالهم علاقتنا حلوة. عبالهم لسة إني لمار الغبية الي حبتة بالمطعم. محد يعرف شصار بيه. محد يعرف معاناتي. نزلن دموعي بقهر. حاولن يواسنّي بس ما گدرن. طلعنا تلگاني عمار. تعابير القهر البعيونه تكول صدك؟ معقولة حتى العيون تجذب؟ هـذه نفسة الطفّى الچگارة بيه! نفسة الي اغتصـبني! نفسة الـي گطع الحزام عليّ! نفسة الي كل يوم يضربني! يحچي وياي واني بالي سار. حـرگنا السيارة متوجهين لشقتنا.

فعلاً نزلنا يم الشقة ومرت الأيام ما تخلى لا من ضرب عمار ولا من مسباته ولا من اعتذاراته. ولا من حركاته المقززة. عرفت هيام قبلت تتزوج شاهين. وأخيراً شاهين رجال كول وفعل. هيام تعبت هواي هواي. تستاهل شاهين ترتاح وياه. إجا اليوم الي نروح بي للعراق حتى نخطب هيام لشاهين. فعلاً ودعتهـم وطلعنا متوجهين للمطار. وصلنـا. مر وقت وصعدنـا بالطيارة. كل خوف ماكو أصلاً. أتمنى الطيارة توگع وأموت.

مرت فترة ووصلنا للعراق. نزلنا. أحظات بعدنا بالمطار. دگ تلفون عمار رفعه يحچي: عمار: خٰير. إن شاء الله. له له له. عسـا ما صار الها شي. لا والله وصلنا للعراق. سلامات سلامات. استغربت وسگتت. صعدنا الجنط بالسيارة الي منتضرتنا. رگب شاهين بمكان السايق وانطا فلوس للي جاب السيارة. عمار صاعد بالصدر وحچى: عمار: يمامة ضاربتهـا سيارة. فتحت عيوني واندريت وبسرعة نزلت دموعي وشهگت. أجمع الحروف متنجمع: لمار: شـ شـنـ شنـوو شبيهـاااا؟

عمار: مابيها شي وداعت عيونچ والله مابيها شي. لمار: لااااا لاااااااا اكييييددددد داتجذببببببببببب خلللللل نرررررجععععععععععع؟ عمار: حلفت والله مابيها شييييييي! لمار: ما صدگ ما اصدددددددكككككككك هـو انتٍ منين تعرف الله. أحچي بهستيريا ودموعي وشهگاتي ما وقفت. وشاهين يصيح مابيها شي بس حبت تسوي أكشن ويا عرسي.

وصلنا للبيت بالشافعات. الطريق طويل وخلصته بچي وصياح وشهگات. نزلت للبيت أركض. رحت لغرفتي فوگ. ما شفت حتى منو طلع بوجهي. دفنت راسي بالمخدة أبچي وأشهگ. لا يربي كلشي ولا هنة. لا تختبرني بيهن. لا لا موتني إني. إني أريد أموت. إني أموت. گطعت شهگاتي على صوت عمار. فتح تسجيل مال مكالمة وذبه على الميز. واسمع التسجيل صوت رسل تحچي: رسل: لا مابيها شي بس إيدها مكسورة وجمجمتها. مرتضى: هدأت من روعي وابتسمت وحچيت بفرح:

لمار: عايشةةةةةة! ابتسم وحچى: مرتضى: بعدين أحاسبج على مال ما تعرف الله. لمار: ما تفوتك ترا جنت بحالة عصبية؟ هز راسه ينفي: مرتضى: ما تفوت. گتمت عصبيتي وأخذت ملابس ودخلت للحمام أسبح. سبحت ونشفت شعري وصفنت. الشهرية متأخرة. طلعت من الحمام وغلسـت على الموضوع. دورت بعيوني بالغرفة على عمار ماكو. خيولي بلكت فك ياخة. مددت على الجرباية وغفيت بسرعة. گعدت الصبح ونفس الحالة عمار ماكو. يربي شديسوي؟ شديخطط؟

بدلت ملابسي ونزلت جوه. شفت نبأ وأزل. سلمت عليهن سلام حار. أما البقية فـ سلام عادي. رحت للمطبخ. أزل يمي تسولفلي عن دگات حوراء الهايشة على گولتها. غسلت الماعين مال عشيرة. انگسر ظهري. عفت البيت وصعدت للغرفة. ميتة تعب. أول ما مدّدت ظهري حسيت على طگطگه بظهري. شوية ارتاحت. سگتت. غفيت.

