رواية ذيب الغربية الفصل الرابع والثلاثون 34 - بقلم طيبة وليد

بهت لون وجهي مصدومة بنطقه للكلمة. مشاعري وقفت وأفكاري كذلك، ما فكرت ولا حسيت بشيء. رمق شاهين نظرة حقد وطلع من المكان يهرول. تركت المكان وطلعت للصالة صافنة، ما مستوعبة شصار؟ معقولة هاهيه خلصت منه؟ بوجهي تلقتني هيام تنطط بمكانها من الفرح. شاهين: وخدر العلوية! تحمدين ربج حامل. هيام: وإذا مو حامل شسوي؟ خزرها بحدة وتركها وصعد لغرفته. ميلت شفتها هيام بعدم مبالاة وكالت: هيام: دفرحي يحضي! فوك ما أكلت رزالة تسوى عمري.

أم شاهين: تگضبن لسانج يمصگوعة. هيام: وهسه شسويت؟ زمرد: وتسأل! هيام: ونبي هي طلعت وحدها من الفرحة. بقيت ساكتة ما عرفت شحجي وشنطق، ما مستوعبة وين أروح شراح يصير. لمار: وين راح أروح؟ شفت نظرة أم شاهين تجاهي، جانت نظرة عطف وحزن. أم شاهين: تا تزتج بالشارع مو زلم ويخلونچ يمهم؟ لمار: لا واللـ. شهكت بالبجي وما كملت كلمتي. نزلت دموعي تحرك حدي، شبيه؟ ليش أبجي؟ حتى أني ما عرفت جواب هل أسئلة، يجوز تراكمات.

أم شاهين: يااع يااع، عش تبچين؟ هيام: هاي أم دميعه مو مثل هيام طايحتله دم رزايل ومتبچي. إجت هيام تكعد يمي تحضني، أعرفها تسوي هيج علمود تغيرلي جو. زمرد هم كعدت تضحك، وأم شاهين كعدت تصف على هيام. همست هيام بأذني: هيام: شنو وين تروحين؟ صايرة سخيفة زيادة! وهاي شواربي مو بعينج؟ ضحكت بقوة من حجتها، ما كدرت أكتم ضحكتي وهي ابتسمت وتچت راسها على تچوة التخم تمسح على بطنها. لمار: شوكت تجيبين؟ هيام: اهوووووو، بعد شگددد.

شاهين: صوووووتج. أجانا صوت شاهين من فوق يرعد رعد. گطعت حتى النفس من الخوف، مو بيدي بس أخاف. صرت.. بس هيام ما اهتمت. زمرد خافت وهي ولا يمها الموضوع أساساً. أم شاهين: عصبي، روحيلو. هيام: وين أروحله؟ لا عيني متشوفي عصبي؟ أم شاهين: روحيلو تا يهدئ. هيام: لا عيني، انتِ أمه، انتِ روحيله. أكيد يهدئ من يشوفج. أم شاهين بمكر: روحيلو والبسي له المزند تا يهدئ. عضت شفتها هيام مستحية وهمست:

هيام: ساعة السودة الشتريت بيها فستان گدامج. أم شاهين: روحيلو روحيلووو، هيري هسااع. ضحكت هيام وباستني بخدي وصعدت ليفوك. أم شاهين راحت لغرفتها، وزمرد جرجرتني وراها لغرفتها وكعدت ترتل قرآن على راسي. نزلت دموعي بسكوت، حيرة، خوف، بداية، نهاية؟ ما عرفت شنو وين وشراح يصير. تعبت وما بيه بعد أقاووم. يجوز هاي بدايتنا ويجوز هاي نهايتنا.

بيني وبينكم الحجي، أول ما سمعت نطق الطلاق هلهلت. ورحت أركض من باب المطبخ، أول ما شفت عمار طلع. صحت وراه: هيام: اللبـس حجاب وغم روحك يا عار. حجيتها وبسرعة دخلت وسديت الباب، لا يجي شاهين أنوب يطيح حظي. رجعت بسرعة لهناك، شاهين بعده مصدوم من هلهولتي، بس يووو غير فرحانة! ولمار هاي أشعار آخر مطي ومربوط، صافنة عليمن مادري! هو تگ نعال وخلصتي منه، ولحد يكلي ليش تگ واحد!

وگفت بالمطبخ وشاهين بسرعة إجة عليّ، عيونه براسه ههههه، براسه لو بخشمه؟ تحلموني الحمل ماثر عليّ. شاهين: تا تگضبين لسانج تا ما أكضبو. هيام: شاهينو، هاي عليّ؟ شاهين: لا. حجاهـا وطلع من المطبخ. نعم، هذا حبيبي. إذا جنت غلطانة أو مغلطانة ميحجي وياي بطريقة مو حلوة. وهل شي مع الأسف خلاني أستهتر! أستهتر؟ شهل مصطلح السخيف؟ لا طبعاً، بس أحب هل نقطة وأضل أدردم.

بعد ما حاجتني خالة، گمت بسرعة متوجهة لغرفتنا أني وشاهينو، وهو صاير نار. دفرت الباب ودرعمت للغرفة. شفته متمدد وحاط إيده مغطي عيونه. لا، هاي معناها هو گاعد بس معصب! مو خوش سالفة. طبگت الباب مثل الحبابـة. ورحت للگنتور أدور ملابس، أريد أسبح وقاطعني صوته وهو يكول: شاهين: شوكت تعقلين؟ هيام: ونبي مو قصدي، هي وحدها طلعت من الفرحة. طفر بسرعة من الجرباية يوكف كدامي. هذا مو صاير نار، هذا صاير بركان!

عيونه مخلوطة بدم وصوته بي قهر. اتخذت خطة B وقررت أكعد أدلع وهو يرضى. هو بسرعة يرضى وحبوبي وحامل هم غصباً عليّ يرضى. تقربت بسرعة حاوطت رگبته ورفعت رجليه، أطبع بوسة على خده. من حسيت هدأ ورخى، طبعت بوسة على خده الثاني وعلى گصته وعلى خشمه، وبوسة لطيفة على شفايفه. ومشيت إني بلحيتـه الكثيف. مو بس استمتعت، لا طربگتتتتت! وانربطتتتت!

ويا صوت دگات گلبه المتضاربة ومحاوطتـه لخصري، يقربني اله أكثر ويرفع راسي. يشجعني أستمر أبوسه. ما كدرت أتحمل وضحكت. فتح عيونه الذبلانة ودفعني عنه بزعل. شاهين: تلعبين عليّ؟ شاهيني، صاير حساس! منو الحامل، أني لو أنتَ؟ وهنا طفح الكييييل! لج شدجفصيييين! اشتعلت روحج! أجيتي تگحليهااا عميتيها يثولة! لو ساگتة أحسلج! كله من وره أم شاهين! گلت لها ماريد أروح! دعوفي المرة بحال سبيلها! وباوعلي لـَ الخازرچ وراح يموت من العصبية.

ونبي مو هيج قصدي! أني داچفص هواي بس أنتَ ما تعذرني! أصلاً صاير ما تحبني! متغير عليّ! گعدت على التخم أسوي روحي زعلانة. وهو أني من الخوف رجليّ بعد ميحملنـي. حطيت إيديه ثنينهن على بطني أمسد عليها وأحجي بقهر، بلگت بنقهر عليّ وينسى! والله أني تعبانة هواي ترا حامل بابنك هم! ولمار ضوجتني من گالتلي على عمار يضربها! هو شيحس؟ شنو يضربها؟ والله أكسر راسه! والله يحمد ربه أنتَ رحت گسرته تكسير! والله جان أني رحت!

سمعت شمسوي بيها حقير كلب! مخليها بدون أكل وعطشانة! حيووووان! والله أطيح حضه! أحجي وأبچي. أخذني الواهس من القهر. ثواني وحسيت شاهين يگعد بصفي، ينوّم راسي على صدره ويهدئني. هيام: أي أي، احضني بعد. بسرعة وخر راسي من على صدره. لا يااا اءءء، انجبـي لتغلطين! عافني وراح ينام وتغطى بدوني؟ ماهذه القهر يا سادة! رحت وره أجر بالغطا وأگعده. هيام: كوووم شاهين كوم كوم احضني ونام! شنو حاضن الغطا؟ ما جاوب. اشتعلت شعل!