گعدت على انفاس برگبتي. شي يعصر بخصري بقوة. فتحت عيوني من شفت عمار. دفعت إيده الي على خصري بس ما زاحها لأن لازمه بقوة. تمادى بلمساته. گمت أصيح وهـو يگتم صوتي بإيده. نايمة ووجع ببطني گتلني گتل. أبچي بسگوت وروحي أحسهـا تطلع وترجع. عمار بصفي غافي. ما تحملت من الألم وصحت بصوت عالي وأشهگ وأبچي.

فز عمار مخروع من شافني أبچي. وخر الغطة بسرعة. رفعت راسي أباوع على روحي وعيوني تشخصنت. وگلبي وجعني وزاد الألم من شفت الفرشة متروسة دم. "هيام" مجرد ما خلصت كلامهـا وگفت گدامهـا وحچيت ببرود: هيام: نشـوف. حچيتها وتجاهلت كلشي وطلعت. صعدت لغرفتي. أحچي ببرود بس روحي مؤجرة نار. مادري من شنوو؟ شبيج شبيج هيااام اصحي. هو شكو؟ وإذا تزوج تطلگين وخلص الموضوع. ضحكت باستهزاء وگعدت على الحرباية. شمتوقعة!

عروس ترجع بعد يوم من عرسها. حتى بهـاي مو مثل العالم. بأثناء تفكيري انفتح الباب ودخل شاهين. ما رفعت عيني عليه أصلاً. عيني متشخصه بالفراغ. دخل للغرفة بكل هدوء. گف مدامي رافع تك حاجب ومبتسم تك خد. تقرب حط إيده جوه فگي. رفع راسي. إجت عيني بعيونه. صفن. دفعت إيده وگمت واگفه مدامي وأحچي بعصبية وأشمر بأيدي: هيام: شاهين انتـه منطيهم وعد بس تزوجني تتزوج هذيج الكالت المرة عليها؟

صددددك تحجـييي لااااا ومن كل عقلك إني راااح أقبل مثلاااا؟ شاهين: أهـچدي عـش هـج مشـتعـلة؟ رفعت حاجبي وحچيت واثقة: هيام: بنت ألًٍ الڤهـٍـد ما تصـير فوگاهـا بنـيه! شاهين: عـش؟ هيام: شاهين انتة گلت تحرم عليّ بنوات الدنيا وأنتـي على ذمتي. حجيت هيج بالمعنى الحرفي وإني وافقت بيك على هـل أساس. تعرف الي يخلـف بالوعد شييسمـوه؟

إحتقـن وجهه. طگ رگبته. باوع بعيوني بنظرة أخيرة وفتح الباب وطلع. ثواني مرت واسمع صـوت الـعـيـاط والـهـوسـة. ما راح أرتاح إني. ما يجي يوم وأرتاح. سگتت. مـوجرة نار بكلبي. جريت ملابس ودخلت للحمام. عسى ولعل تخف النار الگابه بگلبي. من شنو مادري!

سبحت بهدوء وارتاحت. لبست الملابس ومشطت شعري وحطيت عطر وفرشت أسناني وطلعت من الحمام. صار بوجهي شاهين. نايم بس بنطلون. مشيت ليمه. باوعتً عليّ شفته مغمض ونايم. حطيت إيدي على تلفونه. أجره. نزيت نزه. عمري من صارت إيده فوگ إيدي على تلفونه! باوعلي عيونه حمر دم وحچى: شاهين: شعتسويـن بي؟ تتصلين على عمامج يولـي وسبع الگنطرة ما ترهملي حرمة غيرج. بلعت ريك وحاولت أخفي ابتسامتي وحچيت: هيام: أتصل على يمامة.

هز رأسه مبتسم وبعد إيده عن إيدي. أخذت التلفون ورحت بالصالة الي بطابق الثاني. اتصل على إبراهيم. ثواني رد: إبراهيم: ها شاهين شكو؟ هيام: ها إبراهيم شلونك. إبراهيم: هـيام! شلونج بويه خوما صاير شي وياج؟ هيام: لا ماكو شي أريد يمامة. تسالمنا ثواني واجت. صاحت: يمامة: هـاااا هـااا شكـووو ماگووو؟ لطمت بالجذب وحچيت: هيام: تخزيناااا ابراهـيم يمججج. يمامة: لا طلع كوليلي شلونج شخبارج والله اشتاقيتلج.