أخذت ملابس ورحت للخطه c. سبحت وطبعاً جيت مكياچ. خطيت حمرة حمرة صاروخ ولبست الفستان المشلخ المخلع، بطني طالعة ورجليه طالعات، فاضح أكثر من ما ساتر. فليت شعري كله وشسورته وكويته وحطيت كُحل ومسكارة. وباوعت لروحي ودزيت بوسة لنفسي. شنو هل جمال؟ شنو هل طول؟ شنو هل عيووون التسحررر؟ شنو هل حمرة؟ شنو هل ذووق الراااقي؟

فتحت القفل وطلعت ومتأكدة شاهين ما نام. هو أصلاً ما ينام بدوني، حتى إذا أنزل جوه يبقى منتظرني إلى إن أجي وأتوسط أحضااانه ياله يگُدر يغفى. باوعتله، لسه نفس نومته. رحت للتلفزيون وطلعت أغنية رقص وردح وهلا وهلا. وطلعت أغنية "بويه الهجع". رغم أني لا يم الهجع ولا أعرف شنو أصلاً، بس الأغنية عجبتني مال رقص. أول طلعتها نصيتها علمود تبقى بس بغرفتنا. زفر نفس شاهين وصاح بدون ما يباعلي. شاهين: انهبلتي؟ هيام: أريد أركص.

شاهين: شنو انـ... قاطع كلمته أول ما رفع راسه وباوعلي. لحظة، هذا صفن لو سرح؟ هيهيهااااهيييييي! طبعاً يصفن! غير طالعة تصفنين! المايصفـن دنجبي! هو هذا هم حجي؟ كعدت أرزل بروحي وما اهتميت. وطبعاً جانت عندي طاقة سلبية وبلشت بالركص، ما مهتمة لعيونه الترگُض وراي. بلشت برگُض، ما خليت رگصة تعبت عليها. لا هز كتف ولا هز خصر ولا أشياء ثانية احممم.

تعبت كلشَ وبعد مابيه حيل. وگفت بمگُاني، آباوع على شاهين. عيونه حتى ما ترمش وتركض ركض وراي، رافع تك حاجب. بلحظة سريعة كام وصار كدامي. شاهين: النبض. هيام: عيونها المايشوفون غيرك. شاهين: الله! تا ما تكولين شوي على گلب هذا المسكين. هيام: هسه مو زين فوگ مدا أركصلك؟ شاهين: لااه لااه، زين زينات. حجاهـا وسحبني من خصري، يقربني اله ويلتـهمني بنظراته. ركز عيونه بعيوني. شاهين: هـيمان بعيونچ وسبع الگنطرة.

هيام: وسبـع الگنطرة هيامك هيمانه بيك كلك. قرب راسه يقبلني ويحاوط خصري، يأخذني لعالم بس أني وهو بيَ، محد غيرنا. نعيش همساتنا ولمساتنا وحدنا، بضحك وشقة وفرفشة ودلعي وعصبية تبرد. بس أبـاوع بعيونه، أي نعم، نقطة ضعععفه عيوني! يعشقنـن عشق غريب، يموت عليهننن. وهل شي طبعاً من صالحي. قريت راسي من راسه، أبـاوع بوجهه وأتمعـن بخلق الخالق. شاهين: چؤ، تا لا تدحگيلي هج. هيام: ليش؟ شاهين: خضار عيونج يخضـر صحراء گلبي.

ما فهمت شنو القصد ولا اهتميت بالجملة، جنت سرحاااانة بجماله. كل شويه أكول معقولة هذا اليشك شك رجلي؟ آثار الحمل هاي عيوني. هيام: شاهين. شاهين: عيونو. هيام: شاهين. شاهين: گلـبو. هيام: راحتـو. شاهين: قوتو. هيام: عمرو. شاهين: جلاوينـو. هيام: نبضـو. شاهين: أي نعم، هاي المطلوبة. ضحك بصوت عالي، يدري بيه أحب هل كلمة ويخبث يكول الگُل وما يكولها بالأخير. تعب وكالها. ضحكت ويا علواهس. هيام: أحبك شاهينو.

شاهين: اليوم المشاعر چياشة. هيام: مو صوچك! شاهين: جؤ دحكي، إلا زعل النبض. هيام: وإذا زعلت؟ شاهين: أموت. هيام: أييييييييباه. ضحك بصوت عالي وأني طنـگـرت. فوگ ما أتغزل وأضحك ويا، أنوب معاچبه! والله يا الله. هيام: صدك لو گالت أمك الزلم ميملي عينهم غير التراب. رفع عينه خزرني وأني بسرعة حجيت. هيام: أني معععليييية! اممممك! امممك گالت! ونبي أني گلتلها يا خاله! ابنچ أموت عليَ! لتحجين عليّ! بس هي ضلت تحجي عليك! أني معلييييية!

شاهين: مصدگچ. وطبعاً ممصدگني. أهم شي ما يعصب اليوم. شكو ويا الچفصات هيااام وتالي إلا تنگتلين! شنووو نعم! منو يكتلنـييييي!!! طبعاً هاي أني وشخصياتي دنتعارك. نقاش عائلي داخلي حاد جداً. قاطع صوت عائلتي، اءءء شخصياتي، صوت شاهينو وهو يكول. شاهين: تا ترديني أموت؟ هيام: يااا! ونبي ما قصدتها! شاهين ليش هيج تحجي؟ أني وين أكدر أعيش بدونك حتى أريدك تموت؟ والله ما أكدر أعيش بدونك! أحبك كومه! والله حيل أحبك!

أصلاً أتمنى أموت قبلك! بسرعة بچيت، ما تحملت. كأن هذيج الطفلة الگلتلها إنها راح أموت وبجت. هسه شاهينو گالي راح أموت وهم رجعت بچيت. لأن فعلاً شفت بيّ كل العائلة والحنية والحب والاهتمام. أعشقه بمعنى الكلمة وأموت بيّ هم. جر راسي لحضنه يمسد عليّ ويعتذر لأن بچاني. مسحت دموعي وهمست بدلع. هيام: ترا هاي مو أني دابچي. شاهين: لا، أني. هيام: شنو دتستهزء؟؟ ترا مو أني هاي! بنتك هرموناتها عالية! شاهين: فديتها.

هيام: شنوووو يمممه شنوووو؟؟؟ شاهين: احم. هيام: فديت بنتك مو؟ بعد واني بعد متحبني؟ وين أروح؟ ما عندي أب! عبس شفته فوراً وفرگ وجهه بعصبية. بوس خدودي ودفن راسه بشعري يهـمس. شاهين: تا لو تصير بنات الدنيا كلها هين، محد تجي بمعزتچ! ولچ أنتِ النبض المايعيش بدونو! شاهين! أنا ميت عليچ! هيام! أنا هيمان بعيونج وميت بطاريچ! ولهانچ وعاشگچ وهاويچ! ابتسمت وضميت وجهي بصدره. حجيت ببلاهة. هيام: خشمك حلو. شاهين: خشمچ أحلى.

هيام: عيونك حلوات. شاهين: عيونچ واراتني ور وخدر العلوية. هيام: حلكك هم حلو. ضحك وعض شفته يغمزلي. لحظة، هيام تخبلتييييي! شدتححححجين! شاهين: شفايفچ مدوهـناتني تا اگلهـن. ضحكنا وبقينا على هذا الوضع نسولف، نضحك ونشاقه. أجفص ويعبرلي إلى إن نمت. فجأة حسيت بشاهين يگعدني. فتحت عيوني بالكوة أبـاوع. عگدت حاجبي من شفت شاهين مبدل وبأيده تلفون. شاهين: طالع أنا حبيبي. هيام: وين؟ شاهين: من أجي أگلچ، ارجعي نامي.

ما گلت لا، رجعت راسي ونمت مطفيييه. وره فترة طويييييلة من النوم كعدت. باوعتً على شاهين ماكو. لحظة، لسه ما رجع؟ هو شوكت طلع؟ أمداج شكد فاهية! متيهـه رجلج! لحظة، خاف دَخووني! يبووو! بدلت ملابسي وتوجهت لغرفة زمرد أشكي لهن! أول ما وصلت درعمت عليهن بدون احم ودستور. ضحكت بصوت عالي من شفت زمرد دتبدل بسرعة. راحت على الجرباية تغطي روحها، ولمار نايمة العوبة. زمرد: العرررررمممة. هيام: يبووو، راح أدير وجهي وبدلي.