هيام: إني أكثر الحمدالله كلشي زين. خفت تروحين لتركيا. تنهدت بصوت عالي وحچت: يمامة: من بعد ما جنا ثلاثة خليتني وحدي. هيام: لا تقهريني أطلق وأجي وياج ترا؟ ضحكت وحچت: يمامة: لا أشاقةةةة وياج مو أكثر. المهـم انتي شلون الدوام؟ يعني الجامعة؟ تكملين السنة؟ رديت: هيام: على الأغلب إني أترك السنة لأن هم راحة تعبت حيل بالسادس وهم أقضي وقت أكثر وياهم وأعرفهم. وهم أشوف شلون نكمل بتركيا ننقل مادري بعد.

يمامة: حتى لو ردتي ما تگدرين؟ رديت باستغراب: هيام: شنوو؟ يمامة: بدأ الدوام واحنا ما مقدمين ولا كلشي مسوين واتوقف التقديم. هيام: عزززااااا وانتـي؟ يمامة: مادري. راح أرجع لتركيا وعلى الأغلب أبقى بالدار إلى السنة الجاية انتقل للأقسام. هيام: تمام إني أحاجي عمي. يمامة: لا عفية لا تحاجي. هيام: نجبـي نجبـي. فعلاً تسالمنا وحسيت بذنب فضيع. يمكن لو ما جبتهـا لهنا جانت تكدر تقدم.

تنهدت واتصلت على عمو جاسر. رد وتستلمنا ووصيته. وفعلاً. مال اعتبريهـا تمت. حتلو هو يكعدها ببيت من بيوتنا البترگيت ومشى الموضوع طبيعي. رجعت للغرفة مبتسمة. رجعت تلفونه لمكانه ورحت تمددت من الجهة الثانية. مجرد ما تغطيت انجريت من خصري.

إيده محاوط خصري والأيد الثانية بنص فروة راسي بين خصلات شعري. كل ثواني ينزل رأسه يشم هوه بشوغة من شعري. گلبي كان يدگگ ببطني من المستحى. أعضّ بشفتي. يبووو. أدور اتبسمرت بمكاني. لا إني الگدر اطلع ولا إني الگدر أتحرك. سگتت شوية شوية هـدت ونمت بهدوء. أول مرة أنام بدون أحلام! بدون كوابيس! بدون الأفكار التراودني! گعدت على دكة باب. طفرت فتحتها. طلعت زمرد گدامي مبتسمة. زمرد: دحگـي حرمة أخي الغالية. طر الليل تاتجون تتعشون؟

صاح شاهين من وراي فزعني: شاهين: تتجهزون بالأوقات الغلط. ضحكت زمرده ونزلت. واني هم رحت بدلت. وشاهين هم بدل. طلعنا واحنا إيد بأيد. نزلنا سوا. صفنت من شفت گاعدين على السفرة ولد اثنين ونسوان أربعة. صفنت فعلاً. وشاهين لاحظ بسرعة حچى: شاهين: أخوي عمر وابنه علي. مرته علياء. وحرمة أبوي نجلاء. وأمي تعرفينها. وزمرده تعرفينها. عفت كلشي ورگّزت على الولد الگال علي. علي ابنه. واتتت حجيت بلا ما أدرك:

هيام: هـسه هذوله أب وابنه. والله عبالي إخوان. صفنت من حچى علي يمثل الحزن: علي: عـش يولـي. هو گـلو عمري 26 سنة؟ تچيبـيني لابوي الي عمرو 42 سنة؟ رجعت مستلتة: هيام: عمر أبوچ 42؟ نزيت على صوت الضحك الطلع حتى شاهين. وهم وياهـم. گعدنا ناكل. وشاهين يفلس گدامي ويحطلي الخاشوگه ويمليها. واني أكلهـا ومزحمه نفسي. صار طول الأگل يداهرون. واني سگتت. لا أجفص. نزيت لمن حچى شاهين يم أذني: شاهين: احجـي يـولٰي. صوتـج طـرب لاذاني.

سگتت وخجلت. يبووو. خلصنا الأكل واني أول واحدة گمزت للغرفة. رحت بدلت ملابسي وطلعت من الحمام. صار بوجهـي شاهين. توترت وعفته ورحت لميز المرايا. رشيت عطر وحطيت مرطب مال إيدين. وما حسيت غير انجريت. من إيدي انطبگت على الحايط واجتمعت مشاعر بـ قبلة وتطورت المشاعر إلى. الحـب، واللهـفـٰه، والغـزل، والارادة، .. وانقلبت من لـيلـة عادية الـى لـيلـة ممـيزة. انقـلبت مشاعر الخـوف إلى فرح. وانقلب الرفـض الـى قـبـول.

وانقلب الاعجـاب الـى حـب. وانقلبت ليلتنا من عادية إلى لـيلـة مليئـة بـالحـب. تـجـردت روحي من شـي اسمه خوف وانخلـق بمكانه شعور الحـب والهـيام. يتبع .....