زمرد: عش تا تديرين وجهچ، اطلعي. هيام: أياً نعال تطردينيييي؟ زمرد: أوف من العرامه. درت وجهي وهي بدلت بسرعة. وكفنا يم راس لمار نكعد بيها وهي متقبل تگعد. جزعت زمرد وعافتها وطلعت. بقيت يمها أصيح عليها وهي نايمة. هيام: هايييي شبيج دخلتي باگتأب لأن تطلگتي من هذا السبلوووح! لمار: نعسانه. هيام: تگومين لو أشگج هسه. لمار: يوووو، أريد أنام. هيام: تگومين لو أدوس بـ.. ما خلتني أكمل وكفختني على حلكي وصاحت. لمار: عزااا، عيب.

هيام: وتااالي تكومين لو أدري بــ. لمار: عزااا، لا يا مستهتررة. هيام: وهسه أني شگُلت؟ أنتِ من تزوجتي عمار العار استهـترتي. لمار: لا والله، أنتِ من تزوجتي ذيـب الغربيه استهـترتي. هيام: اوي فدوه لذيب الغربيه. لمار: دنجبي. ضحكت عليها. المهم كومتها، گامت وهي تدردم عليّ. لمار: جنتي قبل بس غلط، لا هسه صايرة فشار! عززه بعينننج. هيام: وين مفشره؟ لمار: ومنو البارحة فشّرت على عمار؟ هيام: ياا قصدج لأن كلت عليَ گ*** هاي مو فشورة.

لمار: لعد شنو غزل؟ هيام: لا، مدح. لمار: شبيج احجيلي شو وصلچ لهل مواصيل. گعدت كدامي وكمشت إيديه تحجي بحزن حقيقي، وأني أتفاعلت وياها بسرعة. هيام: لا، ما أسولفلج. لمار: ليش! هيام: ولج إذا سولفت تنقهرين. لمار: ليش شكو؟ ذيب ما حاضنج ونايم؟ هيام: لا حبيبي يحضني كل ليلة. لمار: اها، طمنتيني. لعد شكو؟ هيام: شاهييين. لمار: شبييي!!! هيام: ديخووووني!!!! لمار: شنووووووة!!!!!!!

ثنينا نعيط. واحدة وثنينا دنمثل. أول ما خلصنا انفجرنا من الضحك. بوجه بعض واختنقنا. هيام: تعاي نتصل بيمامة. لمار: ماشي. هيام: ماشي لو گاعد؟ هههههههههههههه. غمتني واني سحبت تلفوني أتصل على يمامتـي. گامره تجمهرنا أني و لمار گدام الكامرة منتظرين الخاتون ترد. يمامة: بناااااااااتي. هيام: شوكت تزوجتني وصار عندي بنات؟ يمامة: خاني التعبير، لحظة لحظة صدك تطلگتي؟ عزا يبو كللللللووووووويش. لمار: شبيچنن بس تهلهلن. هيام: وجع!

فوگ ما فرحانين الج. لمار: ما تقدر النعمة. لمار: رجعت حليمة لعادتها القديمة، رجعتن تصفن عليّ! يمامة: انجبـي ويلا تعاي يمي. هيام: وين! يمامة: يمي غير؟ لمار: شنو بيت عمو جاسر صار دار أيتام؟ هيام: إنجبي، البيت بيتچن، بس شلون واني أبقى وحدي هنا؟ لمار بغمزة: ليش وذيبووو وين! يمامة: هو ما باقي شهرين وينفتح التقديم. هيام: صدددك! يمامة: أي والله. هيام: شمدريچ؟ يمامة: حاسبتله يوم يوم. هيام: عفيه عفيه.

يمامة: لا جديات راح ينفتح. هيام: جديات لو بيبيات؟ هيهيهااااهيي. يمامة: لا عفيه كولي غيرها، شنو هل تفاهة. هيام: غيرها. لمار: اعوووو، لا تصيرين ماصخة كافي. هيام: حطيلي ملح. يمامة: حلوووه حلوووه حبيتت هههههههه، لمار اعووو شنو انگلبتي اچلب؟ لمار: استغفرالله. يمامة: Impossible, what is this religion? هيام: مو سالها كم يوم يم زمزم صارت متدينة. يمامة: مع الأسف، أني گلت هسه عمار طلعها من الدين. لمار: اووووف.

يمامة: حرام الأف. لمار: ليش بله؟؟؟ يمامة: لا تقل أف لوالديك. لمار: قنادري ما تصيرن مو أنوب أهلي. هيام: ما أمسحلچ ما أمسحلچ، أني راح أصير أم!! يمامة: تمسحليها؟ ليش مو تگنسيلهـا؟ لمار: اعوووو. يمامة: هاي اليوم شبيها بس تعوعـم. هيام: يااا ما كتتتتلج!!! لمار: شكوو. هيام: لمار صاير بيها داء الكلاب. يمامة: ههههههه حقها إذا عاشرت عمار الكلب مو بس يصير بيها داء الكلاب، يصير بيها داء الزمايل. لمار: استغفرالله.

يمامة: I can't believe what my ears are seeing, what this religion is! هيام: اليوم بس ترطنين انگليزي. يمامة: اشتقت لأصلي. هيام: ترا أصلنا عراق. يمامة: أني ما أعرف أصلي شنو. هيام: لو ما أصلچ عراق ما ذبوچ بيت أيتام عراقي. يمامة: ممكن علمود ما يثيرون الشبهـات وادور عليهم بتركيا. هيام: مستحيل تلگيهم أساساً. يمامة: هو منو دور عليـهن؟ عساهـم بجهنم الحمراء. لمار: حرام! يمامة: حرام مو؟ أي صح الحرام عليّ!

مو حرام من ذبو طفلة يم زبالة ميتم؟ مو حرام من خلوها وحدها بنص الليل وطلعت رسل شافـتني وأخذتني؟ مو حرام من خلوني بدون أصل؟ مو حرام من حرموني شوفتهم؟ مو حرام من تخلو عن بنتهم من لحمهم ودمهم؟ أنتِ شتحجين؟ لو أگُل لحمهـم واشرب دمهـم ما يبرد گلبي!! حجتها وسدت التلفون بوجهنا. بقيت باهتة بمگُاني. انداريت على لمار شفتها تبچي بسكوت. هيام: ليش هيج تحجين وياها؟ لمار: والله مو قصدي أنـ.

شهگت بغصتها وما كملت كلامها، تأخذ نفس بلگُوه. حضنتها وهي شددت حضنتها عليّ تبچي وتحجي. لمار: والله مو قصدي بـس أخاف عليها من الحرام، هذا قصدي. ما أريدها يصير حرام عليها، والله. هيام: ليش أهلها هم عليهم حرام؟ هذوله حيوانات لو نسيتي؟ لمار: ما نسيت، ما نسيت. هيام: ما عدنا عوائل غير بعض احنه، عائلة واحدة وبس! من يمته نجيب طاري الأهل؟ لمار: ما أعيدها، ونبي ما أعيدها.

شهكت تبجي وتتصل على يمامة. يمامة نفسيتها تعبانة. زهراء سقطت بنتها مع الأسف. خسارتها جبيرة حيل. هم بنتها وهم أختها! يمامة جانت وياها بالمستشفى البارحة رجعوا. الوضع مو زين يمهم وزهراء منهارة كلشَ وما تكدر تتخطى، ومحد يلومها أساساً. فتحت يمامة الاتصال ولمار تبجي. يمامة: كافي أم دميعه! شحاجيهـا وياج هسه أحنه؟ هيام: اسفه ونبي اسفه. حجاهـا تبجي وتشهگ. أي نعم، هاي لمورتني تبچي على كلشي. حبيبتنا الصغيرة. الله يأخذك عمااار!

گعدت تراضي بيها لمار وهي أساساً ما زعلت بس انهضمت. تراضوا، عفتهن يحجن ونزلت جوه. بالي ويا شاهين وينه؟ بينا دافكر بي دخل. رفعت عيوني أبـاوعله. ابتسم أول ما لمحتني. رفعت تك حاجب ونترت بي. هيام: اللحگني للغرفة. حجيتهـا ودرت وجهي أصعد الدرج بخطوات سريعة. عود أني شخصية وكذا، أي لعد شنو! أريد أعرف وين جان! عشتووو! دخلت الغرفة وهو دخل وراي. سد الباب وباوعلي. رفعت حاجب وتخصرت گدامه. هيام: وين چنت؟؟ شاهين: احم، شغل.

هيام: شغل! عفتني نايمة ورحت؟ شاهين: گعدتچ. هيام: بس ما گلتلي وين رحت؟ وين رحت؟ شاهين: شغل. هيام: شنو الشغل؟ شاهين: تغار النبض؟ هيام: أفففف شاهين ألف مرة گلتلك مو بس أغار! اشتعععل! شاهين: لاهه لاهه، چؤ چؤ، عش يولي؟ هيام: لانو أنتَ زوجي وأبو طفلي وحبيبي وعمري وحياتي وأريدك بس ألي! شاهين: عجل هو أنا لمنهـو؟ هيام: وين جنت؟ بس لا جنت يم رنين؟ شاهين: رنين!! عش رنين؟ هيام: حبيبي شنو أنتَ ما شفت نضراتها؟ ما شفت كلامها؟

ما شفتهها كلها؟ ترا واضح تحبك. شاهين: عش مشتعلة هچ؟ هيام: بس لا تريدين تتزوجها؟ شاهين: لآه يولي! عجل اكو زلمة يترگ الگمر ويروح للنجم؟ هيام: تريد تزوج؟ شاهين: اتزوج رنين؟ هيام: تزوج رنين لو مفراس؟ انهار بضحك رغم السالفة ما تضحك. واني تفاهة زايدة من عندي. بس هو طبعاً مستريح والموضوع يمه كلشَ نايس وحلو ومستانـس على الوضع ومستقـتل، يحرك دمي ويشوفني مشتعلة يعجبه هل شي. حطيت إيدي على بطني وأني أمثل القهر.

هيام: حرام عليك تحرك دمي هيج! ترا حامل تطلع بابنك! كتم ضحگته وباوعلي. لازم ضحگته وعاض على شفته. گام من مكانه وكعد بصفي. جرني من خصري يگعدني بين رجليه ويبوس بخدودي. شاهين: عش محترگه؟ أنا أبـدّلچ يولي! مهبول أنا! عايش عمري لخاطر أدحك ضحگتچ! أنا عايش لخاطر صوتج وعايش لخاطر عيونج! عاشگچ وخدر العلوية وأبو راس الحار! عيوني أشلعهـم من جدرهـم إذا يدحگون لغيرچ!

رفعت راسي وطبعت بوسات على وجهه متفرقة. رخت قبضت إيده الي على خصري وساح. ضحكت وگمت من حضنه أضحك. فتح عيونه يباوعلي. عض شفته بهـمس بحرگُه. شاهين: هـتره تا اگضبچ! أشلع شفافچ! Why this violence? هيام: أحبچ يمصگوعة. شاهين: هاي شنو ليش دائما اعترافاتـك بوقت خطئ؟ وبدون تمهـيدات؟ شاهين: أحبچ وأبو راس الحار. شگُل على أحبچ؟ ضحكت وادري بمعنى أنتِ هم گوليلي أحبچ لأن صار بيّ نقص حنان. ههههه. هيام: أني هم أحبك!

أموت عليييييك حبيبييييي! كلبي عمرييييي! أبو بيتيييي! أبو جهالي! قرة عينيييي! صفن بوجهي وطگهـا ضحكة. جرني من إيديه يبوسهم ويهـمس مكزكز. شاهين: مملوحُة مملوحُه! ميت بيچ النـبض. هيام: قصدك دمي بي ملح؟ شاهين: أي. هيام: شوف أني شلون ذكية. شاهين: أي. هيام: حتى طلعت معدل عالي! هگُرت السادس. شاهين: أي. هيام: أني أحبك. شاهين: أي. هيام: وجعععي.

طلعت من عندي لا إرادي. شهگت ورفعت راسي أبـاوعله صافن عليّ. ما مستوعب شحجيت. ضربت حلگي بخفة أصابعي. أهمس. هيام: ونبي مو قصدي والله! عبالي يمامة نسيت! ونبي نسيت والله اسفه! أني لساني فالت صاير حـ.. قاطع كلامي من نزل نفسه يبوس شفتي بقبلات خفيفة. أنفاسه على وجهي وخشمه يمشي على خدي ويطبع بوساته بشكل خفيف. سند گصته على گصتي محاوط خصري بتملـك وأنفاسه تضرب بوجهي ونبض گلبه يوصلني.

شاهين: شفافچ نخلقن ينباسـن تا ما يصير ينضربـن يالنبـض. بلعت ريك متوترة. وكأن أول مرة يتقرب مني. بس هل مرة المشاعر جياشة منه ومني. حاوطت رگبته وطبعت بوسة على عيونه ثنينهن وأحجي البگلبي. هيام: أحب عيونك هواي! أحب كلشي بيك! كلامك، غزلك، ضحكتك، غيرتك، خشمك، شفايفـك، شخصيتك، سمارك، شعرك، إيديك، عضلاتك، دلعك الي، روحك الحلوة، وآخر شي أعشق إنك تدري إنّي اچفص وما تزعل، وتحبني هواااي وأعشق حبك الي. هسه عرفت شگد أحبك؟

حسيته طار طيران من كلامي، بس هذه توقع! لأن فعلاً شالني بأيديه يفرني ويضحگني، وگالعادة يهمس "اضحكي، ضحكاتچ طرب لكلب شاهين". گعدنا عاقلين بعد ما گلبنا الغرفة گلاّب من الضحك والرفس والعرگ والضحك. توسطت أحضانه، متناسيـن كلشي بهل دنيا. هيام: بيمنن تفكر؟ شاهين: بعيونچ. ضحكت أغطي وجهي. ما توقعت هل جواب. هو الواحد مرة يجيب الخجل لروحه؟ دسگتي! مر اليوم طبيعي يخبل إلى ان صار العصر انگـلب كلشي علينا.

نزلت من الغرفة أمشي بهدوء. شاهين نايم لأن تعبان ما نايم هواي وطالع من الفجر. ولمار نايمة ونزلنا أني وزمرد جوه نسولف ونضحك. أول ما وصلنا الصالة اتفاجأت بوجود نسوان جوه. هيام بهمس: منو هذوله؟ حجت مرتبكة. زمرد: مرته لحر وأمُه واختُه وخالتُه وعمتُه. هيام: وعشيرتـو؟ شعجب ما جايين؟ غمتني وكالت: هيري تا نروح نحضر ضيافة. no no I am pregnant.

هـو، همستها وراحت لأن زمزم متعرف إنجليزي وأحنه نرطن برأسها. لأن فعلاً اشتقت لتركيااا حيل حيل، بس طبعاً مو گد السعادة العايشتها حالياً. عفتها ودخلت لصالة. گامت النسوان تسلم عليّ. طبعاً ما أحجيلكم نفشت روحي لأن حسيت روحي فدشي مهم. المهم سلمت عليهن وگُعدنا. همست واحدة. واحدة: منهو هاي الحليوه؟ هيام: ياع هاي حرمة الذيب. واحدة: ياع تا گلت أخذها لابني. هل حلوة ما تتفوت لگطة. هيام: أي عجل ذيب. غشيم؟

واحدة: ياة ما شاء الله. فدوه لهل وجيهه الحلو. يمه يستاهل ذيب هيج حرمة. فدوه لهل عيون الخضرة. هاي تعاي أحبچ. جرتني وباستني. بقيت صافنة. اتبسم. حچوا بمواضيع مختلفة. الموضوع طبيعي. مرت حر تبتسملي. ابتسمت بلگُوه. مدري شلون أباوع. توقعتها زيارة عادية إلى ان حجت المرة أم حر. الصدمة صدمتنا كلنا وبقينا صافنين.

أم حر: أي يام شاهين خلنا ندخل بالمفيد. أنا جايه على سنة الله ورسوله اخطب زمردة لحر. وهو ابنكم ماكو داعي نحجيلكم بأخلاقـه وماله... يتبع...